ᑎᓴᓗᓁᑲᒥᐅᓄᑦ ᓯᕗᓪᓖᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:15 Iomraidhean Croise

ᒨᓯᓯ ᓯᕗᓪᓖᑦ 45:24

ᑕᕝᕙ ᐊᖓᔪᓂ ᐊᐅᓪᓚᕐᑎᓚᐅᕐᐰᑦ, ᐊᐅᓪᓚᓕᕐᒪᑕᓗ ᐅᖃᐅᑎᕔᑦ, “ᐊᖅᑯᑎᑦᓯᓐᓂ ᐂᕙᐅᑎᑦᑍᓕᒋᑦᓯ.”

ᐃᓐᖏᕈᑎᑦ 38:20

ᐱᐅᖏᑦᑐᒧᓪᓗ ᐊᑭᓂᐊᕐᐸᒃᑐᑦ ᐅᕙᓐᓂᒃ ᐱᐅᔪᒥᒃ ᐱᓇᓱᐊᕐᑎᓪᓗᖓ ᐅᖃᕐᓂᕐᓘᑎᒋᕚᖓ ᐱᐅᔪᓂᒃ ᐱᓇᓱᐊᕐᓂᕋ ᐱᓪᓗᒍ.

ᐃᓐᖏᕈᑎᑦ 7:4

ᐃᓅᖃᑎᓐᓂᒃ ᐊᑭᓂᐊᕐᓯᒪᒍᒪ ᐱᐅᖏᑦᑐᒥᒃ ᐅᕙᓐᓂᒃ ᖃᓄᐃᓕᐅᖏᑦᑐᒥᒃ; ᐊᑭᕋᕐᑐᕐᑎᓐᓂᒡᓘᓐᓃᑦ ᑎᒡᓕᒐᕐᕕᖃᕐᓯᒪᒍᒪ ᐱᑦᔪᑎᒃᓴᖃᖏᓪᓗᖓ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:13

ᐃᓄᒃ ᐱᐅᔪᒥᒃ ᐱᐅᖏᑦᑐᓐᖑᕐᑎᑦᓯᓇᓱᐊᕐᑑᑉ, ᐃᒡᓗᖓ ᐱᐅᖏᑦᑐᒧᑦ ᕿᒪᒃᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:22

ᐅᖃᕐᓂᐊᕐᓇᒃ, “ᐱᐅᖏᑦᑐᖅ ᐊᑭᓂᐊᕐᐸᕋ”; ᐊᑕᓂᕐᒥᒡᓕ ᐅᑕᖅᑭᓕᕆᑦ, ᑕᕝᕙ ᐃᑲᔪᕐᓂᐊᕐᐹᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:17

ᐊᑭᕋᕐᑐᕐᑏᑦ ᐅᕐᕈᒃᐸᑦ ᖁᕕᐊᓲᑎᒋᓂᐊᕐᓇᒍ, ᐆᒻᒪᑏᓪᓗ ᐊᓕᐊᓁᒍᓱᖕᓂᐊᕋᓂ ᐊᑭᕋᕐᑐᕐᑏᑦ ᐅᒃᐱᑲᕐᐸᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:29

ᐅᖃᕐᓂᐊᕐᓇᒃ, “ᐱᓂᐊᕐᕕᒋᓂᐊᕐᐸᕋ ᑍᒫᓪᓗᐊᖅ ᐱᓂᐊᕐᕕᒋᓚᐅᕐᒪᖓ; ᐅᑎᕐᑎᑦᓯᕕᒋᓂᐊᕐᐸᕋ ᐱᓂᐊᕐᓂᕆᓚᐅᕐᑕᖓ ᒪᓕᒡᓗᒍ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:21

ᐊᑭᕋᕐᑐᕐᑏᑦ ᑳᒃᐸᑦ ᓂᐊᖂᔭᒥᒃ ᓂᕆᑎᒍᒃ; ᐃᒥᕈᒃᐸᓪᓗ ᐃᒪᕐᒥᒃ ᐃᒥᕐᑎᒍᒃ;

