ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓱᒪᖃᕐᐱᓰ ᑍᒪᓐᖓᑦ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᓐᓇᓱᐊᕐᑐᑐᑦ ᐱᓇᓱᒋᓪᓗᑕ ᐃᓕᑦᓯᓐᓄᑦ? ᓇᒡᓕᒋᔭᒃᑳ, ᐅᖃᓪᓚᓚᐅᕐᐳᒍᓪᓕ ᒎᑎᐅᑉ ᓵᖓᓂ ᙭ᔅᑑᓯᒥ, ᖃᓄᐃᓕᐅᕐᓂᕗᓪᓗ ᑕᒪᕐᒥᒃ ᐱᓇᓱᐊᕐᐸᕗᑦ ᐱᕙᓪᓕᐊᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19 Iomraidhean Croise

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᕉᒪᒥᐅᓄᑦ 15:2

ᐃᓘᓐᓇᑕᓕ ᐊᑐᓂᑦ ᐃᓅᖃᑎᑦᑎᓐᓂᒃ ᐃᓱᒪᖃᓕᕐᑕ ᐱᕙᓪᓕᐅᑎᒃᓴᖏᓐᓄᑦ, ᐱᕈᕐᐹᓪᓕᕐᑎᑦᓯᖁᓪᓗᑕ ᐅᒃᐱᕐᓂᕐᒥ.

ᕉᒪᒥᐅᓄᑦ 9:1

ᓱᓕᔪᒥᒃ ᐅᖃᕐᐳᖓ ᙭ᔅᑑᓯᒥ, ᓴᒡᓗᓇᖓ; ᐃᓱᒪᒪ ᐃᒃᐱᒋᔭᖓᑕ ᑐᑭᓯᑎᑉᐹᖓ ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᓗᓁᕐᓯᓂᖓᒍᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:14

ᑍᒤᒻᒪᑦ ᓇᒡᓕᒋᔭᒃᑲ, ᒎᑎᓐᖑᐊᓄᑦ ᑭᒡᒐᕐᑐᕐᓂᕐᒥᒃ ᐱᖃᑕᐅᓂᐊᕋᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:33

ᐅᕙᖓᑦᑕᐅᖅ ᖁᕕᐊᒋᔭᐅᓇᓱᐊᕋᒪ ᐱᓂᐊᕐᓂᒃᑯᑦ ᑕᒤᑎᒍᑦ, ᐅᕙᖓ ᐱᕙᓪᓕᕈᑎᒃᓴᓐᓄᑑᖏᑦᑐᑦ ᐊᓯᒪᓕ ᐱᕙᓪᓕᕈᑎᒃᓴᖏᓐᓄᑦ, ᐊᒥᓱᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:8

ᑲᓐᖑᓱᓐᖏᓚᖓᓘᓐᓃᑦ ᐊᑕᓂᕐᒧᑦ ᐱᔪᓐᓇᕐᑎᑕᐅᓂᑦᑎᓐᓂᒃ ᓂᕐᑑᑎᑬᓐᓇᕋᓗᐊᕈᒪ, ᐊᑕᓂᐅᑉ ᐱᕈᕐᐸᓪᓕᐊᑎᒻᒪᓯ ᐊᓯᕈᕋᓱᐊᖏᒻᒪᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:10

᙭ᔅᑑᓯᐅᑉ ᓱᓕᑦᓯᐊᕐᓂᖓ ᐅᕙᓐᓃᒻᒪᑦ, ᐊᑬᐊᒦᑦᑐᓕᒫᑦ ᓄᖅᑲᕐᑎᑦᓱᓐᓇᓐᖏᓛᖓ ᑕᒪᑐᒥᖓ ᓂᕐᑑᑎᒋᔭᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:31

ᒎᑎᐅᑉ ᐊᑕᓂᑦᑕ ᔩᓱᓯᐅᑉ ᐊᑖᑕᖓᑕ, ᑖᑦᓱᒪ ᓂᕐᑐᕐᑕᐅᔭᕆᐊᖃᕐᑑᑉ ᐃᓱᖃᖏᑦᑐᒧᑦ, ᖃᐅᔨᒪᕚᖓ ᓴᒡᓗᖏᓐᓇᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:15

