ᑎᒧᑎᒧᑦ ᓯᕗᓪᓖᑦ 6:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.

ᑎᒧᑎᒧᑦ ᓯᕗᓪᓖᑦ 6:16 Iomraidhean Croise

ᔫᐱᐅᑉ ᐊᒡᓚᖏᑦ 37:23

ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᐃᓐᖏᕈᑎᑦ 104:2

ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.

ᐃᓐᖏᕈᑎᑦ 90:2

ᖃᖅᑬᑦ ᓴᖅᑭᓚᐅᖅᑳᕐᑎᓐᓇᒋᑦ, ᐅᕝᕙᓗ ᓄᓇᕐᔪᐊᖅ ᓯᓚᕐᔪᐊᕐᓗ ᐱᓐᖑᕐᑎᑕᐅᓚᐅᖅᑳᕐᑎᓐᓇᒋᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᒎᑏ ᒎᑎᐅᕗᑎᑦ.

ᒨᓯᓯ ᐂᑉᐸᖏᑦ 3:14

ᒎᑎ ᒨᓯᓯᒧᑦ ᐅᖃᕐᐳᖅ, “ᐅᕙᖓᐅᕗᖓ ᐊᓯᖃᖏᑦᑐᖅ; ᑍᒫᒃ ᐃᓴᕆᐊᓕᒥᐅᑦ ᐅᖃᐅᑎᓂᐊᕐᐸᑎᑦ ᑖᑦᓱᒪ ᑍᔭᐅᔫᑉ ᐅᕙᖓᐅᔪᒥᒃ ᑖᑦᓱᒪ ᑎᓕᕚᖓ ᐃᓕᑦᓯᓐᓄᑦ.”

ᒨᓯᓯ ᐂᑉᐸᖏᑦ 33:20

ᑮᓇᕋᓕ ᐃᓕᖕᓄᑦ ᑕᑯᔭᐅᑎᓐᓂᐊᓐᖏᓚᕋ; ᐃᓄᑐᐃᓐᓇᖅ ᐅᕙᓐᓂᒃ ᑕᑯᔪᖅ ᐃᓅᔪᓐᓇᖏᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᕼᐊᐸᑲᐅᑉ ᐊᒡᓚᖏᑦ 3:4

ᑖᑦᓱᒪ ᖃᐅᒻᒪᕆᖕᓂᖓ ᖃᐅᒻᒪᓚᒃᑎᑐᑦ ᑍᒤᑉᐳᖅ, ᐊᒡᒐᖏᓐᓂᑦ ᖃᐅᒪᔪᖅ ᓇᓂᕈᐊᕐᑐᑎᑐᑦ ᑍᒤᑉᐳᖅ; ᑕᕝᕙᓂᓗ ᐱᔪᓐᓇᕐᓂᖓ ᐃᔨᕐᓯᒪᕗᖅ.

ᔪᐊᓇᓯᐅᑉ ᐊᒡᓚᖏᑦ 1:18

ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᓂᑐᐊᓪᓕ ᐊᑖᑕᐅᑉ ᓴᕐᓕᐊᕐᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.

ᔪᐊᓇᓯᐅᑉ ᐊᒡᓚᖏᑦ 14:9

ᔩᓱᓯᐅᑉ ᐅᖃᐅᑎᕚ, “ᐊᑯᓂᐊᓗᒃ ᓇᔪᓕᕐᐸᑦᓯ, ᓱᓕ ᖃᐅᔨᒪᓐᖏᓚᕐᒪ ᐱᓕᑉᐴᓯ? ᐅᕙᓐᓂᒃ ᑕᑯᓯᒪᔫᑉ ᐊᑖᑕ ᑕᑯᓯᒪᒋᕚ; ᓱᖕᒪᓪᓖ ᐅᖃᕐᐱᑦ, ‘ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ’?

ᔪᐊᓇᓯᐅᑉ ᐊᒡᓚᖏᑦ 6:46

ᐊᑖᑕᒥᒃ ᑕᑯᓚᐅᕐᓯᒪᔪᖃᓐᖏᓚᖅ; ᒎᑎᒥᓪᓕ ᐱᔫᑉ ᑭᓯᒥ ᐊᑖᑕ ᑕᑯᓯᒪᕚ.

ᔪᐊᓇᓯᐅᑉ ᐊᒡᓚᖏᑦ 8:58

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐂᑉᕋᕼᐋᒻ ᐃᓅᓚᐅᕐᑎᓐᓇᒍ, ᑕᑉᕙᐅᓚᐅᕐᐳᖓ.”

ᐃᐱᓯᒥᐅᓄᑦ 3:21

ᑖᓐᓇ ᓂᕐᑐᕐᑕᐅᓕ ᐅᒃᐱᕐᑑᖃᑎᒌᓂ ᙭ᔅᑑᓯ ᔩᓱᓯᒥᓗ ᑭᖑᕚᕇᓕᒫᓄᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᒨᓯᓯ ᑕᓪᓕᒪᖏᑦ 32:40

ᐊᒡᒐᒃᑲ ᖁᒻᒧᑦ ᐃᓵᒡᓗᒋᑦ, ᐅᖃᕕᒡᓗᖓ ᐊᖏᒻᒪᕆᒃᐳᖓ, ᐃᓅᒐᒪ ᐃᓱᖃᖏᑦᑐᒧᑦ,

ᐱᓕᐱᒥᐅᓄᑦ 4:20

ᒎᑎᕗᑦ ᐊᑖᑕᕗᓪᓗ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᑯᓘᓯᐊᒥᐅᓄᑦ 1:15

ᔩᓱᓯ ᑕᑯᒃᓴᐅᓪᓗᓂ ᐊᑦᔨᒋᔭᐅᖕᒪᑦ ᒎᑎᒧᑦ ᑕᑯᒃᓴᐅᖏᑦᑐᒧᑦ, ᐃᕐᓂᐊᖑᖅᑳᕐᓯᒪᕗᖅ ᐱᓐᖑᕐᑎᑕᐅᓯᒪᔪᓕᒫᓂᑦ;

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᐄᑉᕈᐃᓄᑦ 13:8

ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔪᐊᓇᓯ ᓯᕗᓪᓖᑦ 1:5

ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 4:12

ᒎᑎᒥᒃ ᑕᑯᔪᖃᓚᐅᕐᓯᒪᓐᖏᓚᖅ; ᓇᒡᓕᒋᖃᑦᑕᐅᑎᒍᑦᑕᓕ, ᒎᑎᐅᑉ ᓇᔪᕐᐹᑎᒍᑦ ᓇᒡᓕᖕᓂᖓᓗ ᐃᓗᑦᑎᓐᓂ ᓈᒻᒪᒃᓯᕗᖅ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:8

“ᐋᓪᐸᐅᕗᖓ ᐅᒥᒐᐅᓪᓗᖓᓗ,” ᐱᒋᐊᕐᓂᐅᕗᖓ ᑭᖑᓪᓕᕐᐸᐅᓪᓗᖓᓗ, ᐊᑕᓂᖅ ᒎᑎ ᐅᖃᕐᐳᖅ, ᒫᓐᓇ ᑍᒤᑦᑐᖅ ᑍᒤᓚᐅᕐᑐᕐᓗ ᑍᒤᖏᓐᓇᕐᓂᐊᕐᑐᕐᓗ ᐊᔪᒐᖃᖏᑦᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:11

“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:12

ᐅᖃᕐᓗᑎᒃ, “ᐂᒥᓐ! ᓂᕐᑐᕐᑕᐅᓂᖅ ᐱᓐᓇᕐᓇᕐᓂᕐᓗ ᓯᓚᑐᓂᕐᓗ ᖁᔭᒋᔭᐅᓂᕐᓗ ᐅᐱᒋᔭᐅᓂᕐᓗ ᐱᔪᓐᓇᕐᓂᕐᓗ ᐊᔪᒐᖃᖏᓐᓂᕐᓗ ᒎᑎᑦᑎᓐᓄᑦ ᐱᒋᔭᐅᓕᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐂᒥᓐ.”