ᑎᓴᓗᓁᑲᒥᐅᓄᑦ ᓯᕗᓪᓖᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᒃᐱᕐᑑᖃᑎᕗᑦ, ᐃᖅᑬᒐᓗᐊᕐᐳᓯ ᓇᓗᓇᓐᖏᓚᖅ ᐊᒃᓱᕈᕐᓗᑕ ᐱᓇᓱᐊᕐᓂᕆᓚᐅᕐᑕᑦᑎᓐᓂᒃ ᐅᖁᒤᒃᓴᕋᓗᐊᕐᓗᑕ, ᐱᓇᓱᐊᖃᑦᑕᓚᐅᕐᐳᒍᑦ ᐅᓪᓘᑎᓪᓗᒍ ᐅᓐᓄᐊᒥᓗ ᐃᓕᑦᓯᓐᓂᒃ ᐅᖁᒤᑎᑦᓯᔪᒪᓇᑕ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐱᓇᓱᐊᕐᑎᓪᓗᑕ ᒎᑎᒥᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:9 Iomraidhean Croise

ᐊᑕᓃᑦ ᐂᑉᐸᖏᑦ 6:2

ᔪᐊᕐᑕᓂᒧᓐᖓᐅᔪᒪᒐᓗᐊᕋᑦᑕ ᐃᓘᓐᓇᑕ ᐊᑐᓂᑦ ᓇᐹᕐᑐᓂᒃ ᓇᑲᑎᕆᓗᑕ ᐃᓂᒋᖃᑦᑕᕐᓂᐊᕐᑕᑦᑎᓐᓂᒃ ᐃᒡᓗᓕᐅᕈᒪᓕᕋᑦᑕ.” ᐃᓔᓴᐅᑉ ᑭᐅᕔᑦ, “ᐊᑏ.”

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 5:18

ᖃᐅᑕᒫᑦ ᓂᕆᑎᑦᓯᖃᑦᑕᓚᐅᕐᐳᖓ ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ, ᐱᖓᓲᔪᕐᑐᓂᒃ ᓰᐱᓂᒃ ᐱᐅᓂᕐᐹᓂᒃ, ᐅᓄᕐᑐᓂᒡᓗ ᐊᑭᒡᒋᐅᔭᓂᒃ, ᐅᓪᓗᐃᓪᓗ ᖁᓕᑦ ᓈᑐᐊᕐᒪᑕ ᐊᑐᐃᓐᓇᐅᑎᑦᓯᕙᓚᐅᕐᐳᖓ ᕔᓂᒥᒃ ᓄᑖᒥᒃ, ᖃᐅᔨᒪᒐᒪ ᐃᓄᐃᑦ ᐅᖁᒤᒃᓴᕐᓂᖏᓐᓂᒃ, ᐱᔭᕆᐊᓕᒐᓗᐊᒃᑲ ᐊᐅᓚᑦᓯᔨᐅᓂᓐᓄᑦ ᐱᖃᑦᑕᓚᐅᓐᖏᓚᒃᑲ.

ᐃᓐᖏᕈᑎᑦ 32:4

ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐊᒡᒐᑎᑦ ᐅᖁᒤᓚᐅᕐᐳᑦ ᐅᕙᓐᓄᑦ; ᑎᒥᒪ ᐃᑦᓯᖓ ᓴᓗᐊᕐᓯᒪᓕᓚᐅᕐᐳᖅ ᐊᐅᔭᑐᑦ ᓯᓚᓗᒃᑕᐅᓚᐅᕐᓯᒪᖏᑦᑐᑐᑦ. ᓰᓚ

ᐃᓐᖏᕈᑎᑦ 88:1

ᐊᑕᓃᖅ ᒎᑎᒐ ᐱᐅᓕᔨᒐ, ᐅᓪᓗᒃᑯᑦ ᐃᑲᔪᕐᑕᐅᔪᒪᓪᓗᖓ ᓂᓪᓕᐊᕕᒋᕙᒋᑦ; ᐅᓐᓄᐊᒃᑯᓪᓕ ᐃᓗᖏᕐᑐᕐᓗᖓ ᓂᓪᓕᐊᕗᖓ ᐃᓕᖕᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:18

ᖃᐅᔨᒪᓪᓗᓂᓗ ᓂᐅᕕᐊᒃᓴᖏᑕ ᐱᕙᓪᓕᕐᓇᕐᓂᖏᓐᓂᒃ, ᐅᓐᓄᐊᕈᕐᓰᕙᒡᓗᓂᓗ ᐱᓇᓱᐊᖏᓐᓇᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᓘᑲᓯᐅᑉ ᐊᒡᓚᖏᑦ 2:37

