6 ᐅᒃᐱᕐᓂᕐᓕ ᐊᖏᔪᒥᒃ ᐊᔪᕐᓴᓐᖏᓕᓇᕐᐳᖅ ᐱᓯᒪᔭᒥᓂᒃ ᓈᒻᒪᒃᓴᕐᑐᓄᑦ.
ᔪᐊᕐᑕᓂᒧᓐᖓᐅᔪᒪᒐᓗᐊᕋᑦᑕ ᐃᓘᓐᓇᑕ ᐊᑐᓂᑦ ᓇᐹᕐᑐᓂᒃ ᓇᑲᑎᕆᓗᑕ ᐃᓂᒋᖃᑦᑕᕐᓂᐊᕐᑕᑦᑎᓐᓂᒃ ᐃᒡᓗᓕᐅᕈᒪᓕᕋᑦᑕ.” ᐃᓔᓴᐅᑉ ᑭᐅᕔᑦ, “ᐊᑏ.”
ᐃᓱᐊᕐᑑᑉ ᐱᒋᔭᖏᑦ ᐅᓄᖏᑦᑐᑦ, ᐱᐅᓂᕐᓴᐅᕗᑦ ᐱᐅᖏᑦᑐᓕᔪᑦ ᐅᓄᕐᑐᑦ ᐊᒃᓗᐃᑦᔪᑎᒋᔭᖏᓐᓂᑦ ᐅᓄᕐᑐᓂᑦ.
ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.
ᒨᓯᓯᓗ ᑕᒫᓂ ᓄᓇᖃᖃᑕᐅᔪᓐᓇᕐᓂᕋᕐᐳᖅ, ᔩᑕᓘᓪᓗ ᐸᓂᖕᒥᓂᒃ ᓯᐴᕋᒥᒃ ᓄᓕᐊᕐᑖᕐᑎᑉᐹ.
ᐱᖃᑦᓯᐊᖏᓐᓂᖅ ᐱᐅᓂᕐᓴᐅᕗᖅ ᐊᑕᓂᕐᒥᒃ ᓯᕘᕋᒋᔭᖃᕐᑐᒧᑦ, ᐱᓕᐊᓘᒐᓗᐊᕐᓗᓂ ᖃᓄᐃᓐᓇᕐᑐᒦᓐᓂᕐᒥᑦ.
ᐱᐅᓂᕐᓴᐅᕗᖅ ᐱᖃᑦᓯᐊᖏᒃᑲᓗᐊᕐᓗᓂ ᐃᓱᐊᕐᑐᒥᒃ ᐃᓅᓯᖃᕐᑐᖃᕈᓂ, ᑮᓇᐅᔭᓕᐅᕐᑐᕐᔪᐊᖑᓂᕐᒥᒃ ᓈᒻᒪᖏᑦᑐᒃᑯᑦ ᐱᔭᐅᔪᓂᒃ.
ᐱᔪᒪᑐᓛᕐᑐᖅ ᐊᑭᕋᕐᑐᓕᕐᑎᑦᓯᕗᖅ, ᐊᑕᓂᕐᒥᒡᓕ ᑕᑎᖃᕐᑐᖅ ᐱᕙᓪᓕᐊᑦᓯᐊᕈᒫᕐᐳᖅ.
ᐃᒡᓗᓕᐅᓚᐅᕐᓯᒪᓇᑕᓗ ᕔᓂᒃᓴᖁᑎᖃᓚᐅᕐᓯᒪᓐᖏᓚᒍᑦ ᐱᕈᕐᓰᕕᖃᓐᖏᓚᒍᑦ ᑲᓐᖓᕐᓱᐃᓚᐅᕐᓯᒪᓇᑕᓗ.
ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”
ᐊᒻᒪ ᐅᓇᑕᕐᑐᒃᓮᑦ ᔪᐊᓇᓯ ᐊᐱᕆᒋᕚᑦ, “ᐅᕙᒍᓪᓕ ᖃᓄᖅ ᐱᔪᒃᓴᐅᕕᑖ?” ᔪᐊᓇᓯᐅᑉ ᐅᖃᐅᑎᕔᑦ, “ᓲᖑᓴᖕᓂᕐᒧᑦ ᑎᒡᓕᖃᑦᑕᖏᓪᓗᓯ ᑮᓇᐅᔭᓂᒃ ᓴᒡᓗᕿᑦᓯᓂᕐᒧᓪᓘᓐᓃᑦ, ᑮᓇᐅᑦᔭᓕᐊᓯ ᓈᒻᒪᒋᓯᐅᒃ.”
ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.
ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,
ᐃᓅᒍᒪ ᙭ᔅᑑᓯᒧᑦ ᐃᓅᕗᖓ, ᑐᖁᒍᒪᓗ ᐱᕙᓪᓕᕈᑎᒃᓴᕆᕙᕋ.
ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.
ᓂᕿᖃᕈᑦᑕ ᐊᓐᓄᕌᖃᕐᓗᑕᓗ, ᑖᒃᑯᐊ ᓈᒻᒪᒋᔭᒃᓴᕆᕙᕗᑦ.
ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”
