3 ᑕᒪᓐᓇ ᐱᐅᖕᒪᑦ ᓈᒻᒪᒋᔭᐅᓪᓗᓂᓗ ᒎᑎᒧᑦ ᐱᐅᓕᔨᑦᑎᓐᓄᑦ.
ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.
ᐊᓂᕐᓂᕐᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,
ᑍᒫᒃ ᙭ᔅᑑᓯᒥᒃ ᐱᔨᑦᓯᕐᑐᖃᕐᐸᑦ, ᑖᓐᓇ ᒎᑎᒧᑦ ᖁᕕᐊᒋᔭᐅᕗᖅ ᐃᓄᖕᓂᓪᓗ ᓈᒻᒪᒋᔭᐅᓪᓗᓂ.
ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.
ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.
ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.
ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.
ᐸᐅᓗᓯᒥᑦ ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ ᔩᓱᓯ ᙭ᔅᑑᓯᒃᑯᓪᓗ ᐱᐅᓕᔨᑦᑎᒍᑦ ᓂᕆᐅᒋᔭᒃᓴᖃᕐᕕᒋᔭᑦᑎᒍᑦ.
ᒫᓐᓇᒧᑦ ᑎᑭᓪᓗᒍ ᐱᓇᓱᐊᕐᐸᒃᐳᒍᑦ ᐊᒃᓱᕈᕐᓗᑕ, ᓂᕆᐅᖕᓂᖃᕋᑦᑕ ᒎᑎᒥᒃ ᑐᖁᓱᐃᑦᑐᒥᒃ, ᐱᐅᓕᔨᐅᔪᒥᒃ ᐃᓄᖕᓂᒃ ᑕᒤᓐᓂᒃ, ᐱᓗᐊᕐᓗᓂᓕ ᐅᒃᐱᕈᓱᒃᑐᓄᑦ.
ᐅᐃᒡᒐᕐᓂᕐᓕ ᕿᑐᕐᖓᖃᕐᐸᑦ ᐃᕐᖑᑕᖃᕐᐸᓪᓘᓐᓃᑦ, ᑖᒃᑯᐊ ᐃᓕᓐᓂᐊᖅᑳᕐᓕᑦ ᐅᒃᐱᕐᓂᒃᑯᑦ ᐱᓇᓱᐊᕆᐊᖃᕐᑕᒥᖕᓂᒃ ᐊᖓᔪᖅᑳᒥᖕᓄᑦ; ᑍᒤᒃᑯᑎᒃ ᐊᖓᔪᖅᑳᒥᖕᓄᑦ ᐱᔭᕆᐊᓕᖕᒥᖕᓂᒃ ᐊᑭᓖᔪᒫᕐᐳᑦ; ᑕᒪᓐᓇ ᖁᕕᐊᒋᔭᐅᖕᒪᑦ ᒎᑎᒧᑦ.
ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.
ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.
ᓱᓇᒥᒃ ᐱᕙᓪᓕᕈᑎᒃᓴᖃᕋᔭᕐᐱᓰ ᑕᒪᕐᓂᑦᓯᓐᓄᑦ ᐋᓐᓂᕐᓯᑕᐅᔪᑎᖃᕈᑦᓯ ᕿᓄᐃᓵᕈᑎᒋᒍᑦᓯᐅᒡᓗ; ᐊᒃᓱᕈᕐᑎᑕᐅᒍᑦᓯᓕ ᐱᐅᔪᒥᒃ ᐱᓇᓱᐊᕐᑎᓪᓗᓯ ᕿᓄᐃᓵᕈᑎᒋᒍᑦᓯᐅᒃ? ᑕᒪᑐᒨᓇ ᒎᑎᐅᑉ ᓮᒻᒪᕐᑎᓐᓂᐊᕐᐹᓯ.
ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.
