ᑯᕆᓐᑎᐊᒥᐅᓄᑦ ᐂᑉᐸᖏᑦ 3:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑍᒃᑯᐊᓕ ᐃᓱᒪᖏᑦ ᓱᓕ ᒪᑐᓯᒪᕗᑦ ᐅᓪᓗᒥᒧᑦ ᑎᑭᓪᓗᒍ; ᐅᖃᓕᒫᓕᕌᖓᒥᒃ ᐊᖏᖃᑎᒌᖕᓂᑐᖃᕐᓃᑦᑐᓂᒃ, ᒪᑐᐊᕆᔭᐅᓚᐅᕐᑐᖅ ᓱᓕ ᐲᕐᑕᐅᓯᒪᓐᖏᓚᖅ, ᑖᓐᓇ ᒪᑐᐊᖅ ᙭ᔅᑑᓯᒃᑯᑦ ᑭᓯᐊᓂ ᐲᕐᑕᐅᔪᓐᓇᕐᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:14 Iomraidhean Croise

ᐃᓐᖏᕈᑎᑦ 69:23

ᐃᔨᖏᑦ ᑖᕐᑐᕐᓯᐅᓕᕐᓕᑦ, ᑕᑯᖁᓇᒋᑦ; ᕿᒥᕐᓗᖏᓪᓗ ᓴᓐᖐᑦᑑᖏᓐᓇᓕᕐᓕᑦ.

ᐂᓮᐊᓯᐅᑉ ᐊᒡᓚᖏᑦ 25:7

ᑕᕝᕙ ᖁᕕᐊᓇᖏᑦᑐᖅ ᓄᕗᔭᑎᑐᑦ ᑕᕐᕋᓕᓂᕐᒦᑎᑦᓯᓚᐅᕐᑐᖅ ᐃᓅᖃᑎᒌᒡᔪᐊᓂᒃ ᐲᕐᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 44:18

ᑍᒤᑦᑐᑦ ᖃᐅᔨᒪᓐᖏᓚᑦ ᑐᑭᓯᓯᒪᓇᑎᒡᓗ; ᑕᑯᓐᓇᕐᑍᓕᒪᒐᒥᒃ ᑕᑯᔪᓐᓇᓐᖏᓚᑦ, ᐃᓱᒪᒥᒃᑎᒍᓪᓗ ᑐᑭᓯᔪᓐᓇᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᐂᓮᐊᓯᐅᑉ ᐊᒡᓚᖏᑦ 59:10

ᑕᐅᑐᖏᑦᑐᑎᑐᑦ ᐃᒡᓘᑉ ᐊᑭᓐᓇᖓᓂᒃ ᑕᑦᓯᑲᓗᒃᐳᒍᑦ, ᐊᑐᕐᓂᐊᕐᑕᕗᑦ ᑕᑦᓯᑲᒡᓗᒍ ᐃᔨᖃᖏᑦᑐᑎᑐᑦ, ᐅᓪᓗᓪᓗᐊᒃᑯᑦ ᑐᑦᔭᐱᖃᑦᑕᕐᐳᒍᑦ ᑖᕐᓯᑦᔪᑦᔭᐅᔪᑎᑐᑦ; ᐱᔪᓐᓇᑦᓯᐊᕐᑐᑦ ᐊᑯᓐᓂᖓᓐᓂ ᑐᖁᖓᔪᑎᑐᑦ ᑍᒤᑉᐳᒍᑦ.

ᐂᓮᐊᓯᐅᑉ ᐊᒡᓚᖏᑦ 6:10

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”

ᔨᕆᒤᐊᐅᑉ ᐊᒡᓚᖏᑦ 5:21

ᑐᓴᓕᕆᑦᓯ, ᐃᓕᑦᓯ ᓯᓔᑦᑐᓯ, ᐃᓱᒪᖃᑦᓯᐊᖏᑦᑐᓯᓗ ᐃᔨᖃᕋᓗᐊᕐᓗᓯ ᑕᐅᑐᖏᑦᑐᓯ, ᓯᐅᑎᖃᕋᓗᐊᕐᓗᓯᓗ ᑐᓵᖏᑦᑐᓯ.

