ᑎᒧᑎᒧᑦ ᓯᕗᓪᓖᑦ 6:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑖᓐᓇ ᐱᐅᔪᕆᓂᖃᓗᐊᕐᓂᕐᒦᑉᐳᖅ ᖃᐅᔨᒪᓇᓂᓗ; ᐂᕙᑦᔪᑎᒃᓴᕐᓯᐅᑐᐃᓐᓇᕐᐳᖅ ᐅᖃᐅᓯᑐᐃᓐᓁᑦ ᐱᓪᓗᒋᑦ, ᑕᒪᓐᓇ ᓴᖅᑭᑎᑦᓯᕗᖅ ᐱᓂᕐᓴᐅᔪᒪᓂᕐᒥᒃ, ᐊᑭᕋᕐᑐᕈᒪᓂᕐᒥᒃ, ᐃᓅᖃᑎᒥᒃ ᓇᕐᕈᓇᕐᓯᑎᑎᓇᓱᖕᓂᕐᒥᒃ, ᐱᐅᓐᖏᓕᕐᑎᑎᓇᓱᖕᓂᕐᒥᒡᓗ,

ᑎᒧᑎᒧᑦ ᓯᕗᓪᓖᑦ 6:4 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:7

ᐃᓚᖏᑦ ᐊᒃᓗᐃᑦᑑᓐᖑᐊᕐᐸᒃᐳᑦ, ᓱᓇᖃᖏᓪᓗᑎᒃ; ᐊᓯᐊᓕ ᐊᔪᕐᓴᕐᑑᓐᖑᐊᕐᐳᖅ, ᐊᒃᓱᐃᑦᑐᐊᓘᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:14

ᓄᕗᔭᒥᒃ ᐊᓄᕆᒥᒡᓗ ᓯᓚᓗᒃᑎᑦᓯᖏᑦᑐᒥᒃ ᐊᑦᔨᖃᕐᐳᖅ ᓇᓪᓕᐊᑦ ᐱᐅᔪᕆᔪᖅ ᑐᓂᓯᓂᕋᕐᑐᖅ ᑐᓂᓯᓇᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:12

ᖃᐅᔨᒪᕖᑦ ᐊᖑᒻᒥᒃ ᐃᒻᒥᓂᒃ ᓯᓚᑐᓇᓱᒋᔪᒥᒃ? ᓯᓔᑦᑐᖅ ᐃᓱᒪᓇᕐᓂᕐᓴᐅᕗᖅ ᑖᑦᓱᒪᓐᖓᑦ.

ᐂᓮᐊᓯᐅᑉ ᐊᒡᓚᖏᑦ 58:4

ᑕᑯᓕᕆᑦᓯ ᓂᕆᑦᑍᓕᕙᒃᐳᓯ ᐂᕙᖃᑎᒌᒃᐸᒃᓗᓯ ᐹᖃᑎᒌᒃᓗᓯ ᐱᒋᐊᖃᑦᑕᐅᑎᓪᓗᓯᓗ. ᑍᒫᒃ ᓂᕆᑦᑍᓕᑦᔪᓯᖃᕈᑦᓯ ᑐᒃᓯᐊᕐᓂᓯ ᑐᓴᕐᑕᐅᓂᐊᓐᖏᓚᑦ ᕿᓚᖕᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 15:2

ᐸᐅᓗᓯᐅᑉ ᐸᓇᐹᓯᐅᓪᓗ ᐊᖏᔪᒥᒃ ᑖᒃᑯᐊ ᐂᕙᖃᑎᒋᓕᕐᐰᑦ, ᐃᓱᒪᑖᓕᕐᐳᑦ ᐸᐅᓗᓯᓗ ᐸᕐᓇᐹᓯᓗ ᐊᓯᖏᓪᓗ ᔨᕉᓴᓕᒻᒧᐊᖁᓪᓗᒋᑦ; ᐋᐴᓯᑕᓕᖕᓄᑦ ᓯᕗᓕᕐᑎᐅᔪᓄᓪᓗ ᑕᒪᑐᒥᖓ ᐅᖃᖃᑎᒌᒍᑎᖃᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:15

ᑭᓯᐊᓂ ᐅᖃᐅᓯᕐᓂᒃ ᐊᑎᕐᓂᒡᓗ ᓇᖕᒥᓂᕐᓗ ᐱᖁᔭᑦᓯᓐᓂᒃ ᐱᑦᔪᑎᒃᓴᖃᕐᑎᓪᓗᒍ, ᐃᓕᑦᓯ ᓇᖕᒥᓂᖅ ᐋᖅᑭᒐᓱᐊᓕᕐᓯᐅᒃ; ᐅᕙᖓᓕ ᑕᒪᒃᑯᓄᖓ ᐃᖅᑲᕐᑐᐃᔨᐅᔪᒪᓐᖏᓚᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:9

ᐊᖑᑦᑕᐅᖅ ᓮᒨᓂᒥᒃ ᐊᑎᓕᒃ ᑕᕝᕙᓂ ᓄᓇᖃᓚᐅᕆᕗᖅ, ᐊᒥᓱᓂᒃ ᑲᒪᓂᐊᕐᑎᑦᓯᖃᑦᑕᕐᑐᖅ ᐃᓅᖃᑎᒌᓂᒃ ᓴᒥᐊᕆᐊᕐᒥᐅᓂᒃ ᐊᖓᒃᑰᓂᕐᒥᓄᑦ, ᐃᒻᒥᓂᒃ ᐊᔪᖏᑦᑐᐊᓘᓂᕋᕐᓗᓂ ᐅᖃᖃᑦᑕᕐᑐᖅ.

ᕉᒪᒥᐅᓄᑦ 12:16

ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.

ᕉᒪᒥᐅᓄᑦ 13:13

ᐃᓕᖅᑯᓯᑦᓯᐊᕆᒡᓗᑕ ᐃᓅᓕᕐᑕ ᐅᓪᓗᕐᓯᐅᕐᑐᑎᑐᑦ, ᓄᓕᐊᕐᓂᕐᒥᒃ ᐊᑐᕐᓂᕐᓗᒍᓐᓃᕐᑕ ᐋᖓᔮᕈᓐᓃᕐᓗᑕᓗ, ᑲᓐᖑᓲᑎᒃᓴᓂᒃ ᐱᓇᓱᐊᕈᓐᓃᕐᑕ ᐃᒃᓯᒎᕐᓂᕐᒥᒡᓗ, ᐂᕙᓇᑕ ᐊᓐᓂᕈᑦᔨᓇᑕᓗ.

ᕉᒪᒥᐅᓄᑦ 14:1

ᐅᒃᐱᕐᓂᕐᒥ ᓴᓐᖐᑦᑐᖅ ᑐᓐᖓᓱᒃᑎᓯᐅᒃ, ᐃᖅᑲᕐᑐᖏᓪᓗᒍ ᐂᕙᖃᑎᒋᓇᓱᐊᕐᓇᒍᓗ ᐃᓱᒪᒋᔭᖏᓐᓂᒃ.

ᕉᒪᒥᐅᓄᑦ 2:8

ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᕐᑐᑦ ᓱᓕᓂᕐᒥᒡᓗ ᓈᓚᖏᑦᑐᑦ, ᐊᔪᕐᓂᕐᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᒧᑦ ᓱᒋᐊᕐᑕᐅᓂᕐᒧᓪᓗ ᑎᑭᑦᓱᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:16

ᑕᒪᑐᒪᓕ ᒥᒃᓵᓄᑦ ᐊᑭᕋᕐᑐᕐᑐᖃᕐᐸᑦ, ᐅᖃᕈᓐᓇᕐᐳᖓ ᒎᑎᐅᑉ ᐃᓚᒌᒃᑐᖁᑎᖏᑦ ᐅᕙᒍᓪᓗ ᑍᒤᑦᑐᓂᒃ ᐱᐅᓯᖃᓐᖏᓚᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:18

ᓯᕗᓪᓕᕐᒥᒃ, ᑐᓴᕐᑎᑕᐅᒐᒪ ᐃᓚᒌᒃᑐᑎᑐᑦ ᑲᑎᒪᓕᕌᖓᑦᓯ ᐊᕕᒃᓯᒪᐅᑎᖃᑦᑕᕋᑦᓯᒎᖅ; ᐃᓚᖓᒍᓪᓗ ᑕᒪᓐᓇ ᐅᒃᐱᕆᕙᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18

ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:3

ᓱᓕ ᑎᒥᐅᑉ ᐃᓕᖅᑯᓯᖏᓐᓂᒃ ᐊᑐᕋᑦᓯ. ᐱᒃᑲᐅᓂᕐᓴᐅᔪᒪᓂᖃᕋᑦᓯ ᐊᑭᕋᕐᑐᕐᑎᒌᒃᓗᓯᓗ, ᑕᕝᕙ ᑎᒥᐅᑉ ᐃᓕᖅᑯᓯᖏᑎᑐᑦ ᐃᓕᖅᑯᓯᖃᓐᖏᓚᓰ? ᐃᓄᑐᐃᓐᓇᐅᓪᓗ ᐃᓕᖅᑯᓯᖓᓂᒃ ᐊᑐᓐᖏᓚᓰ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:20

ᐊᒡᓛᑦ ᖃᓄᐃᒃᓴᓐᖏᓚᓯ ᐃᓕᑦᓯᓐᓄᑦ ᐊᖓᔪᖅᑲᐅᓯᕐᑐᓂᒃ, ᐱᒋᔭᓯᓐᓂᒃ ᐊᕐᓵᕐᓯᔪᓂᒃ, ᐃᓕᑦᓯᓐᓂᒃ ᓵᓚᓯᐊᖃᕐᑐᓂᒃ, ᐃᒻᒥᖕᓂᒃ ᐊᖓᔪᖅᑳᖑᔪᒪᔪᓂᒃ, ᑮᓇᑦᓯᒍᓪᓘᓐᓃᑦ ᑎᒡᓗᒃᓯᔪᓂᒃ,

ᒐᓔᑎᐊᒥᐅᓄᑦ 5:15

ᐃᓕᑦᓯᓐᓄᓪᓕ ᐆᒪᔪᑎᑐᑦ ᐹᑐᐃᓐᓇᖃᑦᑕᕈᑦᓯ ᐋᓂᕐᓯᖃᑕᐅᑎᓗᓯ ᐱᓂᕐᓕᖃᑕᐅᑎᓗᓯᓗ ᖃᐅᔨᒪᓕᕆᑦᓯ ᐃᓅᖃᑎᒌᖕᓂᓯ ᓱᕋᓛᐳᖅ.

ᒐᓔᑎᐊᒥᐅᓄᑦ 5:26

ᑕᑯᖅᑯᑎᓗᐊᕐᑐᒃᓴᐅᓐᖏᓚᒍᑦ, ᓂᓐᖓᒃᓴᖃᑦᑕᐅᑎᓇᑕᓗ, ᐱᔪᑑᔪᒪᓂᕐᒧᓪᓗ ᐊᓐᓂᕈᑦᔨᖃᑦᑕᐅᑎᓇᑕ.

ᒐᓔᑎᐊᒥᐅᓄᑦ 6:3

ᐱᐅᔪᕆᔪᖃᕐᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᒥᓂᒃ ᐅᐃᕕᕐᕆᕗᖅ.

ᐱᓕᐱᒥᐅᓄᑦ 1:15

ᐃᓚᖏᓪᓕ ᙭ᔅᑑᓯᒥᒃ ᐊᔪᕆᕐᑐᐃᑦᔪᑎᖃᕐᐳᑦ ᓵᓐᖓᔭᑐᐊᖑᔪᒪᓂᕐᒧᑦ ᐊᑭᕋᕐᑐᕈᒪᓂᕐᒧᓪᓗ, ᐃᓚᖏᑕᓕ ᙭ᔅᑑᓯ ᐊᔪᕆᕐᑐᐃᑦᔪᑎᒋᕚᑦ ᐱᐅᔪᒥᒃ ᐃᓱᒪᖃᕐᑎᑕᐅᑦᓯᐊᕐᓗᑎᒃ.

ᐱᓕᐱᒥᐅᓄᑦ 2:14

ᑕᒤᓐᓂᒃ ᐱᓇᓱᐊᕆᑦᓯ ᐅᖃᐅᓯᕐᓗᒐᓯ ᐂᕙᓇᓯᓗ,

ᐱᓕᐱᒥᐅᓄᑦ 2:3

ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ.

ᑯᓘᓯᐊᒥᐅᓄᑦ 2:18

ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:4

ᑕᒤᓐᓂᒃ ᒎᑎᓂᒃ ᑍᔭᐅᔪᓕᒫᓂᒃ ᐊᑭᕋᕐᑐᕐᑐᕐᔪᐊᖅ ᐱᔨᑦᓯᕐᓂᕐᓂᒡᓗ, ᑕᒤᓐᓂᓪᓗ ᐃᒻᒥᓂᒃ ᐊᖏᓂᕐᐸᐅᑎᑦᑐᖅ, ᐊᒡᓛᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂ ᐃᒃᓯᕚᕆᐊᕐᑐᕈᒫᕐᐳᖅ, ᐃᒻᒥᓂᒃ ᒎᑎᐅᓂᕋᕐᓗᓂ.

ᑎᒧᑎᒧᑦ ᓯᕗᓪᓖᑦ 1:4

ᐅᓂᒃᑳᕐᑐᐊᓂᒃ ᑭᖑᕚᖑᖃᑎᒌᓪᓗ ᑭᓇᒃᑰᓂᖏᒃᓂᒃ ᐱᓇᓱᐊᑐᐃᓐᓇᖁᓇᒋᑦ ᐅᓄᕐᑐᐊᓗᖕᓂᒃ ᐅᖃᓪᓚᑐᐃᓐᓇᖃᑦᑕᖁᖏᓪᓗᒋᑦ, ᑕᒪᒃᑯᐊ ᓇᓚᐅᑦᑖᕐᑎᑦᓯᑐᐃᓐᓇᕐᒪᑕ; ᒎᑎᒥᑦ ᐱᔪᓂᒃ ᐱᓇᓱᐊᕐᑎᑦᓯᓇᑎᒃ, ᐅᒃᐱᕐᓂᑯᑦ ᐃᓕᓐᓂᐊᕐᓂᐅᒐᔭᕐᑐᓂᒃ.

ᑎᒧᑎᒧᑦ ᓯᕗᓪᓖᑦ 1:7

ᐱᖁᔭᓂᒃ ᐃᓕᓮᔨᐅᔪᒪᒐᓗᐊᕐᐳᑦ, ᐅᖃᐅᓯᕆᓇᓱᐊᕐᑕᒥᖕᓂᓗ ᑐᑭᓯᐅᒪᓐᖏᓚᑦ ᑐᑭᓯᐅᒪᔫᔮᕐᓗᒋᑦ ᐅᖃᕈᓐᓇᕋᓗᐊᕐᓗᒋᑦ.

ᑎᒧᑎᒧᑦ ᓯᕗᓪᓖᑦ 3:6

ᓵᒋᐊᕋᑖᕐᓂᑰᔪᒃᓴᐅᓐᖏᓚᖅ, ᐱᐅᔪᕆᓂᕐᒧᑦ ᓵᓚᐅᒐᔭᕐᐸᑦ ᓱᒋᐊᕐᑕᐅᔪᒃᓴᐅᖁᓇᒍ, ᓵᑖᓇᓯᑐᑦ.

ᑎᒧᑎᒧᑦ ᐂᑉᐸᖏᑦ 2:14

ᑕᒪᑐᒥᖓ ᐃᖅᑬᑎᒃᑭᑦ, ᐊᑕᓂᐅᓪᓗ ᓵᖓᓂ ᐅᖃᐅᑎᒃᑭᑦ ᐂᕙᑦᔪᑎᖃᖃᑦᑕᖁᓇᒋᑦ ᐅᖃᐅᓯᑐᐃᓐᓁᑦ ᐱᑦᔪᑎᒋᓗᒋᑦ, ᑕᒪᓐᓇ ᐊᑑᑎᖃᖏᒻᒪᑦ, ᓱᕋᒍᑎᑐᐃᓐᓇᐅᖕᒪᓪᓗ ᑐᓵᔪᓄᑦ.

ᑎᒧᑎᒧᑦ ᐂᑉᐸᖏᑦ 2:23

ᓯᓔᑦᑐᑦ ᐃᓚᒋᓂᐊᕐᓇᒋᑦ, ᓇᓗᓂᕐᒧᑦ ᐊᑭᕋᕐᑑᑎᓃᑦ; ᑕᒪᒃᑯᐊ ᖃᐅᔨᒪᒐᕕᒋᑦ ᐂᕙᐅᑎᓂᕐᒥᒃ ᓴᖅᑭᑎᑦᓯᑐᐃᓐᓇᕐᒪᑕ.

ᑎᒧᑎᒧᑦ ᐂᑉᐸᖏᑦ 3:4

ᐱᔭᐅᒃᑬᔨᓂᒃ, ᐃᓕᕋᒃᑯᑎᔪᓐᓇᖏᑦᑐᓂᒃ, ᐱᓯᑎᐅᔪᕆᓂᕐᒧᑦ ᐱᐅᔪᕆᓗᐊᕐᑐᓂᒃ, ᖁᕕᐊᒋᔭᒥᖕᓂᒃ ᐅᖓᓂᕐᓴᐅᔪᓂᒃ ᒎᑎᒥᑦ;

ᑍᑑᓯᒧᑦ 3:9

ᓱᓕᓂᕐᓴᐅᖃᑦᑕᐅᑎᓇᓱᖕᓃᓪᓕ ᓈᒻᒪᖏᑦᑐᑦ ᐊᑐᕐᓂᐊᕐᓇᒋᑦ, ᓯᕗᓕᕕᓂᑦᑕ ᑭᖑᕚᕆᒃᐸᓪᓕᐊᓂᖏᓐᓂᒃ ᖃᐅᔨᓇᓱᐊᕐᓂᑦ, ᐂᕙᓃᑦ, ᐊᑭᕋᕐᑑᑎᓃᓪᓗ ᐱᖁᔧᑦ ᐱᓪᓗᒋᑦ, ᑕᒪᒃᑯᐊ ᐊᑑᑎᖃᖏᒻᒪᑕ ᐱᕙᓪᓕᕐᓇᕐᑐᖃᕋᑎᒡᓗ.

ᔧᒥᓯᐅᑉ ᐊᒡᓚᖏᑦ 1:19

᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.

ᐲᑦᑐᕉᓯ ᐂᑉᐸᖏᑦ 2:12

ᑖᒃᑯᐊᓕ ᐃᓄᐃᑦ ᐅᖃᕐᓂᕐᓘᑎᖃᕐᐸᒃᐳᑦ ᑐᑭᓯᓐᖏᑕᕋᓗᐊᒥᖕᓂᒃ, ᐆᒪᔪᑎᑐᑦ ᓄᔪᐊᕐᑐᑎᑐᑦ ᑍᒤᑉᐳᑦ, ᐃᕐᓂᐊᖑᓯᒪᔪᑎᑐᑦ ᑕᑯᔭᐅᓗᑎᒃ ᑐᖁᑕᐅᔪᒃᓴᑎᑐᑦ, ᐆᒪᔪᑎᑐᓪᓗ ᓄᔪᐊᕐᑐᑎᑐᑦ ᐊᓯᕈᕐᑕᐅᔪᒫᕐᐳᑦ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᔫᑎᐅᑉ ᐊᒡᓚᖏᑦ 1:10

ᐃᓄᐃᓪᓕ ᑖᒃᑯᐊ ᓱᓇᓕᒫᓂᒃ ᐅᖃᕐᓂᕐᓘᑎᖃᖃᑦᑕᕐᐳᑦ ᑐᑭᓯᓯᒪᓐᖏᑕᒥᖕᓂᒃ, ᐃᒃᐱᒋᓕᕐᑕᑐᐃᓐᓇᒥᖕᓂᒃᓗ ᖃᐅᔨᓯᒪᔭᒥᖕᓄᑦ ᐆᒪᔪᑎᑐᑦ ᓄᔪᐊᕐᑐᑎᑐᑦ ᐱᓇᓱᐊᕐᐸᒃᐳᑦ, ᑕᒪᒃᑯᓄᖓ ᑕᕝᕙ ᓱᒋᐊᕐᑕᐅᑦᔪᑎᖃᕐᐳᑦ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:17

ᐅᖃᕐᐳᑎᑦ, ᐊᔪᕐᓴᓐᖏᑑᕗᖓ, ᐱᖁᑎᖃᑦᓯᐊᕐᓗᖓ, ᑭᓐᖒᒪᔭᖃᕈᓐᓃᕐᓗᖓᓗ; ᖃᐅᔨᒪᓐᖏᓚᑎᓪᓕ ᐊᔪᕐᓴᕐᓂᕐᓂᒃ, ᑕᑯᑦᓱᓇᕐᑐᐊᓘᓂᕐᓂᒃ, ᐊᔪᕐᓴᕐᐳᑎᑦ, ᑕᐅᑐᖏᑦᑑᓪᓗᑎᑦ, ᐊᓐᓄᕌᖃᕐᓇᒡᓗ.