ᑯᕆᓐᑎᐊᒥᐅᓄᑦ ᐂᑉᐸᖏᑦ 10:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᕙᖓ ᐸᐅᓗᓯ, ᐃᓇᑉᐸᑦᓯ ᙭ᔅᑑᓯᐅᑉ ᐱᐅᔪᕆᖏᓐᓂᖓᒍᑦ ᐱᖃᓐᓂᕐᓂᖓᓄᓪᓗ ᑕᐅᑦᑐᑦᓯᓐᓂ ᓂᑲᓇᕐᑑᒐᓗᐊᕐᑐᖓ, ᓯᕘᕋᔪᐃᑦᑑᕗᖓᓕ ᑲᑎᒪᒃᓯᓇᖓ ᐃᓕᑦᓯᓐᓂᒃ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:1 Iomraidhean Croise

ᐃᓐᖏᕈᑎᑦ 45:4

ᐃᑭᒪᓗᑎᑦ ᐃᖏᕐᕋᓕᕆᑦ ᐊᖓᔪᖅᑳᕐᔪᐊᖑᓂᕐᐱᑦ ᐅᐱᓐᓇᕐᓂᖓᓄᑦ ᓵᓚᖃᕐᓂᕐᓄᑦ ᓱᓕᓂᕐᒧᓪᓗ, ᒥᑭᒡᓕᑎᕐᓯᒪᓂᕐᓗ, ᐃᓱᐊᕐᑐᓕᓂᕐᓗ ᐱᑦᔪᑎᒋᓗᒋᑦ; ᐊᒡᒐᑎᓪᓗ ᑕᓕᕐᐲᑦ ᑲᒪᓇᕐᑐᕐᔪᐊᓂᒃ ᐱᓇᓱᐊᓕᕐᓕᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 11:29

ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ.

ᒫᑎᐅᓯᐅᑉ ᐊᒡᓚᖏᑦ 21:5

“ᓮᐅᓂᐅᑉ ᐃᒡᓗᒐᓴᖏᑦ ᐅᖃᐅᑎᓯᐅᒃ, ᑕᑯᒋᑦ, ᐊᖓᔪᖅᑳᕐᔪᐊᓯ ᕾᓕᕐᐳᖅ! ᐃᒻᒥᓂᒃ ᒥᑭᓕᑎᕐᓗᓂ ᓯᐅᑎᖅᑯᕐᑐᔫᑉ ᖄᖓᓂ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:32

ᐃᒤᓕᔪᓂᒃ ᒎᑎᐅᑉ ᐅᖃᐅᓯᖏᓐᓂᑦ ᐅᖃᓕᒫᕐᐳᖅ: “ᓰᐱᑎᑐᑦ ᑐᖁᑕᐅᔭᕐᑐᕐᑐᑎᑐᑦ ᑍᒤᓚᐅᕐᐳᖅ; ᓰᐱᐅᓪᓗ ᓄᕐᕋᖓᑐᑦ ᓴᓕᔭᐅᔪᑎᑐᑦ ᓂᐱᖃᓚᐅᓐᖏᓚᖅ; ᓂᓪᓕᓚᐅᕋᓂᓘᓐᓃᑦ.

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 15:15

ᓯᕘᕋᓇᖓᓕ ᑎᑎᕋᕐᕕᒋᓯᒪᕙᑦᓯ ᐅᖃᐅᓯᕆᔭᒪ ᐃᓚᖏᓐᓂ ᐃᖅᑬᑎᒃᑲᓐᓂᕈᒪᓪᓗᓯ, ᒎᑎᐅᑉ ᐱᓯᐊᕐᓂᕐᒥᒍᑦ ᑐᓂᓯᒪᔭᖓ ᐅᕙᓐᓄᑦ ᐱᑦᔪᑎᒋᓪᓗᒍ

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:3

ᐃᓕᑦᓯᓐᓄᓪᓗ ᑎᑭᓚᐅᕐᐳᖓ ᓴᓐᖐᑦᑑᓪᓗᖓ ᓯᕘᕋᓪᓗᖓᓗ ᓴᔪᒡᓗᖓᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:10