ᐃᓯᑭᐊᓕᐅᑉ ᐊᒡᓚᖏᑦ 12:2

“ᐃᓅᑉ ᐃᕐᓂᖓ, ᓄᓇᖃᕐᐳᑎᑦ ᐊᑭᕋᕐᑐᕈᒪᔪᓂᒃ ᐃᓄᖃᕐᑐᓂᒃ, ᐃᔨᖃᕋᓗᐊᕐᐳᑦ ᑕᑯᔪᓐᓇᓐᖏᓚᑦ, ᓯᐅᑎᖃᕋᓗᐊᕐᐳᑦ ᑐᓴᕈᓐᓇᓐᖏᓚᑦ; ᐊᑭᕋᕐᑐᕐᑎᐅᒐᒥᒃ ᑭᖑᕚᖑᖃᑎᒌᑦ.

ᒫᑎᐅᓯᐅᑉ ᐊᒡᓚᖏᑦ 13:11

ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐊᑕᓂᐅᕕᖓᑕ ᓇᓗᓇᕐᓂᖓᓂᒃ ᖃᐅᔨᑎᑕᐅᕗᓯ, ᑖᒃᑯᐊᓕ ᖃᐅᔨᑎᑕᐅᓐᖏᓚᑦ.

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑎᐅᓯᐅᑉ ᐊᒡᓚᖏᑦ 6:23

ᐃᔩᒃᑭᒡᓕ ᑕᒃᐲᑦᑑᒃᐸᑎᒃ, ᑎᒥᓕᒫᑦ ᑖᕐᑐᒦᓐᓂᐊᕐᐳᖅ. ᖃᐅᒪᔪᖅ ᐃᓕᖕᓃᑦᑐᖅ ᑖᕐᓯᒃᐸᑦ, ᑖᕐᑐᒻᒪᕆᐊᓘᓂᐊᕐᐳᖅ!”

ᔪᐊᓇᓯᐅᑉ ᐊᒡᓚᖏᑦ 12:40

“ᒎᑎᐅᑉ ᐃᔨᖏᑦ ᑕᒃᐲᑎᓚᐅᕐᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ, ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”

ᔪᐊᓇᓯᐅᑉ ᐊᒡᓚᖏᑦ 12:46

ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:15

ᒨᓯᓯᐅᑉ ᐱᖁᔭᖏᑦ ᓇᓚᐅᑦᑍᔪᓪᓗ ᐅᖃᐅᓯᖏᑦ ᐅᖃᓕᒫᕐᑕᐅᔭᕇᕐᒪᑕ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᖓᔪᖅᑳᖏᑕ ᐅᖃᐅᑦᔭᐅᔭᕐᑐᖁᕚᒃ ᐅᖃᕐᓗᓂ, “ᐃᓅᖃᑎᒃᑲ, ᐱᕙᓪᓕᕈᑎᒃᓴᒥᒃ ᐃᓄᖕᓄᑦ ᐅᖃᐅᓯᒃᓴᖃᕈᑦᓯ ᐅᖃᓪᓚᖁᔨᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:21

ᑍᑲᓐᖓᑦ ᐱᒋᐊᓕᕋᑖᕐᓂᖓᓂᑦ ᓄᓇᓕᓕᒫᓂ ᒨᓯᓯᐅᑉ ᐱᖁᔭᖏᑦ ᐊᔪᕆᕐᑐᐃᑦᔪᑕᐅᒪᑕ ᓴᐸᑎᑕᒫᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:14

ᑖᒃᑯᐊ ᐃᓚᖓᑦ ᓈᓚᒃᑐᖅ ᓖᑎᐊᒥ ᐊᑎᓕᒃ ᑍᐊᑍᕋᒥᐅᖅ, ᐊᓐᓄᕌᒃᓴᓂᒃ ᐊᐅᐸᓪᓚᕆᒃᑐᓂᒃ ᐱᐅᔪᓂᒃ ᓂᐅᕕᐊᒃᓴᖁᑎᓕᒃ, ᒎᑎᒧᑦ ᑐᒃᓯᐊᖃᑦᑕᕐᑐᖅ. ᓖᑎᐊᑉ ᐆᒻᒪᑎᖓ ᐊᑕᓂᐅᑉ ᒪᑐᐃᕐᐹ ᐸᐅᓗᓯᐅᑉ ᐅᖃᐅᓯᖏᓐᓂᒃ ᓈᓚᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:15

ᐊᒡᓛᑦ ᐅᓪᓗᒥᒧᑦ ᑎᑭᓪᓗᒍ ᒨᓯᓯᐅᑉ ᐊᒡᓚᖏᓐᓂᒃ ᐅᖃᓕᒫᓕᕌᖓᒥᒃ ᓱᓕ ᐃᓱᒪᖏᑦ ᒪᑐᐊᕐᓯᒪᖃᑦᑕᕐᐳᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᐃᐱᓯᒥᐅᓄᑦ 4:18

ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ;