ᑯᕆᓐᑎᐊᒥᐅᓄᑦ ᐂᑉᐸᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐱᖁᔧᑦ ᑐᖁᑎᑦᓯᔪᑦ ᑐᓂᔭᐅᑎᓪᓗᒋᑦ ᑎᑎᕋᕐᓯᒪᓚᐅᕐᐳᑦ ᐅᔭᖅᑲᓂ, ᒎᑎᐅᓪᓗ ᑕᑯᒥᓇᕐᓂᕐᔪᐊᖓ ᓴᖅᑭᓚᐅᕐᐳᖅ ᐱᖁᔭᑦ ᑐᓂᔭᐅᓕᕐᑎᓪᓗᒋᑦ, ᐃᓴᕆᐊᓔᑎᑦ ᑕᑯᓐᓇᕈᓐᓇᓚᐅᓐᖏᓚᑦ ᒨᓯᓯᐅᑉ ᑮᓇᖓᓂᒃ ᖃᐅᒪᓗᐊᕐᓂᖓᓄᑦ, ᓄᖑᑦᑐᒃᓴᐅᒐᓗᐊᕐᑎᓪᓗᒍ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:7 Iomraidhean Croise

ᒨᓯᓯ ᓯᕗᓪᓖᑦ 3:21

ᐊᑕᓂᐅᓪᓗ ᒎᑎᐅᑉ ᐊᑕᒥᒃᑯᒃ ᓄᓕᐊᕇᒃ ᐊᓐᓄᕌᓕᐅᕐᐹᒃ ᐆᒪᔫᑉ ᐊᒥᕕᓂᖏᓐᓂᒃ ᐊᓐᓄᕌᕐᑎᓪᓗᒋᒡᓗ ᑖᒃᑯᓂᖓ.

ᓂᕼᐃᒤᐊᐅᑉ ᐊᒡᓚᖏᑦ 9:13

ᓮᓁᑉ ᖃᖅᑲᖓᓄᑦ ᐊᖅᑲᓚᐅᕐᐳᑎᑦ ᕿᓚᖕᒥᑦ, ᐃᓄᖁᑎᑎᓪᓗ ᐅᖃᕐᕕᒋᓚᐅᕐᐸᑎᑦ ᕿᓚᖕᒥᑦ, ᐱᖁᔭᓂᒡᓗ ᑐᓂᓯᕕᒋᓚᐅᕐᐸᑎᑦ ᐊᑐᒐᒃᓴᑦᓯᐊᓂᒃ, ᐃᓕᓐᓂᐊᕐᑎᓚᐅᕐᐸᑎᓪᓗ ᐱᐅᔪᓂᒃ ᐱᖁᔭᓂᒃ.

ᐃᓐᖏᕈᑎᑦ 119:174

ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.

ᐃᓐᖏᕈᑎᑦ 119:97

ᐃᓛᒃ, ᐱᖁᔭᑎᑦ ᐊᖏᔪᒥᒃ ᐅᖓᒋᕙᒃᑲ! ᐅᓪᓗᓕᒫᖅ ᐃᓱᒪᒃᓴᕐᓯᐅᕈᑎᒋᖃᑦᑕᕐᐸᒃᑲ.

ᒨᓯᓯ ᐂᑉᐸᖏᑦ 24:12

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᖅᑲᒧᑦ ᒪᔪᐊᓚᐅᕆᑦ ᐅᕙᓐᓄᑦ, ᑕᕝᕙᓂᓗ ᐅᑕᖅᑭᓗᑎᑦ; ᑐᓂᓯᓂᐊᕋᒃᑭᑦ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ, ᐱᖁᔭᓂᒃ ᑎᑎᕋᕐᕕᒋᓯᒪᔭᓐᓂᒃ ᐃᓄᖕᓄᑦ ᒪᓕᒃᑕᐅᔭᕆᐊᖃᕐᑐᓂᒃ.”

