ᑎᓴᓗᓁᑲᒥᐅᓄᑦ ᓯᕗᓪᓖᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᙭ᔅᑑᓯᒥᐅᑕᐅᖃᑎᒃᑲ, ᖃᐅᔨᒪᖏᑦᑑᖁᓐᖏᓚᑦᓯ ᓯᓂᓕᕐᓯᒪᔪᓂᒃ, ᕿᒃᓵᒍᑎᖃᓗᐊᖁᓇᓯ ᐊᓯᑦᓯᑐᑦ ᓂᕆᐅᒋᔭᒃᓴᖃᖏᑦᑐᑎᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:13 Iomraidhean Croise

ᒨᓯᓯ ᓯᕗᓪᓖᑦ 37:35

ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᓴᒧᐃᓕ ᐂᑉᐸᖏᑦ 18:33

ᑕᕝᕙ ᐊᖓᔪᖅᑳᕐᔪᐊᖅ ᑎᑭᑕᐅᕗᖅ ᕿᒃᓵᖕᓂᕐᔪᐊᕐᒧᑦ, ᐃᒡᓗᕈᓯᕐᒧᐊᕐᐳᕐᓗ ᐃᑎᕐᑕᕐᕕᐅᑉ ᖁᓛᓄᑦ ᕿᐊᓕᕐᓗᓂ; ᕿᐊᓪᓗᓂᓗ ᐅᖃᕐᐳᖅ, “ᐃᕐᓃᒃ! ᐃᕐᓃᒃ ᐋᑉᓴᓚᒻ! ᐋᑉᓴᓚᒻ, ᐃᕐᓃᒃ! ᑐᖁᖔᓚᐅᕈᒪᓕ ᑐᖁᓐᖏᖔᕐᑎᓪᓗᑎᑦ, ᐃᕐᓃᒃ! ᐋᑉᓴᓚᒻ, ᐃᕐᓃᒃ!”

ᐊᑕᓃᑦ ᓯᕗᓪᓖᑦ 1:21

ᑍᒤᓐᓂᐊᖏᑉᐸᑦ ᐃᒤᑦᓱᒫᕐᒪᑦ, ᐊᑕᓂᕋ ᐊᖓᔪᖅᑲᕐᔪᐊᕋ ᐃᓅᔪᓐᓃᕐᐸᑦ ᓯᕗᓕᕕᓂᓂ ᐃᓚᒋᓕᕐᓗᒋᑦ, ᐅᕙᖓ ᐃᕐᓂᕋᓗ ᓲᓗᒨᓂ ᐱᐅᓯᖃᕐᕕᐅᓂᐊᕐᐳᒍᒃ ᐊᑭᕋᕐᑐᕐᑐᑎᑐᑦ.”

ᐊᑕᓃᑦ ᓯᕗᓪᓖᑦ 2:10

ᑕᕝᕙ ᑍᕕᑎ ᑐᖁᕗᖅ, ᐃᓗᕕᕐᑕᐅᓪᓗᓂᓗ ᑍᕕᑎᐅᑉ ᐃᒡᓗᒐᓴᖏᓐᓂ.

ᔫᐱᐅᑉ ᐊᒡᓚᖏᑦ 1:21

ᐅᖃᕐᓗᓂᓗ, “ᐃᕐᓂᐊᖑᓚᐅᕐᐳᖓ ᓱᓇᖃᕐᓇᖓ, ᑐᖁᓂᐊᕆᕗᖓ ᓱᓇᖃᖏᓪᓗᖓ. ᐊᑕᓂᐅᑉ ᑐᓂᓚᐅᕐᐰᑦ ᒫᓐᓇᓗ ᐊᑕᓂᐅᑉ ᑎᒍᒋᕔᑦ. ᐊᑕᓂᐅᑉ ᐊᑎᖓ ᓂᕐᑐᕐᑕᐅᓕ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32

ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 37:11

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑖᒃᑯᐊ ᓴᐅᓃᑦ ᐃᓴᕆᐊᓕᐅᑉ ᑭᖑᕚᓕᒫᕆᕔᑦ. ᑕᑯᒋᑦ, ᐅᖃᖃᑦᑕᕐᐳᑦ, ‘ᓴᐅᓂᕗᑦ ᐸᓂᕐᓯᒪᓕᕐᐳᑦ, ᓂᕆᐅᒋᔭᒃᓴᖃᕈᓐᓃᕐᓗᑕᓗ; ᓯᕗᓂᒃᓴᖃᕈᓐᓃᕐᐳᒍᑦ.’

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᒨᓯᓯ ᐱᖓᔪᖏᑦ 19:28

ᑎᒥᓯ ᕿᓕᕈᓕᕐᓱᕆᐊᖃᓐᖏᓚᓯ ᑐᖁᖓᔪᑦ ᐱᑦᔪᑎᒋᓗᒋᑦ, ᑲᑭᓂᓕᐅᕆᐊᖃᓐᖏᓚᓯᓘᓐᓃᑦ ᑎᒥᑦᓯᓐᓂ. ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 21:2

ᑭᓯᐊᓂ ᓇᖕᒥᓂᓪᓚᕆᒋᒍᓂᐅᒃ, ᐃᒫᒃ ᐊᓈᓇᓂ ᐊᑖᑕᓂᓘᓐᓃᑦ, ᐃᕐᓂᓂᓘᓐᓃᑦ ᐸᓂᓂᓘᓐᓃᑦ, ᐅᕝᕙᓘᓐᓃᑦ ᓇᖕᒥᓂᕆᓗᒍ ᖃᑕᓐᖑᑎᒥᓂᒃ,

ᒫᑎᐅᓯᐅᑉ ᐊᒡᓚᖏᑦ 27:52

ᐃᓗᕖᑦ ᒪᑐᐃᕐᐳᑦ, ᐅᓄᕐᑐᓪᓗ ᒎᑎᐅᑉ ᐃᓄᖁᑎᖏᑦ ᑐᖁᖓᔪᑦ ᒪᑭᑉᐳᑦ ᐃᓅᓕᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 11:24

ᒫᑕᐅᑉ ᐅᖃᐅᑎᕚ, “ᖃᐅᔨᒪᕗᖓ, ᒪᑭᑦᓱᒫᕐᒪᑦ ᒪᑭᕝᕕᒃᓴᒥ ᐅᓪᓗᐃᑦ ᑭᖑᓪᓕᕐᐹᖓᓐᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:36

ᑍᕕᑎ ᐱᔨᑦᓯᓚᐅᕐᐳᖅ ᒎᑎᐅᑉ ᐱᔪᒪᔭᖓ ᒪᓕᒡᓗᒍ, ᑭᖑᓂᖓᒍᓪᓕ ᑐᖁᓚᐅᕐᐳᖅ ᐃᓕᔭᐅᓪᓗᓂ ᓯᕗᓕᕕᓂᕐᒥ ᐃᓗᕕᕐᑕᐅᕕᖓᓐᓄᑦ, ᑎᒥᖓ ᐃᓗᕕᕐᒥ ᐃᒍᓇᓚᐅᕐᐳᖅ;

ᐋᐴᓯᑕᓖᑦ ᐱᓂᐊᕐᓂᖏᑦ 7:60

ᓰᖅᑯᕐᓗᓂ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐊᑕᓃᖅ ᐊᔪᕐᑐᓕᓂᕐᒧᑦ ᑕᒪᑐᒧᖓ ᐸᓯᑦᑍᓕᒃᑭᑦ.” ᑍᒫᒃ ᐅᖃᕇᕋᒥ ᑐᖁᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 8:2

ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.

