ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13 Iomraidhean Croise

ᓴᑲᕅᐊᐅᑉ ᐊᒡᓚᖏᑦ 14:5

ᐃᓕᑦᓯᓗ ᕿᒫᔪᒫᕐᐳᓯ ᖃᖅᑲᐅᑉ ᓇᕐᓴᕐᔪᐊᖓᒍᑦ, ᓇᕐᓴᔪᐊᖅ ᑎᑭᓯᒪᔪᒫᕐᒪᑦ ᐊᔨᐅᓪᒧᑦ: ᕿᒫᔪᒫᕐᐳᓯ ᕿᒫᓚᐅᕋᑦᓯᑐᑦ ᓄᓇ ᓴᔪᒃᐱᓗᒃᑎᓪᓗᒍ ᐊᖓᔪᖅᑳᕐᔪᐊᖅ ᐅᓮᐊ ᔫᑕᒥ ᐊᖓᔪᖅᑳᕐᔪᐊᖑᑎᓪᓗᒍ. ᐊᑕᓂᖅ ᑕᕝᕙ ᒎᑎᒐ ᑎᑭᑦᓱᒫᕐᐳᖅ, ᐃᑦᔪᕐᓁᑦᑐᖁᑎᓂ ᐃᓚᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᕉᒪᒥᐅᓄᑦ 14:4

ᖃᓄᐃᑦᑑᒐᕕᓪᓕ ᐃᖅᑲᕐᑐᐃᔪᓐᓇᕐᐲᑦ ᐊᓯᕕᑦ ᐱᔨᖓᓂᒃ? ᐱᔨ ᐊᖓᔪᖅᑳᒥᓄᑦ ᒪᑭᑕᑎᑕᐅᖕᒪᑦ ᐱᔪᓐᓁᓕᑎᑕᐅᔪᓐᓇᕐᓗᓂᓘᓐᓃᑦ. ᑖᓐᓇ ᒪᑭᑕᓂᐊᕐᐳᖅ, ᐊᑕᓂᐅᑉ ᐱᔪᓐᓇᕐᑎᒻᒪᒍ.

ᕉᒪᒥᐅᓄᑦ 16:25

ᐃᓕᑦᓯᓐᓂᒡᓕ ᓲᖑᑎᑦᓯᔪᓐᓇᕐᑐᖅ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᔭᓐᓄᑦ, ᔩᓱᓯ ᙭ᔅᑑᓯᒥᒡᓗ ᐅᖃᐅᓯᖃᕐᓂᓐᓄᑦ, ᓇᓗᓇᕐᑑᑉ ᓇᓗᓇᕈᓐᓃᕐᑎᑕᐅᓂᖓᓄᑦ ᐊᕐᕌᒍᒐᓴᖕᓂ ᐊᓂᒍᕐᑐᓂ ᐃᔨᑦᓯᒪᓚᐅᕐᑐᓂᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:23

ᑕᒪᕐᒥᒡᓕ ᐊᑐᓂᑦ ᐱᕕᒃᓴᒥᒍᑦ ᑐᖓᓕᕇᒋᐊᖃᕐᓂᕆᔭᑎᒃ ᒪᓕᒡᓗᒍ ᒪᑭᑎᑕᐅᔪᒫᕐᐳᑦ: ᙭ᔅᑑᓯ ᓯᕗᓪᓕᕐᐸᐅᓯᒪᖕᒪᑦ; ᑭᖑᓂᖓᒍᑦ ᙭ᔅᑑᓯ ᑎᑭᑉᐸᑦ ᐱᒋᔭᖏᑦ ᒪᑭᑦᓱᒫᕆᕗᑦ.

ᒐᓔᑎᐊᒥᐅᓄᑦ 1:4

ᑖᓐᓇ ᐃᒻᒥᓂᒃ ᑐᓂᓚᐅᕐᐳᖅ ᐊᔪᕐᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᕐᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ;

ᐃᐱᓯᒥᐅᓄᑦ 5:27

ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ.

ᒨᓯᓯ ᑕᓪᓕᒪᖏᑦ 33:2

ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ; ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ, ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ. ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ, ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.

