21 ᑕᒤᑕᓕ ᖃᐅᔨᓴᕐᓯᒋᒃ; ᐱᐅᔪᑦ ᐱᓯᒪᑦᓯᐊᕐᓗᒋᑦ.
ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.
ᐃᕐᓃᒃ ᐊᔪᕆᕐᑐᐃᑦᔪᑎᒋᔭᒃᑲ ᐳᐃᒍᕐᑍᓕᒃᑭᑦ, ᐱᓇᓱᐊᕐᑕᐅᖁᔭᒃᑲ ᐆᒻᒪᑎᒃᑯᑦ ᐃᖅᑲᐅᒪᓂᐊᕐᐸᑎᑦ.
ᐊᔪᕆᕐᑐᕐᑕᐅᑦᔪᑎᒋᔭᑎᑦ ᐱᓯᒪᑦᓯᐊᒃᑭᑦ, ᓴᒃᑯᑦᑍᓕᓗᒋᑦ; ᑎᒍᒥᐊᕈᒃ ᐃᓅᓯᖃᕈᑎᒋᒐᕕᐅᒃ.
ᕿᒪᕋᑖᕐᓗᒋᓪᓗ, ᐅᖓᔭᕋ ᓇᓂᕙᕋ, ᐃᕿᓐᓇᒃᑯ, ᓴᑯᑦᓱᒪᔪᓐᓃᕐᐸᕋ, ᐊᓈᓇᒪ ᐃᒡᓗᖓᓄᐊᕈᑎᓚᐅᖅᑳᕐᓇᒍ, ᐃᒡᓗᕈᓯᕐᒧᑦ ᕿᑐᕐᖓᒃᓴᕐᑖᖑᕕᒋᓚᐅᕐᑕᓐᓄᑦ.
“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”
“ᖃᓄᐃᒻᒪᑦ ᐃᖅᑲᕐᑐᐃᓂᓯ ᓈᒻᒪᑎᐊᕐᓗᒍ ᐱᓇᓱᐊᕈᓐᓇᖏᓚᓯ?
ᐃᓗᓐᓃᑦᓮᓐᓇᕆᑦᓯ, ᐅᕙᖓᓗ ᐃᓗᑦᓯᓐᓃᓪᓗᖓ. ᓲᕐᓗ ᓇᐹᕐᑐᑉ ᐊᕙᓚᖓᔪᐊ ᐃᒻᒥᓃᓐᓇᖅ ᐸᐅᕐᖓᖃᕈᓐᓇᖏᒻᒪᑦ, ᓇᐹᕐᑐᒦᒃᑯᓂ ᑭᓯᐊᓂ ᐱᕈᕐᑎᑦᓯᔪᓐᓇᕐᐳᖅ, ᑍᒤᒃᑭᕗᓯᑦᑕᐅᖅ ᐅᕙᓐᓃᓪᓗᓯ ᑭᓯᐊᓂ.
ᑕᕝᕙ ᔩᓱᓯᐅᑉ ᔫᑎᑦ ᐅᒃᐱᕆᔨᓂ ᐅᖃᐅᑎᕔᑦ, “ᐅᖃᐅᓯᒃᑲ ᒪᓕᑦᓮᓐᓇᓕᕈᑦᓯᒋᒃ, ᓱᓕᔪᒥᒃ ᐃᓕᓐᓂᐊᕐᑎᒋᓕᕐᐸᑦᓯ,
ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.
ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”
ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.
ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.
ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.
ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.
ᓇᓪᓕᐊᑦ ᐃᓅᑉ ᐃᓱᒪᖓᓂᒃ ᖃᐅᔨᒪᕚ? ᐃᓅᑉ ᐊᓂᕐᓂᖓ ᑭᓯᒥ ᓇᖕᒥᓂᕐᒥᓂᒃ ᖃᐅᔨᒪᕗᖅ; ᑍᒫᒃᑕᐅᖅ ᒎᑎᐅᑉ ᐃᓱᒪᖓᓂᒃ ᖃᐅᔨᒪᔪᖃᖏᓐᓂᕗᖅ ᒎᑎᐅᑉ ᐊᓂᕐᓂᖓ ᑭᓯᒥ ᖃᐅᔨᒪᕗᖅ.
ᑍᒤᒻᒪᑦ, ᐱᕕᒃᓴᖃᕐᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᕐᑐᒃᓴᐅᕗᒍᑦ, ᐅᒃᐱᕐᑑᖃᑎᕗᓪᓕ ᐱᓗᐊᕐᓗᒋᑦ.
ᖃᐅᔨᓇᓱᐊᕆᑦᓯᓗ ᓱᓇᐅᖕᒪᖔᑦ ᐊᑕᓂᐅᑉ ᖁᕕᐊᒋᔭᖓ.
ᖃᐅᔨᑦᓯᐊᕈᓐᓇᖁᓪᓗᓯ ᓱᓇ ᐱᐅᓂᕐᐹᖑᖕᒪᖔᑦ, ᑕᕝᕙ ᐸᓯᔭᒃᓴᐅᓂᐊᓐᖏᓚᓯ ᓴᓗᒤᑦᑐᓂᑦ ᐸᓯᔭᒃᓴᐅᓂᕐᒥᓪᓗ ᙭ᔅᑑᓯᐅᑉ ᐅᓪᓗᖓᑕ ᓇᓪᓕᐅᓐᓂᒃᓴᖓᓂ.
ᑍᒤᒻᒪᑦ ᑲᔪᓯᓕᕐᑕ ᓱᓕᔪᑦ ᐃᓕᓐᓂᐊᕐᓯᒪᔭᕗᑦ ᒪᓕᒡᓗᒋᑦ.
ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.
ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.