ᐅᐃᒡᒐᕐᓂᐅᓕᕐᑐᖅ ᐊᕐᕌᒍᖃᓕᕐᓗᓂ 84ᓂᒃ. ᑖᓐᓇ ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒦᖃᑦᑕᓚᐅᕐᐳᖅ ᑐᒃᓯᐊᕐᓗᓂ ᓂᕆᑦᑍᓕᕙᒡᓗᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 18:3

ᐱᓇᓱᐊᖃᑎᒋᓕᕐᐹᒃ ᓇᔪᕐᑎᒋᓪᓗᒋᒃ, ᑐᐱᓕᐅᕐᑎᐅᒐᒥᒃ ᑕᒪᕐᒥᒃ ᑐᐱᕐᓂᒃ ᓴᓇᓪᓗᑎᒃ ᓂᐅᕐᕈᑎᒃᓴᓕᐅᖃᑦᑕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:12

ᓇᖕᒥᓂᖅ ᐊᒡᒐᑦᑎᓐᓄᑦ ᐊᒃᓱᕈᕐᓇᕐᑐᒥᒃ ᐱᓇᓱᐊᕐᐳᒍᑦ. ᓇᕐᕈᓇᕐᓂᕋᕐᑕᐅᔭᕌᖓᑦᑕ, ᓮᒻᒪᕐᑎᑦᓯᕙᒃᐳᒍᑦ; ᐊᑭᕋᕐᑐᕐᑕᐅᓕᕅᒐᑦᑕ, ᕿᓄᐃᓵᕈᑎᒋᕙᒃᐸᕗᑦ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:15

ᑍᒫᒡᓕ ᐱᓇᓱᐊᕐᓯᒪᓐᖏᓚᖓ, ᐱᑎᑕᐅᔪᒪᓂᕐᒧᓪᓗ ᑕᒪᑐᒥᖓ ᑎᑎᕋᓐᖏᓚᖓ, ᑐᖁᔪᒪᖔᕋᔭᕐᐳᖓᓕ ᓂᕐᑑᑎᑦᔪᑎᒃᓴᕋ ᓇᓪᓕᐊᓐᓄᑦ ᓱᓇᐅᔪᓐᓃᕐᑎᑕᐅᖁᖏᓐᓇᒃᑯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:18

ᓱᓇᒥᒡᓕ ᑍᒪ ᐊᑭᓕᕐᑕᐅᔪᒃᓴᐅᕗᖔ? ᐃᒫ ᑭᓯᐊᓂ: ᐊᔪᕆᕐᑐᐃᓂᒃᑯᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᑭᖃᖏᑦᑐᒥᒃ ᐱᓇᓱᐊᕈᑎᒋᔪᒪᕙᒃᑲ, ᐱᔭᕆᐊᖃᕐᑕᕋᓗᐊᒃᑲᓗ ᑎᒥᒃᑯ ᐱᖏᓪᓗᒋᑦ ᐊᔪᕆᕐᑐᐃᖃᑦᑕᕐᓂᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:4

ᓂᕆᔭᕆᐊᖃᓐᖏᓚᒎᑦ ᐃᒥᕆᐊᖃᕐᓇᑕᓗ ᐱᓇᓱᐊᕐᓂᑦᑎᓐᓄᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:27

ᐱᓇᓱᐊᕐᓂᕐᒧᓪᓗ ᐊᒃᓱᕈᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓ ᓯᓂᔪᐃᑦᑑᖃᑦᑕᕐᓯᒪᕗᖓ ᐅᓐᓄᐊᒃᑯᑦ, ᑳᖃᑦᑕᕐᓯᒪᕗᖓ ᐃᒥᕈᖃᑦᑕᕐᓯᒪᓪᓗᖓᓗ; ᐅᓄᕐᑐᐃᕐᓱᓪᓗᖓ ᓂᕆᔭᒃᓴᖃᖃᑦᑕᕐᓯᒪᓐᖏᓚᖓ, ᐃᒃᑮᕐᓇᕐᑐᒦᖃᑦᑕᕐᓯᕗᖓ ᐊᓐᓄᕌᒃᓴᖃᕐᓇᖓᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:9

ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:5

ᐋᓐᓂᕐᓯᕐᑕᐅᓕᕌᖓᑦᑕ, ᑎᒍᔭᐅᓯᒪᕕᖕᒦᓕᕌᖓᑦᑕ, ᒥᑕᐅᑎᒋᔭᐅᓕᕌᖓᑦᑕ; ᐊᒃᓱᕈᕐᑎᑕᐅᓪᓗᑕ ᐱᓇᓱᐊᕐᑎᑕᐅᓗᐊᓕᕌᖓᑦᑕ, ᓯᓂᓱᐃᑦᑑᓕᕌᖓᑦᑕ, ᓂᕿᒃᓴᖃᕈᓐᓃᕌᖓᑦᑕᓗ;

ᐱᓕᐱᒥᐅᓄᑦ 4:16

ᐊᑕᐅᓯᐊᕋᓯ ᐊᒡᓛᑦ ᑎᓴᓗᓁᑲᒦᑎᓪᓗᖓ ᐃᑲᔪᖃᑦᑕᓚᐅᕐᐸᑦᓯᓐᖓ ᐃᑲᔪᕐᑕᐅᔭᕆᐊᖃᓕᕐᑎᓪᓗᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:2

ᖃᐅᔨᒪᕗᓯ ᐃᓕᑦᓯᓐᓄᐊᓚᐅᕐᓇᑕ ᓱᓕ ᐱᑦᓯᐊᕐᑕᐅᖏᓐᓂᕆᓚᐅᕐᑕᑦᑎᓐᓂᒃ ᒥᑕᐅᑎᒋᔭᐅᓚᐅᕐᓂᑦᑎᓐᓂᒡᓗ ᐱᓕᐰᒥ, ᑍᒤᒃᑲᓗᐊᕐᑎᓪᓗᒍᓕ, ᐊᑭᕋᕐᑐᕐᑕᐅᒻᒪᕆᒃᑲᓗᐊᕐᓗᑕ ᒎᑎᐅᑉ ᐱᔪᓐᓇᕐᑎᓚᐅᕐᐹᑎᒍᑦ ᐃᓕᑦᓯᓐᓂᒃ ᑐᓴᕐᑎᑦᓯᖁᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑖᑦᓱᒪᖓᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:6

ᓂᕐᑐᕐᑕᐅᓇᓱᐊᓚᐅᖏᓐᓂᕗᒍᑦ ᐃᓄᖕᓄᑦ, ᐃᓕᑦᓯᓐᓄᓪᓘᓐᓃᑦ, ᐊᓯᑦᓯᓐᓄᓪᓘᓐᓃᑦ, ᙭ᔅᑑᓯᒧᑦ ᐋᐴᓯᑕᓕᒋᔭᐅᒐᑦᑕ ᐃᓕᑦᓯᓐᓂᑦ ᕿᓄᔪᓐᓇᕋᔭᓚᐅᕋᓗᐊᕐᑐᒍᑦ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:10

ᐅᓪᓘᑎᓪᓗᒍ ᐅᓐᓄᐊᒥᓗ ᐃᓗᖏᕐᓱᕐᓗᑕ ᑐᒃᓯᐊᕐᐳᒍᑦ ᓇᖕᒥᓂᖅ ᑕᑯᒃᑲᓐᓂᕈᒪᓪᓗᑕ ᐃᓕᑦᓯᓐᓂᒃ ᐃᑲᔪᒃᑲᓐᓂᕆᐊᖃᕈᑦᑕᓗ ᐅᒃᐱᕐᓂᑦᓯᓂᒃ ᐱᓇᓱᐊᕈᒪᓪᓗᑕ.

ᑎᒧᑎᒧᑦ ᓯᕗᓪᓖᑦ 1:11

ᑕᒪᓐᓇ ᐊᔪᕆᕐᑑᓯᖅ ᐅᖃᐅᓯᕐᓂ ᑐᓴᕈᒥᓇᕐᑐᓃᑉᐳᖅ ᐅᖃᐅᓯᕆᔭᐅᖁᔭᐅᓯᒪᔪᓂᑦ ᐅᕙᓐᓄᑦ, ᐱᓐᓇᕐᓇᕐᑐᕐᔪᐊᕐᒥᑦ ᒎᑎᒥᑦ ᓂᕐᑐᕐᑕᐅᔪᒃᓴᐅᔪᒥᑦ.

ᑎᒧᑎᒧᑦ ᓯᕗᓪᓖᑦ 4:10

ᒫᓐᓇᒧᑦ ᑎᑭᓪᓗᒍ ᐱᓇᓱᐊᕐᐸᒃᐳᒍᑦ ᐊᒃᓱᕈᕐᓗᑕ, ᓂᕆᐅᖕᓂᖃᕋᑦᑕ ᒎᑎᒥᒃ ᑐᖁᓱᐃᑦᑐᒥᒃ, ᐱᐅᓕᔨᐅᔪᒥᒃ ᐃᓄᖕᓂᒃ ᑕᒤᓐᓂᒃ, ᐱᓗᐊᕐᓗᓂᓕ ᐅᒃᐱᕈᓱᒃᑐᓄᑦ.

ᑎᒧᑎᒧᑦ ᓯᕗᓪᓖᑦ 5:5

ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ;

ᑎᒧᑎᒧᑦ ᐂᑉᐸᖏᑦ 1:3

ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.