ᑎᒧᑎᒧᑦ ᓯᕗᓪᓖᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑎᒧᑎᒧᑦ ᓯᕗᓪᓖᑦ 1:5 Iomraidhean Croise

ᐃᓐᖏᕈᑎᑦ 24:4

ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ.

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᔨᐸᓁᐊᐅᑉ ᐊᒡᓚᖏᑦ 3:7

ᐅᖃᓚᐅᕐᐳᖓᓗ, ‘ᐃᒻᒪᖄᓕ ᓯᕘᕋᒋᓂᐊᓕᕐᐸᑦᓯᓐᖓ ᓈᒻᒪᒋᔭᐅᓂᐊᕐᐳᓪᓗ ᐊᖅᑭᒋᐊᕐᓯᓂᒃᑲ ᐃᓂᒋᔭᖏᓪᓗ ᓄᖑᑎᓐᓂᐊᓐᖏᓚᒃᑲ.’ ᓱᒋᐊᓚᐅᕋᓗᐊᕋᒃᑭᓪᓗ, ᐅᑎᑦᓴᐅᑎᒋᓚᐅᕐᐳᑦ ᐱᓂᐊᕐᓂᖃᓕᕐᓗᑎᒡᓗ ᐱᐅᖏᑦᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 12:35

ᐃᓄᒃ ᐱᐅᔪᖅ ᐱᐅᔪᓂᒃ ᓴᖅᑭᑎᑦᓯᕙᒃᐳᖅ ᐱᐅᔪᓂᒃ ᑲᑎᕐᓯᕕᖕᒥᓂᑦ; ᐃᓄᒡᓕ ᐱᐅᖏᑦᑐᖅ ᐱᐅᖏᑦᑐᓂᒃ ᓴᖅᑭᑎᑦᓯᕙᒃᐳᖅ ᐱᐅᖏᑦᑐᓂᒃ ᑲᑎᕐᓯᕕᖕᒥᓂᑦ.

ᒫᑎᐅᓯᐅᑉ ᐊᒡᓚᖏᑦ 5:8

ᓮᒪᓇᕐᑐᒦᑉᐳᑦ ᐆᒻᒪᑎᒥᒍᑦ ᐸᓯᔭᐅᑦᔪᑎᒃᓴᖃᖏᑦᑐᑦ; ᒎᑎᒥᒃ ᑕᑯᔪᒫᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 15:9

ᐊᑦᔨᒌᖏᑦᑑᑎᓚᐅᓐᖏᓛᑎᒍᑦ ᐅᕙᒍᓪᓗ ᔫᑎᐅᖏᑦᑐᓪᓗ, ᐊᔪᕐᓂᖏᓐᓂᒃ ᐃᓱᒪᒋᔪᓐᓁᕐᕕᒋᓚᐅᕐᐰᑦ ᐅᒃᐱᓕᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 23:1

ᐸᐅᓗᓯ ᔫᑎᑦ ᐃᖅᑲᕐᑐᐃᔨᕐᔪᐊᖏᓐᓄᑦ ᑕᑯᓴᓪᓗᐊᕐᓗᓂ ᐅᖃᐅᑎᕔᑦ, “ᔫᑎᐅᖃᑎᒃᑳ, ᐃᓅᓚᐅᕐᐳᖓ ᐃᓅᓯᕆᔭᓐᓂ ᒎᑎᐅᑉ ᓵᖓᓂ ᐃᓱᒫᓗᑎᒃᓴᖃᕐᓇᖓ ᐃᓱᒪᒃᑯᑦ ᐅᓪᓗᒥᒧᑦ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:16

ᑍᒪᓐᖓᑦ ᐱᓇᓱᐊᕐᐳᖓ ᐃᓱᒪᒃᑯᑦ ᐸᓯᔭᒃᓴᐅᔪᒪᓇᖓ ᒎᑎᒧᑦ, ᐃᓄᖕᓄᓪᓗ.