ᐱᐅᖏᑦᑐᐊᓗᐃᑦ ᖃᓄᐃᑦᑐᑐᐃᓐᓁᑦ ᐊᑐᕐᑍᓕᒪᓯᒋᑦ.
ᑍᒤᒻᒪᑦ, ᐅᒃᐱᕐᑑᖃᑎᕗᑦ, ᓱᖁᓯᕐᑍᓕᒋᑦᓯ ᐱᓯᒪᔭᑦᓯᓐᓂᒃ ᐊᔪᕆᕐᑐᐃᑦᔪᑎᒋᓚᐅᕐᑕᑦᑕᓗ ᐱᐅᓯᖏᓐᓂᒃ ᑎᒍᒥᐊᑦᓯᐊᕆᑦᓯ, ᐅᖃᐅᓯᑦᑎᒍᑦ, ᑎᑎᕋᓚᐅᕐᑕᑦᑎᒍᓪᓘᓐᓃᑦ.
ᖃᐅᔨᒪᒐᕕᑦ ᐂᓯᐊᒦᑦᑐᓕᒫᑦ ᐅᕙᓐᓂᒃ ᖁᔭᓈᕐᓯᓯᒪᓕᕐᒪᑕ, ᐅᑯᐊ ᐃᓚᒋᓪᓗᒋᑦ ᐱᒋᓕᐅᓯ ᕼᐋᕐᒧᒋᓃᓯᓗ.
ᐃᓚᖏᑦ ᐃᒡᓗᓄᑦ ᐃᔨᕋᕐᑐᕐᓗᑎᒃ ᐅᐸᒍᑎᖃᑦᑕᕐᐳᑦ ᐊᕐᓇᓂᒃ ᐱᔭᕐᓂᕐᑐᓂᒃ ᕿᓂᕐᓗᑎᒃ, ᐊᔪᕐᓂᕐᓄᑦ ᐅᖁᒤᑦᔪᑎᖃᕐᑐᓂᒃ ᐃᒃᖠᒎᕐᓂᕐᓄᓪᓗ ᓱᓇᑐᐃᓐᓇᕐᓄᑦ ᐊᐅᓚᑕᐅᔪᓂᒃ.
ᐊᓕᒃᓵᓐᑐᕆᐅᓪᓗ ᑲᓐᓄᔭᒃᓴᓂᒃ ᓴᓇᕙᒃᑑᑉ ᓈᒻᒪᖏᑦᑐᐊᓗᖕᒥᒃ ᐱᓂᐊᕐᕕᒋᓯᒪᕚᖓ; ᐊᑕᓂᐅᓪᓕ ᐱᓂᐊᕐᕕᒋᔪᒫᕐᐹ ᐱᓂᐊᕐᓯᒪᔭᖏᑦ ᒪᓕᒡᓗᒋᑦ.
ᑍᒫᒃᑕᐅᖅ ᓂᕆᐅᖕᓂᕆᔭᑦᑎᓐᓂᒃ ᐅᖃᕆᒃᓴᐅᑦᔨᓂᕆᔭᕗᑦ ᐊᑕᕕᒌᓐᓇᕐᓚᕗᑦ ᒪᕐᕈᒍᓯᕈᑎᒋᖏᓪᓗᒍ, ᑖᓐᓇ ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᓂᐅᓴᖏᒻᒪᑦ.
ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.
ᐱᓂᐊᕐᓂᑎᑦ ᖃᐅᔨᒪᕙᒃᑲ, ᐊᒃᓱᕈᕐᓗᑎᑦ ᐱᓇᓱᐊᕐᓯᒪᓃᑦ ᕿᓄᐃᓵᕐᓯᒪᓃᓪᓗ, ᐱᐅᖏᑦᑐᓕᔪᓂᒡᓗ ᓈᒪᒃᓴᓕᕈᓐᓇᖏᓐᓇᕕᑦ ᐋᐴᓯᑕᓕᐅᓂᕋᕐᑐᓪᓗ ᐋᐴᓯᑕᓕᐅᓇᑎᒃ ᖃᐅᔨᓴᕐᓯᒪᒐᕕᒋᑦ, ᖃᐅᔨᓯᒪᓪᓗᒋᓪᓗ ᓱᓕᖏᓐᓂᖏᓐᓂᒃ.
ᑎᑭᓚᐅᖏᓐᓂᓐᓂ, ᐱᓯᒪᔭᑦᓯᓐᓂᒃ ᓴᑯᐃᑦᑍᓕᒋᑦᓯ.
“‘ᐊᑯᓂᐅᖏᑦᑐᖅ ᑎᑭᓐᓂᐊᕐᐳᖓ; ᐱᒋᔧᑦ ᐱᓯᒪᑦᓯᐊᕈᒃ, ᐋᑕᐅᖁᓇᒃ ᓵᓚᖃᐅᑎᒃᓴᕐᓂᒃ ᓂᐊᖂᑎᒥᒃ.
ᐃᖅᑬᓕᕆᑦ ᐃᓕᖕᓄᑦ ᐊᔪᕆᕐᑑᑕᐅᓯᒪᔪᓂᒃ ᑐᓴᕐᓯᒪᔭᕐᓂᒡᓗ; ᓈᓚᒡᓗᒋᑦ, ᖃᕿᐊᓕᕆᑦ. ᑐᐸᖕᓂᐊᖏᒃᑯᕕᑦ, ᑎᒡᓕᒃᑎᑐᑦ ᑎᑭᓐᓂᐊᕐᐸᒋᑦ, ᖃᐅᔨᒪᓂᐊᓐᖏᓚᑎᓪᓗ ᖃᖓ ᑎᑭᕝᕕᒋᓂᐊᕐᑕᓐᓂᒃ.