ᖁᕕᐊᓱᒃᑲᔭᕐᐳᖓ ᓇᖕᒥᓂᖅ ᑐᓂᑦᔪᑎᒋᒍᒪ ᓱᓇᓕᒫᓐᓂᒡᓗ ᑕᕐᓂᓯ ᐱᑦᔪᑎᒋᓗᒋᑦ. ᓇᒡᓕᒋᖏᓐᓂᕐᓴᕆᒐᔭᕐᐱᓯᓐᖔ? ᓇᒡᓕᒋᓂᕐᓴᕆᒍᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:10

ᑍᒫᒃ ᑎᑎᕋᕐᐳᖓ ᐊᑦᓯᒪᓪᓗᖓ ᐃᓕᑦᓯᓐᓂᑦ, ᑎᑭᒃᑯᒪ ᐃᓕᕋᓇᕈᒪᓇᖓ ᐱᔪᓐᓇᕐᓂᖃᕐᑎᑕᐅᓂᓐᓄᑦ, ᐱᔪᓐᓇᕐᓂᕐᒧᑦ ᐊᑕᓂᕐᒥᑦ ᐱᓯᒪᔭᓐᓄᑦ ᐋᖅᑭᒃᐸᓪᓕᐊᖁᓪᓗᓯ ᓱᕋᒍᑎᒃᓴᑦᓯᓐᓅᖏᑦᑐᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:1

ᑍᒤᓕᐅᕐᑎᓪᓗᑕ ᐅᕙᑦᑎᓐᓂᒃ ᓂᕐᑑᑎᔫᔮᓕᕐᐱᑖ? ᐅᕝᕙᓗ ᐊᓯᑦᑎᑐᑦ ᑎᑎᖅᑲᓂᒃ ᐱᔭᕆᐊᖃᕐᐱᑖ? ᓂᕐᑐᕐᓇᕐᓂᕅᔪᓂᒃ ᐃᓕᑦᓯᓐᓄᑦ, ᐅᕝᕙᓗ ᐃᓕᑦᓯᓐᓂᑦ ᐱᑎᑕᐅᔭᕆᐊᖃᕐᐱᑖ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᐱᓕᐱᒥᐅᓄᑦ 4:1

ᑍᒤᒻᒪᑦ ᐅᒃᐱᕐᑑᖃᑎᒃᑲ, ᓇᒡᓕᒋᕙᑦᓯ ᐅᖓᒋᓪᓗᓯᓗ, ᐃᓕᑦᓯᓐᓄᑦ ᖁᕕᐊᓱᒃᑎᑕᐅᓯᒪᕗᖓ ᐅᐱᒋᒻᒪᕆᒃᐸᑦᓯᓗ, ᑍᒫᒃ ᓱᖁᓯᕐᑍᓕᒋᑦᓯ ᐃᓅᓯᑦᓯᓐᓂ ᐊᑕᓂᕐᒥ, ᓇᒡᓕᒋᔭᒃᑳ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:11

ᑍᒤᒻᒪᑦ ᒪᓂᒍᕐᑎᒌᒋᑦᓯ ᐃᓕᑦᓯᓐᓄᑦ ᐊᑐᓂᑦ ᐃᑲᔪᕐᑎᒌᒡᓗᓯᓗ ᐊᑐᓂᑦ ᐃᓕᑦᓯᓐᓄᑦ, ᓲᕐᓗ ᑍᒫᒃ ᐱᓇᓱᐊᕋᑦᓯ.

ᐄᑉᕈᐃᓄᑦ 6:9

ᑍᒫᒡᓕ ᐅᖃᓪᓚᒃᑲᓗᐊᕈᑦᑕ, ᐃᓚᓐᓇᕆᔭᒃᑲ, ᐃᓕᑦᓯᓐᓂᒃ ᖁᓚᕈᑎᖃᓐᖏᓚᒍᑦ; ᖃᐅᔨᒪᒐᑦᑕ ᓮᒻᒪᕐᑎᑕᐅᓯᒪᒐᑦᓯ ᐱᐅᓕᔭᐅᕕᒃᓴᑦᓯᓐᓄᑦ.