ᑎᒧᑎᒧᑦ ᓯᕗᓪᓖᑦ 1:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐅᒃᐱᕐᓂᖃᕐᓗᑎᑦ ᐃᓱᒪᒃᑯᓪᓗ ᐸᓯᔭᐅᖏᓪᓗᑎᑦ. ᐃᓄᐃᑦ ᐃᓱᒪᒥᒃᑎᒍᑦ ᐸᓯᔭᒃᓴᐅᓂᕐᒥᒃ ᐃᒃᐱᒍᓱᖏᓗᐊᕐᓂᕐᒧᑦ, ᐅᒃᐱᕐᓂᖏᑦ ᓯᖁᒥᑕᐅᓯᒪᖕᒪᑕ;

ᑎᒧᑎᒧᑦ ᓯᕗᓪᓖᑦ 1:19 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 6:27

ᓇᓪᓕᓯ ᐃᓅᓯᕐᒥᓂᒃ ᐅᐃᒍᓯᔪᓐᓇᕐᐹ ᐃᓱᒪᔮᕈᑎᒋᓗᓂᐅᒃ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:19

ᓇᓗᓇᓐᖏᓚᖅ ᐊᕕᒃᓯᒪᓂᖃᕆᐊᖃᕋᑦᓯ ᓇᓛᒎᕐᑐᑦ ᐊᑯᓐᓇᑦᓯᓐᓂ ᓇᓗᓇᖏᑦᑐᒥᒃ ᓴᖅᑭᔮᑦᓯᐊᖁᓪᓗᒋᑦ.

ᒐᓔᑎᐊᒥᐅᓄᑦ 5:4

ᐱᖁᔭᓂᒃ ᒪᓕᑦᓯᐊᕐᓂᒃᑯᑦ ᒎᑎᒧᑦ ᐸᓯᔭᒃᓴᐅᔪᓐᓃᕋᓱᖕᓂᐊᕈᑦᓯ; ᑕᕝᕙ ᙭ᔅᑑᓯᒥᒃ ᐊᕕᑦᑎᕗᓯ, ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓯᓚᑖᓃᓕᕐᐳᓯ.

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑎᒧᑎᒧᑦ ᓯᕗᓪᓖᑦ 3:9

ᐅᒃᐱᕐᓂᐅᑉ ᓇᓗᓇᕐᓂᖓᓂᒃ ᐱᓯᒪᑦᓯᐊᕐᑐᒃᓴᐅᕗᑦ ᐸᓯᔭᒃᓴᐅᖏᓪᓗᑎᒃ ᐃᓱᒪᒥᒍᑦ.

ᑎᒧᑎᒧᑦ ᓯᕗᓪᓖᑦ 6:12

ᐅᒃᐱᕐᓂᒃᑯᑦ ᐅᓇᑕᕐᑎᐅᑦᓯᐊᕆᑦ; ᐃᓅᓯᖅ ᓄᖑᓱᐃᑦᑐᖅ ᐱᓯᒪᓗᒍ ᑕᒪᑐᒧᖓ ᕾᖁᔭᐅᓯᒪᓃᑦ ᓇᓗᓁᓚᐅᕋᕕᐅᒃ ᐃᓄᐃᑦ ᐊᒥᓱᑦ ᓵᖏᓐᓂ.

ᑎᒧᑎᒧᑦ ᓯᕗᓪᓖᑦ 6:21

ᐃᓚᖏᑕ ᑕᒪᓐᓇ ᐱᓯᒪᓕᕋᒥᑦᔪᒃ ᐅᒃᐱᕐᓂᕐᒥᒃ ᕿᒤᑦᔪᑎᒋᓯᒪᕚᑦ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑎᒧᑎᒧᑦ ᓯᕗᓪᓖᑦ 6:9

ᐊᒃᓗᐃᑦᑐᒪᔪᓪᓕ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᐅᑎᓂᐊᕐᐳᑦ, ᓂᒐᕐᑎᑕᐅᓗᑎᒃ, ᓯᓔᓐᓂᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐃᒃᖠᒎᕐᓂᕐᓄᓪᓗ ᐊᔪᓕᕐᓇᕐᑐᓄᑦ ᑕᒪᓐᓇ ᑕᕝᕙ ᐃᓄᖕᓂᒃ ᑲᑕᒃᑎᑦᓯᕙᒃᑐᖅ ᐊᓯᕈᕐᑕᐅᑎᑦᓯᕙᒡᓗᓂᓗ.

ᑎᒧᑎᒧᑦ ᐂᑉᐸᖏᑦ 2:18

ᑖᒃᑯᐊᒃ ᓱᓕᓂᕐᒥᑦ ᓴᖑᓯᒪᖕᒪᑎᒃ ᒪᑭᕝᕕᒃᓴᒥᒃ ᐊᓂᒍᕇᕐᓯᒪᓂᕅᓪᓗᑎᒃ ᐅᖃᓪᓚᖃᑦᑕᕐᓗᑎᒃ. ᐅᒃᐱᕐᑐᓪᓗ ᐃᓚᖏᓐᓂᒃ ᒪᓕᒃᓴᕐᑎᑦᓯᓯᒪᓕᕐᐴᒃ.