ᐱᓕᐱᒥᐅᓄᑦ 1:10

ᖃᐅᔨᑦᓯᐊᕈᓐᓇᖁᓪᓗᓯ ᓱᓇ ᐱᐅᓂᕐᐹᖑᖕᒪᖔᑦ, ᑕᕝᕙ ᐸᓯᔭᒃᓴᐅᓂᐊᓐᖏᓚᓯ ᓴᓗᒤᑦᑐᓂᑦ ᐸᓯᔭᒃᓴᐅᓂᕐᒥᓪᓗ ᙭ᔅᑑᓯᐅᑉ ᐅᓪᓗᖓᑕ ᓇᓪᓕᐅᓐᓂᒃᓴᖓᓂ.

ᑯᓘᓯᐊᒥᐅᓄᑦ 1:22

ᒫᓐᓇᓕ ᐃᕐᓂᖓᑕ ᑐᖁᓂᖓᒍᑦ ᐅᑎᕐᑎᓯᒪᕚᓯ, ᐃᑦᔪᕐᓁᓕᖁᓪᓗᓯ ᓴᓗᒪᑦᓯᐊᓕᕐᓗᓯᓗ ᐸᓯᔭᒃᓴᐅᔪᓐᓃᕐᓗᓯᓗ ᑖᑦᓱᒪ ᓵᖓᓂ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:19

ᐃᓛᒃ ᐃᓕᑦᓯᐅᒐᑦᓯ ᐊᓯᑦᓯᓐᓂᒃ ᓂᕆᐅᒡᕕᒃᓴᖃᓐᖏᓚᒍᑦ ᐃᓗᑦᑎᒍᓪᓗ ᖁᕕᐊᓲᑎᒋᕙᑦᓯ ᐃᓕᑦᓯᓗ ᓂᕐᑐᕐᓇᐅᑎᒃᓴᒥᒃ ᐱᒃᓴᖃᐅᑎᒋᕙᑦᓯ, ᓵᓚᖃᕐᓂᑦᑎᓐᓂᒡᓗ ᐊᑕᓂᑦᑕ ᔩᓱᓯᐅᑉ ᑎᑭᕝᕕᒃᓴᖓᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:11

ᒫᓐᓇᓕ ᒎᑎᑦᑕ ᐊᑖᑖᑦᑕ ᓇᖕᒥᓂᖅ, ᐊᑕᓂᑦᑕᓗ ᔩᓱᓯᐅᑉ, ᐋᖅᑭᒃᓲᑎᓕᑎᒍᑦ ᑕᑯᖃᑎᒌᒃᑲᓐᓂᕈᓐᓇᕐᓯᖁᓪᓗᑕ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2

ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:15

ᒫᓐᓇᓕ ᐅᖃᐅᑦᔨᓕᕐᐳᒍᑦ ᐃᓕᑦᓯᓐᓂᒃ ᐊᑕᓂᕐᒥᑦ ᐱᔪᓂᒃ, ᐅᕙᒍᑦ ᐃᓅᔪᒍᑦ ᐃᓅᑎᓪᓗᑕ ᓱᓕ ᐊᑕᓂᖅ ᑎᑭᓕᕐᐸᑦ, ᑐᖁᖓᔪᓂᒃ ᓯᕗᓕᐅᕆᔪᒫᓐᖏᓚᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:17

ᑕᕝᕙ ᑭᖑᕐᖓᒍᑦ ᐅᕙᒍᑦ ᐃᓅᔪᒍᑦ, ᑕᒪᓐᓇ ᓇᓪᓕᐅᑎᒃᐸᑦ, ᑍᒃᑯᐊ ᐃᓚᒋᓕᕐᓗᒋᑦ ᖁᒻᒧᐊᖃᑎᒋᔪᒫᕐᐸᕗᑦ ᓄᕗᔭᑎᒍᑦ ᐸᕐᕆᐊᓕᕐᓗᑕ ᐊᑕᓂᕐᒥᒃ ᑲᑎᓯᔭᕐᑐᓕᕐᓗᑕ ᓯᓚᒃᑯᑦ ᖁᒻᒧᐊᒡᓗᑕ; ᑕᕝᕙᓗ ᐊᑕᓂᖅ ᓇᔪᑦᓮᓐᓇᓕᕈᒫᕐᐸᕗᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:23

