ᑯᕆᓐᑎᐊᒥᐅᓄᑦ ᐂᑉᐸᖏᑦ 4:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑲᓐᖑᓇᕐᑐᓪᓕ ᐱᓂᐊᕐᓃᑦ ᐃᔨᕐᓯᒪᔪᑦ ᐊᑐᕈᒪᔪᓐᓃᕐᓯᒪᕙᕗᑦ; ᓯᓔᕐᕆᒃᓯᓂᕐᒥᒡᓗ ᐃᓕᖅᑯᓯᖃᕐᓇᑕ, ᒎᑎᐅᓪᓗ ᐅᖃᐅᓯᖏᑦ ᑐᑭᖃᕈᓐᓃᕐᑎᓐᖏᓚᕗᑦ, ᓱᓕᑦᓯᐊᕐᓂᕐᒥᒡᓕ ᓴᖅᑭᑎᑦᓯᕗᒍᑦ ᒎᑎᐅᑉ ᓵᖓᓂ ᐃᓄᖕᓄᑦ ᐃᓱᒪᖃᕐᕕᐅᔪᒪᓇᑕ ᓈᒻᒪᖏᑦᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:2 Iomraidhean Croise

ᐊᑕᓃᑦ ᓯᕗᓪᓖᑦ 18:34

ᐅᖃᒃᑲᓐᓂᕐᐳᕐᓗ, “ᐊᑏᓗ ᑯᕝᕕᕆᓯᐅᒃ ᐂᑉᐸᖓᓂ,” ᑕᕝᕙ ᑯᕝᕕᕆᕔᑦ ᐂᑉᐸᖓᓂ. ᐅᖃᐅᑎᒃᑲᓐᓂᕐᐰᓪᓗ, “ᐊᑏᓗ ᑯᕝᕕᕆᓯᐅᒃ ᐱᖓᔪᐊᖓᓐᓂᒃ,” ᑯᕝᕕᕆᕔᓪᓗ ᐱᖓᔪᐊᖓᓐᓂᒃ.

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:6

ᐅᖃᓪᓚᒃᓯᑎᐊᓘᖏᒃᑲᓗᐊᕈᒪ, ᖃᐅᔨᒪᖏᒃᑲᓗᐊᕈᒪᓗ; ᖃᓄᓕᒫᕐᓕ ᓇᓗᓁᕐᓯᑦᓯᐊᓚᐅᕐᐳᒍᑦ ᐃᓕᑦᓯᓐᓄᑦ ᓱᓇᓕᒫᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:11

ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:8

ᐅᐱᒋᔭᐅᓕᕌᖓᑦᑕ ᓇᕐᕈᒋᔭᐅᓕᕌᖓᑦᑕᓗ, ᐊᔪᕐᓂᕋᕐᑕᐅᔭᕌᖓᑦᑕ ᐊᔪᖏᓐᓂᕋᕐᑕᐅᔭᕌᖓᑦᑕᓗ. ᓴᒡᓗᑐᓂᕋᕐᑕᐅᕙᒃᑐᒍᑦ, ᓱᓕᔪᒥᒃ ᐅᖃᓪᓚᖃᑦᑕᕋᓗᐊᕐᑐᒍᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:14

ᑖᑦᓱᒧᖓ ᐅᖃᐅᑎᒋᓚᐅᕋᑦᓯ ᐃᓕᑦᓯᓐᓂᒃ ᐅᐱᒍᓲᑎᖃᕐᓂᕋᕐᓗᖓ, ᑲᓐᖑᓱᒃᑎᓚᐅᓐᖏᓚᑦᓯᓐᖓ, ᐃᓕᑦᓯᓐᓄᑦ ᐅᖃᐅᓯᕆᓚᐅᕐᑕᕗᑦ ᑕᒪᕐᒥᒃ ᓱᓕᖕᒪᑕ, ᐃᓕᑦᓯᓐᓂᒃ ᐅᐱᒍᓲᑎᖃᓚᐅᕐᓂᕗᑦ ᑍᑑᓯᒧᑦ ᓴᖅᑭᑕᐅᕗᑦ ᓴᒡᓗᓯᒪᖏᓐᓇᑦᑕ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᐃᐱᓯᒥᐅᓄᑦ 5:12

ᓴᖅᑭᔮᖏᑦᑐᒥᒃ ᐱᓂᐊᕐᓂᕆᕙᒃᑕᖏᑦ ᐊᒡᓛᑦ ᐅᖃᐅᓯᕆᔭᕆᐊᒃᓴᖏᑦ ᑲᓐᖑᓇᕐᐳᑦ;