ᑎᓴᓗᓁᑲᒥᐅᓄᑦ ᓯᕗᓪᓖᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᖃᐅᔨᒪᕗᓯ ᐃᓕᑦᓯᓐᓄᐊᓚᐅᕐᓇᑕ ᓱᓕ ᐱᑦᓯᐊᕐᑕᐅᖏᓐᓂᕆᓚᐅᕐᑕᑦᑎᓐᓂᒃ ᒥᑕᐅᑎᒋᔭᐅᓚᐅᕐᓂᑦᑎᓐᓂᒡᓗ ᐱᓕᐰᒥ, ᑍᒤᒃᑲᓗᐊᕐᑎᓪᓗᒍᓕ, ᐊᑭᕋᕐᑐᕐᑕᐅᒻᒪᕆᒃᑲᓗᐊᕐᓗᑕ ᒎᑎᐅᑉ ᐱᔪᓐᓇᕐᑎᓚᐅᕐᐹᑎᒍᑦ ᐃᓕᑦᓯᓐᓂᒃ ᑐᓴᕐᑎᑦᓯᖁᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑖᑦᓱᒪᖓᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:2 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 14:3

ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:5

ᔫᑎᐅᖏᑦᑐᑦ ᔫᑎᓂᒃ ᐃᓚᖃᕐᓗᑎᒃ, ᐊᖓᔪᖅᑳᖏᓐᓂᒡᓗ ᐱᑦᓯᐊᖏᓐᓇᓱᐊᓕᕐᐳᑦ ᐋᐴᓯᑕᓕᖕᓄᑦ ᒥᓪᓗᕈᒪᓪᓗᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:12

ᑕᕝᕙᓐᖓᑦ ᐱᓕᐰᒧᐊᕐᐳᒍᑦ, ᑖᓐᓇ ᒫᓯᑑᓂᐊᒥᐅᓂ ᓄᓇᓕᖕᓂᑦ ᐊᖏᓂᕐᐹᖑᔪᖅ, ᕉᒪᒥᐅᓄᑦ ᓄᓇᖁᑎᒋᔭᐅᓪᓗᓂ. ᐅᓪᓗᓂᒃ ᐊᒥᓱᓂᒃ ᑕᕝᕙᓃᑉᐳᒍᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 16:19

ᑖᑦᓱᒥᖓ ᐊᕐᓇᒥᒃ ᐱᖃᕐᑐᑦ ᖃᐅᔨᒐᒥᒃ ᑮᓇᐅᔭᓕᐅᕈᑎᒃᓴᖃᕈᓐᓃᕐᓂᕐᒥᖕᓂᒃ, ᐸᐅᓗᓯ ᓮᓚᓯᓗ ᑎᒍᕚᒃ ᐅᓂᐊᕐᓗᒋᒃ ᑲᑎᕕᐅᕙᒃᑐᒧᑦ ᐊᖓᔪᖅᑳᓄᓪᓗ;

ᐋᐴᓯᑕᓖᑦ ᐱᓂᐊᕐᓂᖏᑦ 16:37

ᐸᐅᓗᓯᐅᑉ ᐅᖃᐅᑎᕔᑦ, “ᐃᓄᐃᑦ ᑕᑯᓐᓈᕐᑎᓪᓗᒋᑦ ᑏᒐᕐᑐᕐᑕᐅᓚᐅᕋᓐᓄᒃ, ᐃᖅᑲᕐᑐᕐᑕᐅᓇᓄᒡᓘᓐᓃᑦ ᑎᒍᔭᐅᓯᒪᕕᖕᒧᑦ ᐃᑎᕐᑎᑕᐅᓚᐅᕐᑐᒍᒃ ᕉᒪᒥᐅᖑᒐᓗᐅᕐᑐᒍᒃ, ᐃᓄᐃᑦ ᖃᐅᔨᑎᓐᓇᒋᑦ ᐊᓂᑎᑕᐅᔪᒪᓕᕐᐱᓅᒃ? ᑍᒤᑦᓴᕆᐊᖃᓐᖏᓚᑦ ᑍᒃᑯᐊ ᐊᐅᓚᑦᓯᔩᑦ ᕾᓕᕐᓕᑦ ᓇᖕᒥᓂᖅ ᐊᓂᑎᓪᓗᓂᑎᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:1

