ᑯᕆᓐᑎᐊᒥᐅᓄᑦ ᐂᑉᐸᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᕙᑦᑎᓐᓂᒡᓕ ᓱᓇᒥᒡᓘᓐᓃᑦ ᐱᔪᓐᓇᕐᓂᕋᕐᓗᑕ ᖃᓄᐃᑦᑐᑐᐃᓐᓇᕐᓂᒃ ᑍᒤᓕᑦᔪᑎᖃᓐᖏᓚᒍᑦ; ᐱᔪᓐᓇᕐᑎᑕᐅᓂᕗᓪᓕ ᒎᑎᒥᑦ ᐱᕗᖅ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:5 Iomraidhean Croise

ᒨᓯᓯ ᓯᕗᓪᓖᑦ 41:16

ᔫᓯᐱᐅᑉ ᐰᕉ ᑭᐅᕚ ᐅᖃᕐᓗᓂ, “ᐅᕙᖓᐅᖏᑦᑐᖅ; ᒎᑎᐅᓪᓕ ᐰᕉ ᑐᑭᓯᑎᓐᓂᐊᕐᐹ ᑐᑭᓯᔪᒪᔭᖓᓂᒃ.”

ᑯᕉᓂᑲ ᐂᑉᐸᖏᑦ 30:12

ᒎᑎᐅᓪᓗ ᐱᔪᓐᓇᕐᓂᖓᑕ ᑎᑭᑉᐰᑦ ᔫᑕᒥᐅᑦ ᐊᑕᐅᓯᕐᒥᒃ ᐆᒻᒪᑎᑖᕐᑎᓪᓗᒋᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᓪᓗ ᐱᖁᔨᓂᖏᓐᓂᒃ ᒪᓕᖁᓪᓗᒋᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᓘᑲᓯᐅᑉ ᐊᒡᓚᖏᑦ 24:49

ᑕᑯᒋᑦ, ᓇᖕᒥᓂᖅ ᑎᓕᓯᕕᒋᓂᐊᕐᐸᑦᓯ ᐊᑖᑕᒪ ᐊᖏᕈᑎᒋᓯᒪᔭᖓᓂᒃ; ᐃᓕᑦᓯᓕ ᔨᕉᓴᓕᒻᒥ ᐅᑕᖅᑭᔭᕆᐊᖃᕐᐳᓯ, ᐱᔪᓐᓇᕐᓂᕐᒥᒃ ᕿᓚᖕᒥᑦ ᑐᓂᓯᕕᐅᖏᓐᓂᑦᓯᓐᓂ.”

ᔪᐊᓇᓯᐅᑉ ᐊᒡᓚᖏᑦ 15:5

“ᐅᕙᖓ ᓇᐹᕐᑑᕗᖓ ᐸᐅᕐᖓᓕᒃᓴᖅ, ᐃᓕᑦᓯ ᐊᕙᓚᖓᔫᕗᓯ. ᐅᕙᓐᓃᑦᑐᖅ, ᐅᕙᖓᓗ ᑖᑦᓱᒪᓃᓪᓗᖓ, ᐸᐅᕐᖓᖃᕐᓂᐊᕐᐳᖅ ᐊᒥᓱᓂᒃ, ᐱᒋᓇᖓ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᖏᓐᓇᑦᓯ.

ᕉᒪᒥᐅᓄᑦ 15:18

ᐅᖃᐅᓯᖃᕐᓂᐊᓐᖏᓚᖓ ᙭ᔅᑑᓯᐅᑉ ᐅᕙᒃᑯᑦ ᐱᓇᓱᐊᕐᓯᒪᔭᖓᑕ ᐊᓯᐊᓂᒃ ᔫᑎᐅᖏᑦᑐᑦ ᓈᓚᓕᖁᓪᓗᒋᑦ ᒎᑎᒥᒃ, ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:10

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓄᑦ ᑐᓂᔭᐅᓯᒪᔪᖅ ᐊᑐᕐᓗᒍ, ᑐᓐᖓᕕᓕᐅᓚᐅᕐᐳᖓ ᐃᒡᓗᓕᐅᕐᑎᒻᒪᕆᒃᑎᑐᑦ, ᐊᓯᓐᓂᒡᓗ ᖄᖓᒍᑦ ᐃᒡᓗᓕᐅᕐᑐᖃᓕᕐᐳᖅ. ᐃᒡᓗᓕᐅᕐᑐᓪᓕ ᐊᑐᓂᑦ ᑲᒪᑦᓯᐊᕆᐊᖃᕐᐳᑦ ᓴᓇᔭᒥᖕᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:6

ᐅᕙᖓ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓚᐅᕐᐳᖓ, ᐊᐴᓗᓯ ᐃᒥᕐᒥᒃ ᑯᕕᓯᓚᐅᕐᐳᖅ, ᒎᑎᓕ ᐱᕈᕐᑎᑦᓯᓚᐅᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:9

ᐅᖃᐅᑎᓚᐅᕐᐹᖓᓕ, “ᐱᑦᓯᐊᕐᓂᕐᒪ ᐱᔪᓐᓇᕐᑎᑦᓯᓂᖓ ᐃᓕᖕᓄᑦ ᓈᒻᒪᒃᐳᖅ; ᐱᔪᓐᓇᕐᓂᕋ ᓈᒻᒪᒃᑎᑕᐅᕙᖕᒪᑦ ᓴᓐᖐᑦᑐᓂ.” ᑍᒤᒻᒪᑦ ᖁᕕᐊᓱᒡᓗᖓ ᓴᓐᖐᓐᓂᕋ ᓂᕐᑑᑎᒋᔪᒪᓂᕐᓴᕆᕙᕋ, ᙭ᔅᑑᓯᐅᑉ ᐱᔪᓐᓇᕐᓂᖓ ᐅᕙᓐᓂ ᐃᓂᖃᖁᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:16

ᐊᓯᐅᔪᒫᕐᑐᓄᑦ ᒪᒪᖏᑦᑐᑎᑐᑦ ᑐᖁᓐᓇᕐᑐᑎᑐᑦ ᑍᒤᑉᐳᒍᑦ; ᐱᐅᓕᔭᐅᓯᒪᔪᓄᑦ ᑎᐱᑦᓯᐊᕆᒃᑐᑎᑐᑦ ᐃᓅᓯᕐᑖᕐᑎᑦᓯᔪᑎᑐᑦ ᑍᒤᑉᐳᒍᑦ. ᑭᓇᓕ ᑍᒪ ᑍᒤᑦᑐᒥᒃ ᐱᓇᓱᐊᕐᓂᕐᒥᒃ ᐱᔪᓐᓇᕐᐹ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:7

ᐅᕙᒍᓪᓕ ᐊᓂᕐᓂᒃᑯᑦ ᐱᒃᑯᒥᓇᕐᑐᒥᒃ ᑕᒪᑐᒥᖓ ᐱᖃᕐᑐᒍᑦ ᐃᒥᖃᐅᑎᑎᑐᑦ ᒪᕐᕋᕐᑎᑐᑦ ᑍᒤᑉᐳᒍᑦ, ᓴᖅᑭᑎᑦᓯᖁᓪᓗᑕ ᐱᔪᓐᓇᕐᓂᕐᔪᐊᖅ ᑕᒪᓐᓇ ᒎᑎᒥᑦ ᐱᓯᒪᓂᖓᓂᒃ ᐅᕙᑦᑎᓐᓂᐅᖏᑦᑐᖅ.

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.

ᑎᒧᑎᒧᑦ ᐂᑉᐸᖏᑦ 2:2

ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.