ᑎᓴᓗᓁᑲᒥᐅᓄᑦ ᓯᕗᓪᓖᑦ 5:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᓯᓂᒃᑐᒃᓴᐅᓐᖏᓚᒍᑦ ᐊᓯᑦᑎᑐᑦ; ᐃᖅᑯᒪᔪᒃᓴᐅᕗᒍᓪᓕ ᐃᒃᐱᒍᓱᑦᓯᐊᕐᓗᑕᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:6 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:15

ᐃᕿᐊᑦᑕᐅᓂᖅ ᓯᓂᓪᓚᕆᒃᑎᑦᓯᕗᖅ, ᓱᓕᕆᔪᒪᖏᑦᑐᕐᓗ ᑳᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᔫᓇᐅᑉ ᐊᒡᓚᖏᑦ 1:6

ᑕᕝᕙ ᐅᒥᐊᕐᔪᐊᑉ ᐊᖓᔪᖅᑳᖓᑕ ᐅᐸᒃᐹ ᐅᖃᐅᑎᓪᓗᒍᓗ: “ᖃᓄᐃᒻᒪᑦ ᓯᓐᓇᕆᒃᐲᑦ? ᒪᑭᓪᓗᑎᑦ ᒎᑏᑦ ᑐᒃᓯᐊᕐᕕᒋᓚᐅᕈᒃ, ᐃᒻᒪᖄ ᒎᑎᐅᑉ ᓇᒡᓕᒋᓕᕈᓂᑎᒍᑦ ᐱᐅᓕᒐᔭᕐᐹᑎᒍᑦ ᐊᓯᐅᖁᓇᑕ.”

ᒫᑎᐅᓯᐅᑉ ᐊᒡᓚᖏᑦ 13:25

ᐅᓐᓄᐊᒃᑯᓪᓕ ᓯᓂᓕᕐᒪᑕ, ᐊᑭᕋᖅ ᐱᕈᕐᓰᕕᖕᒧᐊᕐᐳᖅ ᑲᓐᖓᕐᓱᐃᓪᓗᓂᓗ ᐱᕈᕐᓂᕐᓗᒃᑐᒃᓴᓂᒃ ᓂᐊᖂᔭᒃᓮᑦ ᐊᑯᕐᖓᓐᓄᑦ, ᐊᐅᓪᓚᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 24:42

ᑍᒤᒻᒪᑦ ᖃᐅᔨᓴᑦᓯᐊᕆᑦᓯ, ᐊᑕᓂᑦᓯ ᑎᑭᕝᕕᒃᓴᖓ ᐅᓪᓗᖅ ᖃᐅᔨᒪᖏᓐᓇᑦᓯᐅᒃ.

ᒫᑎᐅᓯᐅᑉ ᐊᒡᓚᖏᑦ 25:13

“ᑍᒤᒻᒪᑦ ᖃᐅᔨᓴᕆᑦᓯ, ᐅᓪᓗᖅ ᐃᑲᕐᕋᕐᓗ ᖃᐅᔨᒪᖏᓐᓇᑦᓯᐅᒃ.”

ᒫᑎᐅᓯᐅᑉ ᐊᒡᓚᖏᑦ 25:5

ᐅᐃᒃᓴᖅ ᑎᑭᓐᓇᓵᓕᕐᒪᑦ, ᐊᕐᓁᑦ ᓇᔭᖓᖃᑦᑕᓕᕐᐳᑦ ᓯᓂᓕᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 26:38

ᐃᓚᒋᔭᓂ ᐅᖃᐅᑎᕔᑦ, “ᑕᕐᓂᑯᑦ ᐊᖏᔪᒥᒃ ᐅᖁᒤᒃᓴᕐᓂᕐᒧᑦ ᑎᑭᑕᐅᒐᒪ, ᐊᒡᓛᑦ ᑐᖁᑐᐃᓐᓇᕆᐊᖃᕐᑑᔮᓕᕋᒪ; ᑕᕝᕙᓃᒋᑦᓯ ᖃᐅᔨᓴᖃᑎᒋᓗᖓ.”

ᒫᑯᓯᐅᑉ ᐊᒡᓚᖏᑦ 13:37

ᐃᓕᑦᓯᓐᓄᑦ ᐅᖃᐅᓯᕆᔭᕋ ᑕᒤᓐᓄᑦ ᐅᖃᕐᐸᕋ: ᐃᖅᑯᒪᑦᑎᐊᕆᑦᓯ.”

