ᑎᒧᑎᒧᑦ ᓯᕗᓪᓖᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᖁᔭᒋᕙᕋ ᙭ᔅᑑᓯ ᔩᓱᓯ ᐊᑕᓂᕗᑦ, ᐱᔪᓐᓇᕐᓂᖃᕐᑎᒻᒪᖓ ᐱᓇᓱᐊᕆᐊᖃᕐᑕᓐᓄᑦ, ᐱᔪᒥᓇᕐᑑᑎᓐᓇᖓ ᑎᓕᓚᐅᕐᒪᖓ, ᐱᔨᑦᓯᕐᑎᒋᔪᒪᓪᓗᖓ.

ᑎᒧᑎᒧᑦ ᓯᕗᓪᓖᑦ 1:12 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 20:4

ᑕᕝᕙ ᐅᖃᐅᑎᕔᑦ, ‘ᐃᓕᑦᓯᑦᑕᐅᖅ ᐱᓇᓱᐊᕆᐊᕐᑐᓕᕆᑦᓯ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᓐᓂᑦ, ᐊᑭᓕᕐᓂᐊᕐᐸᑦᓯ ᐊᑭᓕᐅᑕᐅᕙᒃᑐᑎᑐᑦ.’

ᔪᐊᓇᓯᐅᑉ ᐊᒡᓚᖏᑦ 5:23

ᐃᕐᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᕐᓗ ᐊᑖᑕ ᐅᐱᒋᔭᐅᑦᓯᐊᕐᒪᑦ. ᐃᕐᓂᕐᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:15

ᑭᖑᓂᖓᒍᑦ ᐹᑉᑎᑕᐅᕗᖅ ᐃᒡᓗᒥᐅᖃᑎᓕᒫᖏᓪᓗ, ᑖᑦᓱᒪ ᑐᓐᖓᓴᕐᐹᑎᒍᑦ ᐅᖃᕐᓗᓂ, “ᕾᒋᑦᓯ, ᐃᒡᓗᓐᓂ ᑐᔪᕐᒥᓚᐅᕆᑦᓯ ᓱᓕᔪᒥᒃ ᐊᑕᓂᕐᒧᑦ ᐅᒃᐱᓕᕋᓱᒋᒍᑦᓯᓐᖓ.” ᐃᓇᒻᒪᑎᒍᑦ ᑕᕝᕙᓃᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 9:22

ᓴᐅᓗᓯᐅᑉ ᐊᔪᕆᕐᑐᐃᓂᖓ ᐱᔪᓐᓇᕐᓯᕙᓪᓕᐊᓚᐅᕐᐳᖅ, ᔫᑎᑦ ᑕᒫᓯᑰᓯᒦᑦᑐᑦ ᑭᒡᒍᓯᒃᓮᕈᑎᓚᐅᕐᐰᑦ, ᔩᓱᓯ ᙭ᔅᑑᓯᐅᓂᖓᓂᒃ ᓇᓗᓁᕐᓯᕕᒋᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:5

ᑍᒪᓕ ᐊᐴᓗᓯ ᑭᓇᐅᕚ? ᐸᐅᓗᓯᓗ ᑭᓇᐅᕚ? ᒎᑎᒥᒃ ᐱᔨᑦᓯᕐᑎᑐᐃᓐᓇᐅᕘᒃ ᑖᒃᑯᑎᒎᓇᖅ ᐅᒃᐱᕐᑐᓐᖑᕐᑎᑕᐅᕗᓯ, ᐊᑕᓂᐅᑉ ᐱᔭᒃᓴᖏᖕᓂᒃ ᐊᑐᓂᑦ ᑐᓂᓯᕕᒋᓚᐅᕐᒪᒋᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:25

ᐅᐃᖃᖏᑦᑐᓪᓕ ᐱᑦᔪᑎᒋᓪᓗᒋᑦ, ᐊᑕᓂᕐᒥᑦ ᐱᔪᒥᒃ ᐱᖁᔭᒥᒃ ᐅᖃᐅᓯᒃᓴᖃᓐᖏᓚᖓ ᑖᒃᑯᓄᖓ, ᑭᓯᐊᓂᓕ ᐃᓱᒪᒋᔭᓐᓂᒃ ᐅᖃᕐᐳᖓ ᐊᑕᓂᐅᑉ ᓂᑲᒍᓱᖕᓂᕐᒥᓄᑦ ᐅᒃᐱᕆᔭᒃᓴᐅᔪᓐᓇᕐᑎᒻᒪᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:1