ᑎᒧᑎᒧᑦ ᐂᑉᐸᖏᑦ 4:4

ᓱᓕᓂᕐᒥᒡᓗ ᓈᓚᒍᓐᓃᕐᓗᑎᒃ ᐅᓂᒃᑳᑐᐃᓐᓇᕐᓄᑦ ᓈᓚᖕᓂᕐᓴᐅᓕᕈᒫᕐᐳᑦ.

ᑍᑑᓯᒧᑦ 1:9

ᐅᖃᐅᓰᑦ ᐊᔪᕆᕐᑑᑕᐅᕙᒃᑐᖅ ᑐᑭᓯᐅᒪᑦᓯᐊᕐᓗᒋᑦ ᐱᔭᕆᐊᖃᕐᐳᖅ, ᑕᕝᕙ ᑍᒤᓕᐅᕐᓗᓂ ᐃᓅᖃᑎᒥᓂᒃ ᑲᔪᖏᕐᓮᑦᓯᐊᕈᓐᓇᕋᔭᕐᐳᖅ ᐊᔪᕆᕐᑐᐃᓂᕐᒧᑦ ᓱᓕᔪᒧᑦ ᓇᓗᓁᕐᓯᔪᓐᓇᕐᓗᓂᓗ ᑕᒪᑐᒥᖓ ᐊᑭᕋᕐᑐᕐᑐᑦ ᑕᒻᒪᕐᓂᖏᓐᓂᒃ.

ᐄᑉᕈᐃᓄᑦ 3:14

᙭ᔅᑑᓯ ᐱᓇᓱᐊᖃᑎᒋᒐᑦᑎᒍᑦ, ᐱᒋᐊᓕᕐᓗᑕ ᑕᑎᖃᕐᓂᕆᓚᐅᕐᑕᕗᑦ ᑲᔪᓯᑎᓐᓂᐊᑐᐊᕈᑦᑎᒍᑦ ᐃᓱᐊᓄᑦ.

ᔪᐊᓇᓯ ᓯᕗᓪᓖᑦ 2:19

ᑖᒃᑯᐊ ᐅᕙᑦᑎᓐᓂᒃ ᕿᒤᕗᑦ, ᐃᓚᒋᔭᐅᓪᓚᕆᒃᓯᒪᖏᓐᓇᒥᒃ; ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᒍᑎᒃ, ᐃᓚᐅᖏᓐᓇᕋᔭᓚᐅᕐᐳᑦ; ᕿᒤᓯᒪᕗᓪᓕ, ᓇᓗᓇᕈᓐᓁᖁᓪᓗᒋᑦ ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᖏᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:10

ᐅᖃᐅᓯᒃᑲ ᒪᓕᒡᓗᒋᑦ ᕿᓄᐃᓵᓚᐅᕋᕕᑦ, ᓴᐳᑎᓯᒪᓂᐊᕐᐸᒋᑦ ᐆᒃᑐᕐᑕᐅᓇᕐᑐᓂᑦ ᓯᓚᕐᔪᐊᕐᒥᐅᓕᒫᓄᑦ ᑎᑭᑦᓱᒫᕐᑐᓂᑦ, ᐆᒃᑐᕐᑕᐅᖁᓪᓗᒋᑦ ᓄᓇᕐᔪᐊᕐᒦᑦᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:3

ᐃᖅᑬᓕᕆᑦ ᐃᓕᖕᓄᑦ ᐊᔪᕆᕐᑑᑕᐅᓯᒪᔪᓂᒃ ᑐᓴᕐᓯᒪᔭᕐᓂᒡᓗ; ᓈᓚᒡᓗᒋᑦ, ᖃᕿᐊᓕᕆᑦ. ᑐᐸᖕᓂᐊᖏᒃᑯᕕᑦ, ᑎᒡᓕᒃᑎᑐᑦ ᑎᑭᓐᓂᐊᕐᐸᒋᑦ, ᖃᐅᔨᒪᓂᐊᓐᖏᓚᑎᓪᓗ ᖃᖓ ᑎᑭᕝᕕᒋᓂᐊᕐᑕᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:8

ᐱᓂᐊᕐᓂᑎᑦ ᖃᐅᔨᒪᕙᒃᑲ. ᑕᑯᒋᑦ, ᓯᕗᓂᕐᓃᑦᑐᒥᒃ ᐅᒃᑯᐊᒥᒃ ᐅᒃᑯᐃᕈᑎᓚᐅᕐᐸᒋᑦ, ᑭᓇᒧᓪᓘᓐᓃᑦ ᐅᒃᑯᐊᕐᑕᐅᓂᐊᖏᑦᑐᒥᒃ; ᖃᐅᔨᒪᕙᒋᑦ ᒥᑭᔪᒥᒃ ᐱᔪᓐᓇᕐᓂᖃᕋᕕᑦ, ᐅᖃᐅᓯᕋᓗ ᐱᓯᒤᓐᓇᕐᐸᑦ ᐊᑎᕋᓗ ᒥᓯᐊᕈᑎᒋᓯᒪᓇᒍ.