ᑯᕆᓐᑎᐊᒥᐅᓄᑦ ᐂᑉᐸᖏᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓇᓗᓇᖏᑦᓯᐊᕐᑐᒥᒡᓗ ᙭ᔅᑑᓯᒥ ᑎᑎᖅᑲᐅᕗᓯ ᐱᓇᓱᐊᕐᓂᑦᑎᒍᑦ ᓴᖅᑭᑎᑕᐅᓯᒪᓪᓗᓯ, ᑎᑎᕋᐅᒻᒧᑦ ᑎᑎᕋᕐᓯᒪᓐᖏᓚᓯ; ᒎᑎᐅᓪᓕ ᐆᒪᔫᑉ ᐊᓂᕐᓂᖓᓄᑦ, ᐅᔭᖅᑲᑎᒍᑦ ᑎᑎᕋᕐᓯᒪᖏᑦᑐᑦ ᐃᓅᓪᓕ ᐆᒻᒪᑎᖓᒍᑦ ᑎᑎᕋᕐᓯᒪᔪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:3 Iomraidhean Croise

ᐃᓐᖏᕈᑎᑦ 40:8

ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.

ᐃᓐᖏᕈᑎᑦ 42:2

ᑕᕐᓂᕋ ᐃᒥᕈᕐᐳᖅ ᒎᑎᒥᒃ, ᒎᑎᒧᑦ ᐆᒪᔪᒧᑦ. ᖃᖓᓕ ᓴᖅᑭᑦᓱᒫᕐᐳᖓ ᓵᖕᓂ ᒎᑏ?

ᐃᓐᖏᕈᑎᑦ 84:2

ᑕᕐᓂᕐᒪ ᐅᖓᒋᕚ, ᐄᓛᒃ, ᐃᓗᓐᓂᑦ ᐱᔪᒧᑦ ᐃᓂᒋᔭᖓᓃᑦᓱᒪᕗᖓ; ᐆᒻᒪᑎᒪ ᑎᒥᒪᓗ ᖁᕕᐊᓱᖕᓂᕐᒧᑦ ᐃᓐᖏᕐᕕᒋᕚ ᒎᑎ ᐆᒪᑦᓮᓐᓇᕐᑐᖅ.

ᒨᓯᓯ ᐂᑉᐸᖏᑦ 24:12

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᖅᑲᒧᑦ ᒪᔪᐊᓚᐅᕆᑦ ᐅᕙᓐᓄᑦ, ᑕᕝᕙᓂᓗ ᐅᑕᖅᑭᓗᑎᑦ; ᑐᓂᓯᓂᐊᕋᒃᑭᑦ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ, ᐱᖁᔭᓂᒃ ᑎᑎᕋᕐᕕᒋᓯᒪᔭᓐᓂᒃ ᐃᓄᖕᓄᑦ ᒪᓕᒃᑕᐅᔭᕆᐊᖃᕐᑐᓂᒃ.”

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 32:15

ᒨᓯᓯ ᑕᕝᕙ ᖃᖅᑲᒥᑦ ᐊᖅᑲᓕᕐᐳᖅ, ᑎᒍᒥᐊᕐᓗᓂ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᐅᔭᕌᖕᓂᒃ ᒪᕐᕉᖕᓂᒃ ᑖᒃᑯᐊᒡᓗ ᐃᒡᓗᒃᑐᑦ ᑎᑎᕋᕕᒋᓯᒪᕘᒃ ᐊᑐᓂᑦ.

ᒨᓯᓯ ᐂᑉᐸᖏᑦ 34:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓗᑎᑦ ᓴᓇᔪᒃᓴᐅᕗᑎᑦ ᓯᕗᓪᓕᕐᒥ ᓴᓇᓚᐅᕐᑕᕐᑐᑦ, ᑖᒃᑯᑎᒎᓇᕐᓗ ᑎᑎᕋᕐᓂᐊᕐᐳᖓ ᐅᖃᐅᓯᕐᓂᒃ ᓯᕗᓪᓕᕐᒥ ᑎᑎᕋᕐᓯᒪᓚᐅᕐᑐᑎᑐᑦ, ᑖᒃᑯᑎᑐᓇᖅ ᓯᖁᒥᓚᐅᕐᑕᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:3

ᑲᒪᑦᓯᐊᕐᓂᐅᑉ ᓱᕐᕋᔪᐃᑦᑑᓂᐅᓪᓗ ᕿᒪᒃᑍᓕᓛᑎᑦ; ᖁᖓᓯᕐᓄᑦ ᕿᓚᒃᓯᒪᒃᑭᑦ, ᐆᒻᒪᑎᖕᓄᓪᓗ ᑎᑎᕋᕐᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:3

ᕿᑎᕐᓯᕐᒥᐅᑕᑎᑐᑦ ᐊᑎᓯᒪᒃᑭᑦ ᐊᒡᒐᖕᓂ, ᐆᒻᒪᑎᒃᑯᑦ ᑎᑎᕋᕐᓗᒋᑦ ᐅᔭᖅᑲᒧᑦ ᐃᑎᕐᓴᓕᐅᕈᑎᓯᒪᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 17:1

“ᔫᑕᐅᑉ ᐊᔪᕐᓂᖏᑦ ᓴᕕᕋᔭᒃᑯᑦ ᑎᑎᕋᕐᓯᒪᕗᑦ; ᐊᓕᒎᔭᕐᑐᑦ ᓯᑎᑎᒋᔪᒧᑦ ᐃᑎᕐᓴᓕᐅᕈᑎᓯᒪᓪᓗᑎᒃ ᑎᑎᕋᕐᓯᒪᕗᑦ ᐆᒻᒪᑎᖏᓐᓂ, ᑐᓂᕐᕈᓯᕐᕕᖏᑕᓗ ᓇᒡᔪᖏᖕᓂ.

