ᑯᕆᓐᑎᐊᒥᐅᓄᑦ ᐂᑉᐸᖏᑦ 13:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᒎᑎᐅᓪᓗ ᓇᒡᓕᖕᓂᖓᑕ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐃᓚᖃᕐᓂᖓᑕ ᐃᓚᒋᓕᓯ ᑕᒪᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:14 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᔪᐊᓇᓯᐅᑉ ᐊᒡᓚᖏᑦ 4:10

ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 7:38

ᐅᕙᓐᓄᑦ ᐅᒃᐱᕐᑐᖅ, ᓲᕐᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᓇᕐᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᕐᐳᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 15:11

ᐅᒃᐱᕈᓱᒃᐳᒍᓪᓕ ᐱᐅᓕᔭᐅᓂᐊᕋᑦᑕ ᐊᑕᓂᐅᑉ ᔩᓱᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᑍᒃᑯᐊᑦᑕᐅᖅ ᑍᒤᓐᓂᐊᕆᕗᑦ.”

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᕉᒪᒥᐅᓄᑦ 16:23

ᒊᐊᓯᐅᑉ ᑐᔪᕐᒥᕕᖕᒪ, ᐅᒃᐱᕐᑑᖃᑎᒌᓪᓗ ᑲᑎᒪᕕᒋᕙᒃᑕᖓᑦᑕ, ᑕᕝᕙᐅᕗᑏᕐᐸᓯ. ᐃᕌᔅᑕᓯᐅᑉ, ᓄᓇᓕᒡᔪᐊᓂ ᑮᓇᐅᔭᓕᕆᔨᐅᔫᑉ, ᐅᒃᐱᕐᑑᖃᑎᑦᑕᓗ ᑯᐊᕐᑕᓯᐅᑉ ᑕᕝᕙᐅᕗᑏᕐᐹᓯ. [

ᕉᒪᒥᐅᓄᑦ 16:27

ᑖᓐᓇ ᓯᓚᑐᔪᑑᔪᖅ ᒎᑎ, ᓂᕐᑐᕐᑕᐅᓕ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ! ᐋᒥᓐ.

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᕉᒪᒥᐅᓄᑦ 8:39

ᐳᕐᑐᓂᕐᔫᓪᓘᓐᓃᑦ, ᐃᑎᓂᕐᔫᓪᓘᓐᓃᑦ, ᐱᓐᖑᕐᑎᓯᒪᔪᓄᓪᓘᓐᓃᑦ ᓱᓇᑐᐃᓐᓇᕐᓄᑦ, ᑕᒪᒃᑯᓄᖓᑦ ᐊᕕᑎᑕᐅᔪᓐᓇᓐᖏᓐᓇᑦᑕ ᒎᑎᐅᑉ ᓇᒡᓕᖕᓂᖓᓂᑦ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓃᑦᑐᒥᑦ.

ᕉᒪᒥᐅᓄᑦ 8:9

ᐃᓕᑦᓯᓕ ᑎᒥᐅᑉ ᐱᔪᒪᔭᖓᓃᓐᖏᓚᓯ, ᐊᓂᕐᓂᕐᒦᑉᐳᓯᓕ, ᒎᑎᐅᑉ ᐊᓂᕐᓂᖓ ᐃᓂᖃᕐᐸᑦ ᐃᓕᑦᓯᓐᓂ. ᙭ᔅᑑᓯᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᑖᑦᓱᒧᖓ ᐱᖁᑎᒋᔭᐅᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:16

ᒎᑎᒧᑦ ᖁᔭᓕᒍᕕᑦ ᐊᓂᕐᓂᒃᑯᑦ, ᖃᓄᕐᓕ ᑕᕝᕗᓐᖓᕐᓯᒪᔪᑦ ᐱᖃᑕᐅᕙᖏᑦᑐᑦ “ᐋᒦᓐ” ᕈᓐᓇᕋᔭᕐᐹᑦ ᖁᔭᓕᓂᕆᔭᕐᓄᑦ ᑐᑭᓯᖏᓪᓗᑎᒃ ᖃᓄᐃᓕᐅᕐᒪᖔᕐᐱᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:23

