ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 44:16

“ᐊᑕᓂᐅᑉ ᐊᑎᖓᓂ ᐅᖃᐅᓯᕆᔭᑎᑦ ᓈᓚᖕᓂᐊᓐᖏᓚᕗᑦ,

ᕼᐊᒊᑉ ᐊᒡᓚᖏᑦ 1:12

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔮᓱᐊᓗ ᔨᕼᐅᔭᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᐃᑦ ᓈᓚᓚᐅᕐᐳᑦ ᐊᑕᓂᐅᑉ ᒎᑎᖓᑦᑕ ᓂᐱᖓᓂᒃ, ᕼᐊᒊᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓂᒃ, ᐊᑕᓂᐅᑉ ᑖᓐᓇ ᑎᓕᓚᐅᕐᒪᒍ, ᐃᓄᐃᓪᓗ ᓯᕘᕋᓕᕐᐳᑦ ᐊᑕᓂᐅᑉ ᓇᔫᑎᓂᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 10:20

ᐅᖃᐅᓯᕆᔭᓯ ᐃᓕᑦᓯᓐᓂᑦ ᐱᓂᐊᖏᒻᒪᑕ; ᐊᑖᑕᑦᓯᓕ ᐊᓂᕐᓂᖓᓂᑦ ᐱᔪᒫᕐᐳᑦ, ᐅᖃᓪᓚᒍᒫᕐᒪᑦ ᐃᓕᑦᓯᑎᒍᑦ.

ᒫᑎᐅᓯᐅᑉ ᐊᒡᓚᖏᑦ 10:40

“ᐃᓕᑦᓯᓐᓂᒃ ᐃᓚᓕᐅᕐᓯᔪᖅ ᐅᕙᓐᓂᒃ ᐃᓚᓕᐅᕐᓯᕗᖅ; ᐅᕙᓐᓂᒡᓗ ᐃᓚᓕᐅᕐᓯᔪᖅ ᑎᓕᔨᓐᓂᒃ ᐃᓚᓕᐅᕐᓯᕗᖅ.

ᓘᑲᓯᐅᑉ ᐊᒡᓚᖏᑦ 11:28

ᔩᓱᓯ ᐅᖃᕐᐳᖅ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᑦᓯᐊᕐᓗᒋᓪᓗ!”

ᓘᑲᓯᐅᑉ ᐊᒡᓚᖏᑦ 5:1

ᐅᓪᓗᐃᑦ ᐃᓚᖓᓐᓂᒃ ᔩᓱᓯ ᑕᓯᐅᑉ ᒋᓂᓴᕇᑎᐅᑉ ᓯᓈᓂ ᓇᖏᕐᑎᓪᓗᒍ, ᐃᓄᐃᑦ ᐃᓂᖃᕈᓐᓃᕐᑎᓕᕐᐹᑦ ᐃᒪᐅᑉ ᑭᒡᓕᖓᓂ, ᑐᓴᕈᒪᓪᓗᑎᒃ ᒎᑎᐅᑉ ᐅᖃᐅᓯᖏᓐᓂᒃ.

ᓘᑲᓯᐅᑉ ᐊᒡᓚᖏᑦ 8:11

“ᐊᑦᔨᐅᔪᖅ ᐃᒫᒃ ᑐᑭᖃᕐᐳᖅ: ᐱᕈᕐᓯᐊᒃᓴᑦ, ᑕᕝᕙ ᒎᑎᐅᑉ ᐅᖃᐅᓯᖏᑦ.

ᓘᑲᓯᐅᑉ ᐊᒡᓚᖏᑦ 8:21

ᔩᓱᓯᐅᑉ ᐅᖃᐅᑎᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᒡᓗᒋᓪᓗ, ᑖᒃᑯᐊ ᐊᓈᓇᒋᕙᒃᑲ ᖃᑕᓐᖑᑎᒋᓪᓗᒋᓪᓗ.”

ᔪᐊᓇᓯᐅᑉ ᐊᒡᓚᖏᑦ 15:3

ᐃᓕᑦᓯᓕ ᓴᓗᒻᒪᕐᓴᕐᑕᐅᔭᕇᕐᐳᓯ ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐱᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 17:17

ᐃᑦᔪᕐᓁᑎᒃᑭᑦ ᓱᓕᓂᕐᓄᑦ; ᐅᖃᐅᓯᕐᑎᑦ ᓱᓕᖕᒪᑕ.