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᕉᒪᒥᐅᓄᑦ 14:15

ᐅᒃᐱᕐᑑᖃᑏᓪᓕ ᓂᕆᔭᕐᓄᑦ ᖁᕕᐊᓱᒍᓐᓃᕐᑎᒃᑯᕕᐅᒃ, ᑕᕝᕙ ᓇᒡᓕᖕᓂᒃᑰᖏᑦᑐᒥᒃ ᐱᓂᐊᕐᓂᖃᓕᕐᐳᑎᑦ. ᓂᕆᓂᕐᓄᑦ ᐅᒃᐱᕐᑑᖃᑏᑦ ᐊᓯᕈᕐᑎᓐᓂᐊᕐᓇᒍ ᙭ᔅᑑᓯᐅᑉ ᑐᖁᑦᔪᑎᒋᓯᒪᔭᖓ.

ᕉᒪᒥᐅᓄᑦ 9:1

ᓱᓕᔪᒥᒃ ᐅᖃᕐᐳᖓ ᙭ᔅᑑᓯᒥ, ᓴᒡᓗᓇᖓ; ᐃᓱᒪᒪ ᐃᒃᐱᒋᔭᖓᑕ ᑐᑭᓯᑎᑉᐹᖓ ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᓗᓁᕐᓯᓂᖓᒍᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:1

ᐃᓄᐃᑦ ᐂᖏᓖᓪᓗ ᐅᖃᐅᓯᖏᓐᓄᑦ ᐅᖃᕈᓐᓇᕋᓗᐊᕈᒪ, ᓇᒡᓕᖕᓂᖃᕐᓇᖓᓗ, ᓯᕙᓂᐅᑎᑎᑐᑦ ᓂᐱᖅᑯᕐᑐᔪᑎᑐᑦ ᐃᒥᐊᑦᑐᑎᑐᓪᓗ ᑍᒤᒃᑲᔭᕐᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᑎᒧᑎᒧᑦ ᓯᕗᓪᓖᑦ 1:18

ᐃᕝᕕᓪᓕ ᑎᒧᑏ ᕿᑐᕐᖓᕋ, ᐱᓇᓱᐊᕐᑕᐅᖁᔭᓐᓂᒃ ᐅᖃᐅᑎᕙᒋᑦ, ᓇᓚᐅᑦᑍᑦᔪᑕᐅᓯᒪᔪᑦ ᐃᓕᖕᓂᒃ ᒪᓕᒡᓗᒋᑦ, ᑖᒃᑯᐊ ᐅᖃᐅᓰᑦ ᒪᓕᒃᑯᕕᒋᑦ ᐱᐅᔪᒥᒃ ᐱᑦᔪᑎᖃᕐᓗᑎᑦ ᐅᓇᑕᕐᑎᐅᓂᐊᕐᐳᑎᑦ.

ᑎᒧᑎᒧᑦ ᓯᕗᓪᓖᑦ 1:19

ᐅᒃᐱᕐᓂᖃᕐᓗᑎᑦ ᐃᓱᒪᒃᑯᓪᓗ ᐸᓯᔭᐅᖏᓪᓗᑎᑦ. ᐃᓄᐃᑦ ᐃᓱᒪᒥᒃᑎᒍᑦ ᐸᓯᔭᒃᓴᐅᓂᕐᒥᒃ ᐃᒃᐱᒍᓱᖏᓗᐊᕐᓂᕐᒧᑦ, ᐅᒃᐱᕐᓂᖏᑦ ᓯᖁᒥᑕᐅᓯᒪᖕᒪᑕ;

ᑎᒧᑎᒧᑦ ᓯᕗᓪᓖᑦ 3:9

ᐅᒃᐱᕐᓂᐅᑉ ᓇᓗᓇᕐᓂᖓᓂᒃ ᐱᓯᒪᑦᓯᐊᕐᑐᒃᓴᐅᕗᑦ ᐸᓯᔭᒃᓴᐅᖏᓪᓗᑎᒃ ᐃᓱᒪᒥᒍᑦ.

ᑎᒧᑎᒧᑦ ᐂᑉᐸᖏᑦ 1:3

ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.

