ᑎᒧᑎᒧᑦ ᓯᕗᓪᓖᑦ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 3:11 Iomraidhean Croise

ᐃᓐᖏᕈᑎᑦ 101:5

ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.

ᐃᓐᖏᕈᑎᑦ 15:3

ᐅᖃᕐᒥᓄᓪᓗ ᐅᖃᕐᓂᕐᓘᑎᖅᑲᖏᑦᑐᖅ, ᐱᐅᖏᑦᑐᒥᒡᓗ ᐱᓂᐊᕐᓂᖃᖏᑦᑐᖅ ᐃᓅᖃᑎᒥᓄᑦ, ᐃᓅᖃᑎᒥᓄᓪᓗ ᐅᖃᐅᓯᕐᓗᖕᒥᒃ ᓂᓪᓕᐊᖏᑦᑐᖅ,

ᐃᓐᖏᕈᑎᑦ 50:20

ᖃᑕᓐᖑᑎᑦᓯᓐᓂᒃ ᐊᑭᕋᕐᑐᕐᓗᒍ ᓂᓪᓕᐊᕗᓯ ᐃᒃᓯᕚᕐᕕᖕᒥ; ᐊᓈᓇᑦᓯ ᐃᕐᓂᖓ ᐊᒡᓚᑦ ᐅᖃᕐᓂᕐᓘᑎᒋᕙᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:18

ᐆᒥᓱᖕᓂᕐᒥᒃ ᐃᔨᕐᑐᐊᓕᒃ ᓴᒡᓗᖃᑦᑕᕐᐳᖅ ᐅᖃᐅᓯᕐᒥᒍᑦ, ᐊᓯᒥᓂᒡᓗ ᐅᖃᐅᓯᒃᑯᑦ ᓇᕐᕈᓇᕐᑎᑦᓯᕙᒃᑐᖅ ᓯᓔᑦᑑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:13

ᓲᕐᓗ ᐊᐳᑎᐅᑉ ᓂᒡᓕᓇᕐᓂᖓ ᐱᕈᕐᑐᓂᒃ ᑲᑎᕐᓱᐃᕕᖕᒥ, ᑎᓕᔭᐅᔫᑉ ᑲᔪᓯᑦᓯᐊᕐᓂᖓ ᑎᓕᔨᒥᓄᑦ, ᐊᖓᔪᖅᑳᒥ ᑕᕐᓂᖓ ᓲᖑᓯᑎᑉᐹ.

ᔨᕆᒤᐊᐅᑉ ᐊᒡᓚᖏᑦ 9:4

ᐃᓚᓐᓇᕆᔭᑎᑦ ᐅᑦᔨᕆᑦᓯᐊᒃᑭᑦ; ᖃᑕᓐᖑᑏᑦ ᐅᒃᐱᕆᑦᑍᓕᒍᒃ, ᖃᑕᓐᖑᑎᒌᑦ ᓴᒡᓗᕿᖃᑦᑕᐅᑎᔪᐃᓐᓇᐅᓕᕐᒪᑕ, ᐃᓚᓐᓈᕇᓪᓗ ᓱᓕᓂᖃᕈᓐᓃᕐᓗᑎᒃ ᐅᖃᐅᓯᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 44:22

ᓄᓕᐊᓂᒃᑐᒃᓴᐅᓐᖏᓚᓪᓗ ᐅᐃᒡᒐᕐᓂᑯᒥᒃ, ᐊᕕᑦᑎᓯᒪᔪᒥᒡᓘᓐᓃᑦ, ᐊᖑᒻᒧᓪᓕ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ ᓄᓕᐊᓂᒃᑐᒃᓴᐅᕗᑦ ᐃᓴᕆᐊᓕᒥᐅᑦ ᑭᖑᕚᖏᓐᓂᑦ, ᐅᕝᕙᓗ ᐅᐃᒡᒐᕐᓂᕐᒥᒃ ᑐᓂᕐᕈᓯᕐᑎᑦᓯᔨᐅᑉ ᓄᓕᐊᕕᓂᖓᓂᒃ.

