ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12 Iomraidhean Croise

ᒨᓯᓯ ᓯᕗᓪᓖᑦ 5:22

ᐃᓅᑭ ᒎᑎᒥᒃ ᐃᓅᖃᑎᖃᓚᐅᕐᐳᖅ ᒥᑑᓴᓚᐅᑉ ᐃᓅᓂᖓᑕ ᑭᖑᓂᖓᓂ ᐊᕐᕌᒍᓂᒃ 300ᓂᒃ, ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

ᑯᕉᓂᑲ ᐂᑉᐸᖏᑦ 17:4

ᐊᑖᑕᖓᑕᓕ ᒎᑎᖓᓂᒃ ᑕᑎᖃᓚᐅᕐᐳᖅ ᐱᖁᔭᖏᓐᓂᒡᓗ ᒪᓕᒡᓗᓂ, ᐃᓴᕆᐊᓕᒥᐅᑉ ᐱᓂᐊᕐᓂᖏᑦ ᒪᓕᖕᓇᒋᑦ.

ᕉᒪᒥᐅᓄᑦ 8:28

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᕉᒪᒥᐅᓄᑦ 8:30

ᓯᕗᓂᖓᒍᓪᓗ ᓂᕈᐊᕐᓯᒪᔭᓂ ᕾᖁᓚᐅᕆᕔᑦ; ᕾᖁᔭᓂᓗ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ; ᐸᓯᔭᒃᓴᐅᔪᓐᓃᕐᑎᑕᓂᓗ ᓂᕐᑐᕐᓇᕐᓂᕐᒥᓂᒃ ᐃᓚᖏᐅᑎᑎᓚᐅᕆᕔᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:9

ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᒐᓔᑎᐊᒥᐅᓄᑦ 5:16

ᐅᖃᕐᐳᖓᓕ, ᐊᓂᕐᓂᒃᑯᑦ ᐃᓅᓚᐅᕆᑦᓯ, ᑕᕝᕙ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᓂᐊᓐᖏᓚᓯ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑯᓘᓯᐊᒥᐅᓄᑦ 2:6

᙭ᔅᑑᓯ ᔩᓱᓯᒥᒃ ᐃᓚᓕᐅᕆᓯᒪᓕᕋᑦᓯ ᐊᑕᓂᕆᔪᒪᓕᕐᓗᒍ, ᑍᒤᒻᒪᑦ ᐃᓅᔪᒃᓴᐅᓕᕐᐳᓯ ᑖᑦᓱᒪᓃᓪᓗᓯ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:12

ᑍᒤᓕᐅᕐᑎᓪᓗᓯ ᑕᕝᕙ ᐃᒃᐱᒋᔭᐅᑦᓯᐊᕈᓐᓇᕐᓯᓂᐊᕐᐳᓯ ᐅᒃᐱᖏᑦᑐᓄᑦ, ᐊᓯᑦᓯᓐᓄᑦ ᐅᑕᖅᑭᑐᐃᓐᓇᕐᓂᐊᓐᖏᓚᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:24

ᑖᓐᓇ ᐃᓕᑦᓯᓐᓂᒃ ᕾᖁᔨᓚᐅᕐᑐᖅ ᓱᖁᓯᔪᐃᑦᑑᒐᒥ, ᑖᑦᓱᒪ ᑕᒪᓐᓇ ᐱᓇᓱᐊᕐᓂᐊᕐᐹ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:10

ᑎᑭᒃᑯᓂ ᐱᓐᓇᕐᓇᕐᑎᑕᐅᓗᓂ ᐅᐱᓐᓇᕐᑎᑕᐅᓗᓂ, ᐅᒃᐱᕈᓱᒃᑐᓕᒫᓂᓪᓗ ᑲᒪᓂᐊᕆᔭᐅᔪᒫᕐᐳᖅ, ᐃᓕᑦᓯᑦᑕᐅᖅ ᐃᓚᒋᔭᐅᔪᒫᕐᐳᓯ ᐅᖃᐅᓰᑦ ᓇᓗᓁᕐᓯᓂᕆᔭᕗᑦ ᐅᒃᐱᕆᓚᐅᕋᑦᓯᐅᒃ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᐲᑦᑐᕉᓯ ᐂᑉᐸᖏᑦ 1:3

ᒎᑎᐅᓂᖓᑕ ᐱᔪᓐᓇᓂᖓᓄᑦ ᑐᓂᓯᕕᒋᖕᒪᑎᒍᑦ ᑕᒤᓐᓂᒃ ᐃᓅᓯᕐᒥ ᐊᑐᕆᐊᖃᕐᑕᑦᑎᓐᓂᒃ ᐱᐅᔪᓂᒃ, ᑖᑦᓱᒥᖓ ᖃᐅᔨᑎᑕᐅᓂᑦᑎᒍᑦ ᕾᖁᓚᐅᕐᒪᑎᒍᑦ ᓇᖕᒥᓂᖅ ᐱᓐᓇᕐᓇᕐᓂᕐᒥᒍᑦ ᐱᑦᓯᐊᕐᓂᕐᒥᒍᓪᓗ.

ᔪᐊᓇᓯ ᓯᕗᓪᓖᑦ 2:6

ᓇᓪᓕᐊᑦ ᑖᑦᓱᒪᓃᓂᕋᕐᑐᖅ ᐃᓅᔪᒃᓴᐅᕗᖅ ᑖᑦᓱᒪ ᐃᓕᖅᑯᓯᕆᓚᐅᕐᑕᖓᑐᑦ.

ᔪᐊᓇᓯᐅᑉ ᐱᖓᔪᖏᑦ 1:6

ᑖᒃᑯᐊ ᐅᖃᐅᓯᖃᓚᐅᕐᒪᑕ ᐅᒃᐱᕐᑑᖃᑎᖕᓄᑦ ᓇᒡᓕᖕᓂᖃᕐᓂᕐᓂᒃ. ᐊᐅᓪᓚᓕᕐᐸᑕᑦ ᐃᑲᔪᕐᓯᕋᔭᕋᕕᒋᑦ ᐃᓱᒫᓗᖏᓪᓗᑎᒃ ᐊᐅᓪᓚᓕᖁᓪᓗᒋᑦ ᒎᑎᐅᑉ ᐱᔪᒪᔭᖓ ᒪᓕᒃᓗᒍ.