ᑯᕆᓐᑎᐊᒥᐅᓄᑦ ᐂᑉᐸᖏᑦ 11:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᙭ᔅᑑᓯᐅᑉ ᓱᓕᑦᓯᐊᕐᓂᖓ ᐅᕙᓐᓃᒻᒪᑦ, ᐊᑬᐊᒦᑦᑐᓕᒫᑦ ᓄᖅᑲᕐᑎᑦᓱᓐᓇᓐᖏᓛᖓ ᑕᒪᑐᒥᖓ ᓂᕐᑑᑎᒋᔭᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:10 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 18:12

ᒑᓕᐅ ᐊᖓᔪᖅᑳᓐᖑᕐᑎᑕᐅᖕᒪᑦ ᐊᑬᐊᒥ, ᔫᑎᑦ ᑕᐱᕇᓕᓗᑎᒃ ᐸᐅᓗᓯ ᑎᒍᕚᑦ ᐃᖅᑲᕐᑐᐃᕕᖕᒧᓪᓗ ᐱᑎᑉᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:27

ᐊᐴᓗᓯ ᐊᑬᐊᒧᐊᕈᒪᖕᒪᑦ, ᐅᒃᐱᕐᑑᖃᑎᒌᑦ ᐃᑲᔪᕐᑐᕐᐹᑦ, ᑎᑎᕋᕐᓗᑎᒃ ᐃᓕᓐᓂᐊᕐᑎᓄᑦ ᐃᓚᓕᐅᕐᑕᐅᖁᓪᓗᒍ. ᑍᑯᖓ ᑎᑭᒻᒪᑦ, ᐊᖏᔪᒥᒃ ᐃᑲᔪᕐᐳᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐅᒃᐱᕐᑐᓐᖑᕐᑎᑕᐅᓚᐅᕐᑐᓂᒃ.

ᕉᒪᒥᐅᓄᑦ 1:9

ᒎᑎᐅᑉ ᐱᔨᑦᓯᕐᑕᒪ ᐱᔪᓐᓇᕐᓂᓕᒫᓐᓄᑦ ᐊᔪᕆᕐᑐᐃᓂᕐᒥᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᕐᓂᖓᓂᒃ, ᖃᐅᔨᒪᑦᓯᐊᕐᐹᖓ ᐃᖅᑲᐅᒤᓐᓇᕋᑦᓯ ᑐᒃᓯᐊᓕᕌᖓᒪ ᑐᒃᓯᐅᑎᖃᑦᑕᕋᑦᓯ,

ᕉᒪᒥᐅᓄᑦ 16:5

ᑕᕝᕙᐅᕗᑏᕐᑎᒃᑭᕙᒃᑲ ᐅᒃᐱᕐᑑᖃᑎᒌᑦ ᑖᒃᑯᐊ ᐃᒡᓗᖓᓐᓂ ᑲᑎᒪᕙᒃᑐᑦ. ᑕᕝᕙᐅᕗᑏᕆᕙᕋ ᐃᓚᓐᓇᕆᔭᕋ ᐃᐰᓂᑕᔅ, ᑖᓐᓇ ᐂᓯᐊᒥᐅᓂᑦ ᓯᕗᓪᓕᕐᐹᖑᓪᓗᓂ ᙭ᔅᑑᓯᒧᑦ ᓵᒋᐊᓚᐅᕐᒪᑦ.

ᕉᒪᒥᐅᓄᑦ 9:1

ᓱᓕᔪᒥᒃ ᐅᖃᕐᐳᖓ ᙭ᔅᑑᓯᒥ, ᓴᒡᓗᓇᖓ; ᐃᓱᒪᒪ ᐃᒃᐱᒋᔭᖓᑕ ᑐᑭᓯᑎᑉᐹᖓ ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᓗᓁᕐᓯᓂᖓᒍᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:15

ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᓯᑎᐹᓇᓯᒃᑯᑦ ᐃᒡᓗᒥᐅᖃᑎᒌᑦ ᐊᑬᐊᒥ ᓵᒋᐊᕐᓗᑎᒃ ᓯᕗᓪᓕᕐᐹᖑᓚᐅᕐᒪᑕ, ᐃᒻᒥᖕᓂᒡᓗ ᑐᓂᓯᒪᕗᑦ ᒎᑎᐅᑉ ᐃᓄᖁᑎᖏᓐᓂᒃ ᐃᑲᔪᕈᒪᓪᓗᑎᒃ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᑎᒧᑎᒥᑦ. ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᒎᑎᐅᓪᓗ ᐃᓄᖁᑎᖏᓐᓄᑦ ᐊᑬᐊᒦᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:23

ᒎᑎ ᖃᐅᔨᒪᔨᒋᕙᕋ ᐅᖃᐅᓯᕆᓂᐊᕐᑕᒃᑲ ᐱᓪᓗᒋᑦ, ᐅᕙᓐᓂᒃ ᖃᐅᔨᒪᖕᒪᑦ ᓱᓇᑐᐃᓐᓇᕐᒧᑦ ᐅᖁᒤᑦᑐᒦᖁᓇᓯ ᑯᕆᓐᑎᒧᐊᕈᒪᔪᓐᓃᓚᐅᕋᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:15

ᐅᕙᑦᑎᓐᓂᒡᓗ ᓂᕐᑑᑎᓐᖏᓚᒍ ᐱᓗᐊᕐᑎᓪᓗᑕ, ᐊᓯᑦᑕ ᐱᓇᓱᐊᕐᕕᒋᓯᒪᔭᖏᑦ ᑎᑭᓪᓗᒋᑦ; ᐃᒫᒡᓕ ᓂᕆᐅᒋᔭᖃᕐᐳᒍᑦ ᐅᒃᐱᕐᓂᓯ ᐱᕈᕐᐸᓪᓕᐊᓂᖓᓄᑦ, ᐱᓇᓱᐊᕐᓂᕐᓴᐅᔪᓐᓇᖁᓪᓗᑕ ᐃᓕᑦᓯᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:12

ᑍᒫᒡᓗ ᐱᐅᓯᕾᓐᓇᕐᓂᐊᕐᐳᖓ, ᑍᒃᑯᐊ ᐅᕙᑦᑎᓐᓄᑦ ᐊᑦᔨᐅᑎᓐᓇᓱᐊᕐᑐᑦ ᐃᒻᒥᖕᓂᒃ ᓂᕐᑐᕈᑎᒃᓴᖃᕈᒪᓪᓗᑎᒃ; ᓂᕐᑑᑎᕕᒃᓴᖃᖁᓇᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:31

ᒎᑎᐅᑉ ᐊᑕᓂᑦᑕ ᔩᓱᓯᐅᑉ ᐊᑖᑕᖓᑕ, ᑖᑦᓱᒪ ᓂᕐᑐᕐᑕᐅᔭᕆᐊᖃᕐᑑᑉ ᐃᓱᖃᖏᑦᑐᒧᑦ, ᖃᐅᔨᒪᕚᖓ ᓴᒡᓗᖏᓐᓇᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19

ᐃᓱᒪᖃᕐᐱᓰ ᑍᒪᓐᖓᑦ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᓐᓇᓱᐊᕐᑐᑐᑦ ᐱᓇᓱᒋᓪᓗᑕ ᐃᓕᑦᓯᓐᓄᑦ? ᓇᒡᓕᒋᔭᒃᑳ, ᐅᖃᓪᓚᓚᐅᕐᐳᒍᓪᓕ ᒎᑎᐅᑉ ᓵᖓᓂ ᙭ᔅᑑᓯᒥ, ᖃᓄᐃᓕᐅᕐᓂᕗᓪᓗ ᑕᒪᕐᒥᒃ ᐱᓇᓱᐊᕐᐸᕗᑦ ᐱᕙᓪᓕᐊᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:2

ᖃᐅᔨᒪᒐᒪ ᐅᐸᓗᖕᒊᕐᓯᒪᓂᑦᓯᓐᓂᒃ, ᐅᐱᒍᓱᖕᓂᕋᓚᐅᕋᒪ ᐃᓕᑦᓯᓐᓂᒃ ᒫᓯᑑᓂᐊᒥᐅᓄᑦ ᐅᓐᓂᕐᓯᐅᑎᒋᓪᓗᓯ, ᐅᖃᐅᑎᓚᐅᕐᐸᒃᑲ ᐊᕐᕌᓂᓂᑦ ᐊᑬᐊᒥᐅᖑᔪᓯ ᑐᓂᓯᔪᒪᓂᕋᕐᓗᓯ; ᑕᒪᓐᓇ ᒫᓯᑑᓂᐊᒥᐅᓂᒃ ᐊᐅᓚᑦᔧᓯᒪᕗᖅ ᑲᔪᖏᕐᓴᕐᑕᐅᓪᓗᑎᒃ.

ᒐᓔᑎᐊᒥᐅᓄᑦ 1:20

ᑎᑎᕋᕐᑕᒃᑲ ᐃᓕᑦᓯᓐᓄᑦ ᒎᑎᐅᑉ ᖃᐅᔨᒪᕔᑦ, ᓴᒡᓗᖏᓐᓇᒪ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:10

ᐃᓕᑦᓯ ᑕᕝᕙ ᖃᐅᔨᓯᒪᔪᖁᑎᒋᕙᑦᓯ ᐅᕙᑦᑎᓐᓂᒃ, ᒎᑎᓗᑦᑕᐅᖅ, ᐱᓇᓱᐊᕐᓂᕆᓚᐅᕐᑕᕗᑦ ᐅᒃᐱᕐᑐᓄᑦ ᐃᑦᔪᕐᓁᑦᑑᓚᐅᕐᐳᖅ, ᓈᒻᒪᑦᑎᐊᕐᓗᓂ ᐸᓯᔭᒃᓴᐅᓂᖃᕋᓂᓗ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;

ᑎᒧᑎᒧᑦ ᓯᕗᓪᓖᑦ 2:7

ᑕᒪᑐᒧᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᖁᓪᓗᖓ ᐋᐴᓯᑕᓕᓐᖑᕐᑎᑕᐅᓪᓗᖓᓗ, ᓱᓕᓪᓗᖓ ᐅᖃᕐᐳᖓ ᓴᒡᓗᓐᖏᓚᖓ, ᔫᑎᐅᓐᖏᑦᑐᓂᒃ ᐃᓕᓐᓂᐊᕐᑎᑦᓯᖁᓪᓗᖓ ᐅᒃᐱᕐᓂᑯᑦ ᓱᓕᓂᑯᓪᓗ.