ᓘᑲᓯᐅᑉ ᐊᒡᓚᖏᑦ 12:37

ᓮᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᖅ ᐱᔩᑦ ᐊᖓᔪᖅᑳᒥᖕᓄᑦ ᑎᑭᑕᐅᔪᑦ ᐃᖅᑯᒪᑦᓯᐊᕐᑎᓪᓗᒋᑦ ᐅᐸᓗᖕᒊᕐᓯᒪᓗᑎᒡᓗ; ᓱᓕᔪᒥᒃ ᐅᖃᐅᑎᕙᑦᓯ, ᐊᖓᔪᖅᑳᖓ ᓵᓕᓴᕐᒥᒃ ᐊᑎᓯᓂᐊᕐᐳᖅ, ᑖᒃᑯᐊ ᐃᖏᖁᓗᒋᑦ ᓂᕆᕕᖕᒥ, ᓂᕆᓂᐊᕐᑕᖏᓐᓂᒃ ᐱᔨᑦᓯᕋᕐᓂᐊᕐᐰᑦ.

ᓘᑲᓯᐅᑉ ᐊᒡᓚᖏᑦ 12:39

ᐅᓇ ᖃᐅᔨᒪᓯᐅᒃ, ᐃᓄᒃ ᐃᒡᓗᖃᕐᑐᖅ ᖃᐅᔨᒪᒍᓂ ᖃᖓ ᑎᒡᓕᒃᑎ ᕾᓂᐊᕐᒪᖔᑦ ᖃᐅᔨᓴᕋᔭᕐᐳᖅ ᐃᒡᓗᒥᓄᑦ ᐃᑎᖁᓇᒍ.

ᓘᑲᓯᐅᑉ ᐊᒡᓚᖏᑦ 21:36

ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

ᓘᑲᓯᐅᑉ ᐊᒡᓚᖏᑦ 22:46

ᐅᖃᐅᑎᓪᓗᒋᑦ, “ᓱᖕᒪᑦ ᓯᓂᒃᐱᓰ? ᒪᑭᒋᑦᓯ ᑐᒃᓯᐊᕐᓗᓯ ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:13

ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᐃᐱᓯᒥᐅᓄᑦ 6:18

ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᐱᓕᐱᒥᐅᓄᑦ 4:5

ᐃᓅᖃᑎᓕᒫᑦᓯᓐᓄᑦ ᓂᑲᒍᓱᖕᓂᓯ ᖃᐅᔨᔭᐅᓕ. ᐊᑕᓂᖅ ᖃᓂᒻᒪᑦ.

ᑯᓘᓯᐊᒥᐅᓄᑦ 4:2

ᑐᒃᓯᐊᕐᓂᕐᒧᑦ ᑲᔪᓯᑦᓯᐊᕆᑦᓯ, ᖃᐅᔨᓴᑦᓯᐊᖃᑦᑕᕐᓗᓯ ᖁᔭᓕᖃᑦᑕᕐᓗᓯᓗ ᒎᑎᒧᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:13

᙭ᔅᑑᓯᒥᐅᑕᐅᖃᑎᒃᑲ, ᖃᐅᔨᒪᖏᑦᑑᖁᓐᖏᓚᑦᓯ ᓯᓂᓕᕐᓯᒪᔪᓂᒃ, ᕿᒃᓵᒍᑎᖃᓗᐊᖁᓇᓯ ᐊᓯᑦᓯᑐᑦ ᓂᕆᐅᒋᔭᒃᓴᖃᖏᑦᑐᑎᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:10

ᑖᓐᓇ ᑐᖁᓚᐅᕐᐳᖅ ᐱᑦᔪᑎᒋᓪᓗᑕ ᐃᓅᑎᓪᓗᑕ ᑐᖁᖓᓕᕐᑎᓪᓗᑕᓘᓐᓃᑦ ᐃᓅᖃᑎᖃᕈᓐᓇᕐᓯᔪᒫᖁᓪᓗᑕ ᑖᑦᓱᒥᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:8

ᐅᕙᒍᓪᓕ ᐅᓪᓘᑉ ᕿᑐᕐᖓᕆᖕᒪᑎᒍᑦ, ᑍᒤᒻᒪᑦ ᖃᐅᔨᒪᓇᓱᐊᑦᓯᐊᕐᑐᒃᓴᐅᕗᒍᓪᓕ, ᐅᒃᐱᕐᓂᖅ ᓇᒡᓕᖕᓂᕐᓗ ᓴᒡᕕᖕᒥᐅᑕᕐᑎᑐᑦ ᐱᔭᐅᒌᒃᑯᑕᕆᓗᒍ, ᓇᓴᕐᓯᒪᓗᑕᓗ ᓂᕆᐅᖕᓂᕐᒥᒃ ᐱᐅᓕᔭᐅᕕᖕᒥᒃ.

