ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᒨᓯᓯ ᐂᑉᐸᖏᑦ 16:8

ᒨᓯᓯ ᐅᖃᓕᕆᕗᖅ, “ᐊᑕᓂᐅᑉ ᑭᓯᐊᓂ ᓂᕿᒥᒃ ᓂᕆᓂᐊᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᐅᓐᓄᒍᒻᒥᑕᒃᓴᑦᓯᓐᓂᒃ, ᐅᓪᓛᕈᒻᒥᑕᕆᓂᐊᕐᑕᑦᓯᓐᓂᒡᓗ ᓂᐊᖂᔭᒥᒃ ᐱᔪᒪᔭᓕᒫᑦᓯᓐᓂᒃ ᐱᑎᓐᓂᐊᕆᕚᓯ, ᓈᒻᒪᒃᓴᖏᓐᓂᓯ ᑐᓴᕐᒪᒍ, ᐅᕙᑦᑎᓐᓄᑦ ᓈᒻᒪᒃᓴᖏᑦᔪᑎᒋᔭᑦᓯᓐᓂᒃ ᐅᖃᕌᖓᑦᓯ ᐅᕙᑦᑎᓐᓄᑐᐃᓐᓇᖅ ᐅᖃᕐᕕᖃᕐᐸᖏᓐᓇᑦᓯ ᐊᑕᓂᕐᒧᓪᓕ ᓈᒻᒪᒃᓴᖏᓐᓂᕋᕐᐸᒃᐳᓯ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:7

ᐊᑕᓂᕐᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᒥᒃ ᐱᒋᐊᕐᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᒥᒃ ᓇᕐᕈᕗᑦ ᐃᓕᓐᓂᐊᕐᓂᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:9

ᐅᖃᕐᓂᐊᕐᓇᒃ ᓯᓔᑦᑐᖅ ᑐᓵᑎᓪᓗᒍ, ᐅᖃᐅᓯᕐᑎᑦ ᓯᓚᑐᔪᑦ ᓇᕐᕈᒋᓂᐊᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᔪᐊᓇᓯᐅᑉ ᐊᒡᓚᖏᑦ 12:48

ᐅᕙᓐᓂᒃ ᓇᕐᕈᔪᖅ ᐃᓚᓕᐅᕐᓯᓇᓂᓗ ᐅᖃᐅᓯᓐᓂᒃ ᓇᔪᕐᑎᖃᓕᕐᐳᖅ ᐃᖅᑲᕐᑐᕐᑕᐅᑦᔪᑎᒃᓴᒥᓂᒃ; ᐅᖃᐅᓯᕐᓄᑦ ᐅᖃᐅᓯᕆᓚᐅᕐᑕᓐᓄᑦ ᐃᖅᑲᕐᑐᕐᑕᐅᔪᒫᕐᐳᖅ ᐅᓪᓗᐃᑦ ᓇᒡᒐᑖᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 13:41

‘ᑕᑯᒋᑦᓯ, ᒥᑕᐅᑎᒃᓴᕐᑎᐅᔪᓯ, ᑕᑕᒥᓐᓂᐊᕐᓗᓯᓗ, ᐊᓯᕈᕐᑕᐅᓕᕆᑦᓯ; ᐃᓅᑎᓪᓗᓯ ᐱᓂᐊᕐᓂᖃᕐᓂᐊᕋᒪ, ᐱᓂᐊᕐᓂᕐᓂᒃ ᐅᒃᐱᕆᔭᕆᐊᒃᓴᖅ ᐊᔪᕐᑕᑦᓯᓐᓂᒃ, ᐅᖃᐅᓯᐅᒐᓗᐊᕐᐸᑦ ᑐᑭᓯᓇᕐᓯᑎᑕᐅᒐᓗᐊᕐᐸᓪᓘᓐᓃᑦ.’”

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:10

ᒎᑎᐅᓪᓕ ᓇᓗᓇᕐᑐᖅ ᑕᒪᓐᓇ ᓇᓗᓁᓚᐅᕐᐹ ᐅᕙᑦᑎᓐᓄᑦ ᐊᓂᕐᓂᕐᒥᒍᑦ. ᐊᓂᕐᓂᐅᑉ ᑐᑭᓯᓇᓱᐊᕐᒪᒋᑦ ᓱᓇᓕᒫᑦ, ᒎᑎᐅᑉ ᐃᑎᓂᕐᔪᐊᖓ ᐊᒡᓛᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:40

ᐃᓱᒪᒋᕙᕋᓕ, ᖁᕕᐊᓱᖕᓂᕐᓴᐅᒐᔭᕐᐳᖅ ᐅᐃᑖᖏᒃᑯᓂ ᑍᒫᒡᓗ ᐃᓱᒪᖃᕐᑎᓪᓗᖓ ᒎᑎᐅᑉ ᐊᓂᕐᓂᖓᓂᒃ ᐱᖃᕋᓱᒋᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:22

ᓇᓗᓁᒃᑯᓯᕐᐹᑎᒍᓪᓗ ᓇᕿᑦᔪᑎᒥᓄᑦ ᐅᕙᑦᑎᓐᓂᒃ ᐱᖃᕐᓂᕐᒥᓂᒃ ᓇᓗᓁᕐᓯᔪᒥᒃ, ᐊᓂᕐᓂᕐᓗ ᐃᑦᔪᕐᓁᑦᑐᖅ ᐃᓗᑦᑎᓐᓄᑦ ᐱᑎᑉᐹ, ᓇᓗᓇᖁᓇᒍ ᐊᖏᕈᑎᒋᓯᒪᔭᖏᓐᓂᒃ ᐱᑖᓛᕐᓂᕗᑦ ᑖᑦᓱᒪᓐᖓᑦ.

ᒐᓔᑎᐊᒥᐅᓄᑦ 4:6

ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᐲᑦᑐᕉᓯ ᐂᑉᐸᖏᑦ 1:21

ᓇᓚᐅᑦᑍᑦᔪᑕᐅᓯᒪᔪᑦ ᐃᓅᑉ ᐃᓱᒪᖓᓂᑦ ᐱᔪᖃᓚᐅᕐᓯᒪᖏᒻᒪᑕ, ᐃᓄᐃᓪᓕ ᐅᖃᕈᓐᓇᕐᑎᑕᐅᓯᒪᕗᑦ ᒎᑎᒥᑦ ᐱᔪᓂᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑕᓯᐅᕐᑕᐅᓪᓗᑎᒃ ᑭᓯᐊᓂ.

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

ᔫᑎᐅᑉ ᐊᒡᓚᖏᑦ 1:8

ᑍᒫᒃᑕᐅᖅ ᑖᒃᑯᐊ ᓯᓐᓇᒃᑑᒪᓂᒃᑯᑦ ᑕᑯᑎᑕᐅᓯᒪᓂᕋᕐᓗᑎᒃ ᐊᔪᕐᑐᓕᑎᓚᐅᕐᐳᑦ ᓇᖕᒥᓂᖅ ᑎᒥᒥᒃᑎᒍᑦ, ᒎᑎᐅᑉ ᐊᐅᓚᑦᓯᓂᖓᓄᑦ ᐊᐅᓚᑕᐅᔪᒪᓇᑎᒃ, ᐃᑦᔪᕐᓁᑦᑐᕐᔪᐊᓪᓗ ᕿᓚᖕᒦᑦᑐᑦ ᐅᖃᕐᓂᕐᓘᑎᒋᕔᑦ.

ᓴᒧᐃᓕ ᓯᕗᓪᓖᑦ 10:19

ᑭᓯᐊᓂᓕ ᐅᓪᓗᒥ ᒎᑎᑦᓯᓐᓂᒃ ᓇᕐᕈᓕᕐᐳᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑐᒥᒃ ᐅᖁᒤᑦᑐᓂᑦ ᐊᒃᓱᕈᕐᓇᕐᑐᓂᒡᓗ; ᑖᑦᓱᒧᖓᓗ ᐅᖃᓚᐅᕐᐳᓯ, ‘ᐋᒃᑲ, ᐊᖓᔪᖅᑳᕐᔪᐊᕐᑖᕐᑎᓚᐅᕐᑎᒍᑦ.’ ᒫᓐᓇᓕ ᑍᒤᒻᒪᑦ, ᐊᑕᓂᐅᑉ ᓵᖓᓄᑦ ᑐᓂᓕᕆᑦᓯ ᑭᖑᕚᕇᑦ ᐃᓚᒌᓪᓗ ᑲᑎᓐᖓᓗᑎᒃ.”

ᓴᒧᐃᓕ ᓯᕗᓪᓖᑦ 8:7

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᒪᓕᒃᑭᑦ ᐃᓄᐃᑦ ᐅᖃᐅᓯᕆᔭᖏᑦ ᐃᓕᖕᓄᑦ; ᐃᓕᖕᓂᒃ ᓇᕐᕈᓕᖏᒻᒪᑕ; ᐅᕙᓐᓂᒡᓕ ᓇᕐᕈᓕᕐᐳᑦ ᐊᖓᔪᖅᑳᕐᔪᐊᒥᖕᓂᒃ.