᙭ᔅᑑᓯ ᐱᑦᔪᑎᒋᓪᓗᒍ ᓯᓔᑦᑑᔭᕐᐳᒍᑦ, ᐃᓕᑦᓯᓕ ᙭ᔅᑑᓯᒥ ᓯᓚᑐᕗᓯ. ᓴᓐᖐᑦᑑᕗᒍᑦ, ᐃᓕᑦᓯᓕ ᓴᓐᖏᔫᕗᓯ. ᐅᐱᒋᔭᐅᕗᓯ, ᐅᕙᒍᓪᓕ ᓇᕐᕈᒋᔭᐅᕗᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:21

ᓇᓪᓕᐊᓐᓂᒡᓕ ᐱᔪᒪᕕᓯ? ᑏᒐᕈᑎᖃᕐᓗᖓ ᑎᑭᑦᑐᒃᓴᐅᕗᖓ, ᐅᕝᕙᓗ ᓇᒡᓕᖕᓂᖃᕐᓗᖓ ᐊᓂᕐᓂᒃᑯᑦ ᐃᓕᕋᓇᖏᑦᑐᒥᒃ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:10

ᐃᓚᖏᑦ ᐅᖃᕐᐸᖕᒪᑕ, “ᐸᐅᓗᓯ ᑎᑎᕋᖃᑦᑕᕐᒪᑦ ᐊᑦᑕᕈᓱᓐᖏᓗᐊᕐᓗᓂ ᓲᖑᓗᐊᕐᓗᓂᓗ, ᑎᒥᒥᒍᓪᓕ ᓇᔫᑎᓕᕌᖓᒥ ᓴᓐᖐᑦᑑᕗᖅ, ᐅᖃᐅᓯᖏᓪᓗ ᓱᓇᐅᓇᑎᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:2

ᐃᓇᑉᐸᑦᓯ ᑎᑭᒃᑯᒪ ᐃᓕᕋᓇᕋᓱᐊᕐᓗᖓ ᐱᓇᓱᐊᕈᒪᓇᖓ ᐃᓚᑦᓯᓐᓄᑦ ᖁᓚᖏᓐᓇᒪ ᓯᕘᕋᖏᓪᓗᖓ ᓵᓐᖓᓯᔪᓐᓇᕋᒪ ᐅᕙᑦᑎᓐᓂᒃ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᑎᑐᑦ ᐱᓇᓱᐊᕋᓱᒋᒃᓯᕐᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:7

ᑕᑯᒃᓴᐅᔪᑐᐃᓐᓇᕐᒥᒃ ᑕᐅᑐᒃᑲᑦᓯ. ᓇᓪᓕᐊᑦ ᖁᓚᖏᒃᑯᓂ ᙭ᔅᑑᓯᒧᑦ ᐱᒋᔭᐅᓂᕐᒥᓂᒃ, ᑖᓐᓇ ᐃᒻᒥᓂᒃ ᐃᖅᑬᑎᓕᕐᓕ ᙭ᔅᑑᓯᒧᑦ ᐱᒋᔭᐅᖕᒥᒐᑦᑕᑦᑕᐅᖅ ᑖᒃᑯᑎᑐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:21

ᑲᓐᖑᓱᒃᐳᖓᓘᓐᓃᑦ ᐅᖃᕆᐊᒃᓴᖅ, ᐃᓕᕋᓱᓚᐅᕐᐳᒍᓪᓕ ᐊᒡᓛᑦ ᑍᒤᓕᐅᕆᐊᒃᓴᖅ! ᓱᓇᒥᒃ ᓂᕐᑑᑎᑦᔪᑎᖃᕈᒪᔪᖃᕐᐸᑦ; ᓯᓔᑦᑐᑎᑐᑦ ᐅᖃᕐᐳᖓ; ᐅᕙᖓᑦᑕᐅᖅ ᑕᒪᒃᑯᓂᖓ ᓂᕐᑑᑎᔪᒪᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:30

ᓂᕐᑑᑎᔭᕆᐊᖃᕈᒪ, ᓴᓐᖏᑦᑑᑦᔪᑎᒃᑲ ᓂᕐᑑᑎᒋᔪᒪᕙᒃᑲ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:5

ᐃᓄᖕᒥᒃ ᑍᒤᑦᑐᒥᒃ ᓂᕐᑑᑎᑦᔪᑎᖃᕈᒪᕗᖓ, ᐅᕙᓐᓂᒡᓕ ᓂᕐᑑᑎᑦᔪᑎᒋᔪᒪᓐᖏᓚᖓ, ᓴᓐᖐᓐᓂᕋ ᑭᓯᐊᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:12

ᑍᒤᑦᑐᒥᒃ ᑕᕝᕙ ᓂᕆᐅᖕᓂᖃᕋᑦᑕ, ᓱᓇᒥᒡᓘᓐᓃᑦ ᓯᕘᕋᓐᖏᓚᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:4

ᐃᓕᑦᓯᓐᓂᒃ ᖁᓚᕈᑎᖃᖏᑦᓯᐊᕋᒪ; ᖁᕕᐊᒋᒻᒪᕆᒃᓗᓯᓗ. ᒪᓂᒍᕐᑕᐅᓂᕐᒥᒃ ᐃᓗᒻᒥᕐᑕᐅᕗᖓ; ᖁᕕᐊᓱᓗᐊᕐᓗᖓ ᐊᒡᓛᑦ, ᐅᖁᒤᑦᑐᑎᒎᕋᓗᐊᕐᑎᓪᓗᑕ.

ᒐᓔᑎᐊᒥᐅᓄᑦ 4:13

ᐃᖅᑲᐅᒪᕗᓯ ᑎᒥᒃᑯᑦ ᐊᑲᕐᕆᖏᓐᓂᓐᓄᑦ ᐃᓕᑦᓯᓐᓂᒃ ᓯᕗᓪᓕᐅᑦᔨᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒡᕕᒋᖅᑳᓚᐅᕋᑦᓯ.

ᒐᓔᑎᐊᒥᐅᓄᑦ 5:2

ᓇᖕᒥᓂᖅ ᐅᕙᖓ ᐸᐅᓗᓯ ᐅᖃᐅᑎᕙᑦᓯ ᓇᖕᒥᓂᖅ ᑭᐱᔭᐅᑎᒃᑯᑦᓯ ᐃᓕᑦᓯᓐᓂᒃ, ᑕᕝᕙ ᓴᖅᑭᑎᑦᓯᕗᓯ ᙭ᔅᑑᓯᐅᑉ ᐊᑑᑎᖃᖏᓐᓂᖓᓂᒃ ᐃᓕᑦᓯᓐᓄᑦ.

ᐃᐱᓯᒥᐅᓄᑦ 3:1

ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐱᓕᐱᒥᐅᓄᑦ 4:5

ᐃᓅᖃᑎᓕᒫᑦᓯᓐᓄᑦ ᓂᑲᒍᓱᖕᓂᓯ ᖃᐅᔨᔭᐅᓕ. ᐊᑕᓂᖅ ᖃᓂᒻᒪᑦ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:17

ᐅᓇ ᑕᕝᕙ ᓇᖕᒥᓂᖅ ᐊᒡᒐᓐᓄᑦ ᑎᑎᕋᕐᑕᕋ. ᑕᕝᕙᐅᕗᓯ ᐸᐅᓗᓯᒥᑦ. ᑍᒫᒃ ᑕᕝᕙ ᑎᑎᕋᓕᕌᖓᒪ ᐊᑎᓕᐅᕈᑎᒋᕙᒃᑕᕋ; ᑍᒫᒡᓗ ᑕᕝᕙ ᑎᑎᕋᕐᐸᒃᐳᖓ.

ᐰᓕᒨᓂᒧᑦ 1:19

ᑖᒃᑯᐊ ᒫᓐᓇ ᑎᑎᕋᕐᑕᒃᑲ ᓇᖕᒥᓂᖅ ᐅᕙᖓ ᐸᐅᓗᓯ ᐊᒡᒐᓐᓄᑦ ᑎᑎᕋᕐᐸᒃᑲ, ᐅᕙᖓ ᐊᑭᓕᕈᒫᕐᐸᒋᑦ; ᐅᕙᓐᓄᑦ ᐊᑭᓕᒃᓴᖃᕐᓂᕋᕐᓗᑎᑦ ᐅᖃᖏᒃᑲᓗᐊᕐᐳᖓ ᐃᓕᖕᓂᒃ ᓇᖕᒥᓂᖅ ᐊᑭᓕᒃᓴᕆᒐᕕᑦ ᐅᕙᓐᓄᑦ.

ᐰᓕᒨᓂᒧᑦ 1:9

ᓇᒡᓕᒋᒐᒃᑭᓪᓕ ᕿᓄᕕᒋᑐᐃᓐᓇᓕᕐᐸᒋᑦ, ᐅᕙᖓ ᐸᐅᓗᓯ, ᒫᓐᓇ ᑎᒍᔭᐅᓯᒪᕕᖕᒦᑦᑐᖓ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ.

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.