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 32:19

ᒨᓯᓯᓕ ᑕᖕᒫᕐᓯᒪᕕᖕᒧᑦ ᖃᒡᓕᒐᒥ ᑕᑯᓕᕐᐳᖅ ᓄᕐᕋᓐᖑᐊᒥᒃ ᐃᓄᖕᓂᒡᓗ ᑖᓂᓯᕐᑐᓂᒃ, ᐃᓗᐃᓪᓕᓂᕐᒧᑦ ᓂᓐᖓᒃᑐᐊᓘᕗᖅ. ᑕᒫᓂᓗ ᖃᖅᑲᐅᑉ ᑭᒡᓕᖓᓂ, ᑎᒍᒥᐊᕐᑖᖕᓂ ᐅᔭᕌᒃ ᓂᓐᖓᖕᓂᕐᒧᑦ ᒥᓗᕆᐅᑎᕚᒃ ᓯᖁᒥᓪᓗᒋᒡᓗ.

ᒨᓯᓯ ᐂᑉᐸᖏᑦ 34:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓗᑎᑦ ᓴᓇᔪᒃᓴᐅᕗᑎᑦ ᓯᕗᓪᓕᕐᒥ ᓴᓇᓚᐅᕐᑕᕐᑐᑦ, ᑖᒃᑯᑎᒎᓇᕐᓗ ᑎᑎᕋᕐᓂᐊᕐᐳᖓ ᐅᖃᐅᓯᕐᓂᒃ ᓯᕗᓪᓕᕐᒥ ᑎᑎᕋᕐᓯᒪᓚᐅᕐᑐᑎᑐᑦ, ᑖᒃᑯᑎᑐᓇᖅ ᓯᖁᒥᓚᐅᕐᑕᕐᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:15

ᑲᑎᒪᔨᕐᔪᐊᑦ ᑲᑎᒪᖃᑕᐅᔪᑦ ᑕᑯᓐᓇᓕᕐᐳᑦ ᓯᑎᐹᓇᓯᒥᒃ ᑮᓇᖓᑕ ᑕᐅᑦᑐᐊ ᑕᑯᕚᑦ ᐂᖏᓕᐅᑉ ᑮᓇᖓᑐᑦ ᑍᒤᓕᕐᑐᖅ.

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᕉᒪᒥᐅᓄᑦ 4:15

ᐱᖁᔧᑦ ᓈᓚᒃᑕᐅᖏᑉᐸᑕ ᒎᑎᐅᑉ ᓂᓐᖓᐅᓯᖓᓂᒃ ᓴᖅᑭᑎᑦᓯᖕᒪᑕ, ᐱᖁᔭᖃᖏᑦᑐᓂᓕ ᐱᖁᔭᓂᒃ ᓈᓚᖏᓐᓂᕐᑕᖃᓐᖏᓚᖅ.

ᕉᒪᒥᐅᓄᑦ 5:20

ᐱᖁᔭᖅ ᓴᖅᑭᑎᑕᐅᓚᐅᕐᐳᖅ ᐊᔪᕐᑐᓕᓂᐅᑉ ᐊᖏᔪᓂᖓ ᓇᓗᓁᕐᑕᐅᒃᑲᓐᓂᖁᓪᓗᒍ; ᐊᔪᕐᑐᓕᓂᕐᓕ ᐊᖏᒡᓕᖕᒪᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᖏᓂᕐᓴᒥᒃ ᐱᓇᓱᐊᓕᓚᐅᕐᐳᖅ.

ᕉᒪᒥᐅᓄᑦ 7:10

ᖃᐅᔨᕗᖓ ᐱᖁᔭᖅ ᑖᓐᓇᑦᓮᓐᓇᖅ ᐃᓅᓯᕐᑖᕐᑎᑦᓯᓇᓱᐊᕐᑐᖅ ᐅᕙᓐᓂᒃ ᑐᖁᑎᑦᓯᖕᒪᑦ.

