ᑯᕆᓐᑎᐊᒥᐅᓄᑦ ᐂᑉᐸᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᒫᒃ ᑕᕝᕙ ᐅᑯᓂᖓ ᑎᑎᕋᕈᑎᖃᕐᐳᖓ, ᐃᓕᑦᓯᓐᓄᑦ ᑎᑭᒃᑯᒪ ᖁᕕᐊᓱᓐᖏᑎᑕᐅᔪᒪᓇᖓ ᐅᕙᓐᓂᒃ ᖁᕕᐊᓱᒃᑎᑦᓯᒐᔭᓚᐅᕐᑐᓄᑦ, ᐃᓕᑦᓯᓐᓂᒃ ᖃᐅᔨᒪᑦᓯᐊᕋᒪ, ᖁᕕᐊᓱᒃᑯᒪ ᖁᕕᐊᓱᑦᓯᐊᕐᑐᐃᓐᓇᐅᒐᔭᕋᑦᓯᑦᑕᐅᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:3 Iomraidhean Croise

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:21

ᓇᓪᓕᐊᓐᓂᒡᓕ ᐱᔪᒪᕕᓯ? ᑏᒐᕈᑎᖃᕐᓗᖓ ᑎᑭᑦᑐᒃᓴᐅᕗᖓ, ᐅᕝᕙᓗ ᓇᒡᓕᖕᓂᖃᕐᓗᖓ ᐊᓂᕐᓂᒃᑯᑦ ᐃᓕᕋᓇᖏᑦᑐᒥᒃ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:15

ᑕᒪᓐᓇ ᖁᓚᖏᑦᔪᑎᒋᓪᓗᒍ ᐃᓕᑦᓯᓐᓄᑦ ᑎᑭᑦᓱᒪᓚᐅᕋᓗᐊᕐᐳᖓ ᓯᕗᓂᖓᒍᑦ, ᖁᕕᐊᓱᒃᑎᑕᐅᒃᑲᓐᓂᖁᓪᓗᓯ ᓲᕐᓗ ᒪᕐᕈᐃᕐᓱᓪᓗᐊᕐᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:23

ᒎᑎ ᖃᐅᔨᒪᔨᒋᕙᕋ ᐅᖃᐅᓯᕆᓂᐊᕐᑕᒃᑲ ᐱᓪᓗᒋᑦ, ᐅᕙᓐᓂᒃ ᖃᐅᔨᒪᖕᒪᑦ ᓱᓇᑐᐃᓐᓇᕐᒧᑦ ᐅᖁᒤᑦᑐᒦᖁᓇᓯ ᑯᕆᓐᑎᒧᐊᕈᒪᔪᓐᓃᓚᐅᕋᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:11

ᓯᓔᑦᑐᑐᑦ ᐱᐅᓯᖃᓕᕐᐳᖓ, ᐃᓕᑦᓯ ᑍᒤᑎᑦᓯᕗᓯ ᐅᕙᓐᓂᒃ, ᐃᓕᑦᓯ ᐱᐅᓂᕅᖔᕋᔭᕋᓗᐊᕐᑐᓯ ᐅᕙᓐᓂᒃ. ᐋᐴᓯᑕᓕᖁᑎᑦᓯᓐᓂᑦ ᐱᔪᓐᓇᕐᓂᖃᕐᑐᓂᑦ ᒥᑭᓐᓂᕐᓴᐅᖏᓐᓇᒪ, ᓱᓇᐅᖏᒃᑲᓗᐊᕐᑎᓪᓗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:10

ᑍᒫᒃ ᑎᑎᕋᕐᐳᖓ ᐊᑦᓯᒪᓪᓗᖓ ᐃᓕᑦᓯᓐᓂᑦ, ᑎᑭᒃᑯᒪ ᐃᓕᕋᓇᕈᒪᓇᖓ ᐱᔪᓐᓇᕐᓂᖃᕐᑎᑕᐅᓂᓐᓄᑦ, ᐱᔪᓐᓇᕐᓂᕐᒧᑦ ᐊᑕᓂᕐᒥᑦ ᐱᓯᒪᔭᓐᓄᑦ ᐋᖅᑭᒃᐸᓪᓕᐊᖁᓪᓗᓯ ᓱᕋᒍᑎᒃᓴᑦᓯᓐᓅᖏᑦᑐᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:9

ᑍᒤᒻᒪᑦ ᑎᑎᕋᕐᕕᒋᓚᐅᕐᐸᑦᓯ, ᖃᐅᔨᔪᒪᓪᓗᖓ ᑕᒤᓐᓂᒃ ᓈᓚᒍᓐᓇᕐᒪᖔᑦᓯ ᐃᓕᑦᓯᓐᓄᑦ ᐱᓇᓱᐊᕐᑕᐅᖁᔭᐅᔪᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:12