ᒨᓯᓯ ᐱᖓᔪᖏᑦ 21:7

ᑐᓂᕐᕈᓯᕐᑎᑦᓯᔩᑦ ᓄᓕᐊᕐᑖᕐᑐᒃᓴᐅᓐᖏᓚᑦ ᐊᕐᓇᒥᒃ ᑮᓇᐅᔭᓕᐅᕐᓂᕐᒧᑦ ᓄᓕᐊᒐᐅᕙᒃᑐᕕᓂᕐᒥᒃ, ᐅᐃᖃᕐᓯᒪᔪᒥᒡᓘᓐᓃᑦ ᐅᕝᕙᓘᓐᓃᑦ ᐅᐃᒥᓂᒃ ᐊᕕᖃᑎᖃᕐᓯᒪᔪᒥᒃ, ᑐᓂᕐᕈᓯᕐᑎᑦᓯᔩᑦ ᒎᑎᒥᖕᓄᑦ ᐃᑦᔪᕐᓁᑦᓴᕆᐊᖃᕐᒪᑕ.

ᒫᑎᐅᓯᐅᑉ ᐊᒡᓚᖏᑦ 4:1

ᑕᕝᕙ ᐊᓂᕐᓂᐅᑉ ᔩᓱᓯ ᑕᓯᐅᕐᐹ ᐃᓄᖃᖏᑦᑐᒧᑦ, ᐆᒃᑐᕐᑕᐅᓗᓂ ᐱᔪᒥᓵᕐᑕᐅᖁᓪᓗᒍ ᓵᑖᓇᓯᒧᑦ.

ᔪᐊᓇᓯᐅᑉ ᐊᒡᓚᖏᑦ 6:70

ᔩᓱᓯᐅᑉ ᑭᐅᕔᑦ, “ᐃᓕᑦᓯ 12ᓗᓯ ᓂᕈᐊᓚᐅᓐᖏᓚᑦᓯ? ᐃᓚᑦᓯᓕ ᐃᓚᖓᑦ ᓵᑖᓇᓯᐅᕗᖅ.”

ᕉᒪᒥᐅᓄᑦ 1:29

ᐱᐅᖏᑦᑐᓕᓂᕐᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᓂᕐᓂᒃ, ᐊᑭᕋᕐᑑᑎᓂᕐᓂᒃ, ᐊᓯᒥᖕᓂᑦ ᐱᖃᕐᓂᕐᓴᐅᔪᒪᓂᕐᒥᒃ, ᑐᖁᑦᓯᔪᒪᓂᕐᒥᒃ, ᐅᓇᑕᕈᒪᓂᕐᒥᒃ, ᓯᓔᕐᕆᒃᓯᓂᕐᒥᒃ, ᐅᒋᐊᓐᖑᖃᑦᑕᐅᑎᓂᕐᒥᒃ, ᑎᕐᓕᐊᖃᑦᑍᓂᕐᓂᒡᓗ.

ᑎᒧᑎᒧᑦ ᓯᕗᓪᓖᑦ 1:12

ᖁᔭᒋᕙᕋ ᙭ᔅᑑᓯ ᔩᓱᓯ ᐊᑕᓂᕗᑦ, ᐱᔪᓐᓇᕐᓂᖃᕐᑎᒻᒪᖓ ᐱᓇᓱᐊᕆᐊᖃᕐᑕᓐᓄᑦ, ᐱᔪᒥᓇᕐᑑᑎᓐᓇᖓ ᑎᓕᓚᐅᕐᒪᖓ, ᐱᔨᑦᓯᕐᑎᒋᔪᒪᓪᓗᖓ.