ᕉᒪᒥᐅᓄᑦ 7:22

ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.

ᕉᒪᒥᐅᓄᑦ 7:5

ᑎᒥᒃᑯᑦ ᐃᓅᑎᓪᓗᑕ, ᐊᔪᕐᓂᕐᒥᒃ ᐱᔪᒪᓂᕗᑦ ᐱᖁᔭᓄᑦ ᐆᒻᒪᕐᑎᑕᐅᕗᑦ, ᑎᒥᕗᑦ ᐱᓇᓱᐊᕐᕕᐅᕗᑦ ᐱᕈᕐᕕᐅᖁᓪᓗᒋᑦ ᑐᖁᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:10

ᑕᒤᓐᓂᒡᓕ ᓈᒻᒪᒃᓯᑎᑕᐅᓂᖅ ᓇᓪᓕᐅᑎᒃᐸᑦ, ᐃᓔᓐᓇᕐᓂᒃ ᐱᓯᒪᓂᖅ ᓄᖑᔪᒫᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:3

ᓇᓗᓇᖏᑦᓯᐊᕐᑐᒥᒡᓗ ᙭ᔅᑑᓯᒥ ᑎᑎᖅᑲᐅᕗᓯ ᐱᓇᓱᐊᕐᓂᑦᑎᒍᑦ ᓴᖅᑭᑎᑕᐅᓯᒪᓪᓗᓯ, ᑎᑎᕋᐅᒻᒧᑦ ᑎᑎᕋᕐᓯᒪᓐᖏᓚᓯ; ᒎᑎᐅᓪᓕ ᐆᒪᔫᑉ ᐊᓂᕐᓂᖓᓄᑦ, ᐅᔭᖅᑲᑎᒍᑦ ᑎᑎᕋᕐᓯᒪᖏᑦᑐᑦ ᐃᓅᓪᓕ ᐆᒻᒪᑎᖓᒍᑦ ᑎᑎᕋᕐᓯᒪᔪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:8

ᐊᖏᓂᕐᓴᒥᒡᓕ ᑕᑯᒥᓇᕐᓂᕐᓴᐅᒐᔭᓐᖏᓛᖅ ᐊᓂᕐᓂᐅᑉ ᐱᓇᓱᐊᕐᓂᖓ?

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᒐᓔᑎᐊᒥᐅᓄᑦ 3:21

ᑍᒪᓕ ᐱᖁᔧᑦ ᐊᑭᕋᕐᑐᕐᐹᑦ ᒎᑎᐅᑉ ᐊᖏᕈᑎᒋᓯᒪᔭᖏᓐᓄᑦ? ᑍᒤᓐᖏᓚᖅ; ᐃᓄᐃᑦ ᐱᖁᔭᓂᒃ ᐱᑎᑕᐅᓚᐅᕐᐸᑕ ᐃᓅᓯᖃᕐᓇᕐᑐᓂᒃ, ᐃᓗᐊᕐᑐᓐᖑᕈᓐᓇᕋᔭᓚᐅᕐᐳᑦ ᒪᓕᑦᓯᐊᕐᓂᕐᒥᖕᓄᑦ ᐱᖁᔭᓂᒃ.

ᒨᓯᓯ ᑕᓪᓕᒪᖏᑦ 4:13

ᐅᖃᐅᑎᓯᒪᕚᓯ ᖃᓄᐃᓕᐅᕐᑐᒃᓴᐅᖕᒪᖔᑦᓯ ᐊᖏᖃᑎᒌᒍᑎᒋᓯᒪᔭᖓᓂᒃ ᑲᔪᓯᑎᑦᓯᔪᓐᓇᖁᓪᓗᓯ, ᐱᖁᔭᑦ ᖁᓕᑦ ᓈᓚᒐᒃᓴᕆᕙᓯ, ᑖᑦᓱᒪ ᑎᑎᕋᓚᐅᕐᑕᖏᑦ ᐅᔭᕋᒃᑎᒍᑦ ᒪᕐᕉᒃᑎᒍᑦ.

