ᑯᕆᓐᑎᐊᒥᐅᓄᑦ ᐂᑉᐸᖏᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓕᑦᓯᓐᓂᒃ ᖃᐅᔨᓴᕆᑦᓯ ᐅᒃᐱᕐᓂᕐᒦᒻᒪᖔᑦᓯ. ᐆᒃᑐᕆᑦᓯ ᐃᓕᑦᓯᓐᓂᒃ; ᖃᐅᔨᒪᓐᖏᓚᓰ ᔩᓱᓯ ᙭ᔅᑑᓯ ᐃᓗᑦᓯᓐᓃᒻᒪᑦ? ᐅᒃᐱᕐᓂᕐᒥ ᓱᓕᖏᒃᑯᑦᓯ ᑭᓯᐊᓂ ᖃᐅᔨᒐᔭᓐᖏᓚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:5 Iomraidhean Croise

ᐃᓐᖏᕈᑎᑦ 119:59

ᐱᓂᐊᕐᓂᒃᑲ ᐃᓅᓯᓐᓂ ᐃᓱᒪᒃᓴᕐᓯᐅᕈᑎᒋᒐᒃᑭᑦ; ᐃᓕᓮᑦᔪᑎᒋᔭᕐᓄᑦ ᐃᓅᓯᓐᓂ ᒪᓕᒃᓴᕈᒪᓕᕐᐳᖓ.

ᐃᓐᖏᕈᑎᑦ 17:3

ᐆᒻᒪᑎᒐ ᐆᒃᑐᕐᓯᒪᒐᕕᐅᒃ; ᐅᓐᓄᐊᒃᑯᓪᓗ ᑕᑯᔭᕐᑐᖃᑦᑕᕐᓯᒪᒐᕕᖓ; ᐆᒃᑐᕐᓯᒪᒐᕕᖓ, ᓱᓇᒥᒡᓗ ᐱᐅᖏᑦᑐᒥᒃ ᓇᓂᓯᓯᒪᓐᖏᓚᑎᑦ; ᑲᔪᓯᒪᓚᐅᕐᐳᖓ ᖃᓂᕋ ᐱᐅᖏᑦᑐᓕᖁᓇᒍ.

ᐃᓐᖏᕈᑎᑦ 26:2

ᖃᐅᔨᓴᓚᐅᓐᖓ, ᐊᑕᓃᖅ, ᐆᒃᑐᕐᓗᖓᓗ, ᐆᒻᒪᑎᒐ ᐃᓱᒪᒐᓗ ᐅᑦᔨᕐᓱᓚᐅᒃᑭᒃ.

ᔨᕆᒤᐊᐅᑉ ᐊᒡᓚᖏᑦ 6:30

ᑍᔭᐅᔪᒫᕐᐳᑦ ᓯᐅᓪᕕᕆᓂᒃ ᐱᔪᒪᔭᐅᔪᓐᓃᕐᓂᑯᓂᒃ, ᐊᑕᓂᐅᑉ ᓇᕐᕈᒋᓕᕐᒪᒋᑦ ᐱᔪᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:40

ᐱᐅᓯᕆᔭᕗᑦ ᕿᒥᕐᕈᓗᒋᑦ ᖃᐅᔨᓴᓚᐅᕐᓚᕗᑦ, ᐊᑕᓂᕐᒧᓪᓗ ᐅᑎᕐᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 18:28

ᐃᓱᒪᒃᓴᕐᓯᐅᕈᑎᖃᕐᓂᕐᒥᓄᑦ ᐊᔪᕐᑐᓕᓂᕆᓚᐅᕐᑕᓕᒫᒥᓂᒃ ᕿᒤᒃᐸᑦ, ᑖᓐᓇ ᖁᓚᕐᓇᖏᑦᑐᒥᒃ ᐃᓅᓂᐊᕐᐳᖅ, ᑐᖁᖏᓪᓗᓂ.

ᕼᐊᒊᑉ ᐊᒡᓚᖏᑦ 1:5

ᑍᒤᒻᒪᑦ ᒫᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ‘ᐃᓱᒪᒋᓚᐅᕐᓯᐅᒃ ᖃᓄᐃᓕᐅᕐᓯᒪᓂᓯ!

ᕼᐊᒊᑉ ᐊᒡᓚᖏᑦ 1:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ‘ᐃᓱᒪᒋᓚᐅᕐᓯᐅᒃ ᖃᓄᐃᓕᐅᕐᓯᒪᓂᓯ!

