ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᔨᕆᒤᐊᐅᑉ ᐊᒡᓚᖏᑦ 6:12

ᐃᒡᓗᖏᓐᓂᒃ ᐋᑕᐅᓂᐊᕐᐳᑦ ᐊᓯᖏᓐᓄᑦ ᑐᓂᔭᐅᓗᑎᒃ, ᐱᕈᕐᓰᕕᖁᑎᖏᑦ ᓄᓕᐊᖏᓪᓗ ᐱᖃᓯᐅᑦᔭᐅᓗᑎᒃ, ᑍᒤᓕᐅᕐᓂᐊᕐᐳᑦ ᐊᑭᓂᐊᕐᕕᒋᓕᕈᒃᑭᑦ ᓄᓇᖃᑎᒌᑦ,” ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 12:20

ᓇᑲᑦᓯᔪᒫᓐᖏᓚᖅ ᐃᕕᒡᔪᐊᒥᒃ ᓂᐅᖓᔪᒥᒃ, ᖃᒥᑦᓯᔪᒫᓐᖏᓚᕐᓗ ᖁᓪᓕᐅᑉ ᒪᓂᖓᓂᒃ ᐸᓕᓕᕐᑐᒥᒃ. ᓴᐱᓕᕈᒫᓐᖏᓚᕐᓗ ᐊᑦᔨᒌᒃᑎᑦᓯᓂᕐᒥᒃ ᓵᓚᖃᕐᑎᑦᓯᓚᐅᖅᑳᕋᓂ;

ᓘᑲᓯᐅᑉ ᐊᒡᓚᖏᑦ 22:32

ᑐᒃᓯᐊᓚᐅᕐᐳᖓᓕ ᐅᒃᐱᕐᓃᑦ ᓵᓚᐅᖁᓇᒍ; ᐅᑎᕈᕕᑦ ᐅᕙᓐᓄᑦ, ᐃᓅᖃᑎᕕᑦ ᐅᒃᐱᕐᓂᕐᖏᑦ ᒪᑭᑎᒃᑲᓐᓂᕆᐊᖃᓛᕐᐸᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:27

ᐅᖃᕐᑍᓕᒪᓚᐅᖏᓐᓇᒪ ᐃᓕᑦᓯᓐᓄᑦ ᒎᑎᐅᑉ ᐊᑐᕐᑕᐅᖁᔭᓕᒫᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:35

ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 14:1

ᐅᒃᐱᕐᓂᕐᒥ ᓴᓐᖐᑦᑐᖅ ᑐᓐᖓᓱᒃᑎᓯᐅᒃ, ᐃᖅᑲᕐᑐᖏᓪᓗᒍ ᐂᕙᖃᑎᒋᓇᓱᐊᕐᓇᒍᓗ ᐃᓱᒪᒋᔭᖏᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:14

ᑕᒪᒃᑯᓂᖓ ᑎᑎᕋᓐᖏᓚᖓ ᑲᓐᖑᓱᒃᑎᑦᓯᓇᓱᐊᕐᓗᖓ ᐃᓕᑦᓯᓐᓂᒃ, ᑐᑭᓯᒃᑲᓐᓂᕐᑎᓐᓇᓱᐊᕐᐸᑦᓯᓕ ᓇᖕᒥᓂᖅ ᕿᑐᕐᖓᑦᑐᑦ ᓇᒡᓕᒋᔭᑦᑐᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:7

ᑕᒪᕐᒥᒡᓕ ᑕᒪᑐᒥᖓ ᖃᐅᔨᒪᔪᐃᓐᓇᐅᓐᖏᓚᑦ. ᐃᓚᖏᑦ ᓱᓕ ᒎᑎᓐᖑᐊᖃᓕᒪᖕᒪᑕ ᓂᕿᒥᒡᓗ ᑍᒤᑦᑐᓄᑦ ᑐᓂᕐᕈᑕᐅᓇᓱᒋᔭᒥᖕᓂᒃ ᓂᕆᕙᖕᒪᑕ, ᐃᓱᒪᖏᓪᓗ ᓴᓐᖐᑦᑑᖕᒪᑕ, ᓇᕐᕈᓇᕐᑎᑕᐅᓇᓱᒋᕗᑦ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᐃᐱᓯᒥᐅᓄᑦ 4:2

ᑍᒪᓐᖓᑦ ᒥᑭᓕᑎᕐᓯᒪᓗᓯ ᐱᐅᔪᕆᖏᓪᓗᓯᓗ, ᕿᓄᐃᓵᕐᓗᓯ, ᐃᓕᑦᓯᓐᓄᑦ ᐊᑐᓂᑦ ᓇᒡᓕᖕᓂᕐᒥᒃ ᓴᖅᑭᑎᑦᓯᒋᑦᓯ ᐃᑲᔪᕐᑎᒌᖕᓂᒃᑯᑦ,

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:15

ᐊᑭᕋᕐᑐᕐᑎᑎᑐᑦ ᐱᓂᐊᕐᕕᒋᖏᓪᓗᒍ, ᙭ᔅᑑᓯᒥᐅᑕᐅᖃᑎᑐᓪᓕ ᐃᓂᕐᑎᕐᓯᐅᒃ.

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᑍᑑᓯᒧᑦ 1:10

ᐅᓄᕐᒪᑕ ᐊᑭᕋᕐᑐᕐᑐᑦ ᑕᒪᑐᒥᖓ, ᐊᓯᒥᖕᓂᒃ ᓱᓕᒐᑎᒃ ᐅᖃᐅᓯᕐᓄᑦ ᑕᒻᒪᕐᑎᑦᓯᔪᑦ, ᑭᐱᓯᒪᔪᑦ ᐱᓗᐊᕐᓗᒋᑦ;

ᑍᑑᓯᒧᑦ 1:6

ᐅᒃᐱᕐᑑᖃᑎᒌᓂ ᓯᕗᓕᕐᑎ ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ, ᐊᑕᐅᓯᕐᒥᒃ ᓄᓕᐊᖃᕐᓗᓂ, ᕿᑐᕐᖓᖏᓪᓗ ᐅᒃᐱᕐᑑᓗᑎᒃ ᓇᒻᒪᓐᖏᑦᑐᓂᒃ ᐱᓇᓱᐊᕐᑐᓂᒃ ᐱᖃᑕᐅᕙᓐᖏᑦᑐᓂᒃ ᓈᓚᑦᓯᐊᕈᓐᓇᕐᓗᑎᒡᓗ.

ᐄᑉᕈᐃᓄᑦ 12:12

ᑍᒤᒻᒪᑦ ᐊᒡᒐᓯ ᓄᑮᕈᑎᓯᒪᔪᑦ ᖁᒻᒧᐊᒃᑎᓕᕐᓯᒋᒃ ᓰᖅᑯᓯᓗ ᓴᓐᖐᓕᓯᒪᔪᑦ ᓴᓐᖏᒃᑎᓴᓕᕐᓯᒋᒃ,

ᐄᑉᕈᐃᓄᑦ 13:3

ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.