ᒎᑎᐅᑉ ᓮᒪᓂᕐᑖᕐᑎᑦᓯᔫᑉ ᐃᑦᔪᕐᓁᑎᓪᓕᓯ ᐃᓘᓐᓈᒍᑦ ᐃᓗᑦᓯᒍᑦ; ᐊᓂᕐᓂᑦᓯᒍᑦ ᑕᕐᓂᑦᓯᒍᑦ ᑎᒥᑦᓯᒍᓪᓗ ᓴᐳᑎᑦᓮᓐᓇᕐᓕᓯ ᐸᓯᔭᒃᓴᐅᓂᖃᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑎᑭᕝᕕᐊᓂ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:10

ᑎᑭᒃᑯᓂ ᐱᓐᓇᕐᓇᕐᑎᑕᐅᓗᓂ ᐅᐱᓐᓇᕐᑎᑕᐅᓗᓂ, ᐅᒃᐱᕈᓱᒃᑐᓕᒫᓂᓪᓗ ᑲᒪᓂᐊᕆᔭᐅᔪᒫᕐᐳᖅ, ᐃᓕᑦᓯᑦᑕᐅᖅ ᐃᓚᒋᔭᐅᔪᒫᕐᐳᓯ ᐅᖃᐅᓰᑦ ᓇᓗᓁᕐᓯᓂᕆᔭᕗᑦ ᐅᒃᐱᕆᓚᐅᕋᑦᓯᐅᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:7

ᐃᓕᑦᓯᓕ ᐊᒃᓱᕈᕐᓇᕐᑐᑰᕐᑎᑕᐅᓂᓯᓂᒃ ᐊᓂᒍᐃᑎᑕᐅᓂᐊᕐᐳᓯ ᐅᕙᒍᓪᓗᑕᐅᖅ, ᑕᒪᑐᒥᖓ ᐱᓇᓱᐊᕈᒫᕐᐳᖅ ᐊᑕᓂᖅ ᔩᓱᓯᐅᑉ ᓴᖅᑭᑉᕕᖓᓂ ᕿᓚᖕᒥᑦ ᐂᖏᓕᖁᑎᓂ ᐱᔪᓐᓇᕐᑐᕐᔪᐊᑦ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:1

ᐊᑕᓂᑦᑕᓕ ᔩᓱᓯ ᙭ᔅᑑᓯᐅᑉ ᑎᑭᕝᕕᒃᓴᖓᓂᒃ ᑲᑎᕐᓱᑕᐅᔪᒫᕐᓂᑦᑎᓐᓂᒃ ᓇᔪᕐᓂᐊᓕᕐᓗᒍ, ᖃᑕᓐᖑᑎᒃᑲ ᕿᓄᕕᒋᕙᑦᓯ,

ᔧᒥᓯᐅᑉ ᐊᒡᓚᖏᑦ 5:8

ᐃᓕᑦᓯᑦᑕᐅᖅ ᕿᓄᐃᓵᕐᑐᒃᓴᐅᕗᓯ. ᓂᕆᐅᖕᓂᖃᕐᓗᓯ ᐆᒻᒪᑎᑦᓯᒍᑦ ᐊᑕᓂᐅᑉ ᑎᑭᕝᕕᒃᓴᖓ ᖃᓂᑦᑑᓕᕐᒪᑦ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᔫᑎᐅᑉ ᐊᒡᓚᖏᑦ 1:14

ᐃᓅᑭ ᐋᑕᒥᐅᑉ ᑭᖑᕚᖏᑕ 7ᖓᓐᓂᑦ ᐱᓯᒪᓪᓗᓂ ᓇᓚᐅᑦᑍᑎᑕᐅᓚᐅᕐᐳᖅ ᑖᒃᑯᓂᖓ ᐱᑦᔪᑎᖃᕐᖢᓂ, “ᑕᑯᒋᑦ, ᐊᑕᓂᖅ ᕾᓕᕐᐳᖅ ᐂᖏᓖᑦ ᐃᑦᔪᕐᓁᑦᑐᖁᑎᓂ ᓈᓴᒐᒃᓴᐅᖏᑦᑐᑦ ᐃᓚᒋᓗᒋᑦ,

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;