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 15:4

ᐃᓗᓐᓃᑦᓮᓐᓇᕆᑦᓯ, ᐅᕙᖓᓗ ᐃᓗᑦᓯᓐᓃᓪᓗᖓ. ᓲᕐᓗ ᓇᐹᕐᑐᑉ ᐊᕙᓚᖓᔪᐊ ᐃᒻᒥᓃᓐᓇᖅ ᐸᐅᕐᖓᖃᕈᓐᓇᖏᒻᒪᑦ, ᓇᐹᕐᑐᒦᒃᑯᓂ ᑭᓯᐊᓂ ᐱᕈᕐᑎᑦᓯᔪᓐᓇᕐᐳᖅ, ᑍᒤᒃᑭᕗᓯᑦᑕᐅᖅ ᐅᕙᓐᓃᓪᓗᓯ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᔪᐊᓇᓯᐅᑉ ᐊᒡᓚᖏᑦ 17:26

ᑖᒃᑯᓄᖓ ᖃᐅᔨᔭᐅᑎᑉᐸᒋᑦ, ᓱᓕ ᖃᐅᔨᑎᑉᐸᓕᐊᔪᒪᕙᒃᑲ, ᓇᒡᓕᖕᓂᖅ ᓇᒡᓕᖕᓂᕆᔧᑦ ᐅᕙᓐᓄᑦ ᐃᓗᖏᓐᓃᖁᓪᓗᒍ, ᐅᕙᖓᓗ ᐃᓗᖏᓐᓃᓪᓗᖓ.”

ᔪᐊᓇᓯᐅᑉ ᐊᒡᓚᖏᑦ 6:56

ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᕐᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ.

ᔪᐊᓇᓯᐅᑉ ᐊᒡᓚᖏᑦ 6:6

ᔩᓱᓯ ᑍᒫᒃ ᐅᖃᕐᐳᖅ ᐱᓕᑉᐴᓯ ᖃᐅᔨᓴᕐᓗᓂᐅᒃ, ᖃᐅᔨᒪᒐᓗᐊᕐᓗᓂ ᖃᓄᐃᓕᐅᕈᓐᓇᕐᓂᕐᒥᓂᒃ.

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᕉᒪᒥᐅᓄᑦ 8:10

᙭ᔅᑑᓯᓕ ᐃᓕᑦᓯᓐᓃᑉᐸᑦ, ᑎᒥᓯ ᑐᖁᖓᒐᓗᐊᕐᐳᖅ ᐊᔪᕐᓂᕐᒥ, ᐊᓂᕐᓂᓯᓕ ᐆᒪᕗᑦ ᐃᓗᐊᕐᑑᑎᑕᐅᓂᖅ ᐱᑦᔪᑎᒋᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:28

ᑍᒤᒻᒪᑦ ᐃᒻᒥᖕᓂᒃ ᖃᐅᔨᓴᖅᑳᖃᑦᑕᕐᓕᑦ, ᓂᐊᖂᔭᒥᒃ ᓂᕆᓚᐅᖏᓐᓂᕐᒥᖕᓂᒃ ᐃᒥᐅᑎᒥᓪᓗ ᐃᒥᓚᐅᖏᓐᓂᕐᒥᖕᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:31

ᐅᕙᑦᑎᓐᓂᒡᓕ ᓱᓕᔪᒥᒃ ᖃᐅᔨᓴᖅᑳᕈᑦᑕ, ᐸᓯᔭᒃᓴᐅᓕᕐᓂᐊᓐᖏᓚᒍᑦ ᒎᑎᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:16

ᖃᐅᔨᒪᓐᖏᓚᓰ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᖕᒪᓯ? ᒎᑎᐅᓪᓗ ᐊᓂᕐᓂᕐᖓᑕ ᐃᓂᒋᖕᒪᓯ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:15

ᖃᐅᔨᒪᓐᖏᓚᓰ ᑎᒥᓯ ᙭ᔅᑑᓯᐅᑉ ᑎᒥᖓᑕ ᐃᓚᒋᖕᒪᒋᑦ? ᑍᒤᒻᒪᑦ ᙭ᔅᑑᓯᐅᑉ ᑎᒥᖓᑕ ᐃᓚᖓ ᐊᖑᓐᓂᐊᕐᑎᒧᑦ ᐊᕐᓇᕐᓂᐊᕐᑎᒧᓪᓘᓐᓃᑦ ᐃᓚᓕᐅᑎᔪᓐᓇᕐᐸᕌ? ᑍᒤᑦᑐᓐᓇᓐᖏᓚᖅ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:19