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 11:19

ᓄᑖᒥᒃ ᐆᒻᒪᑎᑖᕐᑎᑦᓱᒫᕐᐸᒃᑲ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᓪᓗᒋᑦ; ᐆᒻᒪᑎᖏᓪᓗ ᐅᔭᕋᒃᑎᑐᑦ ᓯᑎᔪᑦ ᐲᕐᓗᒋᑦ ᑎᒥᖏᓐᓂᑦ ᐆᒻᒪᑎᑖᕐᑎᑦᓱᒫᕐᐸᒃᑲ ᐊᕿᑦᑐᒥᒃ ᓈᓚᒍᓐᓇᕐᑐᒥᒃ.

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 16:16

ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ, ᒎᑎᐅᑉ ᐆᒪᔫᑉ ᐃᕐᓂᖓ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:5

ᑍᒪᓕ ᐊᐴᓗᓯ ᑭᓇᐅᕚ? ᐸᐅᓗᓯᓗ ᑭᓇᐅᕚ? ᒎᑎᒥᒃ ᐱᔨᑦᓯᕐᑎᑐᐃᓐᓇᐅᕘᒃ ᑖᒃᑯᑎᒎᓇᖅ ᐅᒃᐱᕐᑐᓐᖑᕐᑎᑕᐅᕗᓯ, ᐊᑕᓂᐅᑉ ᐱᔭᒃᓴᖏᖕᓂᒃ ᐊᑐᓂᑦ ᑐᓂᓯᕕᒋᓚᐅᕐᒪᒋᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:7

ᐱᖁᔧᑦ ᑐᖁᑎᑦᓯᔪᑦ ᑐᓂᔭᐅᑎᓪᓗᒋᑦ ᑎᑎᕋᕐᓯᒪᓚᐅᕐᐳᑦ ᐅᔭᖅᑲᓂ, ᒎᑎᐅᓪᓗ ᑕᑯᒥᓇᕐᓂᕐᔪᐊᖓ ᓴᖅᑭᓚᐅᕐᐳᖅ ᐱᖁᔭᑦ ᑐᓂᔭᐅᓕᕐᑎᓪᓗᒋᑦ, ᐃᓴᕆᐊᓔᑎᑦ ᑕᑯᓐᓇᕈᓐᓇᓚᐅᓐᖏᓚᑦ ᒨᓯᓯᐅᑉ ᑮᓇᖓᓂᒃ ᖃᐅᒪᓗᐊᕐᓂᖓᓄᑦ, ᓄᖑᑦᑐᒃᓴᐅᒐᓗᐊᕐᑎᓪᓗᒍ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᐄᑉᕈᐃᓄᑦ 10:16

“ᑕᒪᑦᔭ ᐊᖏᖃᑎᒌᒍᑎᒋᔪᒫᕐᑕᕋ ᑖᒃᑯᓄᖓ ᐅᓪᓗᐃᑦ ᑕᒪᒃᑯᐊ ᑭᖑᕐᖓᑦᑎᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᐆᒻᒪᑎᖏᓐᓄᑦ ᐱᑎᑦᓱᒪᕙᒃᑲ, ᐃᓱᒪᖏᓐᓄᓪᓗ ᑎᑎᕋᕈᒪᓪᓗᒋᑦ.”

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:1

“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:12

“ᐴᕐᒐᒪᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ ᐃᒡᓗᒃᑐᑦ ᑮᓇᓕᖕᒥᒃ ᓴᕕᒡᔪᐊᖃᕐᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:18

“ᑍᐊᑍᕋᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᒎᑎᐅᑉ ᐃᕐᓂᖓᓂᑦ, ᐃᔨᖅᑲᕐᑑᑉ ᐃᑯᒪᔪᑎᑐᑦ ᑍᒤᑦᑑᖕᓂᒃ, ᐃᑎᒐᖃᕐᑑᓪᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᑕᐅᓯᒪᔪᑎᑐᑦ ᑍᒤᑦᑑᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:8

“ᓯᒨᕐᓇᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ, ᓯᕗᓪᓕᕐᐹᖑᔪᒥᑦ ᑭᖑᓪᓕᕐᐹᖑᔪᒥᓪᓗ, ᑐᖁᓚᐅᕐᓗᓂ ᒪᑭᓚᐅᕐᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:1

“ᓵᕐᑏᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ, ᒎᑎᐅᑉ ᐊᓂᕐᓂᖏᓐᓂᒃ 7ᓂᒃ ᐱᖃᕐᑐᒥᑦ ᐅᓪᓗᕆᐊᓂᒡᓗ 7ᓂᒃ ᐱᖃᕐᑐᒥᑦ. ᐱᓂᐊᕐᓂᑎᑦ ᖃᐅᔨᒪᕙᒃᑲ; ᐅᒃᐱᕐᓂᒃᑯᑦ ᐆᒪᓂᕋᕐᑕᐅᒐᕕᑦ, ᑐᖁᖓᒐᓗᐊᕐᑎᓪᓗᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:22

“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”