ᑯᕆᓐᑎᐊᒥᐅᓄᑦ ᐂᑉᐸᖏᑦ 12:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓂᕐᑑᑎᓗᐊᓕᖁᓇᖓ ᑕᒪᒃᑯᐊ ᑕᑯᑎᑕᐅᓃᑦ ᐊᖏᔪᑦ ᐱᓪᓗᒋᑦ, ᑎᒥᒃᑯᑦ ᐊᑲᐅᓐᖏᓗᑕᕐᑖᑎᑕᐅᓚᐅᕐᐳᖓ, ᓵᑖᓇᓯᐅᑉ ᑎᓕᔭᖓᓂᒃ ᐅᕙᓐᓄᑦ ᐋᓐᓂᐊᑎᑦᓯᔭᕐᑐᕐᑐᒥᒃ, ᐱᐅᔪᕆᓕᖁᓇᖓ ᐅᕙᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:7 Iomraidhean Croise

ᒨᓯᓯ ᓯᕗᓪᓖᑦ 32:25

ᑖᓐᓇᓗ ᐊᖑᑦ ᖃᐅᔨᓕᕋᒥ ᓵᓚᖃᕈᓐᓇᖏᓐᓂᕐᒥᓂᒃ, ᔧᑯ ᓯᕝᕕᐊᖓᒍᑦ ᑎᒡᓗᒃᐹ; ᔧᑰᓪᓗ ᓯᕝᕕᐊᖓ ᐱᒡᓗᐃᕗᖅ ᐅᓇᑕᕐᓗᑎᒃ.

ᒨᓯᓯ ᓯᕗᓪᓖᑦ 32:31

ᓯᕿᓂᕐᓗ ᖁᑦᑎᒃᓯᓚᐅᕐᐳᖅ ᔧᑯ ᑕᕝᕙᓐᖓᑦ ᐱᓄᐃᓕᒥᑦ ᕿᒪᕉᑎᓕᕐᑎᓪᓗᒍ, ᑐᓯᐊᓕᓚᐅᕐᐳᕐᓗ ᓯᕝᕕᐊᓂ ᐱᑦᔪᑎᒋᓪᓗᒍ.

ᑯᕉᓂᑲ ᐂᑉᐸᖏᑦ 26:16

ᐱᔪᓐᓇᕐᓯᒐᒥ ᐆᒻᒪᑎᒥᒍᑦ ᐱᐅᔪᕆᓂᖃᓕᓚᐅᕐᐳᖅ, ᑕᒪᓐᓇᓗ ᑲᑕᒍᑎᒋᓪᓗᓂᐅᒃ. ᓱᓕᖏᑦᑐᒦᓕᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐃᓯᓚᐅᕐᒪᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᑯᐊᓪᓔᒋᐊᕐᑐᕐᓗᓂ ᑎᐱᑦᓯᐊᕆᒃᑐᒥᒃ ᑐᓂᕐᕈᓯᕐᕕᖕᒥ.

ᑯᕉᓂᑲ ᐂᑉᐸᖏᑦ 32:31

ᐹᐱᓘᓂᐅᓪᓕ ᐊᖓᔪᖅᑳᕐᔪᐊᖓᑕ ᐃᕐᓂᖏᑦ ᑎᑭᒻᒪᑕ, ᑖᑦᓱᒪ ᑎᓕᔭᖏᑦ ᖃᐅᔨᒋᐊᖁᓪᓗᒋᑦ ᑲᒪᓇᕐᑐᓂᒃ ᓄᓇᖓᓂ ᐱᓂᐊᕐᓂᐅᓯᒪᔪᓂᒃ, ᒎᑎᐅᑉ ᕿᒪᓚᐅᕐᐹ, ᖃᐅᔨᓴᕈᒪᓪᓗᒍ, ᖃᐅᔨᔪᒪᓪᓗᓂ ᐆᒻᒪᑎᒥᐅᑕᓕᒫᖓᓂᒃ.

ᔫᐱᐅᑉ ᐊᒡᓚᖏᑦ 2:6

ᐊᑕᓂᕐᓕ ᐅᖃᕐᐳᖅ ᓵᑖᓇᓯᒧᑦ, “ᑕᑯᒋᑦ, ᐱᔪᓐᓇᕐᓂᕐᓄᑦ ᑐᓂᕙᕋ; ᑭᓯᐊᓂᓕ ᑐᖁᑦᑍᓕᒍᒃ.”

ᔫᐱᐅᑉ ᐊᒡᓚᖏᑦ 2:7

ᑕᕝᕙ ᓵᑖᓇᓯ ᐊᑕᓂᐅᑉ ᓇᔪᕐᑕᖓᓂᑦ ᕿᒪᕉᑎᕗᖅ, ᔫᐱᓗ ᓇᐅᒃᑯᑐᐃᓐᓇᖅ ᐊᔪᐊᓕᕐᑎᑉᐹ ᑎᒥᓕᒫᖓ ᐃᑎᒐᖏᑕ ᐊᓗᖏᖕᓂᑦ ᐱᒋᐊᕐᓗᒍ ᑲᑦᔨᖓᓄᑦ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 28:24

“ᐃᓴᕆᐊᓕᐅᑉ ᑭᖑᕚᖏᑦ ᐋᓐᓂᕐᓯᑕᐅᕙᒍᓐᓃᕈᒫᕐᐳᑦ ᑲᑭᓪᓚᕐᓇᕐᑐᓄᑦ ᐊᕙᑖᓂ ᓄᓇᖃᕐᑐᓄᑦ ᐸᒡᕕᓴᕐᑕᐅᕙᖑᓐᓃᕐᓗᑎᒃ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᒎᑎ.

ᑖᓂᐊᓕᐅᑉ ᐊᒡᓚᖏᑦ 5:20

ᐊᔪᖏᓐᓇᓱᒋᓕᕐᒪᓪᓕ ᐱᐅᔪᕆᓂᕐᒧᓪᓗ ᓯᑎᔫᓕᕐᒪᑦ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂᑦ ᐲᕐᑕᐅᓚᐅᕐᐳᖅ ᐱᐅᒋᔭᐅᓂᖓᓗ ᓄᖑᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 2:6

“ᑍᒤᒻᒪᑦ ᐊᕙᓗᓕᐅᕐᓂᐊᕐᐸᕋ ᐅᕐᐱᖕᓄᑦ ᑲᑭᓐᓇᕐᑐᓕᖕᓄᑦ; ᐊᕙᓗᓕᐅᕐᓗᒍ ᐊᑭᓐᓇᓕᐅᕈᑎᓂᐊᕐᐸᕋ ᓴᐴᓗᑦᓯᕐᓗᒍ, ᐊᓂᕕᒃᓴᒥᓂᒃ ᓇᓂᓯᔪᓐᓁᓪᓕᖁᓪᓗᒍ.

ᒨᓯᓯ ᓯᑕᒪᖏᑦ 33:55

ᓄᓇᖃᕐᑐᑐᕾᓪᓕ ᓄᓇᒥᑦ ᐊᐅᓪᓚᕐᑎᓐᓂᐊᖏᒍᑦᓯᒋᒃ ᐃᓕᑦᓯᓐᓂᑦ, ᑖᒃᑯᐊ ᐊᐅᓪᓚᕐᑎᓐᖏᑕᓯ ᑕᕝᕙ ᑕᑯᓐᓇᕐᑕᑦᓯᓐᓄᑦ ᐃᓗᐊᖏᑦᔪᑕᐅᓂᐊᕐᐳᑦ ᓴᓂᕋᑦᓯᒍᓪᓗ ᑲᐱᖃᑦᑕᕐᑐᑎᑐᑦ ᑍᒤᓐᓂᐊᒃᐳᓯ, ᑖᒃᑯᐊ ᐃᓕᑦᓯᓐᓂᒃ ᐅᐃᒪᓵᕆᓂᐊᕐᒪᑕ ᓄᓇᒥ ᐃᓂᒋᔭᑦᓯᓐᓂ.

ᒫᑎᐅᓯᐅᑉ ᐊᒡᓚᖏᑦ 26:67

ᑕᕝᕙ ᔩᓱᓯ ᑮᓇᖓᒍᑦ ᑎᕝᕗᓗᒃᐹᑦ, ᑎᒡᓗᒡᓗᒍᓗ; ᐃᓚᖏᑕᓕ ᑮᓇᖓᒍᑦ ᐸᑎᒃᐹᑦ,

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᓘᑲᓯᐅᑉ ᐊᒡᓚᖏᑦ 13:16

ᐅᓇᓕ ᐊᕐᓇᖅ, ᐂᑉᕋᕼᐋᒻ ᑭᖑᕚᖓ ᓵᑖᓇᓯᐅᑉ ᕿᓚᒃᓱᕐᓯᒪᓚᐅᕐᑕᖓ ᐊᕐᕌᒍᓂᒃ 18ᓂᒃ, ᑖᓐᓇ ᕿᓚᕈᑦᔮᕐᑕᐅᔭᕆᐊᖃᓐᖏᓛᖅ ᓴᐸᑎᒥ?”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:11

ᒫᓐᓇᒧᑦ ᑎᑭᓪᓗᒍ ᑳᒃᐳᒍᑦ ᐃᒥᕈᒃᓗᑕᓗ, ᐊᓐᓄᕌᕗᑦ ᐊᓕᒃᑐᕐᓯᒪᕗᑦ ᐊᓇᐅᓕᕐᑕᐅᕙᒃᓗᑕᓗ; ᓇᒧᑐᐃᓐᓇᕐᓗ ᓄᒃᑕᕐᐳᒍᑦ ᐊᖏᕐᕋᖃᕋᑕ ᑕᒫᓂᕐᕆᔭᒃᑐᑎᑐᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:5

ᐊᖑᑦ ᑍᓐᓇ ᑍᒤᓕᐅᕐᑐᖅ ᓵᑖᓇᓯᒧᑦ ᑐᓂᓕᕐᓯᐅᒃ ᑎᒥᖓ ᐊᓯᕈᕐᑕᐅᓂᐊᕐᒪᑦ, ᑕᕐᓂᖓᓕ ᐱᐅᓕᔭᐅᖁᓪᓗᒍ ᐊᑕᓂᐅᑉ ᔩᓱᓯᐅᑉ ᐅᓪᓗᒃᓴᖓᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:10

ᐃᓚᖏᑦ ᐅᖃᕐᐸᖕᒪᑕ, “ᐸᐅᓗᓯ ᑎᑎᕋᖃᑦᑕᕐᒪᑦ ᐊᑦᑕᕈᓱᓐᖏᓗᐊᕐᓗᓂ ᓲᖑᓗᐊᕐᓗᓂᓗ, ᑎᒥᒥᒍᓪᓕ ᓇᔫᑎᓕᕌᖓᒥ ᓴᓐᖐᑦᑑᕗᖅ, ᐅᖃᐅᓯᖏᓪᓗ ᓱᓇᐅᓇᑎᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:5

ᐂᕙᑦᔪᑕᐅᔪᑦ ᓄᖅᑲᕐᑎᑉᐸᕗᑦ ᒎᑎᒥᒡᓗ ᖃᐅᔨᓂᐅᒐᔭᕐᑐᒧᑦ ᐊᖏᓂᕐᓴᐅᑎᑦᓯᔪᑦ ᐱᐅᔪᕆᓃᑦ ᐊᓯᕈᕐᐸᕗᑦ, ᐃᓱᒪᓕᐅᕈᑕᐅᔪᓪᓗ ᓵᓚᒋᓪᓗᒋᑦ ᙭ᔅᑑᓯᒥᒃ ᓈᓚᓕᕐᑎᑉᐸᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:20

ᐊᒡᓛᑦ ᖃᓄᐃᒃᓴᓐᖏᓚᓯ ᐃᓕᑦᓯᓐᓄᑦ ᐊᖓᔪᖅᑲᐅᓯᕐᑐᓂᒃ, ᐱᒋᔭᓯᓐᓂᒃ ᐊᕐᓵᕐᓯᔪᓂᒃ, ᐃᓕᑦᓯᓐᓂᒃ ᓵᓚᓯᐊᖃᕐᑐᓂᒃ, ᐃᒻᒥᖕᓂᒃ ᐊᖓᔪᖅᑳᖑᔪᒪᔪᓂᒃ, ᑮᓇᑦᓯᒍᓪᓘᓐᓃᑦ ᑎᒡᓗᒃᓯᔪᓂᒃ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:1

ᓱᓕ ᓂᕐᑑᑎᔭᕆᐊᖃᕋᒪ; ᑕᒪᓐᓇ ᐱᕙᓪᓕᕈᑎᒃᓴᐅᖏᒃᑲᓗᐊᕐᑎᓪᓗᒍ, ᐅᖃᐅᓯᖃᕈᒪᕗᖓᓕ ᐊᑕᓂᕐᒥᑦ ᑕᑯᑎᑕᐅᓂᕐᒥᒃ, ᖃᐅᔨᑎᑕᐅᓂᕐᒥᒡᓗ.

ᒐᓔᑎᐊᒥᐅᓄᑦ 4:13

ᐃᖅᑲᐅᒪᕗᓯ ᑎᒥᒃᑯᑦ ᐊᑲᕐᕆᖏᓐᓂᓐᓄᑦ ᐃᓕᑦᓯᓐᓂᒃ ᓯᕗᓪᓕᐅᑦᔨᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒡᕕᒋᖅᑳᓚᐅᕋᑦᓯ.

ᒨᓯᓯ ᑕᓪᓕᒪᖏᑦ 17:20

ᑕᒪᓐᓇ ᓴᐳᑦᔭᐅᑦᔪᑎᒋᓯᒪᒐᔭᕐᒪᒍ ᐃᓅᖃᑎᒥᓂᑦ ᐱᐅᓂᕐᓴᐅᓇᓱᒋᓕᖁᓇᒍ, ᐊᑕᓂᐅᓪᓗ ᐱᖁᔭᖏᓐᓂᑦ ᓴᖑᖁᓇᒍ, ᑕᓕᕐᐱᖕᒧᓪᓘᓐᓃᑦ ᓴᐅᒥᖕᒧᓪᓘᓐᓃᑦ; ᐊᑯᓂᐅᔪᒥᒃ ᐊᖓᔪᖅᑳᕐᔪᐊᖑᖁᓪᓗᒍ ᐊᖓᔪᖅᑲᐅᕕᖕᒥᓂ, ᑖᓐᓇᓗ ᑭᖑᕚᖏᓪᓗ, ᐃᓴᕆᐊᓕᒥᐅᓂ.”

ᒨᓯᓯ ᑕᓪᓕᒪᖏᑦ 8:14

ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᑎᒧᑎᒧᑦ ᓯᕗᓪᓖᑦ 3:6

ᓵᒋᐊᕋᑖᕐᓂᑰᔪᒃᓴᐅᓐᖏᓚᖅ, ᐱᐅᔪᕆᓂᕐᒧᑦ ᓵᓚᐅᒐᔭᕐᐸᑦ ᓱᒋᐊᕐᑕᐅᔪᒃᓴᐅᖁᓇᒍ, ᓵᑖᓇᓯᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 2:3

ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.”