ᑯᕆᓐᑎᐊᒥᐅᓄᑦ ᐂᑉᐸᖏᑦ 13:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᐱᖓᔪᒋᓕᕐᑕᖓᓂᒃ ᐃᓕᑦᓯᓐᓄᑦ ᑎᑭᓛᓕᕐᐳᖓ. “ᒪᕐᕉᒃᐸᑎᒃ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:1 Iomraidhean Croise

ᐊᑕᓃᑦ ᓯᕗᓪᓖᑦ 1:14

ᑕᕝᕙ ᐅᖃᓪᓚᒃᑎᓪᓗᑎᑦ ᓱᓕ ᐊᖓᔪᖅᑳᕐᔪᐊᕐᒧᑦ, ᑕᕝᕗᖓ ᐃᑎᕐᓂᐊᕐᐳᖓ ᐅᓂᒃᑲᐅᓯᕆᔭᑎᑦ ᓇᓗᓁᒃᑲᓐᓂᕐᓗᒋᑦ.”

ᐊᑕᓃᑦ ᓯᕗᓪᓖᑦ 21:10

ᐊᖑᑏᖕᓂᒃ ᒪᕐᕉᖕᓂᒃ ᐊᕙᑖᓄᑦ ᐃᖏᑎᑦᓯᓗᓯ, ᐊᑭᕋᕐᑐᕐᓂᐊᕐᑑᖕᓂᒃ ᑖᑦᓱᒥᖓ ᓱᓕᖏᑦᑐᒥᒃ, ᐅᖃᕐᓂᕐᓘᑎᖃᕐᑐᒃᓵᖕᓂᒃ ᐅᖃᕐᓗᑎᒃ, ‘ᒎᑎᒥᒃ ᐊᖓᔪᖅᑳᕐᔪᐊᒥᒡᓗ ᐅᖃᕐᓂᕐᓘᑎᖃᓚᐅᕐᐳᑎᑦ.’ ᐊᓐᓂᓯᓗᒍ, ᐅᔭᖅᑲᓄᑦ ᒥᓪᓗᕆᐊᕐᑐᕐᓯᐅᒃ ᑐᖁᓪᓗᒍ.”

ᐊᑕᓃᑦ ᓯᕗᓪᓖᑦ 21:13

ᐊᖑᑏᒡᓗ ᒪᕐᕉᒃ, ᓴᒡᓗᔪᒃᓵᒃ, ᐃᑎᕋᒥᒃ ᐃᒃᓯᕚᕐᕕᖓᑕ ᐊᑭᐊᓄᑦ ᐃᖏᑉᐴᒃ, ᐅᖃᕐᓂᕐᓘᑎᖃᕐᐳᒡᓗ ᓁᐹᑦᒥᒃ ᐃᓄᐃ ᓵᖓᓂ, ᐅᖃᕐᓗᑎᒃ, “ᓁᐹᑦ ᐅᖃᕐᓂᕐᓘᑎᖃᓚᐅᕐᐳᖅ ᒎᑎᒥᒃ ᐊᖓᔪᖅᑳᕐᔪᐊᕐᒥᒡᓗ.” ᑕᕝᕙ ᐊᓐᓂᓯᕚᑦ ᐃᒡᓗᒐᓮᑦ ᓯᓚᑖᓄᑦ ᒥᓪᓗᕐᐹᓪᓗ ᐅᔭᖅᑲᓄᑦ ᑐᖁᓪᓗᒍ.

ᒨᓯᓯ ᓯᑕᒪᖏᑦ 35:30

“‘ᓇᓪᓕᐊᑦ ᐃᓄᖕᒥᒃ ᑐᖁᑦᓯᔪᖅ, ᐃᓄᐊᕐᑐᖅ ᑐᖁᑕᐅᔭᕆᐊᖃᕐᐳᖅ ᖃᐅᔨᔪᕕᓃᑦ ᐅᖃᐅᓯᖏᑦ ᒪᓕᒡᓗᒋᑦ; ᐊᑕᐅᓯᐅᓪᓕ ᖃᐅᔨᔪᕕᓂᐅᑉ ᐅᖃᐅᓯᖏᑦ ᓈᒻᒪᒃᓯᑎᑦᓯᓐᖏᓚᑦ ᐃᓄᑉ ᑐᖁᑦᓯᔪᕕᓂᐅᑉ ᑐᖁᑕᐅᔭᕆᐊᖃᕐᓂᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 18:16

ᑖᑦᓱᒪᓕ ᓈᓚᖏᑉᐸᑎᑦ, ᐊᑕᐅᓯᕐᒥᒃ ᒪᕐᕉᖕᓂᒡᓘᓐᓃᑦ ᐃᓚᖃᕐᓗᑎᑦ, ‘ᒪᕐᕉᒃᐸᑎᒃ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.’ ᑍᒫᒃ ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᖕᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:14

ᑕᕝᕙ ᐱᖓᔪᐊᓐᓂᒃ ᐃᓕᑦᓯᓐᓄᑦ ᑎᑭᑐᐃᓐᓇᕆᐊᖃᓕᕐᐳᖓ. ᐃᓕᑦᓯᓐᓂᓪᓗ ᓱᓇᒥᒃ ᐱᔪᒪᔭᖃᕐᓂᐊᓐᖏᓚᖓ, ᐃᓕᑦᓯᓐᓂᒃ ᑭᓯᐊᓂ ᐱᔪᒪᕗᖓ ᑮᓇᐅᔭᑦᓯᓐᓂᐅᖏᑦᑐᖅ; ᓱᕈᓰᑦ ᐊᖓᔪᖅᑳᒥᖕᓂᒃ ᐱᒃᓴᖃᕐᑎᑦᓯᔭᕆᐊᖃᖏᒻᒪᑕ, ᐊᖓᔪᖅᑳᖑᔪᓪᓕ ᐱᒃᓴᖃᕐᑎᑦᓯᔪᒃᓴᐅᕗᑦ ᕿᑐᕐᖓᒥᖕᓂᒃ.

ᒨᓯᓯ ᑕᓪᓕᒪᖏᑦ 17:6

ᑐᖁᑕᐅᔪᒃᓴᐅᕗᕐᓕ ᒪᕐᕉᖕᓂᒃ ᐅᖓᑖᓄᓪᓘᓐᓃᑦ ᖃᐅᔨᓯᒪᓪᓚᕆᒃᑐᓂᒃ ᓇᓗᓁᕐᓯᔪᓐᓇᕐᑐᕐᑕᖃᕐᐸᑦ ᓈᒻᒪᖏᑦᑐᓕᓂᕅᔪᓂᒃ ᑖᑦᓱᒥᖓ; ᑐᖁᑕᐅᔪᒃᓴᐅᓐᖏᓚᕐᓕ ᐊᑕᐅᓯᑐᐃᓐᓇᕐᒥᒃ ᖃᐅᔨᓯᒪᔪᖃᕐᑎᓪᓗᒍ.

ᒨᓯᓯ ᑕᓪᓕᒪᖏᑦ 19:15

“ᐃᓄᖕᒥᒃ ᐊᑕᐅᓯᑐᐃᓐᓇᕐᒥᒃ ᖃᐅᔨᓯᒪᔪᖃᕐᑎᓪᓗᒍ ᓈᒻᒪᓐᖏᓚᖅ ᐊᖑᒻᒥᒃ ᐱᕋᔭᒃᓯᒪᔪᒥᒃ ᐸᓯᔭᒃᓴᐅᑎᑦᓯᓇᓱᒋᐊᒃᓴᖅ; ᒪᕐᕉᒃᐸᑎᒡᓕ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.