ᖃᐅᔨᒪᓐᖏᓚᓰ? ᑎᒥᓯ ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᒃᓯᐊᕐᕕᒡᔪᐊᖁᑎᒋᖕᒪᒋᑦ, ᑖᓐᓇ ᐃᓗᑦᓯᓐᓃᑉᐳᖅ ᒎᑎᒥᑦ ᑐᓂᕐᕈᓯᐊᕆᔭᓯ, ᐃᓕᑦᓯᓐᓂᒡᓗ ᓇᖕᒥᓂᕆᓐᖏᓚᓯ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:2

ᖃᐅᔨᒪᓐᖏᓚᓰ ᒎᑎᐅᑉ ᐃᓄᖁᑎᖏᑕ ᓯᓚᕐᔪᐊᕐᒥᐅᑦ ᐃᖅᑲᕐᑐᕈᒫᕐᒪᒋᑦ? ᓯᓚᕐᔪᐊᕐᒥᐅᓂᒡᓕ ᐃᖅᑲᕐᑐᐃᔪᒫᕈᑦᓯ, ᐱᔭᕆᐊᑭᓐᓂᕐᓴᓂᒃ ᐃᖅᑲᕐᑐᐃᔪᓐᓇᓐᖏᓚᓰ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:24

ᖃᐅᔨᒪᕕᓰ ᐅᓪᓚᖕᓂᒃᑯᑦ ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᔪᑦ ᑕᒪᕐᒥᒃ ᐱᓇᓱᐊᕐᒪᑕ, ᐊᑕᐅᓯᐅᓪᓕ ᓵᓚᒃᓴᕐᓂᖅ ᐱᕚ? ᑍᒤᒻᒪᑦ ᐅᓪᓚᒋᑦᓯ ᓵᓚᖃᐅᑎᒃᓴᖅ ᐱᓇᓱᐊᕐᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:27

ᑎᒥᒐᓕ ᐅᖁᒤᒃᓴᕐᑎᓪᓗᒍ, ᐅᕙᓐᓄᑦ ᓯᐊᓛᖑᑎᑉᐸᕋ ᐊᓯᓐᓂᒃ ᐊᔪᕆᑦᑐᐃᓚᐅᕐᑎᓪᓗᖓ, ᓵᓚᒃᓴᐅᑎᒃᓴᒥᒃ ᐱᔪᓐᓁᓪᓕᑎᑕᐅᔪᒪᓇᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᒐᓔᑎᐊᒥᐅᓄᑦ 4:19

ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ.

ᒐᓔᑎᐊᒥᐅᓄᑦ 6:4

ᓇᖕᒥᓂᕐᓕ ᐱᓂᐊᕐᓂᒥᖕᓂᒃ ᖃᐅᔨᓴᕐᓕᑦ, ᐱᓂᐊᕐᓂᖓ ᐱᐅᔫᒃᐸᑦ, ᑕᕝᕙ ᐱᓇᓱᐊᓚᐅᕐᑕᒥᓂᒃ ᐅᐱᒍᓲᑎᖃᕈᓐᓇᕋᔭᕐᐳᖅ, ᐊᓯᒥ ᐱᓂᐊᕐᓂᕆᓯᒪᔭᖏᓐᓂᒃ ᐃᓱᒪᖏᓪᓗᓂ.

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑯᓘᓯᐊᒥᐅᓄᑦ 2:19

ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.

ᑯᓘᓯᐊᒥᐅᓄᑦ 2:7

ᐊᒫᖃᑦᓯᐊᓕᕆᑦᓯ ᑖᑦᓱᒪᓂ, ᐃᓅᓯᓯᓗ ᑖᑦᓱᒪᓂ ᐋᖅᑭᒃᓱᓕᕐᓯᐅᒃ, ᐅᒃᐱᕐᓂᑦᓯ ᓴᓐᖏᒃᑎᑉᐸᓪᓕᐊᑎᓪᓗᒍ ᑖᑦᓱᒪᓂ, ᑍᒫᒃ ᐃᓕᓐᓂᐊᕐᑎᑕᐅᓚᐅᕋᑦᓯ, ᐊᖏᔪᒥᒡᓗ ᖁᔭᓕᓂᖃᓕᕆᑦᓯ.

ᑎᒧᑎᒧᑦ ᓯᕗᓪᓖᑦ 2:15

ᐊᕐᓇᕐᓕ ᐱᐅᓕᔭᐅᔪᒫᕐᐳᖅ ᕿᑐᕐᖓᕐᑖᖃᑦᑕᕐᓗᓂ, ᐅᒃᐱᕐᓂᕐᒦᖏᓇᕈᓂ ᓇᒡᓕᖕᓂᕐᒥᓗ ᐃᑦᔪᕐᓁᓐᓂᕐᒥᓗ, ᐱᐅᔪᕆᖏᓪᓗᓂ.

ᑎᒧᑎᒧᑦ ᐂᑉᐸᖏᑦ 3:8

ᔮᓂᔅᑐᑦ ᔭᒻᐳᕆᓯᑐᓪᓗ ᒨᓯᓯᒥᒃ ᐊᑭᕋᕐᑐᓚᐅᕐᒪᑎᒃ, ᑍᒫᒃᑕᐅᖅ ᑖᒃᑯᐊ ᐊᖑᑎᑦ ᓱᓕᔪᒥᒃ ᐊᑭᕋᕐᑐᕆᕗᑦ; ᐃᓱᒪᖏᑦ ᐊᓯᕈᕐᑕᐅᓯᒪᕗᑦ ᐅᒃᐱᕐᓂᕐᒥᓪᓗ ᑲᑕᒃᓯᒪᓪᓗᑎᒃ.

ᑍᑑᓯᒧᑦ 1:13

ᑍᒤᒻᒪᑦ ᐊᒃᓱᕉᑎᓗᒋᑦ ᐃᓂᕐᑎᒻᒪᕆᒋᐊᖃᕐᐸᑎᑦ, ᓱᓕᔪᒥᒃ ᐅᒃᐱᕐᓂᖃᑦᓯᐊᖁᓪᓗᒋᑦ.

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᑍᑑᓯᒧᑦ 2:2

ᐃᒃᓇᐅᓂᕐᓴᐅᓕᕐᑐᑦ ᐅᑦᔨᕈᓱᑦᓯᐊᖁᓗᒋᑦ ᐊᔪᕆᕐᑐᒃᑭᑦ, ᐅᐱᓐᓇᕐᑑᑦᓯᐊᕐᓗᑎᒃ, ᐃᒻᒥᖕᓂᒃ ᐱᓯᒪᑦᓯᐊᕈᓐᓇᕐᓗᑎᒃ, ᐅᒃᐱᕐᓂᕐᒦᑦᓯᐊᕐᓗᑎᒃ, ᓇᒡᓕᖕᓂᖃᕐᓗᑎᒃ, ᕿᓄᐃᓵᕐᓂᖃᑦᓯᐊᕐᓗᑎᒡᓗ ᐱᖁᓪᓗᒋᑦ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᐄᑉᕈᐃᓄᑦ 6:8

ᓄᓇᓕ ᑲᑭᓪᓚᕐᓇᕐᑐᓂᒃ ᐱᕈᕐᓂᕐᓗᒃᑐᓂᒡᓗ ᐱᕈᕐᕕᐅᒃᐸᑦ ᐊᑑᑎᒃᓴᖃᓐᖏᓚᖅ ᓇᕐᕈᒋᔭᐅᓂᖓ ᓇᓗᓇᕈᓐᓃᕐᐸᒃᐳᖅ. ᑭᖑᓪᓕᕐᐹᒥᒃ ᐃᑯᐊᓚᒐᒃᓴᑐᐃᓐᓇᐅᓕᕐᓗᓂ.

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᐲᑦᑐᕉᓯ ᓯᕗᓪᓖᑦ 5:9

ᐅᓇᖕᒥᓱᒃᑎᖏᒃᑯᑦᓯᐅᒃ ᐅᒃᐱᕐᓂᕐᒦᑦᓯᐊᕐᓗᓯ, ᖃᐅᔨᒪᓗᓯᓗ ᐅᒃᐱᕐᑐᑦᑕᐅᖅ ᐊᓯᓯ ᓯᓚᕐᔪᐊᕐᒥ ᑍᒫᓪᓗᐊᖅ ᐅᖁᒤᑦᑐᒦᑎᑕᐅᖃᑦᑕᕐᒥᖕᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:5

ᐃᖅᑬᓕᕆᑦ ᓇᑭᑦ ᑲᑕᒃᐸᓪᓕᐊᓕᕐᓂᕐᒪᖔᕐᐱᑦ, ᖃᕿᐊᓕᕐᓗᑎᑦ ᓯᕗᓪᓕᕐᒥᒃ ᐱᓇᓱᐊᕐᐸᓚᐅᕐᑕᑎᑦ ᐱᓇᓱᐊᓕᒃᑭᑦ. ᑍᒤᓐᓂᐊᖏᒃᑯᕕᑦ, ᕾᓗᖓ ᖃᐅᒻᒪᖅᑯᑎᕕᑦ ᐃᓂᖓ ᐲᕆᐊᕐᑐᕈᒫᕐᐸᕋ, ᖃᕿᐊᓕᖏᒃᑯᕕᑦ.