ᑎᒧᑎᒧᑦ ᓯᕗᓪᓖᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᕝᕕᓪᓕ ᑎᒧᑏ ᕿᑐᕐᖓᕋ, ᐱᓇᓱᐊᕐᑕᐅᖁᔭᓐᓂᒃ ᐅᖃᐅᑎᕙᒋᑦ, ᓇᓚᐅᑦᑍᑦᔪᑕᐅᓯᒪᔪᑦ ᐃᓕᖕᓂᒃ ᒪᓕᒡᓗᒋᑦ, ᑖᒃᑯᐊ ᐅᖃᐅᓰᑦ ᒪᓕᒃᑯᕕᒋᑦ ᐱᐅᔪᒥᒃ ᐱᑦᔪᑎᖃᕐᓗᑎᑦ ᐅᓇᑕᕐᑎᐅᓂᐊᕐᐳᑎᑦ.

ᑎᒧᑎᒧᑦ ᓯᕗᓪᓖᑦ 1:18 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 16:1

ᐸᐅᓗᓯ ᑐᕐᐱᒧᑦ ᑎᑭᑉᐳᖅ, ᓕᔅᑐᕋᒧᐊᕆᓪᓗᓂᓗ, ᐃᓕᓐᓂᐊᕐᑎᑕᖃᕐᐳᖅ ᑕᕝᕙᓂ, ᑎᒧᑎᒥᒃ ᐊᑎᓕᖕᒥᒃ, ᐊᕐᓇᐅᑉ ᐅᒃᐱᕐᑑᓪᓗᓂ ᔫᑎᐅᔫᑉ ᐃᕐᓂᖓ, ᐊᑖᑕᖓᓕ ᒍᕇᑭᐅᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:7

ᐅᓇᑕᕐᑐᒃᓴᓪᓘᓐᓃ ᐊᑐᕐᓂᐊᕐᑕᒥᓂᒃ ᓇᖕᒥᓂᖅ ᐊᑭᓖᓲᖑᕚ? ᓇᓪᓕᐊᑦ ᐱᕈᓰᕕᖁᑎᓕᒃ ᐅᐂᓂᒃᓴᓂᒃ ᑲᓐᖓᕐᓱᓚᐅᕐᑕᒥ ᐱᕈᕐᑐᖏᓐᓂᒃ ᓂᕆᕙᓐᖏᓛᖅ? ᓇᓪᓕᐊᓪᓗ ᐆᒪᔪᓂᒃ ᑲᒪᔨᐅᔪᖅ ᐆᒪᔪᖁᑎᒥ ᐃᒻᒧᖏᓐᓂᒃ ᐃᒻᒧᒃᑖᕐᕕᖃᕐᐸᓐᖏᓛᖅ?

ᐱᓕᐱᒥᐅᓄᑦ 2:22

ᐃᓕᑦᓯᑦᑕᐅᖅ ᓇᖕᒥᓂᖅ ᖃᐅᔨᒪᒐᑦᓯᐅᒃ ᑎᒧᑎ ᓇᖕᒥᓂᖅ ᓴᖅᑭᑎᑦᓯᓯᒪᖕᒪᑦ ᐊᑐᕐᑕᐅᔪᓐᓇᕐᓂᕐᒥᓂᒃ, ᑎᒧᑎᓗ ᐅᕙᒍᒃ, ᓲᕐᓗ ᐃᕐᓂᕆᓪᓗᒍ ᐊᑖᑕᒋᔭᐅᔮᕐᓗᖓᓗ ᑖᑦᓱᒧᖓ ᐱᓇᓱᐊᖃᑎᒌᒃᓯᒪᒐᓐᓄᒃ ᐅᖃᐅᓰᑦ ᑐᓴᕈᒥᓇᕐᑐᑦ ᐱᓪᓗᒋᑦ.

ᑎᒧᑎᒧᑦ ᓯᕗᓪᓖᑦ 1:2

ᑎᒧᑎᒧᑦ, ᐅᒃᐱᕐᓂᒃᑯᑦ ᐃᕐᓂᓪᓚᕆᒋᔭᓐᓄᑦ: ᒎᑎ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ, ᓂᑲᒍᓱᖕᓂᕐᒥᓂᒡᓗ, ᓮᓕᑎᑦᓯᓂᕐᒥᓂᒃᓗ.

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑎᒧᑎᒧᑦ ᓯᕗᓪᓖᑦ 4:14

ᑐᓂᕐᕈᓯᐊᕆᓯᒪᔧᑦ ᑲᒪᒋᔪᓐᓃᕐᑍᓕᒍᒃ, ᑐᓂᕐᕈᓯᐊᕆᓚᐅᕐᑍᑦ ᐊᓂᕐᓂᒃᑯᑦ ᐅᖃᓪᓚᒡᕕᐅᑎᓪᓗᑎᑦ ᐅᒃᐱᕐᑑᖃᑎᒌᑦ ᐊᖓᔪᖅᑳᖏᓐᓄᑦ ᐸᑎᒻᒥᔭᐅᓪᓗᑎᑦ.

ᑎᒧᑎᒧᑦ ᓯᕗᓪᓖᑦ 4:4

ᒎᑎᐅᑉ ᐱᓐᖑᕐᑎᓯᒪᔭᓐᖏᑦ ᑕᒪᕐᒥᒃ ᐱᐅᖕᒪᑕ, ᓇᕐᕈᒋᔭᒃᓴᐅᓐᖏᓚᑦ ᑐᒃᓯᐊᕐᓂᒃᑯᑦ ᖁᔭᓕᑦᔪᑕᐅᓗᑎᒃ ᑎᒍᔭᐅᒃᐸᑕ;

ᑎᒧᑎᒧᑦ ᓯᕗᓪᓖᑦ 6:20

ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,

ᑎᒧᑎᒧᑦ ᐂᑉᐸᖏᑦ 1:2

ᐃᕐᓂᓐᓄᑦ ᑎᒧᑎᒧᑦ ᓇᒡᓕᒋᒻᒪᕆᒃᑕᓐᓄᑦ: ᒎᑎᐅᑉ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ, ᓂᑲᒍᓱᖕᓂᖓᓂᒃ, ᓮᒻᒪᕐᑎᑦᓯᓂᖓᓂᒃᓗ.

ᑎᒧᑎᒧᑦ ᐂᑉᐸᖏᑦ 4:7

ᐅᓇᑕᓚᐅᕐᐳᖓ ᐱᐅᔪᒥᒃ ᐅᓇᑕᐅᑎᖃᕐᓗᖓ, ᐱᔭᕇᕐᐸᕋ ᐅᓪᓚᐅᑎᔭᕆᐊᖃᓚᐅᕐᓂᕋ, ᐅᒃᐱᕐᓂᖅ ᐱᓯᒤᓐᓇᕐᓗᒍ.

ᑍᑑᓯᒧᑦ 1:4

ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ. ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.

ᐰᓕᒨᓂᒧᑦ 1:10

ᕿᓄᕕᒋᕙᒋᑦ ᐅᓂᓯᒪᓯ ᐱᑦᔪᑎᒋᓪᓗᒍ, ᑖᓐᓇ ᐃᕐᓂᕐᑖᕆᓚᐅᕋᒃᑯ ᙭ᔅᑑᓯᒥ; ᑎᒍᔭᐅᓯᒪᕕᖕᒦᑎᓪᓗᖓ ᐊᓂᕐᓂᒃᑯᑦ ᐊᑖᑕᑖᕆᓚᐅᕐᒪᖓ.