ᒨᓯᓯ ᐱᖓᔪᖏᑦ 19:18

ᐊᑭᓂᐊᕈᒪᔪᒃᓴᐅᓐᖏᓚᑎᑦ, ᓂᓐᖓᒃᓯᒪᕕᖃᕐᓂᐊᕐᓇᒡᓗ ᐃᓅᖃᑎᖕᓂᒃ, ᐃᓅᖃᑎᖕᓂᒡᓕ ᓇᒡᓕᒍᓱᒃᑐᒃᓴᐅᕗᑎᑦ ᐃᓕᒃᑐᑦ ᓇᒡᓕᒋᓗᒍ. ᐅᕙᖓ ᐊᑕᓂᐅᒐᒪ.

ᒫᑎᐅᓯᐅᑉ ᐊᒡᓚᖏᑦ 5:39

ᒫᓐᓇᓕ ᐅᖃᐅᑎᕙᑦᓯ: ᐊᑭᓂᐊᕋᓱᒃᑐᒃᓴᐅᓐᖏᓚᓯ ᐱᑦᓯᐊᕐᑎᒋᓐᖏᑕᑦᓯᓐᓄᑦ. ᐅᓗᐊᒃᑯᑦ ᐸᑎᒃᑕᐅᒍᕕᑦ, ᐅᓗᐊᕕᑦ ᐃᒡᓗᐊᑦᑕᐅᖅ ᒪᓂᓕᕈᒃ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:28

ᐸᐅᓗᓯᓕ ᓂᐱᖅᑯᕐᑐᓪᓗᓂ ᕾᒐᓛᓕᕐᐳᖅ, “ᐃᓕᖕᓂᒃ ᑐᖁᓐᓇᓱᐊᕐᓇᒃ, ᑕᒪᑦᑕ ᐅᕙᓃᒃᑲᑦᑕ.”

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:1

ᓇᒡᓕᖕᓂᖅ ᐱᓇᓱᐊᕐᓯᐅᒃ ᐊᖏᓂᕐᐸᐅᑎᓪᓗᒍ, ᐊᓂᕐᓂᐅᓪᓗ ᑐᓂᕐᕈᑎᖏᑦ ᐊᔪᐃᓐᓈᕆᓯᒋᒃ, ᐱᓗᐊᕐᑐᒥᒡᓕ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᑎᑕᐅᓂᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:10

ᑎᒧᑎ ᑎᑭᑉᐸᑦ, ᑐᓐᖓᓱᒃᑎᑦᓯᐊᕐᓯᐅᒃ ᐃᓕᑦᓯᓐᓃᓐᓂᖓᓂ, ᐊᑕᓂᐅᑉ ᐱᓇᓱᐊᖁᔭᖓᓂᒃ ᐱᓇᓱᐊᕐᒪᑦ, ᐅᕙᑦᑐᑦᑕᐅᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:7

ᑍᒤᓕᐅᖃᑦᑕᕐᓂᑦᓯᓐᓄᑦ ᓇᓗᓁᕐᐳᖅ ᑕᒻᒪᕐᓯᒪᓂᑦᓯᓐᓂᒃ. ᓈᒻᒪᖏᑦᑐᓕᕕᐅᑐᐃᓐᓇᕈᑦᓯ ᐊᑲᐅᓂᕐᓴᐅᓐᖏᓛᖅ? ᑎᒡᓕᒡᒐᕐᕕᐅᑐᐃᓐᓇᕈᑦᓯᓘᓐᓃᑦ ᖃᓄᐃᖏᓐᓂᕐᓴᐅᕚ?

ᒐᓔᑎᐊᒥᐅᓄᑦ 6:10

ᑍᒤᒻᒪᑦ, ᐱᕕᒃᓴᖃᕐᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᕐᑐᒃᓴᐅᕗᒍᑦ, ᐅᒃᐱᕐᑑᖃᑎᕗᓪᓕ ᐱᓗᐊᕐᓗᒋᑦ.

ᐃᐱᓯᒥᐅᓄᑦ 5:15

ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ.

ᐃᐱᓯᒥᐅᓄᑦ 5:33

ᑍᒫᒃᑕᐅᖅ ᐃᓕᑦᓯ ᐊᖑᑏᑦ ᐊᑐᓂᑦ ᓄᓕᐊᒥᖕᓂᒃ ᓇᒡᓕᒍᓱᒃᑐᒃᓴᐅᖕᒪᑕ ᐃᒻᒥᓂᒃ ᓇᒡᓕᒋᓂᕐᒥᒃᑎᑐᑦ, ᐊᕐᓁᓪᓗ ᐊᑐᓂᑦ ᐅᒃᐱᒍᓱᑦᓯᐊᕐᑐᒃᓴᐅᕗᑦ ᐅᐃᒥᖕᓂᒃ.

ᒨᓯᓯ ᑕᓪᓕᒪᖏᑦ 16:20

ᓈᒻᒪᓈᕐᓯᒪᔪᒥᒃ ᐊᑦᔨᒌᓐᖏᑎᑦᓯᖏᑦᑐᒥᒡᓗ ᑖᑦᓱᒥᖓᑐᐊᖅ ᒪᓕᒃᑐᒃᓴᐅᕗᓯ, ᐃᓅᖁᓪᓗᓯ ᑭᖑᕐᖑᑦᔨᓗᓯᓗ ᓄᓇᒥᒃ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12

ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:21

ᑕᒤᑕᓕ ᖃᐅᔨᓴᕐᓯᒋᒃ; ᐱᐅᔪᑦ ᐱᓯᒪᑦᓯᐊᕐᓗᒋᑦ.

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᐂᑉᐸᖏᑦ 2:24

ᐊᑕᓂᐅᑉ ᐱᔨᑦᓯᕐᑎᖁᑎᖓ ᐂᕙᔨᐅᔪᒃᓴᐅᖏᒻᒪᑦ ᐱᑦᓯᐊᕐᑐᒃᓴᐅᕗᕐᓕ ᐃᓅᖃᑎᓕᒫᒥᓄᑦ, ᐊᔪᕆᕐᑐᐃᑦᓯᐊᕈᓐᓇᕐᓗᓂ, ᕿᓄᐃᓵᕈᓐᓇᕐᓗᓂ,

ᑍᑑᓯᒧᑦ 3:2

ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 2:17

ᐃᓄᓕᒫᓂᒃ ᐅᐱᒍᓱᒋᑦᓯ, ᐅᒃᐱᖃᑎᓯ ᓇᒡᓕᒋᓯᒋᑦ, ᒎᑎ ᓯᕘᕋᒋᓗᒍ. ᐊᖓᔪᖅᑳᕐᔪᐊᒻᒪᕆᒃ ᐅᐱᒋᓗᒍ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:9

ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕐᑐᒃᓴᐅᓐᖏᓚᑎᑦ! ᐱᔨᐅᖃᑕᐅᑐᐃᓐᓇᕋᒪ ᐃᓕᒃᑐᑦ ᐅᒃᐱᑑᖃᑎᒃᑐᓪᓗ ᓇᓚᐅᑦᑍᔪᑎᑐᑦ, ᑖᒃᑯᑎᑑᓇᕐᓗ ᐅᕙᓂ ᑎᑎᕋᕐᓯᒪᔪᓂ ᓈᓚᒃᑐᑎᑐᑦ. ᒎᑎᓕ ᐅᐱᒋᓗᒍ ᓂᕐᑐᕈᒃ!”

ᓴᒧᐃᓕ ᓯᕗᓪᓖᑦ 24:13

ᐅᖃᐅᓯᕐᑕᖃᕐᒪᑦ ᐅᖃᐅᓯᑐᖃᕐᒥᒃ ᐃᒫᒃ, ‘ᐱᐅᖏᑦᑐᒥᑦ ᐱᒋᐊᕐᐳᖅ ᐱᐅᖏᑦᑐᓕᓂᖅ’; ᐊᒡᒐᒃᑲᓕ ᓵᓐᖓᓂᐊᓐᖏᓚᑦ ᐃᓕᖕᓄᑦ.