ᑎᒧᑎᒧᑦ ᓯᕗᓪᓖᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.

ᑎᒧᑎᒧᑦ ᓯᕗᓪᓖᑦ 2:8 Iomraidhean Croise

ᐊᑕᓃᑦ ᓯᕗᓪᓖᑦ 3:11

ᒎᑎᐅᓪᓗ ᐅᖃᐅᑎᕚ, “ᕿᓄᒐᕕᑦ ᓯᓚᑐᓂᕐᒥᒃ ᐱᔪᒪᓪᓗᑎᑦ ᓈᒻᒪᓈᕐᑐᒥᒃ ᐊᐅᓚᑦᓯᔪᒪᓪᓗᑎᑦ, ᓇᖕᒥᓂᖅ ᐃᓅᑯᑖᒍᒪᓂᑐᐃᓐᓇᕐᒥᐅᖏᑦᑐᖅ, ᐅᕝᕙᓗ ᐊᒃᓱᐃᓕᔪᒪᑐᐃᓐᓇᕐᓂᐅᖏᑦᑐᒥᒃ, ᐊᑭᕋᕕᓪᓘᓐᓃᑦ ᑐᖁᑕᐅᓂᒃᓴᖏᓐᓂᒃ ᐱᔪᒪᖏᓐᓇᕕᑦ, ᕿᓄᒐᕕᓪᓕ ᐱᔪᒪᓪᓗᑎᑦ ᑐᑭᓯᐅᒪᔪᒪᓪᓗᑎᑦ ᓱᓇ ᓈᒻᒪᖕᒪᖔᑦ.

ᔫᐱᐅᑉ ᐊᒡᓚᖏᑦ 16:17

ᐋᓐᓂᕐᓯᕆᓇᓱᐊᕐᓯᒪᓐᖏᓚᖓᓕ ᐊᒡᒐᓐᓄᑦ, ᑐᒃᓯᐊᕐᓂᕋᓗ ᐃᑦᔪᕐᓁᑦᑑᕗᖅ.

ᐃᓐᖏᕈᑎᑦ 134:2

ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 24:4

ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ.

ᐃᓐᖏᕈᑎᑦ 26:6

ᐊᒡᒐᒃᑲ ᐃᕐᕈᕐᑐᕐᐸᒃᑲ ᐸᓯᔭᒃᓴᐅᖁᓇᖓ; ᑐᓂᕐᕈᓯᕐᕕᖁᑎᕕᑦ ᓴᓂᐊᓃᖁᓪᓗᖓ, ᐊᑕᓃᖅ.

ᐃᓐᖏᕈᑎᑦ 28:2

ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.

ᐃᓐᖏᕈᑎᑦ 35:13

ᐅᕙᖓᓕ ᖃᓂᒪᓕᕌᖓᑕ ᐊᓐᓄᕌᒥᒃ ᓂᕈᒥᖏᑦᑐᒥᒃ ᐊᑎᕙᒃᐳᖓ, ᒥᑭᓕᑎᕐᓗᖓᓗ ᓂᕆᑦᑍᓕᓪᓗᖓ; ᑐᒃᓯᐊᕐᓂᕋᓕ ᐅᑎᓚᐅᕐᐳᖅ ᐅᕙᓐᓄᑦ.

ᐃᓐᖏᕈᑎᑦ 63:4

ᑍᒫᒃ ᓂᕐᑐᕈᒪᕙᒋᑦ ᐃᓅᓂᓕᒫᓐᓂ; ᐊᑎᕐᓂ ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ.

ᐃᓐᖏᕈᑎᑦ 66:18

ᐆᒻᒪᑎᒃᑯᑦ ᐱᐅᖏᑦᑐᓕᓂᕐᒥᒃ ᐊᓐᓂᕆᔭᖃᕈᒪ, ᐊᑕᓂᐅᑉ ᑐᓴᕐᓂᐊᓐᖏᓛᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᒫᑎᐅᓯᐅᑉ ᐊᒡᓚᖏᑦ 21:21

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᒃᐱᕈᑦᓯ ᖁᓚᖏᑦᓯᐊᕐᓗᓯ, ᑍᒫᒃᑕᐅᖅ ᐱᔪᓐᓇᕐᐳᓯ ᐱᓂᐊᕐᓂᕆᕋᑖᕐᑕᑦᑐᑦ ᓇᐹᕐᑐᒧᑦ, ᑍᒤᑦᑐᑐᐃᓐᓇᕐᒨᓐᖏᑦᑐᕐᓕ, ᐊᒡᓛᑦ ᖃᖅᑲᒧᑦ ᐆᒧᖓ ᐅᖃᕈᑦᓯ, ‘ᑕᕝᕙᓐᖓᑦ ᖃᖓᑦᑕᕐᓗᑎᑦ ᐃᒫᓄᑦ ᑲᑕᓕᕆᑦ,’ ᑕᕝᕙ ᑍᒤᓐᓂᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:44