ᕉᒪᒥᐅᓄᑦ 1:13

ᖃᐅᔨᒪᖁᕙᑦᓯᓕ ᐅᒃᐱᕐᑐᓯ; ᐅᓄᕐᑐᐃᕐᓱᕐᓗᖓ ᐃᓕᑦᓯᓐᓄᐊᕋᓱᖃᑦᑕᕐᓯᒪᕗᖓ, ᑎᑭᖏᑦᔪᑎᒃᓴᖃᖃᑦᑕᓚᐅᕐᐳᖓᓕ ᒫᓐᓇᒧᑦ ᑎᑭᓪᓗᒍ, ᐃᓕᑦᓯᓐᓂᑦ ᑲᑎᕐᓱᐃᔪᑎᑐᑦ ᑍᒤᑦᓱᒪᓪᓗᖓ, ᔫᑎᐅᖏᑦᑐᓂᓗ ᑍᒫᒃ ᐱᔪᒪᒋᓪᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:1

ᐃᖅᑬᑎᑦᓱᒪᕙᑦᓯᓕ ᐃᓅᖃᑎᒃᑲ, ᓯᕗᓕᕕᓂᕗᑦ ᓄᕗᔭᒥᒃ ᖁᓕᒥᐅᑕᖃᕐᓗᑎᒃ ᓴᐳᑎᔭᐅᓯᒪᓚᐅᕐᒪᑕ ᑕᒪᕐᒥᒡᓗ ᐃᒪᕐᒥᒃ ᐃᑳᓚᐅᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:1

ᐃᓚᒃᑳ, ᒫᓐᓇᓕ ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐅᖃᐅᑦᔭᐅᓯᒪᖏᑦᑑᖁᓐᖏᓚᑦᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:6

ᐊᒻᒪ ᑭᖑᓂᖓᒍᑦ ᓴᖅᑭᓚᐅᕆᕗᖅ ᒪᓕᒃᑎᒥᓄᑦ ᐊᑕᐅᑦᓯᒃᑯᑦ 500ᓂᑦ ᐅᓄᕐᓂᕐᓴᓄᑦ, ᑖᒃᑯᐊᓕ ᓱᓕ ᐅᓄᕐᓂᕐᓮᑦ ᐃᓅᕗᑦ, ᐃᓚᖏᓪᓕ ᑐᖁᖓᓕᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:8

ᓇᓗᖁᔪᒪᓐᖏᓚᑦᓯᓕ ᐃᓚᒃᑳ, ᐅᖁᒤᒃᓴᕐᑎᑕᐅᓚᐅᕐᓂᑦᑎᓐᓂᒃ ᐂᓯᐊᒥ; ᐅᖁᒤᒃᓴᕐᑎᑕᐅᓚᐅᕋᑦᑕ ᐊᖏᔪᐊᓗᖕᒥᒃ ᐊᒡᓛᑦ ᓴᐱᓕᕐᓇᑲᓴᒃᑐᒥᒃ, ᐃᓅᓂᐊᕆᐊᒃᓴᕐᓘᓐᓃᑦ ᖁᓚᓕᒻᒪᕆᓚᐅᕐᐳᒍᑦ.

ᐃᐱᓯᒥᐅᓄᑦ 2:12

ᐃᕾᒋᑦᓯ ᑍᑦᓱᒪᓂ ᙭ᔅᑑᓯᖃᕋᓯ ᐊᕝᕗᑎᓯᒪᓚᐅᕐᑐᓯ, ᐃᓴᕆᐊᓕᒥᐅᓪᓗ ᓂᕈᐊᕐᑕᐅᓯᒪᓂᖏᓐᓄᑦ ᐃᓚᒋᔭᐅᓚᐅᖏᑦᑐᓯ, ᐊᖏᕈᑕᐅᓯᒪᔪᒥᒡᓗ ᐱᓯᒪᖃᑕᐅᓚᐅᖏᑦᑐᓯ, ᑍᒤᑦᑑᓪᓗᓯ ᐃᓅᓚᐅᕐᑐᕐᓯ ᐅᕙᓂ ᓯᓚᕐᔪᐊᕐᒥ ᓂᕆᐅᒋᔭᒃᓴᖃᕋᓯ ᒎᑎᖃᕋᓯᓗ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:14