ᑎᒧᑎᒧᑦ ᐂᑉᐸᖏᑦ 1:5

ᐃᖅᑲᐅᒪᒐᒪ ᓱᓕᑦᓯᐊᕐᑐᒥᒃ ᐅᒃᐱᕐᓃᖃᕋᕕᑦ, ᐊᓈᓇᑦᓯᐊᕕᑦ ᓗᐃᓯᐅᑉ ᐅᒃᐱᕐᓂᖓᑐᑦ ᐊᓈᓇᕕᓪᓗ ᔫᓁᓯᐅᑉ, ᖁᓚᖏᑦᓯᐊᕋᒪ ᐃᓕᖕᓃᓐᓂᖓᓂᒃᑕᐅᖅ.

ᑎᒧᑎᒧᑦ ᐂᑉᐸᖏᑦ 2:22

ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

ᑍᑑᓯᒧᑦ 1:15

ᓱᓇᓕᒫᑦ ᐃᑦᔪᕐᓁᑉᐳᑦ ᐃᒻᒥᖕᓂᒃ ᐃᑦᔪᕐᓁᑎᑦᑐᓄᑦ, ᓇᕐᕈᓇᕐᑐᓕᔪᓄᓪᓕ ᐅᒃᐱᖏᑦᑐᓄᓪᓗ ᓱᓇᓕᒫᑦ ᐃᑦᔪᕐᓁᑦᑐᖃᓐᖏᓚᑦ; ᐃᓱᒪᖏᑦ ᐃᒃᐱᒋᓂᖏᓪᓗ ᓱᒃᑯᑕᐅᓯᒪᖕᒪᑕ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 13:18

ᑐᒃᓯᐅᑎᑎᒍᑦ, ᖁᓚᖏᓐᓇᑦᑕ ᐸᓯᔭᒃᓴᐅᖏᑦᑐᒥᒃ ᐃᓱᒪᖃᕐᓂᑦᑎᓐᓂᒃ, ᑕᒤᑎᒍᓪᓗ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᐲᑦᑐᕉᓯ ᓯᕗᓪᓖᑦ 4:8

ᐊᖏᓂᕐᐹᒥᒡᓕ ᓱᓕᓪᓚᕆᒃᑐᒥᒃ ᓇᒡᓕᒃᑎᒌᒃᑐᒃᓴᐅᕗᓯ ᐃᓕᑦᓯᓐᓄᑦ, ᓇᒡᓕᖕᓂᐅᑉ ᑲᒪᒋᔪᓐᓇᕐᒪᒋᑦ ᐊᔪᕐᑐᓕᓃᑦ ᐊᒥᓱᑦ.

ᐲᑦᑐᕉᓯ ᐂᑉᐸᖏᑦ 1:7

ᒎᑎᖃᑦᓯᐊᕐᓂᖅ ᐃᓚᓗᒍ ᐃᓅᖃᑎᖃᑦᓯᐊᕈᓐᓇᕐᓂᕐᒥᒃ, ᐃᓅᖃᑎᖃᑦᓯᐊᕈᓐᓇᕐᓂᖅ ᐃᓚᓗᒍ ᓇᒡᓕᖕᓂᕐᒥᒃ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᔪᐊᓇᓯ ᓯᕗᓪᓖᑦ 3:23

ᑖᑦᓱᒪᓗ ᐱᖁᔭᖓ ᐃᒤᑦᑑᕗᖅ: ᐃᕐᓂᖓᑕ ᐊᑎᖓᓄᑦ ᔩᓱᓯ ᙭ᔅᑑᓯᒧᑦ ᐅᒃᐱᖁᓪᓗᑕ, ᐅᕙᑦᑎᓐᓄᓪᓗ ᓇᒡᓕᒋᖃᑦᑕᐅᑎᓪᓗᑕ ᑖᑦᓱᒪ ᑍᒫᒃ ᐱᖁᓚᐅᕐᒪᑎᒍᑦ.

ᔪᐊᓇᓯ ᓯᕗᓪᓖᑦ 3:3

ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.