ᑎᓴᓗᓁᑲᒥᐅᓄᑦ ᓯᕗᓪᓖᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒫᒃ ᐊᖏᑎᒋᔪᒥᒃ ᐃᓕᑦᓯᓐᓂᒃ ᓇᒡᓕᒍᓱᖕᓂᑦᑎᓐᓄᑦ, ᐱᓇᓱᐊᖃᑎᒋᔪᒪᓚᐅᕐᐸᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑐᐃᓐᓇᐅᖏᑦᑐᖅ ᒎᑎᒥᓐᖔᕐᑐᓂᒃ, ᐃᓅᓯᑦᑎᓐᓂᒡᓕᑦᑕᐅᖅ ᐊᒡᓛᑦ, ᐊᒃᓱᒻᒪᕆᐊᓗᒃ ᐅᕙᑦᑎᓐᓄᑦ ᓇᒡᓕᖕᓇᕐᑑᒐᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:8 Iomraidhean Croise

ᓘᑲᓯᐅᑉ ᐊᒡᓚᖏᑦ 7:2

ᕉᒪᒥᐅᑦ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᑦ ᑕᕝᕙᓂ ᐱᔨᖃᓚᐅᕐᐳᖅ ᐱᓐᓇᕆᔭᒥᓂᒃ, ᑖᓐᓇ ᐱᔨᖓ ᖃᓂᒪᕗᖅ ᑐᖁᓕᒑᓪᓗᓂ.

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᕉᒪᒥᐅᓄᑦ 10:1

ᐃᓗᖏᕐᓱᕐᓗᖓ ᐃᓅᖃᑎᒃᑲ ᑐᒃᓯᐅᑎᕙᒃᑲ ᒎᑎᒧᑦ ᐱᐅᓕᔭᐅᖁᓪᓗᒋᑦ.

ᕉᒪᒥᐅᓄᑦ 15:29

ᖃᐅᔨᒪᒐᒪ ᐃᓕᑦᓯᓐᓄᐊᕈᒪ ᙭ᔅᑑᓯᐅᑉ ᓮᒻᒪᕐᑎᑦᓯᓂᖓ ᓈᒻᒪᑦᓯᐊᕐᓗᒍ ᓮᒻᒪᕐᑎᑕᐅᑦᔪᑎᒋᒐᔭᕋᒃᑯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:15

ᖁᕕᐊᓱᒃᑲᔭᕐᐳᖓ ᓇᖕᒥᓂᖅ ᑐᓂᑦᔪᑎᒋᒍᒪ ᓱᓇᓕᒫᓐᓂᒡᓗ ᑕᕐᓂᓯ ᐱᑦᔪᑎᒋᓗᒋᑦ. ᓇᒡᓕᒋᖏᓐᓂᕐᓴᕆᒐᔭᕐᐱᓯᓐᖔ? ᓇᒡᓕᒋᓂᕐᓴᕆᒍᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᒐᓔᑎᐊᒥᐅᓄᑦ 4:19

ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ.

ᐱᓕᐱᒥᐅᓄᑦ 1:8

ᒎᑎᐅᑉ ᖃᐅᔨᒪᕚᖓ ᐅᖃᕐᑎᓪᓗᖓ ᓱᓕᑦᓯᐊᕐᓂᓐᓂᒃ, ᐃᓕᑦᓯᓐᓂᒃ ᓇᒡᓕᒍᓱᓪᓚᕆᖕᓂᕋ ᔩᓱᓯ ᙭ᔅᑑᓯᒥᑦ ᐱᖕᒪᑦ.

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᐱᓕᐱᒥᐅᓄᑦ 2:20

ᑖᓐᓇ ᐃᓱᒪᖃᑎᑐᐊᕆᒐᒃᑯ, ᐃᑲᔪᕐᑕᐅᔭᕆᐊᖃᕐᓂᑦᓯᓐᓂᒃ ᐃᒃᐱᒍᓱᓪᓚᕆᖕᒪᑦ ᐅᕙᑦᑐᑦ.

ᐱᓕᐱᒥᐅᓄᑦ 4:1

ᑍᒤᒻᒪᑦ ᐅᒃᐱᕐᑑᖃᑎᒃᑲ, ᓇᒡᓕᒋᕙᑦᓯ ᐅᖓᒋᓪᓗᓯᓗ, ᐃᓕᑦᓯᓐᓄᑦ ᖁᕕᐊᓱᒃᑎᑕᐅᓯᒪᕗᖓ ᐅᐱᒋᒻᒪᕆᒃᐸᑦᓯᓗ, ᑍᒫᒃ ᓱᖁᓯᕐᑍᓕᒋᑦᓯ ᐃᓅᓯᑦᓯᓐᓂ ᐊᑕᓂᕐᒥ, ᓇᒡᓕᒋᔭᒃᑳ.

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑯᓘᓯᐊᒥᐅᓄᑦ 1:7

ᒎᑎᐅᑉ ᐱᑦᓯᐊᕐᓂᖓᑕ ᐱᔪᒡᓇᕐᑎᑦᑎᓂᖓᓂᒃ ᐃᓕᑦᓯᑎᑕᐅᓚᐅᕋᑦᓯ ᐃᐸᐳᕌᓯᒧᑦ, ᑖᓐᓇ ᓇᒡᓕᖕᓇᕐᓗᓂ ᐱᔨᑦᓯᖃᑎᒋᔭᕗᑦ, ᐅᒃᐱᕐᓂᕆᔭᒥᓂᒃ ᓱᕐᕋᔪᐃᑦᑑᓪᓗᓂ ᙭ᔅᑑᓯᒧᑦ ᐱᓇᓱᐊᕐᑎᒋᔭᐅᒋᔪᖅ ᐱᑦᔪᔨᓪᓗᓂ ᐅᕙᑦᑎᓐᓂᒃ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᐰᓕᒨᓂᒧᑦ 1:1

ᐸᐅᓗᓯᒥᑦ, ᑎᒍᔭᐅᓯᒪᔪᒥᑦ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ, ᑎᑎᕋᕐᐳᒍᒃ ᐅᒃᐱᕐᑑᖃᑎᕗᓪᓗ ᑎᒧᑎ, ᐃᓚᓐᓇᕆᔭᑦᑎᓐᓄᑦ ᐱᓇᓱᐊᖃᑎᑦᑎᓐᓄᓪᓗ ᐰᓕᒨᓂᒧᑦ,

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᔪᐊᓇᓯ ᓯᕗᓪᓖᑦ 3:16

ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ.