ᑎᒧᑎᒧᑦ ᓯᕗᓪᓖᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑍᒤᒻᒪᑦ ᐅᐃᒡᒐᕐᓃᑦ ᐃᓅᓱᖕᓂᕐᓮᑦ ᐅᐃᓂᖁᒐᔭᕐᐸᒃᑲ, ᕿᑐᕐᖏᐅᕐᓗᑎᒃ, ᐊᖏᕐᕋᒥᖕᓂᒃ ᑲᒪᖁᓪᓗᒋᑦ, ᐊᑭᕋᕐᑐᕐᑎᕗᑦ ᐱᐅᖏᑦᑐᒥᒃ ᐅᖃᐅᓯᒃᓴᖃᖁᓇᒋᑦ.

ᑎᒧᑎᒧᑦ ᓯᕗᓪᓖᑦ 5:14 Iomraidhean Croise

ᒨᓯᓯ ᓯᕗᓪᓖᑦ 18:6

ᐂᑉᕋᕼᐋᒻᓗ ᑐᐊᕕᕐᓗᓂ ᑐᐱᕐᒥᓄᐊᕋᒥ ᓵᕋᒧᑦ ᐅᖃᕐᐳᖅ, “ᑐᐊᕕᕐᓗᑎᑦ, ᓂᐊᖂᔭᒃᓴᑦᓯᐊᒥᒃ ᐃᖑᑦᑎᓵᕆᑦ ᐆᒃᑑᑎᓂᒃ ᐱᖓᓱᓂᒃ; ᐆᑦᓯᓗᑎᓪᓗ.”

ᒨᓯᓯ ᓯᕗᓪᓖᑦ 18:9

ᑖᒃᑯᐊᓗ ᐅᖃᐅᑎᕚᑦ, “ᓇᐅᒡᓕ ᓄᓕᐊᑦ ᓵᕋ?” ᑖᑦᓱᒪ ᑭᐅᕔᑦ, “ᑐᐱᕐᒦᑉᐳᖅ.”

ᓴᒧᐃᓕ ᐂᑉᐸᖏᑦ 12:14

ᑭᓯᐊᓂᓕ, ᑍᒤᓕᐅᕐᑎᓪᓗᑎᑦ ᐊᑕᓂᕐᒧᑦ ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑍᑦ ᐱᓪᓗᒍ, ᕿᑐᕐᖓᕐᑖᕆᓚᐅᕐᑍᑦ ᑐᖁᓂᐊᕐᐳᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:1

ᐊᕐᓇᖅ ᓯᓚᑐᔪᖅ ᐃᒡᓗᓕᐅᕐᐳᖅ, ᓯᓔᑦᑑᓪᓕ ᐃᒡᓗᓕᐊᓂ ᐊᒡᒐᖕᒥᓄᑦ ᓯᖁᑦᑎᕐᐹ.

ᔨᕆᒤᐊᐅᑉ ᐊᒡᓚᖏᑦ 29:6

ᐂᑉᐸᕐᑖᕐᑐᕆᑦᓯ ᕿᑐᕐᖓᕐᑖᕐᓂᐊᕋᑦᓯ, ᕿᑐᕐᖓᓯᓗ ᐂᑉᐸᕐᑖᕐᑎᓪᓗᓯᐅᒃ ᕿᑐᕐᖓᕐᑖᖁᓪᓗᒋᑦᑕᐅᖅ, ᐅᓄᕐᓯᕙᓪᓕᐊᖁᓪᓗᓯ ᓄᖑᑉᐸᓪᓕᐊᖏᓪᓗᓯ.

ᑖᓂᐊᓕᐅᑉ ᐊᒡᓚᖏᑦ 6:4

ᑍᒤᒻᒪᑦ, ᐊᖓᔪᖅᑳᖑᖃᑎᖏᑦ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᖏᑦ ᕿᓂᓚᐅᕐᐳᑦ ᑖᓂᐊᓕ ᐸᓯᔪᒪᓪᓗᒍ ᐊᖓᔪᖅᑲᐅᕕᖕᒥᒃ ᐊᐅᓚᑦᓯᓂᖓᒍᑦ, ᐸᑦᓯᑎᒃᓴᕐᓯᔪᓐᓇᓚᐅᓐᖏᓚᓪᓕ, ᓈᒻᒪᖏᑦᑐᒥᒃ ᓇᓂᓯᕝᕕᒋᔪᓐᓇᓚᐅᖏᓐᓇᒥᑦᔪᒃ, ᐃᕿᐊᓱᒍᓐᓇᖏᒻᒪᑦ ᓈᒻᒪᖏᑦᑐᒥᒡᓗ ᐱᓂᐊᕐᓂᖃᕋᓂ.

ᕉᒪᒥᐅᓄᑦ 14:13

ᑍᒤᒻᒪᑦ ᐃᖅᑲᕐᑐᖃᑦᑕᐅᑎᔪᓐᓃᕐᑕ ᐅᕙᑦᑎᓐᓄᑦ, ᐃᓱᒪᑖᓕᕆᑦᓯ ᐅᒃᐱᕐᑑᖃᑎᑦᑎᓐᓄᑦ ᐹᓪᓚᒡᕕᒃᓴᒥᒃ ᐊᐳᕐᕕᒡᓴᒥᒡᓘᓐᓃᑦ ᐊᖅᑯᑖᓄᑦ ᐃᓕᓯᓚᐅᕐᓯᒪᔪᒪᖏᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:12

ᑍᒫᒡᓗ ᐱᐅᓯᕾᓐᓇᕐᓂᐊᕐᐳᖓ, ᑍᒃᑯᐊ ᐅᕙᑦᑎᓐᓄᑦ ᐊᑦᔨᐅᑎᓐᓇᓱᐊᕐᑐᑦ ᐃᒻᒥᖕᓂᒃ ᓂᕐᑐᕈᑎᒃᓴᖃᕈᒪᓪᓗᑎᒃ; ᓂᕐᑑᑎᕕᒃᓴᖃᖁᓇᒋᑦ.

ᑎᒧᑎᒧᑦ ᓯᕗᓪᓖᑦ 2:8

ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.

ᑎᒧᑎᒧᑦ ᓯᕗᓪᓖᑦ 4:3

ᑖᒃᑯᐊ ᐊᔪᕆᕐᑐᐃᕗᑦ ᓄᓕᐊᓂᖃᑦᑕᖁᔨᓇᑎᒃ ᓂᕆᔭᕆᐊᖃᓐᖏᓂᕅᓪᓗᑎᒃᓗ ᓂᕿᑦ ᐃᓚᖏᓐᓂᒃ ᒎᑎᐅᓪᓕ ᓂᑭᑦ ᐱᓐᖑᕐᑎᓯᒪᕔᑦ ᓂᕿᒋᔭᐅᖁᓪᓗᒋᑦ ᑐᒃᓯᐊᕐᓂᒃᑯᑦ ᖁᔭᓕᑦᔪᑕᐅᓗᑎᒃ, ᐅᒃᐱᕐᑐᓄᑦ ᓱᓕᓂᕐᒥᒡᓗ ᖃᐅᔨᒪᔪᓄᑦ.

ᑎᒧᑎᒧᑦ ᓯᕗᓪᓖᑦ 5:11

ᐅᐃᒡᒐᕐᓃᓪᓕ ᐃᓅᓱᖕᓂᕐᓮᑦ ᐅᐃᒡᒐᕐᓃᑦ ᐊᑎᖏᓐᓄᑦ ᐃᓚᓕᐅᑎᓂᐊᕐᓇᒋᑦ; ᐱᔪᒪᓂᕐᒥᖕᓄᑦ ᐅᐃᓂᒃᑲᓐᓂᕈᒪᑎᑕᐅᓕᕐᐸᑕ, ᙭ᔅᑑᓯᒥᑦ ᕿᒪᕉᑎᑐᐃᓐᓇᕆᐊᖃᕐᒪᑕ.

ᑎᒧᑎᒧᑦ ᓯᕗᓪᓖᑦ 6:1

ᐱᔨᑲᑖᕆᔭᐅᔪᑦ ᐊᖓᔪᖅᑳᒥᖕᓂᒃ ᑕᒤᑎᒍᑦ ᐅᐱᒋᔭᖃᑦᓯᐊᕐᑐᒃᓴᐅᕗᑦ, ᒎᑎ ᐊᔪᕆᕐᑐᐃᑦᔪᑎᒋᔭᕗᓪᓗ ᐅᖃᐅᑕᐅᓂᕐᓗᖁᓇᒋᑦ.

ᑍᑑᓯᒧᑦ 2:5

ᐃᒻᒥᖕᓂᒃ ᐱᓯᒪᑦᓯᐊᕈᓐᓇᕐᓗᑎᒃ, ᐃᑦᔪᕐᓁᓪᓗᑎᒃ, ᐃᒡᓗᒥᐅᖃᑎᒥᖕᓂᒃ ᑲᒪᑦᓯᐊᕐᓗᑎᒃ, ᐱᑦᓯᐊᕐᓗᑎᒃ, ᐃᒻᒥᖕᓂᒡᓗ ᑐᓂᓯᒪᑦᓯᐊᖁᓪᓗᒋᑦ ᐅᐃᒥᖕᓄᑦ, ᒎᑎᐅᑉ ᐅᖃᐅᓯᖏᑦ ᐅᖃᕐᓂᕐᓘᑕᐅᖁᓇᒋᑦ.

ᑍᑑᓯᒧᑦ 2:8

ᐅᖃᐅᓯᕐᓂᒃ ᓱᓕᔪᓂᒃ ᐊᑐᖃᑦᑕᕐᓗᑎᑦ ᐊᑭᕋᕐᑐᕐᑕᐅᔪᓐᓇᖏᑦᑐᓂᒃ, ᐊᑭᕋᕐᑐᕐᑎᑎᑦ ᑲᓐᖑᓱᒃᑎᑕᐅᖁᓪᓗᒋᑦ, ᐱᑦᔪᑎᒃᓴᖃᖁᓇᒋᓪᓗ ᐅᖃᐅᓯᕆᓂᕐᓗᒡᓗᑕ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.