ᑎᒧᑎᒧᑦ ᓯᕗᓪᓖᑦ 3:2

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᐃᓅᓯᕐᒥᒍᑦ ᐸᓯᔭᒃᓴᐅᔪᒃᓴᐅᓐᖏᓚᖅ; ᐊᑕᐅᓯᕐᒥᒃ ᓄᓕᐊᖃᕐᓗᓂ, ᐃᓱᒪᖓ ᐃᖅᑭᐊᓱᖏᓪᓗᓂ, ᐃᒻᒥᓂᒡᓗ ᐱᓯᒪᔪᓐᓇᑦᓯᐊᕐᓗᓂ, ᐅᐱᒋᔭᐅᑦᓯᐊᕐᓗᓂ, ᑐᔪᕐᒥᕕᐅᔪᓐᓇᕐᓗᓂ, ᐃᓕᓮᔨᐅᔪᒃᓇᕐᓗᓂᓗ;

ᑎᒧᑎᒧᑦ ᓯᕗᓪᓖᑦ 6:2

ᐱᔨᑲᑖᕆᔭᐅᔪᖅ ᐅᒃᐱᕐᑐᓂᒃ ᐊᖓᔪᖅᑳᓖᑦ ᐊᖓᔪᖅᑳᒥᖕᓂᒃ ᓇᕐᕈᔪᒃᓴᐅᓐᖏᓚᑦ ᐅᒃᐱᕐᑑᖃᑎᒋᖕᒪᒋᑦ; ᐱᔨᑦᓯᑦᓯᐊᖔᕐᓗᒋᓪᓕ ᐱᓇᓱᐊᕐᑐᒃᓴᐅᕗᑦ ᐱᓇᓱᐊᕐᓂᖏᑎᒍᑦ ᐃᑲᔪᕐᑕᐅᔪᑦ ᐅᒃᐱᕐᒪᑕ ᓇᒡᓕᒋᔭᐅᓪᓗᑎᒡᓗ. ᑕᒪᒃᑯᐊ ᐊᔪᕆᕐᑐᐃᑦᔪᑎᒋᔭᒃᓴᕆᕙᑎᑦ ᐃᓕᓮᑦᔪᑎᒋᓗᒋᓪᓗ.

ᑎᒧᑎᒧᑦ ᐂᑉᐸᖏᑦ 3:3

ᑐᓐᖓᓇᖏᑦᑐᓂᒃ, ᐃᓱᒪᒋᔪᓐᓁᕐᕕᖃᕈᓐᓇᖏᑦᑐᓂᒃ, ᐅᖃᐅᑎᒃᓴᕐᑎᓂᒃ, ᐱᔪᒪᔭᓕᒫᒥᖕᓂᒃ ᐊᑐᑐᐃᓐᓇᕐᑐᓂᒃ, ᑲᑉᐱᐊᓵᕆᔨᓂᒃ, ᐱᐅᔪᒥᒃ ᐆᒥᓱᒃᑎᓂᒃ;

ᑎᒧᑎᒧᑦ ᐂᑉᐸᖏᑦ 4:5

ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.

ᑍᑑᓯᒧᑦ 2:3

ᑍᒫᒃᑕᐅᖅ ᐊᕐᓁᑦ ᐃᓐᓇᐅᓂᕐᓮᑦ ᐊᔪᕆᕐᑐᒃᑭᑦ ᐃᑦᔪᕐᓁᑦᑐᒥᒃ ᐃᓅᓯᖃᖁᓗᒋᑦ, ᓱᓕᖏᑦᑐᒥᒃ ᐃᓅᖃᑎᒥᖕᓂᒃ ᐅᖃᐅᓯᖃᖃᑦᑕᖁᓇᒋᑦ ᐃᒥᐊᓗᐃᓐᓇᖁᓇᒋᓪᓗ; ᐱᐅᔪᒥᒡᓕ ᐊᔪᕆᕐᑐᐃᖁᓗᒋᑦ.

ᑍᑑᓯᒧᑦ 3:2

ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.