ᑎᓴᓗᓁᑲᒥᐅᓄᑦ ᓯᕗᓪᓖᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᙭ᔅᑑᓯᒥᐅᑕᐅᖃᑎᕗᑦ, ᕿᓄᕕᒋᕙᑦᓯ, ᑲᒪᒋᑦᓯᐊᕐᓯᒋᒃ ᑕᓯᐅᕐᑎᒋᔭᓯ ᐊᖓᔪᖅᑳᕆᔭᓯᓗ ᐊᑕᓂᕐᒥ ᐊᔪᕆᕐᑐᐃᔨᒋᔭᓯᓗ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:12 Iomraidhean Croise

ᓘᑲᓯᐅᑉ ᐊᒡᓚᖏᑦ 10:7

ᐃᒡᓗᒥᑦ ᑕᕝᕙᓐᖓᑦ ᓅᓐᓂᐊᕋᓯ, ᓂᕆᕙᒡᓗᓯ ᐃᒥᕐᐸᒡᓗᓯᓗ ᒪᓂᔭᐅᔪᓂᒃ ᐃᓕᑦᓯᓐᓄᑦ, ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ; ᓯᓂᒃᑕᕐᕕᒋᔭᑦᓯ ᐊᓯᐊᓄᑦ ᓄᒃᑎᕐᓂᐊᕋᓯ.

ᔪᐊᓇᓯᐅᑉ ᐊᒡᓚᖏᑦ 4:38

ᑎᓕᓚᐅᕐᐸᑦᓯ ᐱᕈᕐᓰᕕᖕᒥ ᑲᑎᕐᓱᐃᖁᓪᓗᓯ ᐱᕈᕇᕐᑐᓂᒃ ᐱᓇᓱᐊᓚᐅᓐᖏᑕᑦᓯᓐᓂᑦ; ᐊᓯᓯ ᐊᒃᓱᕈᕐᓗᑎᒃ ᐱᓇᓱᐊᓚᐅᕐᐳᑦ, ᐃᓕᑦᓯᓗ ᐱᓇᓱᐊᕐᓯᒪᔭᖏᓐᓂᒃ ᐱᓇᓱᐊᓕᕐᐳᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:35

ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”

ᕉᒪᒥᐅᓄᑦ 16:12

ᑕᕝᕙᐅᕗᑏᕐᐸᒃᑲ ᑐᕅᐲᓇ ᑐᕅᐴᓴᓗ, ᑖᒃᑯᐊᒃ ᐊᕐᓈᒃ ᐱᓇᓱᐊᕐᑑᒃ ᐊᑕᓂᕐᒥ. ᓇᒡᓕᖕᓇᕐᑐᕐᓗ ᐳᕐᓯᓯ, ᑖᓐᓇᑦᑕᐅᖅ ᐊᕐᓇᐅᓪᓗᓂ ᐊᓱᕈᒻᒪᕆᒃᓯᒪᔪᖅ ᐊᑕᓂᕐᒥ.

ᕉᒪᒥᐅᓄᑦ 16:6

ᑕᕝᕙᐅᕗᑏᕐᐸᕋ ᒥᐊᕆ, ᐱᓇᓱᐊᕐᓯᒪᔪᖅ ᐊᒃᓱᕈᕐᓗᓂ ᐃᓕᑦᓯᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:28

ᒎᑎᓗ ᐋᖅᑭᒃᓯᓯᒪᕗᖅ ᐃᓚᒌᒃᑐᓂ ᓯᕗᓪᓕᕐᒥᒃ ᐋᐴᓯᑕᓕᖕᓂᒃ, ᐂᑉᐸᖓᓂᒃ ᓇᓚᐅᑦᑍᔪᓂᒃ, ᐱᖓᔪᐊᓐᓂᒃ ᐃᓕᓮᔨᓂᒃ, ᑲᒪᓇᕐᑐᓕᓂᕐᒥᒃ ᐱᓇᓱᐊᕈᓐᓇᕐᑐᓂᒃ, ᐋᓐᓂᐊᕐᑐᓂᒡᓗ ᐋᖅᑭᒃᓯᓂᕐᒥᒃ ᑐᓂᕐᕈᓯᐊᓕᖕᓂᒃ, ᐊᓯᒥᖕᓂᒡᓗ ᐃᑲᔪᕈᓐᓇᕐᑐᓂᒃ, ᐃᓚᒌᒃᑐᓂᒡᓗ ᐊᐅᓚᑦᓯᔨᐅᔪᓐᓇᕐᑐᓂᒃ, ᐅᖃᐅᓯᕐᓄᓪᓗ ᑐᓴᕐᖓᕐᑕᓄᑦ ᐊᑦᔨᒌᖏᑦᑐᓄᑦ ᐅᖃᓪᓚᒍᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:16

ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:18

ᑖᒃᑯᓇᖓᑦ ᖁᕕᐊᓱᓕᕐᑎᑕᐅᓚᐅᕋᒪ ᐃᓕᑦᓯᓐᓂᒡᓗ ᖁᕕᐊᓱᒃᑎᑦᓯᓪᓗᑎᒃ. ᐃᓄᖕᓂᒃ ᑍᒤᑦᑐᓂᒃ ᐃᒃᐱᒍᓱᑦᓯᐊᕐᑐᒃᓴᐅᕗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:9

ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:23

᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:9

ᑍᒤᒻᒪᑦ ᐊᖏᕐᕋᕐᓯᒪᒍᑦᑕ ᐊᖏᕐᕋᕐᓯᒪᖏᒃᑯᑦᑕᓘᓐᓃᑦ, ᐊᑕᓂᐅᑉ ᖁᕕᐊᒋᔭᖓᓂᒃ ᐃᓅᓇᓱᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᒐᓔᑎᐊᒥᐅᓄᑦ 4:11

ᐃᓱᒫᓗᓕᕐᐳᖓ ᐱᓇᓱᐊᕐᓂᕆᓚᐅᕐᑕᒃᑲ ᐃᓕᑦᓯᓐᓄᑦ ᑕᒪᐅᖓᑐᐃᓐᓈᕐᓯᒪᔪᕆᓪᓗᒋᑦ.

ᐱᓕᐱᒥᐅᓄᑦ 2:16

ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.

ᐱᓕᐱᒥᐅᓄᑦ 2:19

ᐊᑕᓂᖅ ᔩᓱᓯ ᐱᖁᔨᒃᐸᑦ ᑎᒧᑎ ᒫᓐᓇᐸᓗᒃᑯᑦ ᐃᓕᑦᓯᓐᓄᑦ ᑎᓕᔪᒪᒐᓗᐊᕐᐸᕋ, ᐃᓕᑦᓯᓐᓂᒃ ᑐᓴᕈᒪ ᐱᕙᓪᓕᕐᑎᑕᐅᖁᓪᓗᖓ.

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:9

ᐅᒃᐱᕐᑑᖃᑎᕗᑦ, ᐃᖅᑬᒐᓗᐊᕐᐳᓯ ᓇᓗᓇᓐᖏᓚᖅ ᐊᒃᓱᕈᕐᓗᑕ ᐱᓇᓱᐊᕐᓂᕆᓚᐅᕐᑕᑦᑎᓐᓂᒃ ᐅᖁᒤᒃᓴᕋᓗᐊᕐᓗᑕ, ᐱᓇᓱᐊᖃᑦᑕᓚᐅᕐᐳᒍᑦ ᐅᓪᓘᑎᓪᓗᒍ ᐅᓐᓄᐊᒥᓗ ᐃᓕᑦᓯᓐᓂᒃ ᐅᖁᒤᑎᑦᓯᔪᒪᓇᑕ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐱᓇᓱᐊᕐᑎᓪᓗᑕ ᒎᑎᒥᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14

᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᑎᒧᑎᒧᑦ ᓯᕗᓪᓖᑦ 5:1

ᐃᓄᑐᖃᕐᒧᑦ ᐃᓕᕋᓇᕋᓱᐊᕐᓂᐊᕐᓇᒃ, ᐊᑖᑕᒃᑐᓪᓕ ᑲᔪᖏᕐᓴᕈᒃ; ᐃᓅᓱᒃᑐᓪᓗ ᐊᖑᑎᑦ ᐅᒃᐱᕐᑑᖃᑎᒃᑐᑦ ᐱᓇᓱᐊᕐᕕᒋᓗᒋᑦ,

ᑎᒧᑎᒧᑦ ᓯᕗᓪᓖᑦ 5:20

ᐊᔪᕐᑐᓕᓐᓇᕐᑐᑦ ᐃᓂᕐᑎᒃᑭᑦ, ᐃᓄᓕᒫᑦ ᓵᖏᓐᓂ, ᐊᓯᖏᑦ ᐊᔪᕐᑐᓕᓂᕐᒥᒃ ᓯᕘᕋᓕᖁᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 2:6

ᐱᕈᕐᓰᕕᓕᕆᔨ ᐊᒃᓱᕈᕐᓗᓂ ᐱᓇᓱᐊᕐᓯᒪᔪᖅ ᐱᕈᕐᑐᓂᒃ ᓯᕗᓪᓕᕐᐹᖑᓗᓂ ᐱᑖᕐᑐᒃᓴᐅᕗᖅ.

ᑍᑑᓯᒧᑦ 1:3

ᓇᓪᓕᐅᓐᓂᕐᒥᓗ ᓈᒻᒪᓈᑦᓯᐊᓕᕐᑎᓪᓗᒍ ᓇᓗᓁᓚᐅᕐᐹ ᐅᖃᐅᓯᕐᒥᒍᑦ ᑕᒪᑐᒥᖓᓗ ᐱᖁᔭᐅᕗᖓ ᐊᔪᕆᕐᑐᐃᖁᓪᓗᖓ ᒎᑎᐅᑉ ᐱᐅᓕᔨᑦᑕ ᐱᖁᔨᓂᖓᒍᑦ.