ᑎᒧᑎᒧᑦ ᓯᕗᓪᓖᑦ 2:15

ᐊᕐᓇᕐᓕ ᐱᐅᓕᔭᐅᔪᒫᕐᐳᖅ ᕿᑐᕐᖓᕐᑖᖃᑦᑕᕐᓗᓂ, ᐅᒃᐱᕐᓂᕐᒦᖏᓇᕈᓂ ᓇᒡᓕᖕᓂᕐᒥᓗ ᐃᑦᔪᕐᓁᓐᓂᕐᒥᓗ, ᐱᐅᔪᕆᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 2:9

ᐊᕐᓁᑦᑕᐅᖅ ᐊᑐᕐᑕᒥᖕᓂᒃ ᐃᒃᐱᒍᓱᑦᓯᐊᕐᑐᒃᓴᐅᕗᑦ ᐊᓐᓄᕌᕐᓯᒪᑦᓯᐊᕐᓗᑎᒃᓗ, ᓄᔭᕐᒥᖕᓂᒃ ᑕᑯᒥᓇᕐᓮᓗᐊᖏᓪᓗᑎᒃ, ᒎᓗᓂᒃ, ᓴᐸᖓᕐᓂᒃ, ᐊᑭᑐᔪᓂᒃ ᐊᑎᔭᒃᓴᕐᓯᐅᑐᐃᓐᓇᕋᑎᒃ.

ᑎᒧᑎᒧᑦ ᓯᕗᓪᓖᑦ 3:11

ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 3:2

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᐃᓅᓯᕐᒥᒍᑦ ᐸᓯᔭᒃᓴᐅᔪᒃᓴᐅᓐᖏᓚᖅ; ᐊᑕᐅᓯᕐᒥᒃ ᓄᓕᐊᖃᕐᓗᓂ, ᐃᓱᒪᖓ ᐃᖅᑭᐊᓱᖏᓪᓗᓂ, ᐃᒻᒥᓂᒡᓗ ᐱᓯᒪᔪᓐᓇᑦᓯᐊᕐᓗᓂ, ᐅᐱᒋᔭᐅᑦᓯᐊᕐᓗᓂ, ᑐᔪᕐᒥᕕᐅᔪᓐᓇᕐᓗᓂ, ᐃᓕᓮᔨᐅᔪᒃᓇᕐᓗᓂᓗ;

ᑎᒧᑎᒧᑦ ᐂᑉᐸᖏᑦ 4:5

ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.

ᑍᑑᓯᒧᑦ 2:12

ᑖᑦᓱᒪ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᒍᑦ ᐃᓕᓐᓂᐊᕐᑎᑉᐹᑎᒍᑦ ᕿᒤᖁᓪᓗᑕ ᒎᑎᖃᖏᑦᑐᑦ ᐃᓕᖅᑯᓯᖏᓐᓂᒃ ᓯᓚᕐᔪᐊᕐᒥᐅᓪᓗ ᐃᒃᖠᒎᕐᓂᖏᓐᓂᒃ, ᐃᓅᖁᓪᓗᑕᓗ ᐅᕙᑦᑎᓐᓂᒃ ᐱᓯᒪᑦᓯᐊᕈᓐᓇᕐᓗᑕ, ᐃᓅᑦᓯᐊᕐᓗᑕᓗ, ᒎᑎᒥᒡᓗ ᒪᓕᑦᓯᐊᕐᓗᑕ ᐃᓅᖁᓪᓗᑕ ᑕᒫᓂ ᓯᓚᕐᔪᐊᕐᒦᑎᓪᓗᑕ,

ᑍᑑᓯᒧᑦ 2:6

ᑍᒫᒃᑕᐅᖅ ᐊᖑᑏᑦ ᐃᓅᓱᒃᑐᑦ ᐊᔪᕆᕐᑐᒃᑭᑦ ᐃᒻᒥᖕᓂᒃ ᐱᓯᒪᑦᓯᐊᕈᓐᓇᖁᓗᒋᑦ.

ᐲᑦᑐᕉᓯ ᓯᕗᓪᓖᑦ 1:13

ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:15

“ᑕᑯᒋᑦ, ᑎᑭᓐᓂᐊᕐᐳᖓ ᑎᒡᓕᒐᕆᐊᑐᕐᑐᑎᑐᑦ! ᖁᕕᐊᓱᒻᒪᕆᖕᓂᐊᕐᐳᖅ ᐃᖅᑯᒪᔪᖅ, ᐊᓐᓄᕌᕐᓯᒪᓗᓂᓗ ᐊᓐᓄᕌᖃᖏᓪᓗᓂ ᐱᓱᑲᑕᖁᓇᒍ ᑲᓐᖑᓲᑎᒃᓴᖃᖁᓇᒍᓗ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:2

ᑐᐸᓕᕆᑦ, ᓱᓕ ᐱᓯᒪᔧᑦ ᓲᖑᓯᑎᓕᕈᒃ ᑐᖁᑦᓯᐊᒻᒪᕆᓚᐅᖏᓐᓂᖓᓂ, ᖃᐅᔨᒐᒃᑭᑦ ᐱᓇᓱᐊᕐᓂᑎᑦ ᒎᑎᒪ ᓵᖓᓂ ᓱᓕ ᓈᒻᒪᒃᓯᓯᒪᖏᒻᒪᑕ.