ᑎᑎᕋᕐᕕᒋᓚᐅᕋᓗᐊᕐᐸᑦᓯ, ᐊᔪᕐᑐᓕᔪᕐᓕ ᑎᑎᕋᕈᑎᒋᓚᐅᓐᖏᓚᕋ, ᐊᔪᕐᑐᓕᕕᐅᔪᕐᓘᓐᓃᑦ, ᓇᖕᒥᓂᕐᓕ ᓇᓗᓁᕐᓯᕕᐅᖁᓪᓗᓯ ᐅᕙᑦᑎᓐᓄᑦ ᑐᓂᓯᒪᑦᓯᐊᓪᓚᕆᖕᓂᑦᓯᓐᓂᒃ ᒎᑎᐅᑉ ᓵᖓᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:16

ᖁᕕᐊᓲᑎᖃᕐᐳᖓ, ᐱᔪᓐᓇᑦᓯᐊᓕᕐᓂᑦᓯᓐᓂᒃ ᐃᓘᓐᓈᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:6

ᒎᑎᐅᓪᓕ, ᒪᓂᒍᕐᑎᑦᓯᔨᐅᑉ ᓴᓐᖐᓕᓯᒪᔪᓂᒃ, ᒪᓂᒍᓚᐅᕐᐹᑎᒍᑦ ᑍᑑᓯᐅᑉ ᑎᑭᓐᓂᖓᒍᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:8

ᕿᒃᓵᒃᑎᓚᐅᕋᓗᐊᕈᑦᓯ ᑎᑎᕋᓚᐅᕐᑕᓐᓄᑦ, ᐅᒡᒍᐊᕈᑎᒋᓐᖏᓚᒃᑲ. ᐅᒡᒍᐊᓚᐅᕋᓗᐊᕐᐳᖓ ᖃᐅᔨᒐᒪ ᑎᑎᕋᕐᑕᓐᓄᑦ ᐋᓐᓂᕐᑕᐅᓚᐅᕋᑦᓯ, ᐊᑯᓂᐅᖏᑦᑐᕐᓕ ᕿᒃᓵᓚᐅᕐᐳᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:22

ᑍᒤᒻᒪᑦ ᐅᒃᐱᕐᑑᖃᑎᕗᑦ ᑎᓕᖃᓯᐅᑎᕙᕗᑦ ᖃᐅᔨᓴᖃᑦᑕᕐᓯᒪᒐᑦᑎᒍ ᓴᖅᑭᑎᑦᓯᖃᑦᑕᕐᓯᒪᖕᒪᑦ ᐅᓄᕐᑐᐃᕐᓱᕐᓗᓂ ᐃᑲᔪᕈᒪᑦᓯᐊᕐᓂᕐᒥᓂᒃ, ᒫᓐᓇᓗ ᐃᑲᔪᕈᒪᒋᐊᓪᓚᓕᕆᕗᖅ ᐃᓕᑦᓯᓐᓂᒃ ᖁᓚᕈᑎᖃᖏᑦᓯᐊᓕᕋᒥ.

ᒐᓔᑎᐊᒥᐅᓄᑦ 5:10

ᓱᓕ ᐃᓕᑦᓯᓐᓂᒃ ᖁᓚᓐᖏᓚᖓ ᐊᑕᓂᕐᒥ ᐃᓱᒪᒋᔭᒪ ᐊᓯᐊᓂᒃ ᐃᓱᒪᑖᕐᓂᐊᖏᓐᓇᑦᓯ; ᑍᓐᓇᓗ ᐃᓕᑦᓯᓐᓂᒃ ᐊᑲᐅᓐᖏᓕᐅᕐᑎᑦᓯᓚᐅᕐᑐᖅ ᓱᒋᐊᕐᑕᐅᔪᒫᕐᐳᖅ, ᑭᓇᐅᒐᓗᐊᕐᐸᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:4

ᖁᓚᓐᖏᓚᒍᓪᓕ ᑍᒤᑦᑐᓐᓇᕋᑦᓯ ᐊᑕᓂᕐᒥ, ᐱᓇᓱᐊᕐᓂᑦᓯᓐᓂᒃ ᐃᓕᑦᓯᓐᓄᓪᓗ ᐱᓇᓱᐊᒐᒃᓴᓕᐊᕆᔭᑦᑎᓐᓂᒃ ᐱᓇᓱᐊᕐᓂᐊᕋᑦᓯ.

ᐰᓕᒨᓂᒧᑦ 1:21

ᖁᓚᓐᖏᓚᖓ ᐱᓇᓱᐊᕐᑕᐅᖁᔭᓐᓂᒃ ᓈᓚᖕᓂᐊᕋᕕᑦ, ᑖᒃᑯᓂᖓ ᑎᑎᕋᐅᑎᒋᔭᓐᓂᒃ, ᖃᐅᔨᒪᓪᓗᖓ ᐅᖃᐅᓯᕆᔭᒪ ᐊᒡᓛᑦ ᐅᖓᑖᓄᑦ ᐱᓇᓱᐊᑦᓯᐊᕐᓂᐊᕋᕕᑦ.