ᑍᒤᒻᒪᑦ ᑕᒪᑐᒥᖓ ᐱᔨᑦᓯᕐᓂᕐᒥᒃ ᒎᑎᐅᑉ ᓂᑲᒍᓱᖕᓂᕐᔪᐊᖓᓄᑦ ᐱᑎᑕᐅᓯᒪᒐᑦᑕ, ᓴᐱᓕᕐᓂᐊᓐᖏᓚᒍᑦ,

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᐱᓕᐱᒥᐅᓄᑦ 2:11

ᐅᕾᓪᓗ ᑕᒪᕐᒥᒃ ᓇᓗᓁᔧᔪᒃᓴᐅᕗᑦ ᔩᓱᓯ ᙭ᔅᑑᓯᐅᑉ ᐊᑕᓂᐅᓂᖓᓂᒃ, ᒎᑎᐅᑉ ᐊᑖᑕᐅᑉ ᓂᕐᑐᕐᑕᐅᓂᒃᓴᖓᓄᑦ.

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.

ᑯᓘᓯᐊᒥᐅᓄᑦ 1:25

ᑕᕝᕙ ᐱᔨᓐᖑᕐᑎᑕᐅᓯᒪᕗᖓ ᑖᑦᓱᒪ ᑐᓂᓚᐅᕐᒪᖓ ᐅᖃᐅᓯᖃᖁᓪᓗᖓ ᐃᓕᑦᓯᓐᓄᑦ, ᒎᑎᐅᑉ ᐅᖃᐅᓯᖏᑦ ᖃᐅᔨᔭᐅᑎᑦᓯᐊᖁᓪᓗᒋᑦ,

ᑎᒧᑎᒧᑦ ᓯᕗᓪᓖᑦ 1:1

ᐸᐅᓗᓯᒥᑦ ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ ᔩᓱᓯ ᙭ᔅᑑᓯᒃᑯᓪᓗ ᐱᐅᓕᔨᑦᑎᒍᑦ ᓂᕆᐅᒋᔭᒃᓴᖃᕐᕕᒋᔭᑦᑎᒍᑦ.

ᑎᒧᑎᒧᑦ ᓯᕗᓪᓖᑦ 1:11

ᑕᒪᓐᓇ ᐊᔪᕆᕐᑑᓯᖅ ᐅᖃᐅᓯᕐᓂ ᑐᓴᕈᒥᓇᕐᑐᓃᑉᐳᖅ ᐅᖃᐅᓯᕆᔭᐅᖁᔭᐅᓯᒪᔪᓂᑦ ᐅᕙᓐᓄᑦ, ᐱᓐᓇᕐᓇᕐᑐᕐᔪᐊᕐᒥᑦ ᒎᑎᒥᑦ ᓂᕐᑐᕐᑕᐅᔪᒃᓴᐅᔪᒥᑦ.

ᑎᒧᑎᒧᑦ ᓯᕗᓪᓖᑦ 1:2

ᑎᒧᑎᒧᑦ, ᐅᒃᐱᕐᓂᒃᑯᑦ ᐃᕐᓂᓪᓚᕆᒋᔭᓐᓄᑦ: ᒎᑎ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ, ᓂᑲᒍᓱᖕᓂᕐᒥᓂᒡᓗ, ᓮᓕᑎᑦᓯᓂᕐᒥᓂᒃᓗ.

ᑎᒧᑎᒧᑦ ᓯᕗᓪᓖᑦ 6:13

ᒎᑎᐅᑉ ᓵᖓᓂ ᐃᓅᓯᖃᕐᑎᑦᓯᔫᑉ ᑕᒤᓐᓂᒃ, ᙭ᔅᑑᓯ ᔩᓱᓯᐅᓪᓗ ᓵᖓᓂ ᑖᑦᓱᒪ ᓇᓗᓁᕐᓯᓚᐅᕐᑑᑉ ᐴᓐᑎᐅᓯ ᐰᓛᑑᓯᐅᑉ ᓵᖓᓂ, ᒪᓕᖁᓪᓗᑎᑦ ᐅᖃᐅᑎᕙᒋᑦ,

ᑎᒧᑎᒧᑦ ᐂᑉᐸᖏᑦ 2:2

ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᑍᑑᓯᒧᑦ 1:4

ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ. ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.

ᐰᓕᒨᓂᒧᑦ 1:9

ᓇᒡᓕᒋᒐᒃᑭᓪᓕ ᕿᓄᕕᒋᑐᐃᓐᓇᓕᕐᐸᒋᑦ, ᐅᕙᖓ ᐸᐅᓗᓯ, ᒫᓐᓇ ᑎᒍᔭᐅᓯᒪᕕᖕᒦᑦᑐᖓ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ.