ᑎᓴᓗᓁᑲᒥᐅᓄᑦ ᓯᕗᓪᓖᑦ 2:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓛᒃ ᐃᓕᑦᓯᐅᒐᑦᓯ ᐊᓯᑦᓯᓐᓂᒃ ᓂᕆᐅᒡᕕᒃᓴᖃᓐᖏᓚᒍᑦ ᐃᓗᑦᑎᒍᓪᓗ ᖁᕕᐊᓲᑎᒋᕙᑦᓯ ᐃᓕᑦᓯᓗ ᓂᕐᑐᕐᓇᐅᑎᒃᓴᒥᒃ ᐱᒃᓴᖃᐅᑎᒋᕙᑦᓯ, ᓵᓚᖃᕐᓂᑦᑎᓐᓂᒡᓗ ᐊᑕᓂᑦᑕ ᔩᓱᓯᐅᑉ ᑎᑭᕝᕕᒃᓴᖓᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:19 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:4

ᓄᓕᐊᑦᓯᐊᕙᐅᔪᖅ ᐅᐃᖓᑕ ᓂᐊᖂᑎᒋᕚ, ᓄᓕᐊᕐᓕ ᑲᓐᖑᓇᕐᑐᒦᑎᑦᓯᔪᖅ ᐅᐃᖓᑕ ᓴᐅᓂᖏᓐᓂᒃ ᐊᐅᓂᕈᕐᑎᑦᓯᔪᑎᑐᑦ ᑍᒤᑉᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:13

ᐃᓱᐊᕐᑐᓂᒃ ᐅᖃᐅᓯᓖᑦ ᐊᖓᔪᖅᑳᕐᔪᐊᑉ ᖁᕕᐊᒋᕔᑦ, ᖁᕕᐊᒋᔭᖃᕐᐳᖅ ᓈᒻᒪᒃᑐᓂᒃ ᐅᖃᐅᓯᖃᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:6

ᐃᕐᖑᑕᕆᔭᐅᔪᑦ ᓂᐊᖂᑕᐅᕗᑦ ᐃᑦᑑᓕᕐᑐᓄᑦ, ᕿᑐᕐᖓᐅᔪᓪᓗ ᓂᕐᑐᐊᖑᓂᖓ ᐊᑖᑕᖓᓂᑦ ᐱᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:9

ᑖᑦᓱᒪ ᓂᐊᖂᓯᕐᓂᐊᕐᐹᑎᑦ ᑕᑯᒥᓇᕐᑐᕐᔪᐊᕐᒥᒃ, ᐊᖓᔪᖅᑳᕐᔪᐊᕐᓯᐅᑎᒥᒡᓗ ᓂᐊᖁᕐᒥᐅᑦᓯᕐᓂᐊᕐᐹᑎᑦ.”

ᐂᓮᐊᓯᐅᑉ ᐊᒡᓚᖏᑦ 62:3

ᓂᐊᖂᑎᐅᔪᒫᕐᐳᓯ ᓂᕐᑐᕐᓇᐅᑎᒧᑦ ᐊᑕᓂᐅᑉ ᐊᒡᒐᖏᓐᓂ, ᐊᖓᔪᖅᑳᕐᔪᐊᕐᓯᐅᑕᐅᓗᓯ ᓇᓴᕆᔭᐅᔪᒫᕐᐳᓯ ᒎᑎᑦᓯ ᐊᒡᒐᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᔪᐊᓇᓯᐅᑉ ᐊᒡᓚᖏᑦ 21:22

ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:23

ᑕᒪᕐᒥᒡᓕ ᐊᑐᓂᑦ ᐱᕕᒃᓴᒥᒍᑦ ᑐᖓᓕᕇᒋᐊᖃᕐᓂᕆᔭᑎᒃ ᒪᓕᒡᓗᒍ ᒪᑭᑎᑕᐅᔪᒫᕐᐳᑦ: ᙭ᔅᑑᓯ ᓯᕗᓪᓕᕐᐸᐅᓯᒪᖕᒪᑦ; ᑭᖑᓂᖓᒍᑦ ᙭ᔅᑑᓯ ᑎᑭᑉᐸᑦ ᐱᒋᔭᖏᑦ ᒪᑭᑦᓱᒫᕆᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:14

ᐃᓔᓐᓇᖓᓂᒃ ᐅᕙᑦᑎᓐᓂᒃ ᑐᑭᓯᓯᒪᒐᑦᓯ, ᑐᑭᓯᓂᑦᓯᒍᑦ ᐅᕙᑦᑎᓐᓂᒃ ᖁᕕᐊᓱᒍᑎᖃᖁᓪᓗᓯ, ᐅᕙᒍᑦᑕᐅᖅ ᐃᓕᑦᓯᓐᓂᒃ ᖁᕕᐊᓱᒍᑎᖃᕈᓐᓇᖁᓪᓗᑕ, ᐊᑕᓂᑦᑕ ᔩᓱᓯᐅᑉ ᐅᓪᓗᒃᓴᖓᓂ.

ᐱᓕᐱᒥᐅᓄᑦ 2:16

ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.

ᐱᓕᐱᒥᐅᓄᑦ 4:1

ᑍᒤᒻᒪᑦ ᐅᒃᐱᕐᑑᖃᑎᒃᑲ, ᓇᒡᓕᒋᕙᑦᓯ ᐅᖓᒋᓪᓗᓯᓗ, ᐃᓕᑦᓯᓐᓄᑦ ᖁᕕᐊᓱᒃᑎᑕᐅᓯᒪᕗᖓ ᐅᐱᒋᒻᒪᕆᒃᐸᑦᓯᓗ, ᑍᒫᒃ ᓱᖁᓯᕐᑍᓕᒋᑦᓯ ᐃᓅᓯᑦᓯᓐᓂ ᐊᑕᓂᕐᒥ, ᓇᒡᓕᒋᔭᒃᑳ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:20

ᐃᓕᑦᓯᓐᓂ ᐅᐱᒍᓲᑎᖃᒻᒪᕆᒃᐳᒍᑦ ᖁᕕᐊᒋᔭᖃᕐᓗᑕᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13

ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:15

ᒫᓐᓇᓕ ᐅᖃᐅᑦᔨᓕᕐᐳᒍᑦ ᐃᓕᑦᓯᓐᓂᒃ ᐊᑕᓂᕐᒥᑦ ᐱᔪᓂᒃ, ᐅᕙᒍᑦ ᐃᓅᔪᒍᑦ ᐃᓅᑎᓪᓗᑕ ᓱᓕ ᐊᑕᓂᖅ ᑎᑭᓕᕐᐸᑦ, ᑐᖁᖓᔪᓂᒃ ᓯᕗᓕᐅᕆᔪᒫᓐᖏᓚᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:23

ᒎᑎᐅᑉ ᓮᒪᓂᕐᑖᕐᑎᑦᓯᔫᑉ ᐃᑦᔪᕐᓁᑎᓪᓕᓯ ᐃᓘᓐᓈᒍᑦ ᐃᓗᑦᓯᒍᑦ; ᐊᓂᕐᓂᑦᓯᒍᑦ ᑕᕐᓂᑦᓯᒍᑦ ᑎᒥᑦᓯᒍᓪᓗ ᓴᐳᑎᑦᓮᓐᓇᕐᓕᓯ ᐸᓯᔭᒃᓴᐅᓂᖃᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑎᑭᕝᕕᐊᓂ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:4

ᑍᒤᒻᒪᑦ ᑕᕝᕙ ᐅᕙᒍᑦ ᓇᖕᒥᓂᖅ ᓂᕐᑑᑎᑦᔪᑎᖃᕐᐸᒃᐳᒍᑦ ᐃᓕᑦᓯᓐᓂᒃ ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᕿᓄᐃᓵᕐᓂᕐᒥᒃ ᐅᒃᐱᕐᓂᖃᑦᓯᐊᕐᓂᕐᒥᒡᓗ ᑲᔪᓯᑦᓯᐊᓚᐅᕋᑦᓯ ᐊᑭᕋᕐᑐᕐᑕᐅᒐᓗᐊᕐᑎᓪᓗᓯ ᐅᑯᒤᒃᓴᕐᑎᑕᐅᑎᓪᓗᓯᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:7

ᐃᓕᑦᓯᓕ ᐊᒃᓱᕈᕐᓇᕐᑐᑰᕐᑎᑕᐅᓂᓯᓂᒃ ᐊᓂᒍᐃᑎᑕᐅᓂᐊᕐᐳᓯ ᐅᕙᒍᓪᓗᑕᐅᖅ, ᑕᒪᑐᒥᖓ ᐱᓇᓱᐊᕈᒫᕐᐳᖅ ᐊᑕᓂᖅ ᔩᓱᓯᐅᑉ ᓴᖅᑭᑉᕕᖓᓂ ᕿᓚᖕᒥᑦ ᐂᖏᓕᖁᑎᓂ ᐱᔪᓐᓇᕐᑐᕐᔪᐊᑦ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:1