ᔪᐊᓇᓯᐅᑉ ᐊᒡᓚᖏᑦ 17:19

ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:33

ᑍᒤᒻᒪᑦ ᑕᕝᕔᓐᓇᖅ ᕾᖁᔭᐅᖁᓕᓚᐅᕐᐸᒋᑦ, ᖁᔭᓕᕗᒍᑦ ᕾᔪᓐᓇᕋᕕᑦ, ᒫᓐᓇ ᑍᒤᒻᒪᑦ ᐅᕙᓃᑉᐳᒍᑦ ᒎᑎᐅᑉ ᓵᖓᓂ, ᑐᓴᕈᒪᓪᓗᑕ ᐊᑕᓂᐅᑉ ᐅᖃᐅᓯᕆᔭᐅᖁᔭᖏᓐᓂᒃ ᐊᖅᑯᑎᒋᔭᐅᓗᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:48

ᔫᑎᐅᖏᑦᑐᓪᓕ ᑕᒪᑐᒥᖓ ᑐᓴᕋᒥᒃ ᖁᕕᐊᓱᒃᑐᐊᓘᕗᑦ, ᐊᑕᓂᖅ ᓂᕐᑐᕐᐹᑦ ᐅᖃᐅᓯᖏᑦ ᐱᓪᓗᒋᑦ; ᐃᓄᓯᕐᒥᒃ ᓄᖑᓱᐃᑦᑐᒥᒃ ᐱᑎᑕᐅᒐᒥᒃ ᐅᒃᐱᓕᕐᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:14

ᑖᒃᑯᐊ ᐃᓚᖓᑦ ᓈᓚᒃᑐᖅ ᓖᑎᐊᒥ ᐊᑎᓕᒃ ᑍᐊᑍᕋᒥᐅᖅ, ᐊᓐᓄᕌᒃᓴᓂᒃ ᐊᐅᐸᓪᓚᕆᒃᑐᓂᒃ ᐱᐅᔪᓂᒃ ᓂᐅᕕᐊᒃᓴᖁᑎᓕᒃ, ᒎᑎᒧᑦ ᑐᒃᓯᐊᖃᑦᑕᕐᑐᖅ. ᓖᑎᐊᑉ ᐆᒻᒪᑎᖓ ᐊᑕᓂᐅᑉ ᒪᑐᐃᕐᐹ ᐸᐅᓗᓯᐅᑉ ᐅᖃᐅᓯᖏᓐᓂᒃ ᓈᓚᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 17:11

ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 17:32

ᑖᒃᑯᐊ ᑐᓴᕋᒥᒃ ᑐᖁᖓᔪᑦ ᒪᑭᓐᓂᒃᓴᖓᓐᓂᒃ, ᐃᓚᖏᑦ ᒥᑕᐅᑎᖃᕐᐳᑦ; ᐃᓚᖏᓪᓕ ᐅᖃᕐᐳᑦ, “ᑕᒪᑐᒥᖓ ᐅᖃᐅᓯᖃᕐᑎᓪᓗᑎᑦ ᑐᓴᒃᑲᓐᓂᕈᒪᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:41

ᑕᕝᕙ ᐊᒥᓱᑦ ᐅᖃᐅᓯᖏᓐᓂᒃ ᐅᒃᐱᓕᕐᑐᑦ ᐹᑉᑎᑕᐅᕗᑦ, ᐅᓪᓗᒥ ᑕᕝᕙᓂ ᐅᒃᐱᕐᑐᓄᑦ ᐃᓚᓕᐅᑎᔪᑦ 3,000 ᖃᓂᒋᔮᓃᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:14

ᐋᐴᓯᑕᓖᑦ ᔨᕉᓴᓕᒻᒦᑦᑐᑦ ᑐᓴᕋᒥᒃ ᓴᒥᐊᕆᐊᕐᒥᐅᑦ ᒎᑎᐅᑉ ᐅᖃᐅᓯᖏᓐᓂᒃ ᐃᓚᓕᐅᕐᓯᓕᕐᒪᑕ, ᑎᓕᓯᕗᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ.

