ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20 Iomraidhean Croise

ᐃᓐᖏᕈᑎᑦ 41:7

ᐅᕙᓐᓂᒃ ᐱᐅᒃᓴᖏᑦᑐᑦ ᐅᖃᐱᓗᖃᑎᒌᒃᐳᑦ ᐱᑦᔪᑎᒋᓪᓗᖓ; ᐅᕙᓐᓄᓪᓗ ᐱᐅᖏᓐᓂᕐᐹᒥᒃ ᐱᓇᓱᐊᕈᒪᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:28

ᐃᓄᒃ ᐱᐅᖏᑦᑐᓕᔨ ᐊᑭᕋᕐᑐᕐᑎᑦᓯᓂᕐᒥᒃ ᓯᐊᒻᒪᒃᑎᑦᓯᕗᖅ, ᐃᓯᑦᔫᑎᓂᕐᓗ ᐃᓚᓐᓇᕇᓂᒃ ᐊᕕᑎᑦᓯᑦᔪᑎᐅᕙᒃᐳᖅ.

ᕉᒪᒥᐅᓄᑦ 1:29

ᐱᐅᖏᑦᑐᓕᓂᕐᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᓂᕐᓂᒃ, ᐊᑭᕋᕐᑑᑎᓂᕐᓂᒃ, ᐊᓯᒥᖕᓂᑦ ᐱᖃᕐᓂᕐᓴᐅᔪᒪᓂᕐᒥᒃ, ᑐᖁᑦᓯᔪᒪᓂᕐᒥᒃ, ᐅᓇᑕᕈᒪᓂᕐᒥᒃ, ᓯᓔᕐᕆᒃᓯᓂᕐᒥᒃ, ᐅᒋᐊᓐᖑᖃᑦᑕᐅᑎᓂᕐᒥᒃ, ᑎᕐᓕᐊᖃᑦᑍᓂᕐᓂᒡᓗ.

ᕉᒪᒥᐅᓄᑦ 1:30

ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.

ᕉᒪᒥᐅᓄᑦ 2:8

ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᕐᑐᑦ ᓱᓕᓂᕐᒥᒡᓗ ᓈᓚᖏᑦᑐᑦ, ᐊᔪᕐᓂᕐᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᒧᑦ ᓱᒋᐊᕐᑕᐅᓂᕐᒧᓪᓗ ᑎᑭᑦᓱᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:11

ᑯᓗᐃᒃᑯᑦ ᐃᒡᓗᒥᐅᖃᑎᖏᓐᓂᑦ ᑐᓴᕐᑎᑕᐅᓚᐅᕋᒪ, ᐃᓚᒃᑳ, ᐂᕙᖃᑦᑕᕐᓂᑦᓯᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:33

ᒎᑎᐅᑉ ᑐᑮᕈᓯᒪᔪᒥᒃ ᐱᖁᖏᒻᒪᑎᒍᑦ ᐋᖅᑭᑦᓯᐊᕐᓯᒪᖁᕚᑎᒍᓪᓕ ᐅᐃᒪᔮᖏᓪᓗᑕ. ᒎᑎᐅᑉ ᐅᒃᐱᕐᑐᖁᑎᓕᒫᖏᓐᓂ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:2

ᐱᐅᔪᕆᕗᓯ! ᕿᒃᓵᒍᑎᒋᔭᕆᐊᖃᒃᖏᓚᓯᐅᒃ? ᑍᓐᓇ ᑍᒤᓕᐅᕐᑐᖅ ᐃᓚᒋᔪᓐᓃᕐᓯᐅᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:23

ᒎᑎ ᖃᐅᔨᒪᔨᒋᕙᕋ ᐅᖃᐅᓯᕆᓂᐊᕐᑕᒃᑲ ᐱᓪᓗᒋᑦ, ᐅᕙᓐᓂᒃ ᖃᐅᔨᒪᖕᒪᑦ ᓱᓇᑐᐃᓐᓇᕐᒧᑦ ᐅᖁᒤᑦᑐᒦᖁᓇᓯ ᑯᕆᓐᑎᒧᐊᕈᒪᔪᓐᓃᓚᐅᕋᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:2

ᐃᓇᑉᐸᑦᓯ ᑎᑭᒃᑯᒪ ᐃᓕᕋᓇᕋᓱᐊᕐᓗᖓ ᐱᓇᓱᐊᕈᒪᓇᖓ ᐃᓚᑦᓯᓐᓄᑦ ᖁᓚᖏᓐᓇᒪ ᓯᕘᕋᖏᓪᓗᖓ ᓵᓐᖓᓯᔪᓐᓇᕋᒪ ᐅᕙᑦᑎᓐᓂᒃ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᑎᑐᑦ ᐱᓇᓱᐊᕋᓱᒋᒃᓯᕐᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:6

ᓈᓚᖏᑦᑐᓕᒫᑦ ᓱᒋᐊᕐᓂᐊᕐᓗᒋᑦ ᐅᐸᓗᖕᒊᕐᓯᒪᕗᒍᑦ, ᐅᕙᑦᑎᓐᓂᒃ ᓈᓚᒍᓐᓇᕐᓯᓂᓯ ᐱᔭᕇᓚᐅᖏᓐᓂᖓᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:2

ᐅᖃᐅᑎᔭᕇᓚᐅᕐᐸᑦᓯ ᐃᓂᕐᑎᕐᓗᓯ ᑭᖑᓪᓕᕐᒥᒃ ᐃᓕᑦᓯᓐᓄᑦ ᑎᑭᓯᒪᓪᓗᖓ, ᐃᓂᕐᑎᒃᑲᓐᓂᓕᕐᐸᑦᓯ ᓇᔫᑎᓇᖓ ᐃᓕᑦᓯᓐᓄᑦ, ᑎᑭᓕᕐᒥᒍᒪ ᐊᑦᑕᕆᓂᐊᓐᖏᓚᒃᑲ ᓯᕗᓂᖓᓂ ᐊᔪᕐᑐᓕᓚᐅᕐᑐᑦ ᐊᓯᖏᓪᓘᓐᓃᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:1

ᑍᒤᒻᒪᑦ ᐃᓱᒪᑖᓚᐅᕐᐳᖓ ᑎᑭᑦᓱᒪᔪᓐᓃᕐᓗᖓ; ᐃᓕᑦᓯᓐᓂᒃ ᖁᕕᐊᓱᒍᓐᓃᕐᑎᑦᓯᔭᕐᑐᕈᒪᖏᓐᓇᒪ.

ᒐᓔᑎᐊᒥᐅᓄᑦ 5:15

ᐃᓕᑦᓯᓐᓄᓪᓕ ᐆᒪᔪᑎᑐᑦ ᐹᑐᐃᓐᓇᖃᑦᑕᕈᑦᓯ ᐋᓂᕐᓯᖃᑕᐅᑎᓗᓯ ᐱᓂᕐᓕᖃᑕᐅᑎᓗᓯᓗ ᖃᐅᔨᒪᓕᕆᑦᓯ ᐃᓅᖃᑎᒌᖕᓂᓯ ᓱᕋᓛᐳᖅ.

ᒐᓔᑎᐊᒥᐅᓄᑦ 5:26

ᑕᑯᖅᑯᑎᓗᐊᕐᑐᒃᓴᐅᓐᖏᓚᒍᑦ, ᓂᓐᖓᒃᓴᖃᑦᑕᐅᑎᓇᑕᓗ, ᐱᔪᑑᔪᒪᓂᕐᒧᓪᓗ ᐊᓐᓂᕈᑦᔨᖃᑦᑕᐅᑎᓇᑕ.

ᔧᒥᓯᐅᑉ ᐊᒡᓚᖏᑦ 4:11

ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ.

ᐲᑦᑐᕉᓯ ᓯᕗᓪᓖᑦ 2:1

ᑍᒤᒻᒪᑦ, ᐊᔪᕐᑐᓕᑦᔪᑕᐅᔪᓐᓇᕐᑐᓕᒫᑦ ᓄᖅᑲᐅᑎᓕᕐᓯᒋᒃ ᓴᒡᓗᖃᑦᑕᕐᓃᑦ, ᑕᒃᑯᕐᒨᕐᓃᑦ, ᐱᔪᒪᕕᒡᔪᐊᕐᓃᑦ, ᒥᑕᐅᑎᖃᕐᓃᓪᓗ ᖃᓄᑐᐃᓐᓇᖅ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.