ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 16:1

ᐸᐅᓗᓯ ᑐᕐᐱᒧᑦ ᑎᑭᑉᐳᖅ, ᓕᔅᑐᕋᒧᐊᕆᓪᓗᓂᓗ, ᐃᓕᓐᓂᐊᕐᑎᑕᖃᕐᐳᖅ ᑕᕝᕙᓂ, ᑎᒧᑎᒥᒃ ᐊᑎᓕᖕᒥᒃ, ᐊᕐᓇᐅᑉ ᐅᒃᐱᕐᑑᓪᓗᓂ ᔫᑎᐅᔫᑉ ᐃᕐᓂᖓ, ᐊᑖᑕᖓᓕ ᒍᕇᑭᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 16:5

ᑕᕝᕙ ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑕᐅᕗᑦ ᐅᒃᐱᕐᓂᕐᒥ, ᖃᐅᑕᒫᑦ ᐅᓄᕐᓯᕙᓪᓕᐊᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:5

ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᕉᒪᒥᐅᓄᑦ 16:21

ᑎᒧᑎᐅᑉ, ᐱᓇᓱᐊᖃᑎᒪ ᑕᕝᕙᐅᕗᑏᕐᐹᓯ; ᓗᓯᐅᓯᐅᓪᓗ, ᔧᓴᐅᓪᓗ ᓱᓯᐹᑕᕆᐅᓪᓗ, ᑎᒥᒃᑯᑦ ᐃᓚᒋᔭᒪ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:10

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓄᑦ ᑐᓂᔭᐅᓯᒪᔪᖅ ᐊᑐᕐᓗᒍ, ᑐᓐᖓᕕᓕᐅᓚᐅᕐᐳᖓ ᐃᒡᓗᓕᐅᕐᑎᒻᒪᕆᒃᑎᑐᑦ, ᐊᓯᓐᓂᒡᓗ ᖄᖓᒍᑦ ᐃᒡᓗᓕᐅᕐᑐᖃᓕᕐᐳᖅ. ᐃᒡᓗᓕᐅᕐᑐᓪᓕ ᐊᑐᓂᑦ ᑲᒪᑦᓯᐊᕆᐊᖃᕐᐳᑦ ᓴᓇᔭᒥᖕᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᑎᒧᑎᒥᑦ. ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᒎᑎᐅᓪᓗ ᐃᓄᖁᑎᖏᓐᓄᑦ ᐊᑬᐊᒦᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:19

ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:12

ᑐᕈᐊᓯᒧᑦ ᑎᑭᓐᓇᒪ ᐊᔪᕆᕐᑐᐃᔭᕐᑐᕐᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐱᓇᓱᐊᕐᕕᒃᓴᖅ ᐅᕙᓐᓄᑦ ᒪᑐᐃᕐᑕᐅᓚᐅᕐᐳᖅ ᐊᑕᓂᕐᒥ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:13

ᑕᕝᕙᓃᑎᓪᓗᖓᓕ ᐱᖏᒐᒻᒪᕆᓕᓚᐅᕐᐳᖓ ᖃᑕᓐᖑᑎᒐ ᑍᑑᓯ ᓇᓂᔪᓐᓇᓚᐅᖏᓐᓇᒃᑯ. ᑍᒤᒻᒪᑦ ᑕᕝᕙᓃᑦᑐᑦ ᕿᒪᒡᓗᒋᑦ ᒫᓯᑑᓂᐊᒧᑦ ᐊᐅᓪᓚᓚᐅᕐᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:23

ᑍᑑᓯᓕ ᐱᓇᓱᐊᖃᑎᒐ, ᐃᑲᔪᕐᑎᒋᕙᒃᑕᕋᓗ ᐱᑦᔪᑎᒋᓪᓗᓯ; ᐅᒃᐱᕐᑑᖃᑎᕗᓪᓗ ᐃᓚᒋᔭᖏᑦ, ᑖᒃᑯᐊ ᐅᒃᐱᕐᑑᖃᑎᒌᓂᑦ ᑎᓕᔭᐅᓯᒪᕗᑦ, ᙭ᔅᑑᓯ ᓂᕐᑐᕐᑕᐅᖁᓪᓗᒍ.