ᕉᒪᒥᐅᓄᑦ 10:17

ᑕᕝᕙ ᐅᒃᐱᕐᓂᖅ ᐱᒋᐊᕐᐳᖅ ᑐᓴᕐᑎᑕᐅᓂᒃᑯᑦ, ᑐᓴᕐᑎᑕᐅᓂᕐᓗ ᐱᒋᐊᕐᐳᖅ ᙭ᔅᑑᓯᐅᑉ ᐊᔪᕆᕐᑐᐃᑦᔪᑕᐅᓂᖓᓂᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᒐᓔᑎᐊᒥᐅᓄᑦ 4:14

ᑎᒥᒪ ᐊᑲᕐᕆᖏᓐᓂᖓ ᐊᒃᓱᕉᑎᒋᒐᓗᐊᕐᓗᓯᐅᒃ, ᖁᔭᓈᓚᐅᓐᖏᓚᑦᓯᓐᖓ ᓇᕐᕈᒋᓇᖓᓗ, ᒎᑎᐅᓪᓕ ᐂᖏᓕᖏᑎᑐᑦ ᕿᓚᖕᒥᑦ ᑎᑭᑦᑐᑎᑐᑦ ᑐᓐᖓᓱᒃᑎᓚᐅᕐᐸᑦᓯᓐᖓ, ᙭ᔅᑑᓯ ᔩᓱᓯᑐᑦ ᐊᒡᓛᑦ.

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᐄᑉᕈᐃᓄᑦ 4:12

ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.

ᐄᑉᕈᐃᓄᑦ 4:2

ᐅᕙᒍᑦᑕᐅᖅ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑐᓴᕐᑎᑕᐅᓯᒪᒐᑦᑕ ᑍᒃᑯᑎᑐᓇᖅ; ᑍᒃᑯᐊᓕ ᑐᓴᕐᑕᒥᖕᓂᒃ ᐱᕙᓪᓕᕈᑎᖃᓚᐅᓐᖏᓚᑦ, ᑐᓴᕐᑎᓪᓗᒋᑦ ᐃᓚᓕᐅᕐᓯᓚᐅᖏᒻᒪᑕ ᐅᒃᐱᕐᓂᑯᑦ.

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᐲᑦᑐᕉᓯ ᓯᕗᓪᓖᑦ 1:23

ᓄᑖᒥᒃ ᐃᕐᓂᐊᖑᓯᒪᒐᑦᓯ, ᐊᓯᕈᕐᓂᐊᕐᑐᒥᐅᖏᑦᑐᖅ ᕿᑐᕐᖓᕐᑖᖑᓪᓗᓯ, ᐊᓯᕈᕐᓂᐊᖏᑦᑐᒥᒡᓕ, ᒎᑎᐅᑉ ᐅᖃᐅᓯᖓᒍᑦ ᐆᒪᔪᒃᑯᑦ ᐃᓱᖃᖏᑦᑐᒃᑯᓪᓗ.

ᐲᑦᑐᕉᓯ ᓯᕗᓪᓖᑦ 1:25

ᐊᑕᓂᐅᓪᓕ ᐅᖃᐅᓯᖓ ᓱᖁᓯᕐᓂᐊᓐᖏᓚᖅ ᐃᓱᖃᖏᑦᑐᒧᑦ.” ᐅᖃᐅᓯᕐᓗ ᑕᒪᑦᔭ ᐊᔪᕆᕐᑐᐃᑦᔪᑕᐅᓚᐅᕐᑐᖅ ᐃᓕᑦᓯᓐᓄᑦ.

ᐲᑦᑐᕉᓯ ᓯᕗᓪᓖᑦ 2:2

ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,

ᐲᑦᑐᕉᓯ ᐂᑉᐸᖏᑦ 3:2

ᐃᖅᑬᖁᕙᑦᓯ ᐅᖃᐅᓯᕆᔭᐅᓯᒪᔪᓂᒃ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ, ᐱᖁᔭᐅᓚᐅᕐᑐᓂᒡᓗ ᐊᑕᓂᑦᑎᓐᓄᑦ ᐱᐅᓕᔨᑦᑎᓐᓄᓪᓗ ᐃᓕᑦᓯᓐᓄᑦ ᑐᓂᔭᐅᓚᐅᕐᑐᓂᒃ ᐋᐴᓯᑕᓕᖁᑎᑦᓯᒍᑦ.

ᔪᐊᓇᓯ ᓯᕗᓪᓖᑦ 3:3

ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.