ᑎᒧᑎᒧᑦ ᓯᕗᓪᓖᑦ 6:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑖᓐᓇ ᓴᖅᑭᑦᓱᒫᕐᒪᑦ ᒎᑎᐅᑉ ᓈᒻᒪᒋᔭᖓᒍᑦ; ᓮᒻᒪᕐᑎᑕᐅᓯᒪᔪᖅ ᐊᐅᓚᑦᓯᔨᑑᓪᓗᓂᓗ, ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.

ᑎᒧᑎᒧᑦ ᓯᕗᓪᓖᑦ 6:15 Iomraidhean Croise

ᐄᓱᕋᐅᑉ ᐊᒡᓚᖏᑦ 7:12

“ᐊᖓᔪᖅᑳᕐᔪᐊᒥᑦ ᐋᕐᑕᔮᒃᓯᒥᑦ ᐊᖓᔪᖅᑳᕐᔪᐊᒥᑦ ᐊᖓᔪᖅᑳᕐᔪᐊᓄᑦ, ᑐᓂᕐᕈᓯᕐᑎᑦᓯᔨᒧᑦ ᐄᓱᕋᒧᑦ, ᒎᑎᐅᑉ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ. ᓮᒪᓂᒻᒪᕆᐅᑉ ᐃᓚᒋᓕᓯ.

ᐃᓐᖏᕈᑎᑦ 136:3

ᐊᑕᓂᐅᔪᓄᑦ ᐊᑕᓂᐅᔪᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 47:2

ᐊᑕᓂᖅ ᖁᑦᓯᖕᓂᕐᐹᖑᔪᖅ ᐊᔪᖏᑦᑐᕐᔪᐊᖑᕗᖅ; ᐊᔪᖏᓐᓂᕐᐹᖑᓪᓗᓂ ᐊᖓᔪᖅᑳᔪᐊᖑᕗᖅ ᓄᓇᕐᔪᐊᓕᒫᒧᑦ.

ᐃᓐᖏᕈᑎᑦ 83:18

ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ, ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ, ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:15

ᐅᕙᒃᑯᑦ ᐊᖓᔪᖅᑳᕐᔪᐊᑦ ᐊᐅᓚᑦᓯᕙᒃᐳᑦ, ᐱᖁᔭᓕᐅᕈᓐᓇᕐᐸᒃᓗᑎᒡᓗ ᓈᒻᒪᓈᑦᓯᐊᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 46:18

ᐅᕙᖓ ᐊᑕᓂᐅᒐᒪ ᐊᔪᒐᖃᖏᑦᑐᖅ, ᐊᖓᔪᖅᑳᕐᔪᐊᖑᕗᖓ, ᐆᒪᓪᓗᖓ, ᓲᕐᓗ ᖃᖅᑲᖅ ᑍᐸᕆ ᖃᖅᑲᓂᑦ ᐳᕐᑐᓛᖑᖕᒪᑦ, ᖃᖅᑲᕐᓗ ᑳᕐᒥᐅᓪ ᓄᐃᑕᖕᒪᑦ ᑕᕆᐅᕐᒧᑦ, ᑍᒫᒃᑕᐅᖅ ᐱᔪᓐᓇᕐᑐᕐᔪᐊᖑᓂᐊᕐᐳᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ.

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᒨᓯᓯ ᑕᓪᓕᒪᖏᑦ 10:17

ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᑎᒧᑎᒧᑦ ᓯᕗᓪᓖᑦ 1:11

ᑕᒪᓐᓇ ᐊᔪᕆᕐᑑᓯᖅ ᐅᖃᐅᓯᕐᓂ ᑐᓴᕈᒥᓇᕐᑐᓃᑉᐳᖅ ᐅᖃᐅᓯᕆᔭᐅᖁᔭᐅᓯᒪᔪᓂᑦ ᐅᕙᓐᓄᑦ, ᐱᓐᓇᕐᓇᕐᑐᕐᔪᐊᕐᒥᑦ ᒎᑎᒥᑦ ᓂᕐᑐᕐᑕᐅᔪᒃᓴᐅᔪᒥᑦ.

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᑎᒧᑎᒧᑦ ᓯᕗᓪᓖᑦ 2:6

ᐃᒻᒥᓂᒃ ᑐᓂᓚᐅᕐᐳᖅ ᐊᑭᓖᑦᔪᔨᔪᒪᓪᓗᓂ ᐃᓄᓕᒫᓂᒃ; ᑕᒪᓐᓇ ᓈᒻᒪᑦᓯᐊᕐᑐᒥᒃ ᒎᑎᐅᑉ ᐱᓇᓱᐊᕈᑎᒋᓚᐅᕐᐹ ᐱᐅᓕᕐᓯᓂᓂ ᖃᐅᔨᔭᐅᖁᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”