ᐱᓕᐱᒥᐅᓄᑦ 1:25

ᑕᒪᑐᒥᖓᓕ ᖁᓚᓐᖏᓚᖓ, ᓱᓕ ᐃᓅᒃᑲᓐᓂᕐᓂᐊᕋᒪ ᐃᓕᑦᓯᓐᓃᒃᑲᓐᓂᕈᓐᓇᖁᓪᓗᖓ, ᐱᕙᓪᓕᐊᑎᑕᐅᒃᑲᓐᓂᖁᓪᓗᓯᓗ ᐅᒃᐱᕐᓂᑦᓯᒍᑦ ᐃᓗᑦᓯᒍᓪᓗ ᖁᕕᐊᓱᖁᓪᓗᓯ,

ᑯᓘᓯᐊᒥᐅᓄᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔪᒪᔭᖓᒍᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ, ᑎᒧᑎᒥᓪᓗ ᐅᒃᐱᕐᑑᖃᑎᑎᓐᓂᑦ.

ᑯᓘᓯᐊᒥᐅᓄᑦ 1:7

ᒎᑎᐅᑉ ᐱᑦᓯᐊᕐᓂᖓᑕ ᐱᔪᒡᓇᕐᑎᑦᑎᓂᖓᓂᒃ ᐃᓕᑦᓯᑎᑕᐅᓚᐅᕋᑦᓯ ᐃᐸᐳᕌᓯᒧᑦ, ᑖᓐᓇ ᓇᒡᓕᖕᓇᕐᓗᓂ ᐱᔨᑦᓯᖃᑎᒋᔭᕗᑦ, ᐅᒃᐱᕐᓂᕆᔭᒥᓂᒃ ᓱᕐᕋᔪᐃᑦᑑᓪᓗᓂ ᙭ᔅᑑᓯᒧᑦ ᐱᓇᓱᐊᕐᑎᒋᔭᐅᒋᔪᖅ ᐱᑦᔪᔨᓪᓗᓂ ᐅᕙᑦᑎᓐᓂᒃ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᑯᓘᓯᐊᒥᐅᓄᑦ 4:9

ᑖᓐᓇᓗ ᐃᓚᖃᕐᓂᐊᕐᐳᖅ ᐅᓂᓯᒪᓯᒥᒃ, ᓱᖁᓯᔪᐃᑦᑑᓪᓗᓂ ᐅᒃᐱᕐᑑᖃᑎᑦᑎᓐᓂᒃ ᓇᒡᓕᖕᓇᕐᑐᒥᒃ, ᐃᓕᑦᓯᓗ ᐃᓚᒋᒐᑦᓯᐅᒃ. ᑖᒃᑯᖕᓇᓐᖓᑦ ᐅᖃᐅᑦᔭᐅᑦᓯᐊᕈᒫᕐᐳᓯ ᒫᓂ ᖃᓄᐃᒻᒪᖔᑦᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13

ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:5

ᑍᒤᒻᒪᑦ ᑎᒧᑎ ᑎᓕᔭᕆᐊᖃᓕᓚᐅᕐᐸᕋ ᕿᓄᐃᓵᕈᓐᓁᓕᒐᒪ ᐅᒃᐱᕐᓂᑦᓯᓐᓂᒃ ᑐᓴᕈᒪᓪᓗᖓ, ᓵᑖᓇᓯᒧᑦ ᐆᒃᑐᕐᓗᒃᑕᐅᓂᑦᓯᓐᓄᑦ ᐱᓇᓱᐊᕐᓂᕆᓯᒪᔭᕗᑦ ᑕᒪᐅᖎᓐᓈᕐᑎᑕᐅᓂᐊᕋᓱᒋᓪᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:17

ᑖᑦᓱᒪ ᓮᒻᒪᕐᑎᓪᓕᓯ ᐆᒻᒪᑎᑦᓯᒍᑦ ᐱᐅᔪᒥᒡᓗ ᐱᓂᐊᕐᓂᖃᕈᓐᓇᕐᓯᑎᓪᓕᓯ ᐅᖃᕈᓐᓇᕐᓯᑎᓪᓗᓯᓗ.