ᐊᑕᓂᐅᑉ ᔩᓱᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:16

ᖃᐅᔨᒪᓐᖏᓚᓰ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᖕᒪᓯ? ᒎᑎᐅᓪᓗ ᐊᓂᕐᓂᕐᖓᑕ ᐃᓂᒋᖕᒪᓯ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:19

ᖃᐅᔨᒪᓐᖏᓚᓰ? ᑎᒥᓯ ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᒃᓯᐊᕐᕕᒡᔪᐊᖁᑎᒋᖕᒪᒋᑦ, ᑖᓐᓇ ᐃᓗᑦᓯᓐᓃᑉᐳᖅ ᒎᑎᒥᑦ ᑐᓂᕐᕈᓯᐊᕆᔭᓯ, ᐃᓕᑦᓯᓐᓂᒡᓗ ᓇᖕᒥᓂᕆᓐᖏᓚᓯ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᐃᐱᓯᒥᐅᓄᑦ 2:18

ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᕐᐳᒍᑦ ᐊᑖᑕᒧᑦ ᐊᓂᕐᓂᒃᑯᑦ ᐊᑕᐅᓯᒃᑯᑦ.

ᐃᐱᓯᒥᐅᓄᑦ 2:22

ᑖᑦᓱᒨᓇ ᐃᓕᑦᓯᑦᑕᐅᖅ ᐃᒡᓗᓕᐊᖑᖃᑕᐅᓕᕐᐳᓯ ᒎᑎᒧᑦ ᐃᓂᒋᔭᒃᓴᐅᖁᓪᓗᓯ.

ᐃᐱᓯᒥᐅᓄᑦ 5:9

ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.

ᐃᐱᓯᒥᐅᓄᑦ 6:23

ᐅᒃᐱᕐᑑᖃᑎᒌᑦ ᑕᒪᕐᒥᒃ ᓮᓕᓂᖃᕐᓕᑦ, ᓇᓪᓕᖕᓂᕐᒧᑦ ᐅᒃᐱᕐᓂᖃᕐᓕᑦ, ᒎᑎᒥᑦ ᐊᑖᑕᒥᑦ ᐊᑕᓂᕐᒥᓪᓗ ᔩᓱᓯ ᙭ᔅᑑᓯᒥᑦ.

ᐱᓕᐱᒥᐅᓄᑦ 2:1

᙭ᔅᑑᓯᒥ ᐱᕙᓪᓕᕐᑎᑕᐅᔪᖃᕐᐸᑦ, ᓇᒡᓕᖕᓂᖓᓄᑦ ᓮᒻᒪᕐᑎᑕᐅᒍᑦᓯ, ᐊᓂᕐᓂᖓᓄᓪᓗ ᐃᓚᒌᑦᓯᐊᓕᕐᑎᑕᐅᒍᑦᓯ ᐃᓕᑦᓯᓐᓄᑦ, ᐱᑦᓯᐊᕐᓂᖃᓕᕐᓗᓯᓗ ᐃᓚᑦᓱᒍᓱᖕᓂᖃᓕᕈᑦᓯ ᐃᓅᖃᑎᑦᓯᓐᓄᑦ,

ᔪᐊᓇᓯ ᓯᕗᓪᓖᑦ 1:3

ᑕᑯᓯᒪᔭᕗᑦ ᑐᓴᕐᓯᒪᔭᕗᓪᓗ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᐃᓕᑦᓯᑦᑕᐅᖅ ᐅᕙᑦᑎᓐᓄᑦ ᐃᓚᒌᒍᑎᖃᖁᓪᓗᓯ; ᐊᑖᑕᒧᑦ ᐃᕐᓂᖓᓄᓪᓗ ᔩᓱᓯ ᙭ᔅᑑᓯᒧᑦ ᐃᓚᒌᒍᑎᖃᓕᖁᓪᓗᑕ.

ᔪᐊᓇᓯ ᓯᕗᓪᓖᑦ 3:16

ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ.

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.