ᑎᒧᑎᒧᑦ ᓯᕗᓪᓖᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᖓᔪᖅᑳᕐᔪᐊᑦ ᐊᐅᓚᑦᓯᔨᐅᑎᑕᐅᔪᓪᓗ ᐱᑦᔪᑎᒋᖕᒥᓗᒋᑦ, ᐃᓅᑦᓯᐊᕐᓇᕐᑐᒥᒃ ᐃᓅᓯᖃᖁᓪᓗᑕ ᖃᓄᐃᓐᓇᖏᑦᓯᐊᕐᑐᒥᒡᓗ ᒎᑎ ᐅᐱᒋᑦᓯᐊᕐᓗᒍ ᓈᒻᒪᑦᓯᐊᕐᑐᒥᒡᓗ ᐃᓅᓯᖃᑦᓯᐊᕐᓗᑕ.

ᑎᒧᑎᒧᑦ ᓯᕗᓪᓖᑦ 2:2 Iomraidhean Croise

ᓴᒧᐃᓕ ᐂᑉᐸᖏᑦ 20:19

ᐃᒡᓗᒐᓴᕗᑦ ᐱᐅᔪᐊᓘᕗᖅ, ᓮᓕᑦᓯᐊᕐᓇᕐᓂᕐᐹᖑᕗᖅ ᐱᑦᓯᐊᕐᓂᕐᐹᖑᓪᓗᓂᓗ ᐃᓴᕆᐊᓕᒥᐅᓂ; ᓱᖕᒪᓪᓕ ᐊᓯᕈᕋᓱᐊᕐᐱᐅᒃ? ᓱᒃᑯᐃᔪᒪᕖᑦ ᐊᑕᓂᐅᑉ ᐱᖓᓂᒃ?”

ᐄᓱᕋᐅᑉ ᐊᒡᓚᖏᑦ 6:10

ᑕᒪᓐᓇ ᐱᓇᓱᐊᕐᑕᐅᔪᒃᓴᐅᕗᖅ ᑖᒃᑯᐊ ᑐᓂᕐᕈᓯᕈᓐᓇᖁᓪᓗᒋᑦ ᒎᑎᒧᑦ ᕿᓚᖕᒦᑦᑐᒧᑦ ᑎᐱᑦᓯᐊᕆᒃᑐᒥᒃ, ᑐᒃᓯᐅᑦᔨᖁᓪᓗᒋᓪᓗ ᐅᕙᓐᓂᒃ ᐃᕐᓂᒃᑲᓂᒡᓗ ᓮᒻᒪᕐᑎᑕᐅᖁᓪᓗᑕ.

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᐃᓐᖏᕈᑎᑦ 72:1

ᒎᑏ, ᐃᖅᑲᕐᑐᐃᑦᓯᐊᕐᓂᕐᓂᒃ ᐊᖓᔪᖅᑳᕐᔪᐊᖅ ᑐᓂᓯᕕᒋᒍᒃ, ᐊᖓᔪᖅᑳᕐᔪᐊᓪᓗ ᐃᕐᓂᖓ ᐃᓱᐊᕐᑐᓕᓂᕐᓂᒃ ᑐᓂᓯᕕᒋᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:21

ᐃᕐᓃᒃ, ᐊᑕᓂᖅ ᓯᕘᕋᒋᒍᒃ ᐊᖓᔪᖅᑳᕐᔪᐊᕐᓗ; ᓇᓪᓕᖏᒃᓘᓐᓃᑦ ᑐᓵᓐᖏᓴᕐᓂᐊᕐᓇᖏᒃ;

ᔨᕆᒤᐊᐅᑉ ᐊᒡᓚᖏᑦ 29:7

ᐃᓅᖃᑎᒌᑦᓯᐊᕋᓱᐊᕐᓯᒋᒃ ᐱᕙᓪᓕᐊᖃᑎᒋᑦᓯᐊᕋᓱᐊᕐᓗᒋᓪᓗ ᓄᓇᖃᑎᑖᕆᓚᐅᕐᑕᓯ ᐊᐅᓪᓚᕐᑎᑕᐅᕕᑦᓯᓐᓄᑦ, ᐊᑕᓂᕐᒧᑦ ᑐᒃᓯᐊᕈᑎᒋᖃᑦᑕᕐᓗᒍ, ᐱᔪᓐᓇᕐᓯᑦᓯᐊᕐᐸᑕᓗ ᐱᔪᓐᓇᕐᓯᑦᓯᐊᕐᓂᐊᕆᕗᓯ.

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 10:22

ᑖᒃᑯᐊ ᑭᐅᕚᑦ, “ᑰᓂᓕᐅᓯᐅᑉ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᑎᓕᕚᑎᒍᑦ, ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒡᓗ ᐃᒃᐱᒋᔭᖃᑦᓯᐊᕐᓗᓂ, ᔫᑎᓕᒫᑦ ᐊᑲᐅᓂᕋᕐᑕᖓᑦ, ᒎᑎᐅᑉ ᐂᖏᓕᖓᓄᑦ ᐅᖃᐅᑦᔭᐅᓪᓗᓂ ᕾᖁᔭᐅᖁᖕᒪᑎᑦ ᐃᒡᓗᒥᓄᑦ, ᐅᖃᐅᓯᕐᓂᒃ ᑐᓴᕈᒪᓪᓗᓂ ᐃᓕᖕᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:16

ᑍᒪᓐᖓᑦ ᐱᓇᓱᐊᕐᐳᖓ ᐃᓱᒪᒃᑯᑦ ᐸᓯᔭᒃᓴᐅᔪᒪᓇᖓ ᒎᑎᒧᑦ, ᐃᓄᖕᓄᓪᓗ.

ᕉᒪᒥᐅᓄᑦ 12:18

ᐱᔪᓐᓇᕐᓂᓕᒫᑦᓯᓐᓄᑦ, ᐃᓅᖃᑎᖃᑦᓯᐊᕋᓱᐊᕆᑦᓯ ᐃᓄᓕᒫᓂᒃ.

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:11

ᐃᓅᓯᑦᓯᓐᓂ ᑐᕌᒐᖃᕋᓱᐊᕆᑦᓯ ᐅᐃᒪᔮᖏᓪᓗᓯ, ᐱᓂᐊᕋᒃᓴᓯ ᓇᖕᒥᓂᖅ ᐱᓇᓱᐊᕐᓗᒋᑦ, ᓇᖕᒥᓂᕐᓗ ᐱᓇᓱᐊᕐᓂᑦᓯᓐᓄᑦ ᐃᓅᑦᔪᑎᒃᓴᕐᓯᓗᓯ, ᓲᕐᓗ ᑍᒫᒃ ᐱᖁᓚᐅᕋᑦᓯ;

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.