8 ᐊᖏᓂᕐᓴᒥᒡᓕ ᑕᑯᒥᓇᕐᓂᕐᓴᐅᒐᔭᓐᖏᓛᖅ ᐊᓂᕐᓂᐅᑉ ᐱᓇᓱᐊᕐᓂᖓ?
ᐊᑕᓂᐅᑉ ᐊᓂᕐᓂᖓᑕ ᐃᓂᒋᔪᒫᕐᐹ ᐊᓂᕐᓂᐅᑉ ᓯᓚᑐᓂᖃᕐᑎᑦᓯᔫᑉ ᑐᑭᓯᓂᖃᕐᑎᑦᓯᔫᓪᓗ, ᐊᓂᕐᓂᐅᑉ ᑕᓯᐅᕐᓯᓂᖃᕐᑎᑦᓯᔫᑉ ᐱᔪᓐᓇᕐᓂᕐᔪᐊᖃᕐᑎᑦᓯᔫᓪᓗ ᐊᓂᕐᓂᐅᑉ ᖃᐅᔨᒪᓂᖃᕐᑎᑦᓯᔫᑉ ᐊᑕᓂᕐᒥᒡᓗ ᓯᕘᕋᓂᖃᕐᑎᑦᓯᔫᑉ.
ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.
“ᐅᕙᖓᓕ,” ᐊᑕᓂᖅ ᐅᖃᕐᐳᖅ: “ᐃᒫᒃ ᐊᖏᖃᑎᒌᒍᑎᒥᒃ ᓇᓗᓁᕐᓯᕕᒋᔪᒪᕙᒃᑲ; ᐊᓂᕐᓂᕋ ᐃᓕᖕᓃᑦᑐᖅ, ᐅᖃᐅᓯᒃᑲᓗ ᖃᓂᕐᓄᑦ ᐃᓕᓯᒪᔭᒃᑲ, ᖃᓂᕐᓂᒃ ᕿᒤᓂᐊᓐᖏᓚᑦ, ᑭᖑᕚᕐᓂᓪᓗ ᑭᖑᕚᕆᔪᒫᕐᑕᖏᑕᓗ ᖃᓂᖏᓐᓂᒃ, ᐊᑕᓂᖅ ᑍᒪᒃ ᐅᖃᕐᐳᖅ, ᒫᓐᓇᒥᑦ ᐱᒋᐊᕐᓗᒍ ᐃᓱᖃᖏᑦᑐᒧᓪᓗ.”
ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.
ᔩᓱᓯᓕ ᑕᒪᑐᒥᖓ ᐅᖃᕐᐳᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐅᖃᐅᓯᖃᕐᓗᓂ, ᑖᑦᓱᒧᖓ ᐅᒃᐱᕐᑐᓄᑦ ᑐᓂᔭᐅᔪᒫᕐᑐᒥᒃ; ᑍᑦᓱᒪᓂ ᓱᓕ ᒎᑎᐅᑉ ᐊᓂᕐᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᕐᑐᕐᓇᕐᓯᑎᑕᐅᕕᒃᓴᒥᓄᑦ ᑎᑭᐅᑎᓯᒪᓚᐅᖏᒻᒪᑦ.
ᖃᐅᔨᒪᓐᖏᓚᓰ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᖕᒪᓯ? ᒎᑎᐅᓪᓗ ᐊᓂᕐᓂᕐᖓᑕ ᐃᓂᒋᖕᒪᓯ?
ᐃᓕᑦᓯᓐᓄᑦ ᑎᑭᑦᑐᖃᕐᐸᑦ ᔩᓱᓯᐅᑉ ᐊᓯᐊᓂᒃ ᐊᔪᕆᕐᑐᐃᑦᔪᑎᖃᕐᑐᒥᒃ ᐊᔪᕆᕐᑐᐃᑦᔪᑎᒋᓚᐅᓐᖏᑕᑦᑎᓐᓂᒃ, ᐅᕝᕙᓗ ᐊᓂᕐᓂᕐᒥᒃ ᐃᓚᓕᐅᕐᓯᒍᑦᓯ ᐱᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᐅᕝᕙᓗ ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᐊᓂᒃ ᐃᓚᓕᐅᕐᓯᒍᑦᓯ ᐃᓚᓕᐅᕐᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᑍᒤᑦᑐᓂᒃ ᖃᓄᐃᒃᓴᕋᓯ ᐱᕕᖃᕐᑎᑦᓯᓲᖑᒐᑦᓯ.
ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.
ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.
ᐱᖁᔧᑦ ᑐᖁᑎᑦᓯᔪᑦ ᑐᓂᔭᐅᑎᓪᓗᒋᑦ ᑎᑎᕋᕐᓯᒪᓚᐅᕐᐳᑦ ᐅᔭᖅᑲᓂ, ᒎᑎᐅᓪᓗ ᑕᑯᒥᓇᕐᓂᕐᔪᐊᖓ ᓴᖅᑭᓚᐅᕐᐳᖅ ᐱᖁᔭᑦ ᑐᓂᔭᐅᓕᕐᑎᓪᓗᒋᑦ, ᐃᓴᕆᐊᓔᑎᑦ ᑕᑯᓐᓇᕈᓐᓇᓚᐅᓐᖏᓚᑦ ᒨᓯᓯᐅᑉ ᑮᓇᖓᓂᒃ ᖃᐅᒪᓗᐊᕐᓂᖓᓄᑦ, ᓄᖑᑦᑐᒃᓴᐅᒐᓗᐊᕐᑎᓪᓗᒍ,
ᐃᓄᖕᓂᒃ ᐃᖅᑲᕐᑐᒐᒃᓴᓐᖑᕐᑎᑦᓯᔪᖅ ᑕᑯᒥᓇᕐᓂᖃᓚᐅᕐᐸᑦ; ᐊᖏᓂᕐᓴᒻᒪᕆᖕᒥᒃ ᑕᑯᒥᓇᕐᓂᖃᕐᑐᒃᓴᐅᕗᖅ ᒎᑎᒧᑦ ᐃᖅᑲᕐᑐᒐᒃᓴᐅᔪᓐᓃᕐᓂᕐᒥᒃ ᐱᑎᑦᓯᔪᖅ.
ᑕᕝᕙ ᙭ᔅᑑᓯ ᔩᓱᓯᒃᑯᑦ ᐂᑉᕋᕼᐋᒻ ᓮᒻᒪᕐᑎᑕᐅᓯᒪᓂᖓ ᔫᑎᐅᖏᑦᑐᓄᑦᑕᐅᖅ ᐱᔭᐅᔪᓐᓇᕐᓯᖁᓪᓗᒍ, ᐅᕙᒍᑦᑕᐅᖅ ᐅᒃᐱᕐᓂᑦᑎᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᐊᓂᕐᓂᕐᒥᒃ ᐱᑎᑕᐅᖁᓪᓗᑕ.
ᐊᓂᕐᓂᒃᑯᑦ ᐅᑕᖅᑭᕗᒍᑦ ᐅᒃᐱᕐᓂᑦᑎᒍᑦ, ᓂᕆᐅᒃᓗᑕ ᐃᓗᐊᕐᓯᑎᑕᐅᓂᒃᓴᑦᑎᓐᓂᒃ.
ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᕐᐳᒍᑦ ᐊᑖᑕᒧᑦ ᐊᓂᕐᓂᒃᑯᑦ ᐊᑕᐅᓯᒃᑯᑦ.
ᒎᑎᒧᓪᓕ ᖁᔭᓕᑦᔪᑎᒋᔭᕆᐊᕾᓐᓇᕐᐸᑦᓯ, ᙭ᔅᑑᓯᒥᐅᑕᐅᖃᑎᒃᑲ, ᐊᑕᓂᐅᑉ ᓇᒡᓕᒋᔭᖏᑦ, ᓯᕗᓪᓕᕐᐸᐅᓪᓗᓯ ᓂᕈᐊᓚᐅᕐᒪᓯ ᐱᐅᓕᔭᐅᖁᓪᓗᓯ, ᐊᓂᕐᓂᐅᑉ ᐃᑦᔪᕐᓁᑎᑦᓯᓂᖓᒍᑦ ᓱᓕᓂᕐᒥᒡᓗ ᐅᒃᐱᕐᓂᑦᓯᒍᑦ.
ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.
