ᑯᕆᓐᑎᐊᒥᐅᓄᑦ ᐂᑉᐸᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᖃᓄᑐᐃᓐᓇᖅ ᐅᑯᒤᒃᓴᕐᑎᑕᐅᕗᒍᑦ, ᐊᔪᓕᕐᑎᑕᐅᓇᑕᓕ; ᖁᓚᕐᓇᕐᑐᒦᑎᑕᐅᕗᒍᑦ, ᓴᐱᓕᕐᑎᑕᐅᓇᑕᓕ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:8 Iomraidhean Croise

ᐃᓐᖏᕈᑎᑦ 129:2

“ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ; ᑭᓯᐊᓂᓕ ᑖᒃᑯᓄᖓ ᓵᓚᒋᔭᐅᓚᐅᓐᖏᓚᖓ.

ᐃᓐᖏᕈᑎᑦ 37:33

ᐊᑕᓂᐅᑉ ᓴᒃᑯᓐᓂᐊᖏᓔᑦ ᐊᒡᒐᒥᓂᑦ, ᐸᓯᔭᒃᓴᐅᑎᓐᓂᐊᓐᖏᓛᓗ ᐃᖅᑲᕐᑐᕐᑕᐅᒃᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:26

ᐊᑕᓂᕐᒥᒃ ᓯᕘᕋᔪᑦ ᓴᐱᖏᓐᓂᕐᒥᒃ ᑎᒍᒥᐊᕐᐳᑦ, ᕿᑐᕐᖓᖏᓪᓗ ᕿᒫᕕᒃᓴᖃᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:10

ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.

ᐂᓮᐊᓯᐅᑉ ᐊᒡᓚᖏᑦ 40:31

ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᔪᐊᓇᓯᐅᑉ ᐊᒡᓚᖏᑦ 14:18

“ᐃᓕᐊᕐᔪᒃᑎᑐᑦ ᕿᒪᖕᓂᐊᓐᖏᓚᑦᓯ; ᐅᑎᓛᕆᕗᖓᓕ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:13

ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᑕᐅᕙᒃᐳᓯ ᐃᓄᐃᑦ ᐊᑐᕐᐸᒃᑕᖏᓐᓄᑦ ᑭᓯᐊᓂ. ᒎᑎᓕ ᓱᖁᓯᔪᐃᑦᑑᒐᒥ, ᐱᔪᓐᓇᕐᑕᑦᓯ ᐅᖓᑖᓄᑦ ᐱᐅᓐᖏᑐᒧᑦ ᐱᔪᒥᓵᕐᑕᐅᑎᓐᓂᐊᓐᖏᓛᓯ. ᐱᐅᓐᖏᑐᒧᓪᓕ ᐱᔪᒥᓵᕐᑕᐅᑎᓪᓗᓯ ᓵᓚᒃᓴᕈᑎᒃᓴᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᓵᓚᒋᔭᐅᖁᓇᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:12

ᐅᕙᑦᑎᓐᓄᑦ ᓄᖅᑲᖓᑎᑕᐅᓐᖏᓚᓯ, ᐃᓕᑦᓯᓐᓂᒡᓕ ᓄᖅᑲᖓᑎᑉᐳᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:4

ᖃᓄᓕᒫᕐᓕ ᒎᑎᒧᑦ ᐱᔨᐅᓂᑦᑎᓐᓂᒃ ᓴᖅᑭᔮᕐᑎᑦᓯᕗᒍᑦ: ᕿᓄᐃᓵᒻᒪᕆᒃᓗᑕ ᑲᑉᐱᐊᓇᕐᑐᒃᑰᓕᕌᖓᑦᑕ, ᐊᒃᓱᕈᕐᓇᕐᑐᒃᑰᓕᕌᖓᑦᑕ, ᕿᒃᓵᓕᕌᖓᑦᑕᓗ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:5

ᒫᓯᑑᓂᐊᒧᓪᓕ ᑎᑭᓐᓇᑦᑕ, ᑎᒥᕗᑦ ᐃᓂᓪᓚᖓᔪᓐᓇᓚᐅᓐᖏᓚᖅ, ᐅᖁᒤᒃᓴᕐᓇᕐᑐᓄᑦ ᐊᕙᓗᔭᐅᓯᒪᓚᐅᕋᑦᑕ ᓯᓚᑎᑦᑎᒍᑦ, ᐂᕙᔭᕆᐊᖃᖃᑦᑕᕐᓗᑕ ᐃᓗᑦᑎᒍᑦ ᓯᕘᕋᓂᖃᕐᓗᑕ.

ᒐᓔᑎᐊᒥᐅᓄᑦ 4:20

ᒫᓐᓇ ᓇᔪᕈᒪᓪᓚᕆᒃᑲᓗᐊᕐᐸᑦᓯ ᐊᑦᔨᒋᓐᖏᑕᖓᓂᒃ ᐱᐅᓯᖃᕐᕕᒋᔪᓐᓇᓪᓚᕆᓕᕋᑦᓯ, ᐃᓱᒫᓘᑎᖃᓪᓚᕆᓕᕋᒪ ᐃᓕᑦᓯᓐᓂᒃ.

ᓴᒧᐃᓕ ᓯᕗᓪᓖᑦ 28:15

ᑕᕝᕙ ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓱᖕᒫᑦ ᐸᒃᕕᓵᕐᐱᖔ ᕾᖁᓪᓗᖓ ᒪᑭᑎᓐᓇᕕᖓ?” ᓴᐅᓕ ᑭᐅᕗᖅ, “ᐅᖁᒤᒃᓴᓗᐊᓕᕋᒪ; ᐱᓕᔅᑍᓂᒥᐅᑦ ᐅᓇᑕᕆᐊᕋᓱᓕᕐᒪᑕ ᐅᕙᓐᓂᒃ, ᒎᑎᐅᑉ ᕿᒪᒃᓯᒪᓕᕐᒪᖓ ᑭᐅᔪᓐᓁᓪᓕᓪᓗᓂᖓᓗ, ᐅᖃᕐᑎᒥᒍᑦ ᓯᓐᓇᒃᑑᒪᒃᑯᓪᓘᓐᓃᑦ; ᑍᒤᒻᒪᑦ ᕾᖁᓚᐅᕐᐸᒋᑦ ᐅᖃᐅᑦᔭᐅᔪᒪᓪᓗᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ.”

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.

ᓴᒧᐃᓕ ᓯᕗᓪᓖᑦ 31:4

ᐅᕕᒃᑲᒧᑦ ᐅᖃᕐᐳᖅ ᓱᒋᐅᑎᖏᓐᓂᒃ ᐊᒃᔭᕐᓯᔨᒧᑦ, “ᓴᕕᒡᔪᐊᑦ ᑎᒍᓗᒍ ᑐᖁᓚᐅᓐᖓ, ᒎᑎᖃᖏᑦᑐᑦ ᐱᓕᔅᑍᓂᒥᐅᑦ ᑐᖁᑦᓯᖁᓇᒋᑦ ᐅᕙᓐᓂᒃ ᐱᔪᕆᑦᔪᑕᐅᖁᓇᖓᓗ.” ᐅᕕᒃᑲᕐᓕ ᑍᒤᓕᐅᕈᒪᓚᐅᓐᖏᓚᖅ ᑲᑉᐱᐊᓱᓗᐊᓚᐅᕋᒥ. ᑍᒤᒻᒪᑦ ᓴᐅᓕᐅᑉ ᓴᕕᒡᔪᐊᓂ ᓇᑉᐸᕐᓗᓂᐅᒃ ᒪᓂᖅᑲᒧᑦ ᐃᒻᒥᓂᒃ ᐅᕐᕈᕕᒋᕚ ᑲᐱᓪᓗᓂ.