ᒫᓐᓇᓕ ᐅᖃᐅᑎᕙᑦᓯ: ᐊᑭᕋᕐᑐᕐᑎᓯ ᓇᒡᓕᒋᓯᒋᒃ, ᐃᓕᑦᓯᓐᓂᒃ ᐅᖃᐅᓯᖃᕐᓗᒃᑐᑦ ᓮᒻᒪᑎᑕᐅᖁᓯᒋᒃ, ᐊᑭᕋᕐᑐᕐᓂᕐᒧᑦ ᐅᖁᒤᒃᓴᕐᑎᑦᓯᔪᑦ ᑐᒃᓯᐅᑎᓯᒋᒃ,

ᒫᑎᐅᓯᐅᑉ ᐊᒡᓚᖏᑦ 6:12

ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᑍᒫᒃᑕᐅᖅ ᐃᓅᖃᑎᑦᑕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕋᑦᑎᒍ.

ᓘᑲᓯᐅᑉ ᐊᒡᓚᖏᑦ 23:34

ᔩᓱᓯ ᐅᖃᕐᐳᖅ, “ᐊᑖᑖᒃ, ᐃᓱᒪᒋᔪᓐᓁᕐᕕᒋᒃᑭᑦ; ᖃᓄᐃᓕᐅᕐᓂᕐᒥᖕᓂᒃ ᖃᐅᔨᒪᖏᒻᒪᑕ.” ᔩᓱᓯᐅᑉ ᐊᓐᓄᕌᖏᑦ ᓇᓚᐅᑖᕈᑎᒋᓪᓗᒋᑦ ᐊᑐᓂᑦ ᐱᑖᕋᓱᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 24:50

ᐃᒡᓗᒐᓴᒡᔪᐊᓂᓪᓗ ᐊᐅᓪᓚᕈᑎᕔᑦ ᐱᑕᓂᒧᑦ ᑎᑭᓪᓗᑎᒃ, ᐃᓵᒡᕕᒋᓪᓗᒋᓪᓗ ᓮᒻᒪᕐᑎᑉᐰᑦ.

ᔪᐊᓇᓯᐅᑉ ᐊᒡᓚᖏᑦ 4:21

ᔩᓱᓯᐅᑉ ᐅᖃᐅᑎᕚ, “ᐊᕐᓈᖅ ᐅᒃᐱᕆᓐᖓ, ᓇᓪᓕᐅᑎᔪᒫᕐᐳᖅ ᐃᓄᐃᑦ ᑕᕝᕙᓂ ᖃᖅᑲᒥ ᔨᕉᓴᓕᒻᒥᓘᓐᓃᑦ ᐊᑖᑕᒧᑦ ᑐᒃᓯᐊᖃᑦᑕᕈᓐᓃᕐᕕᒃᓴᖓᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2

ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 10:31

ᐅᖃᕐᓗᓂ, ‘ᑰᓂᓕᐅᓰ, ᑐᒃᓯᐊᕐᓂᑎᑦ ᑐᓴᕐᑕᐅᕗᑦ ᑐᓂᓯᖃᑦᑕᕐᓂᑎᑦ ᐃᖅᑲᐅᒪᔭᐅᕗᑦ ᒎᑎᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4

ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:5

ᑕᕝᕙᓃᕝᕕᒃᓴᕗᑦ ᐃᓱᓕᒻᒪᑦ ᕿᒪᓕᕐᐸᕗᑦ ᐊᐅᓪᓚᕆᐊᕐᑐᓕᕐᓗᑕ, ᑖᒃᑯᐊ ᑕᒪᕐᒥᒃ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ, ᓄᓇᓖᑦ ᓯᓚᑖᓄᑦ ᓯᒡᔭᒧᑦ ᖃᓂᐅᕐᐹᑎᒍᑦ; ᑕᒫᓂᓗ ᓰᖅᑯᕐᓗᑕ ᑐᒃᓯᐊᖃᑎᒌᒃᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:60

ᓰᖅᑯᕐᓗᓂ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐊᑕᓃᖅ ᐊᔪᕐᑐᓕᓂᕐᒧᑦ ᑕᒪᑐᒧᖓ ᐸᓯᑦᑍᓕᒃᑭᑦ.” ᑍᒫᒃ ᐅᖃᕇᕋᒥ ᑐᖁᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:2

ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:7

ᐱᖁᔨᖔᕋᓗᐊᕐᐳᖓᓕ ᐃᓘᓐᓇᑎᒃ ᐅᕙᑦᑐᑦ ᑍᒤᖁᓪᓗᒋᑦ; ᑭᓯᐊᓂᓕ ᒎᑎᐅᑉ ᑐᓂᕐᕈᓯᐊᖃᕐᑎᒻᒪᒋᑦ ᐊᑐᓂᑦ ᐊᑦᔨᐅᖏᑦᑐᒥᒃ, ᐃᓚᖓᑦ ᐊᑦᔨᒌᖏᑦᑐᓂᒃ ᑐᓂᕐᕈᓯᐊᖃᕐᐳᖅ ᐃᓚᖓᓪᓗ ᐊᓯᐊᓂᒃ ᑐᓂᕐᕈᓯᐊᖃᕆᓪᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᐱᓕᐱᒥᐅᓄᑦ 1:12

ᐅᒃᐱᕐᑑᖃᑎᒃᑲ, ᖃᐅᔨᒪᖁᕙᑦᓯ, ᐃᓅᓯᓐᓂ ᖃᓄᐃᓕᐅᕐᑕᐅᓯᒪᓂᕆᔭᒃᑲ ᐱᕙᓪᓕᕐᑎᑦᓯᓯᒪᖕᒪᑕ ᐅᖃᐅᓰᑦ ᑐᓴᕈᒥᓇᕐᑐᑦ ᐱᕙᓪᓕᐊᑦᔪᑎᒃᓴᖏᓐᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:8

ᐊᑕᓂᕐᒥᒡᓕ ᐅᖃᐅᓯᖃᕐᓂᓯ ᑐᓴᐅᒪᔭᐅᓕᕐᐳᖅ ᒫᓯᑑᓂᐊᓕᒫᒥ ᐊᑬᐊᓕᒫᒥᓗ, ᑖᒃᑯᑑᓐᖏᓚᓪᓕ, ᒎᑎᒧᓪᓕᑦᑕᐅᖅ ᐅᒃᐱᕐᓂᑦᓯ ᑕᒤᓐᓄᑦ ᑐᓴᐅᒪᔭᐅᓕᕐᐳᖅ, ᑕᒪᑐᒥᖓᓗ ᐅᖃᒃᑲᓐᓂᕆᐊᖃᓐᖏᓚᒍᑦ.

ᑎᒧᑎᒧᑦ ᓯᕗᓪᓖᑦ 5:14

ᑍᒤᒻᒪᑦ ᐅᐃᒡᒐᕐᓃᑦ ᐃᓅᓱᖕᓂᕐᓮᑦ ᐅᐃᓂᖁᒐᔭᕐᐸᒃᑲ, ᕿᑐᕐᖏᐅᕐᓗᑎᒃ, ᐊᖏᕐᕋᒥᖕᓂᒃ ᑲᒪᖁᓪᓗᒋᑦ, ᐊᑭᕋᕐᑐᕐᑎᕗᑦ ᐱᐅᖏᑦᑐᒥᒃ ᐅᖃᐅᓯᒃᓴᖃᖁᓇᒋᑦ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᐲᑦᑐᕉᓯ ᓯᕗᓪᓖᑦ 3:7

ᑍᒫᑦᓮᓐᓇᕐᑕᐅᖅ ᐅᐃᖑᔪᓯ, ᓄᓕᐊᓯ ᐃᓅᖃᑎᒋᑦᓯᐊᒐᒃᓴᕆᕙᓯ, ᐅᐱᒋᑦᓯᐊᕐᓗᒋᓪᓗ ᑎᒥᒥᒃᑎᒍᑦ ᓴᓐᖐᓐᓂᕐᓴᐅᖕᒪᑕ, ᑖᒃᑯᐊᑦᑕᐅᖅ ᐱᑎᑕᐅᖃᑎᒋᔪᒫᕋᑦᓯᐅᒃ ᒎᑎᐅᑉ ᐱᔪᓐᓇᕐᓯᑎᑦᓯᓂᖓᓂᒃ ᐃᓅᓯᕐᒥᒃ, ᑍᒤᓕᐅᕐᑐᒃᓴᐅᕗᓯ ᑐᒃᓯᐊᖃᑦᑕᕐᓂᓯ ᐊᒡᕕᐊᕐᑕᐅᖁᓇᒋᑦ.