ᒨᓯᓯ ᑕᓪᓕᒪᖏᑦ 4:8

ᐃᓅᖃᑎᒌᒡᔪᐊᖑᔪᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᐱᖁᔭᖃᕐᑐᖃᓐᖏᓚᖅ ᐱᖁᔭᑦᑎᑐᑦ ᐋᖅᑭᑦᓯᐊᕐᓯᒪᑎᒋᔪᓂᒃ ᐅᓪᓗᒥ ᐃᓕᓯᓐᓄᒃ ᐊᔪᕆᕐᑐᐃᑦᔪᑎᒋᔭᑦᑐᑦ ᑍᒤᑦᑐᓂᒃ.

ᒨᓯᓯ ᑕᓪᓕᒪᖏᑦ 5:22

“ᑖᒃᑯᐊ ᑕᕝᕙ ᐊᑕᓂᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖏᑦ ᖃᖅᑲᒥ ᑲᑎᒪᑎᓪᓗᓯ. ᑍᑦᓱᒪᓂ ᐅᖃᓪᓚᒃᑎᓪᓗᒍ ᓂᐱᕐᔪᐊᕐᒧᑦ ᐃᑯᒪᒥᑦ ᐱᔪᒧᑦ ᓄᕗᔭᒥᓪᓗ, ᑖᒃᑯᐊᓗ ᐊᓯᖃᕐᑎᓐᓇᒋᑦ ᑐᓂᓚᐅᕐᐰᑦ. ᐅᔭᕌᖕᓄᓪᓗ ᒪᕐᕉᖕᓄᑦ ᑎᑎᕋᓚᐅᕐᓗᒋᑦ ᐅᕙᓐᓄᑦ ᑐᓂᓚᐅᕐᐰᑦ.”

ᒨᓯᓯ ᑕᓪᓕᒪᖏᑦ 9:15

“ᑕᕝᕙ ᖃᖅᑲᒥᑦ ᐅᑎᕆᐊᓕᓚᐅᕐᐳᖓ ᐊᖅᑲᕐᑎᓕᕐᓗᖓᓗ, ᐊᒡᔭᕐᓯᓪᓗᖓ ᐅᔭᕌᖕᓂᒃ ᒪᕐᕉᖕᓂᒃ ᑎᑎᕋᕐᕕᒋᓯᒪᔫᖕᓂᒃ ᐊᖏᖃᑎᒌᒍᑕᐅᓯᒪᔪᓂᒃ. ᐃᑯᒪᔪᐊᓗᒡᓗ ᖃᖅᑲᒥᑦ ᐊᖅᑲᖃᑦᑕᓚᐅᕐᐳᖅ.

ᐄᑉᕈᐃᓄᑦ 12:18

ᖃᖅᑲᒧᑦ ᐊᒃᑐᕐᑕᐅᔪᓐᓇᕐᑐᒧᑦ ᑎᑭᖏᓐᓇᑦᓯ, ᐃᑯᐊᓚᔪᖃᕐᑐᒧᑦ, ᑕᒃᓯᕐᑐᒧᓪᓗ, ᑖᕐᑐᕐᔪᐊᒧᓪᓗ, ᐊᓄᕆᕐᔪᐊᕐᑐᒧᓪᓗ,

ᐄᑉᕈᐃᓄᑦ 3:3

ᐃᒡᓗᓕᐅᕐᑐᖅ ᐅᐱᒋᔭᐅᓂᕐᓴᐅᓲᖑᕗᖅ ᐃᒡᓗᓕᐊᕆᔭᒥᓂᑦ ᑍᒫᒃᑕᐅᖅ ᔩᓱᓯ ᓂᕐᑐᕐᑕᐅᓂᕐᓴᐅᓚᐅᕐᐳᖅ ᒨᓯᓯᒥᑦ.

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.