ᐸᐅᓗᓯᒃᑯᒃ ᓮᓚᓯᒃᑯᒃ ᐃᖏᕐᕋᕘᒃ ᐊᒻᐱᐴᓕᔅ ᐊᐴᓗᓂᐊᓗ ᐊᖅᑯᓵᕐᓗᒋᒃ, ᑎᓴᓗᓁᑲᒧᐊᕐᐴᒃ, ᑕᕝᕙᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖃᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 17:17

ᐅᖃᖃᑎᖃᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᔫᑎᓂᒃ ᒍᕇᑭᓂᒡᓗ ᒎᑎᒧᑦ ᐅᒃᐱᕐᑐᓂᒃ, ᓂᐅᕕᕐᕕᖕᓂ ᖃᐅᑕᒫᑦ ᐅᖃᖃᑎᖃᖃᑦᑕᕐᐳᖅ ᑕᕝᕙᓃᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 19:8

ᐸᐅᓗᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᑕᖅᑭᓂᒃ ᐱᖓᓱᓂ ᑕᑉᕙᓃᓕᕐᓗᓂ, ᐃᓄᐃᑦ ᐅᖃᖃᑎᒋᖃᑦᑕᕐᐰᑦ ᓯᕘᕋᓇᓂ, ᑐᑭᓯᑎᓐᓇᓱᐊᕐᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 4:13

ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:20

ᐅᕙᒍᒡᓕ ᓄᖅᑲᐅᑦᔨᔪᓐᓇᓐᖏᓚᒍᒃ ᓇᖕᒥᓂᖅ ᑕᑯᓚᐅᕐᑕᑦᑎᖕᓂᒃ ᑐᓴᓚᐅᕐᑕᑦᑎᖕᓂᒡᓗ ᐅᖃᐅᓯᖃᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:12

ᑍᒤᑦᑐᒥᒃ ᑕᕝᕙ ᓂᕆᐅᖕᓂᖃᕋᑦᑕ, ᓱᓇᒥᒡᓘᓐᓃᑦ ᓯᕘᕋᓐᖏᓚᒍᑦ.

ᑯᓘᓯᐊᒥᐅᓄᑦ 2:1

ᖃᐅᔨᒪᖁᕙᑦᓯ ᐱᔭᕐᓂᖏᑦᑐᒃᑰᕈᑎᒋᓚᐅᕋᑦᓯ, ᓚᐅᑏᓯᐊᒥᐅᓪᓗ ᐱᖃᑕᐅᓪᓗᑎᒃ, ᑍᒃᑯᐊᓗ ᐅᕙᓐᓂᒃ ᑕᑯᓚᐅᕐᓯᒪᖏᑦᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:5

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᓕᑦᓯᓐᓄᑦ ᐅᖃᐅᓯᖃᓚᐅᕋᑦᑕ ᐅᖃᐅᓯᑐᐃᓐᓇᕐᑎᒎᖏᑦᑐᖅ, ᐊᓂᕐᓂᐅᓪᓕ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᓱᓕᓂᖓᓗ ᓴᖅᑭᑎᑕᐅᑦᓯᐊᕐᓗᓂ. ᖃᐅᔨᒪᕗᓯ ᖃᓄᖅ ᐃᓅᓯᖃᓚᐅᕐᒪᖔᑦᑕ ᐃᓕᑦᓯᓐᓃᑦᑎᓪᓗᑕ ᐱᕙᓪᓕᕐᑎᑕᐅᖁᓪᓗᓯ.

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.