ᐊᑕᓂᑦᑕᓕ ᔩᓱᓯ ᙭ᔅᑑᓯᐅᑉ ᑎᑭᕝᕕᒃᓴᖓᓂᒃ ᑲᑎᕐᓱᑕᐅᔪᒫᕐᓂᑦᑎᓐᓂᒃ ᓇᔪᕐᓂᐊᓕᕐᓗᒍ, ᖃᑕᓐᖑᑎᒃᑲ ᕿᓄᕕᒋᕙᑦᓯ,

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᔧᒥᓯᐅᑉ ᐊᒡᓚᖏᑦ 5:7

ᑍᒤᒻᒪᑦ ᐅᒃᐱᖃᑎᒃᑲ, ᕿᓄᐃᓵᕆᑦᓯ ᐊᑕᓂᖅ ᑎᑭᑦᓯᐊᕆᓗᒍ. ᑕᑯᒋᑦ ᐱᕈᕐᓰᕕᓕᕆᔨᐅᑉ ᕿᓄᐃᓵᕐᓗᓂ ᐱᕈᕐᑐᐃᑦ ᑕᑯᒥᓇᕐᑐᑦ ᐱᕈᕐᓯᐊᕆᕔᑦ, ᕿᓄᐃᓵᕐᓗᓂ ᐅᑕᖅᑭᕗᖅ ᐅᐱᕐᖔᒃᑯᑦ ᐅᑭᐊᒃᓵᒃᑯᓪᓗ ᓯᓚᓗᖕᓂᐅᕙᒃᑐᓂᒃ.

ᔧᒥᓯᐅᑉ ᐊᒡᓚᖏᑦ 5:8

ᐃᓕᑦᓯᑦᑕᐅᖅ ᕿᓄᐃᓵᕐᑐᒃᓴᐅᕗᓯ. ᓂᕆᐅᖕᓂᖃᕐᓗᓯ ᐆᒻᒪᑎᑦᓯᒍᑦ ᐊᑕᓂᐅᑉ ᑎᑭᕝᕕᒃᓴᖓ ᖃᓂᑦᑑᓕᕐᒪᑦ.

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᐲᑦᑐᕉᓯ ᐂᑉᐸᖏᑦ 1:16

ᐅᓂᒃᑲᐅᓯᑐᐃᓐᓇᕐᓂᒃ ᒪᓕᓚᐅᓐᖏᓚᒍᑦ ᐃᓕᑦᓯᓐᓄᑦ ᐅᖃᐅᓯᖃᕐᑎᓪᓗᑕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᔪᓐᓇᕐᓂᖃᕐᓗᓂ ᑎᑭᑦᓱᒫᕐᓂᖓᓂᒃ, ᓇᖕᒥᓂᖅ ᑕᑯᓯᒪᒐᑦᑎᒍ ᑕᑯᒥᓇᕐᓂᕐᔪᐊᖓ.

ᐲᑦᑐᕉᓯ ᐂᑉᐸᖏᑦ 3:4

ᐅᖃᕐᓗᑎᒡᓗ, “ᓇᐅᒡᓕ ᐊᖏᕐᓯᒪᔪᖅ ᑎᑭᓐᓂᐊᕐᓂᕋᕐᓗᓂ? ᓯᕗᓕᕗᑦ ᑐᖁᓯᒪᓕᕐᐳᑦ, ᓱᓇᑐᐃᓐᓁᑦ ᓱᓕ ᓱᖁᓯᕐᓯᒪᓐᖏᓚᑦ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓚᐅᕐᓂᖓᓂᑦ.”

ᔪᐊᓇᓯ ᓯᕗᓪᓖᑦ 2:28

ᒫᓐᓇᓗ ᕿᑐᕐᖓᒃᑲ, ᑖᑦᓱᒪᓃᑦᓮᓐᓇᕆᑦᓯ, ᑖᓐᓇ ᓴᖅᑭᑉᐸᑦ ᓯᕘᕋᑦᔪᑎᒃᓴᖃᖁᓇᑕ ᑲᓐᖑᓲᑎᒃᓴᖃᖁᓇᑕᓗ ᑖᑦᓱᒪ ᑎᑭᕝᕕᐊᓂ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:12

ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.