ᑍᑑᓯᒧᑦ 1:5

ᑍᒤᒻᒪᑦ ᕿᑭᕐᑕᒥᐅᓄᑦ ᑯᕇᑎᒧᑦ ᕿᒪᓚᐅᕐᐸᒋᑦ, ᐱᓇᓱᐊᒃᑲᓐᓂᕆᐊᓕᖕᓂᒃ ᐋᖅᑭᒃᓱᐃᖁᓪᓗᑎᑦ, ᐅᒃᐱᕐᑑᖃᑎᒌᒃᑐᓂᓗ ᓯᕗᓕᕐᑎᐅᓂᐊᕐᑐᓂᒃ ᑎᓕᓯᖁᓪᓗᑎᑦ ᓄᓇᓕᓕᒫᓂ ᑍᒫᒃ ᐱᖁᓚᐅᕋᒃᑭᑦ,

ᑍᑑᓯᒧᑦ 2:15

ᑕᒪᒃᑯᓂᖓ ᐊᔪᕆᕐᑐᐃᒋᑦ; ᑲᔪᖏᕐᓮᓗᑎᒃ ᐃᓂᕐᑎᕆᓗᑎᓪᓗ ᐱᔪᓐᓇᕐᑎᑕᐅᓂᕆᔧᑦ ᐊᑐᕐᓗᒍ. ᑭᓇᒧᓪᓘᓐᓃᑦ ᓇᕐᕈᒋᔭᐅᑦᑍᓕᓗᑎᑦ.

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᐄᑉᕈᐃᓄᑦ 13:7

ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:20

ᑕᑯᖅᑲᐅᔭᑎᑦ ᐅᓪᓗᕆᐊᑦ 7 ᑕᓕᕐᐱᓐᓄᑦ ᑎᒍᒥᐊᕐᑕᒃᑲ ᓇᓗᓇᕐᑐᑦ, ᒎᓗᐃᓪᓗ ᖃᐅᒻᒪᖁᑎᐅᑉ ᐃᓂᖏᑦ 7; ᐅᓪᓗᕆᐊᓪᓗ 7 ᐂᖏᓕᒋᔭᐅᕗᑦ ᐅᒃᐱᕐᑑᖃᑎᒌᓄᑦ 7ᓄᑦ ᐊᒻᒪᓗ 7 ᖃᐅᒻᒪᖅᑯᑎᐅᑉ ᐃᓂᖏᑦ ᐅᒃᐱᕐᑑᖃᑎᒌᖑᕗᑦ 7.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:12

“ᐴᕐᒐᒪᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ ᐃᒡᓗᒃᑐᑦ ᑮᓇᓕᖕᒥᒃ ᓴᕕᒡᔪᐊᖃᕐᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:18

“ᑍᐊᑍᕋᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᒎᑎᐅᑉ ᐃᕐᓂᖓᓂᑦ, ᐃᔨᖅᑲᕐᑑᑉ ᐃᑯᒪᔪᑎᑐᑦ ᑍᒤᑦᑑᖕᓂᒃ, ᐃᑎᒐᖃᕐᑑᓪᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᑕᐅᓯᒪᔪᑎᑐᑦ ᑍᒤᑦᑑᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:3

ᖃᐅᔨᒪᕙᒋᑦ ᕿᓄᐃᓵᕐᓂᖃᕐᓯᒪᒐᕕᑦ ᐋᓐᓂᐊᑎᑕᐅᓯᒪᕗᑎᓪᓗ ᐊᑎᕋ ᐱᓪᓗᒍ, ᓴᐱᓕᓚᐅᓐᖏᓚᑎᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:8

“ᓯᒨᕐᓇᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ, ᓯᕗᓪᓕᕐᐹᖑᔪᒥᑦ ᑭᖑᓪᓕᕐᐹᖑᔪᒥᓪᓗ, ᑐᖁᓚᐅᕐᓗᓂ ᒪᑭᓚᐅᕐᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:1

“ᓵᕐᑏᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ, ᒎᑎᐅᑉ ᐊᓂᕐᓂᖏᓐᓂᒃ 7ᓂᒃ ᐱᖃᕐᑐᒥᑦ ᐅᓪᓗᕆᐊᓂᒡᓗ 7ᓂᒃ ᐱᖃᕐᑐᒥᑦ. ᐱᓂᐊᕐᓂᑎᑦ ᖃᐅᔨᒪᕙᒃᑲ; ᐅᒃᐱᕐᓂᒃᑯᑦ ᐆᒪᓂᕋᕐᑕᐅᒐᕕᑦ, ᑐᖁᖓᒐᓗᐊᕐᑎᓪᓗᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.