ᑯᕆᓐᑎᐊᒥᐅᓄᑦ ᐂᑉᐸᖏᑦ 4:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᒤᒻᒪᑦ ᓴᐱᓕᓐᖏᓚᒍᑦ. ᑕᑯᒃᓴᐅᔪᒃᑯᑦ ᐃᓅᓯᑦᑎᒍᑦ ᐊᔪᓕᕐᐸᓪᓕᐊᒐᓗᐊᕐᓗᑕ, ᐃᓗᑦᑎᒍᓪᓕ ᖃᐅᑕᒫᑦ ᓄᑖᓐᖑᕐᑎᑕᐅᖏᓐᓇᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:16 Iomraidhean Croise

ᐃᓐᖏᕈᑎᑦ 119:81

ᓱᕖᕈᑎᓕᕐᐳᖓ ᐃᓕᖕᓄᑦ ᐱᐅᓕᔭᐅᔪᒪᓂᕐᒧᑦ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.

ᐃᓐᖏᕈᑎᑦ 27:13

ᓴᐱᓕᕋᔭᓚᐅᕋᒪ ᐅᒃᐱᓚᐅᖏᒃᑯᒪ ᐊᑕᓂᐅᑉ ᐱᑦᓯᐊᕐᓂᖓᓂᒃ ᑕᑯᑎᑕᐅᓂᐊᕐᓂᓐᓂᒃ, ᐃᓅᔪᑦ ᓄᓇᖓᓂ.

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᐃᓐᖏᕈᑎᑦ 73:26

ᑎᒥᒐ ᐆᒻᒪᑎᒐᓗ ᐊᔪᓕᓕᕋᓗᐊᕐᐴᒃ, ᒎᑎᓕ ᐆᒻᒪᑎᒪ ᓴᓐᖏᔫᑦᔪᑎᒋᕚ ᐱᔪᓐᓇᐅᑎᒋᓪᓗᒍᓗ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 40:29

ᐱᔪᓐᓇᕐᓂᕐᑖᕐᑎᑦᓯᕙᒃᑐᖅ ᓄᑮᕈᑎᔪᓂᒃ, ᐱᔪᓐᓇᕐᓂᖃᕈᓐᓃᕐᑐᓂᒡᓗ ᓄᑭᒃᑖᕐᑎᑦᓯᕙᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 40:31

ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 45:3

ᐅᖃᓚᐅᕋᕕᑦ, ‘ᐅᕙᓐᓄᑦ ᑲᑉᐱᐊᓐᓇᒦᒃ ᐊᑕᓂᐅᑉ ᐋᓐᓂᐊᕐᓂᕋ ᐃᓚᒃᑲᓐᓂᕐᒪᒍ ᕿᒃᓵᖕᓇᕐᑐᒥᒃ, ᐋᓐᓂᐊᓂᕐᒧᑦ ᐃᓂᓪᓚᒍᓐᓇᓐᖏᓚᖓ.’

ᓘᑲᓯᐅᑉ ᐊᒡᓚᖏᑦ 11:3

ᖃᐅᑕᒫᑦ ᓂᕿᒃᓴᑦᑎᓐᓂᒃ ᑐᓂᓯᕕᒋᑎᒍᑦ;

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᕉᒪᒥᐅᓄᑦ 7:22

ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:15

ᖁᕕᐊᓱᒃᑲᔭᕐᐳᖓ ᓇᖕᒥᓂᖅ ᑐᓂᑦᔪᑎᒋᒍᒪ ᓱᓇᓕᒫᓐᓂᒡᓗ ᑕᕐᓂᓯ ᐱᑦᔪᑎᒋᓗᒋᑦ. ᓇᒡᓕᒋᖏᓐᓂᕐᓴᕆᒐᔭᕐᐱᓯᓐᖔ? ᓇᒡᓕᒋᓂᕐᓴᕆᒍᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:1

ᑍᒤᒻᒪᑦ ᑕᒪᑐᒥᖓ ᐱᔨᑦᓯᕐᓂᕐᒥᒃ ᒎᑎᐅᑉ ᓂᑲᒍᓱᖕᓂᕐᔪᐊᖓᓄᑦ ᐱᑎᑕᐅᓯᒪᒐᑦᑕ, ᓴᐱᓕᕐᓂᐊᓐᖏᓚᒍᑦ,

ᐃᐱᓯᒥᐅᓄᑦ 3:16

ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,

ᐃᐱᓯᒥᐅᓄᑦ 4:23

ᐃᓱᒪᓯᓗ ᓄᑖᓐᖑᕐᑎᑕᐅᔪᒃᓴᐅᕗᑦ ᐊᓂᕐᓂᕐᒥ,

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.