ᐅᒃᐱᕋᑦᑕ ᔩᓱᓯ ᑐᖁᓚᐅᕐᒪᑦ ᒪᑭᓚᐅᕆᓪᓗᓂᓗ, ᑍᒫᒃᑕᐅᖅ, ᐅᒃᐱᕆᕗᒍᑦ ᒎᑎᐅᑉ ᔩᓱᓯᒥ ᐅᒃᐱᕈᓱᒃᓗᑎᒃ ᑐᖁᓯᒪᔪᑦ ᓇᒃᓴᕈᒫᕐᒪᒋᑦ ᐃᓚᒋᓕᕐᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:15

ᒫᓐᓇᓕ ᐅᖃᐅᑦᔨᓕᕐᐳᒍᑦ ᐃᓕᑦᓯᓐᓂᒃ ᐊᑕᓂᕐᒥᑦ ᐱᔪᓂᒃ, ᐅᕙᒍᑦ ᐃᓅᔪᒍᑦ ᐃᓅᑎᓪᓗᑕ ᓱᓕ ᐊᑕᓂᖅ ᑎᑭᓕᕐᐸᑦ, ᑐᖁᖓᔪᓂᒃ ᓯᕗᓕᐅᕆᔪᒫᓐᖏᓚᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:10

ᑖᓐᓇ ᑐᖁᓚᐅᕐᐳᖅ ᐱᑦᔪᑎᒋᓪᓗᑕ ᐃᓅᑎᓪᓗᑕ ᑐᖁᖓᓕᕐᑎᓪᓗᑕᓘᓐᓃᑦ ᐃᓅᖃᑎᖃᕈᓐᓇᕐᓯᔪᒫᖁᓪᓗᑕ ᑖᑦᓱᒥᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:6

ᑍᒤᒻᒪᑦ ᓯᓂᒃᑐᒃᓴᐅᓐᖏᓚᒍᑦ ᐊᓯᑦᑎᑐᑦ; ᐃᖅᑯᒪᔪᒃᓴᐅᕗᒍᓪᓕ ᐃᒃᐱᒍᓱᑦᓯᐊᕐᓗᑕᓗ.

ᐲᑦᑐᕉᓯ ᐂᑉᐸᖏᑦ 3:4

ᐅᖃᕐᓗᑎᒡᓗ, “ᓇᐅᒡᓕ ᐊᖏᕐᓯᒪᔪᖅ ᑎᑭᓐᓂᐊᕐᓂᕋᕐᓗᓂ? ᓯᕗᓕᕗᑦ ᑐᖁᓯᒪᓕᕐᐳᑦ, ᓱᓇᑐᐃᓐᓁᑦ ᓱᓕ ᓱᖁᓯᕐᓯᒪᓐᖏᓚᑦ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓚᐅᕐᓂᖓᓂᑦ.”

ᐲᑦᑐᕉᓯ ᐂᑉᐸᖏᑦ 3:8

ᐊᑕᐅᓯᕐᓕ ᐅᓇ ᐳᐃᒍᕐᑍᓕᓯᐅᒃ, ᓇᒡᓕᖕᓇᕐᑐᓯ, ᐊᑕᓂᕐᒧᑦ ᐅᓪᓗᖅ ᐊᑕᐅᓯᖅ ᐊᕐᕌᒍᑎᑐᑦ 1,000ᑎᑐᑦ ᑍᒤᒻᒪᑦ; ᐊᕐᕌᒍᐃᓪᓗ 1,000 ᐅᓪᓗᑐᑦ ᐊᑕᐅᓯᕐᑐᑦ ᑍᒤᓪᓗᑎᒃ.