ᓴᒧᐃᓕ ᓯᕗᓪᓖᑦ 9:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓴᐅᓕᓕ ᑭᐅᕗᖅ, “ᑕᑯᒋᑦ ᑖᑦᓱᒧᖓᓕ ᐂᒍᑦᑕ ᓱᓇᒦᒃ ᐂᑦᑑᑎᒃᓴᖃᕐᐱᑖ? ᓂᕿᖃᕈᓐᓃᕋᑦᑕ, ᐱᖁᑎᖃᕐᓇᑕᓗ ᓱᓇᒥᒡᓕ ᒎᑎᐅᑉ ᐃᓄᖁᑎᖓᓄᑦ ᑐᓂᓯᔪᓐᓇᕋᔭᕐᐱᑖ?”

ᓴᒧᐃᓕ ᓯᕗᓪᓖᑦ 9:7 Iomraidhean Croise

ᐊᑕᓃᑦ ᓯᕗᓪᓖᑦ 13:7

ᑕᕝᕙ ᐊᖓᔪᖅᑳᕐᔪᐊᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐅᖃᕐᐳᖅ, “ᐊᖏᕐᕋᖃᑎᒋᓕᓐᖓ ᓂᕆᔭᕐᑐᕐᓗᑎᓪᓗ, ᑕᕝᕙ ᐊᑭᓕᕐᓂᐊᕐᐸᒋᑦ.”

ᐊᑕᓃᑦ ᓯᕗᓪᓖᑦ 14:3

ᓂᐊᖂᔭᓂᒃ ᖁᓕᓂᒃ ᓇᒃᓴᕐᓗᑎᑦ, ᐸᐅᕐᖓᐅᔭᓕᒥᒃ ᓂᐊᖂᔭᒥᒃ, ᔭᕐᕋᕐᒥᒡᓗ ᕼᐊᓂᒥᒃ, ᑖᑦᓱᒧᓐᖓᐅᓗᑎᑦ, ᑖᑦᓱᒪ ᐅᖃᐅᑎᓛᕐᐹᑎᑦ ᓱᕈᓯᐅᑉ ᖃᓄᐃᑦᑐᒫᕐᓂᖓᓂᒃ.”

ᐊᑕᓃᑦ ᐂᑉᐸᖏᑦ 4:42

ᐊᖑᒻᒥᑦ ᑎᑭᑦᑐᖃᕐᐳᖅ ᐰᓕ-ᓴᓕᓴᒥᑦ, ᒎᑎᐅᑉ ᐃᓄᖁᑎᖓ ᑐᓂᓯᕕᒋᓪᓗᒍ ᓂᐊᖂᔭᒃᓴᓂᒃ ᓯᕗᓪᓕᕐᐹᒥᒃ ᐱᕈᕐᑐᕕᓂᕐᓂᒃ, ᐆᓯᒪᔪᓂᒃ ᓂᐊᖂᔭᓂᒃ ᐹᕐᓕᓂᒃ 20ᓂᒃ ᐱᕈᕇᕐᓯᒪᑦᓯᐊᕐᑐᓂᒡᓗ ᓂᐊᖂᔭᒃᓮᑦ ᓄᕗᖏᓐᓂᒃ ᐃᒃᐱᐊᕐᔪᖕᒦᑦᑐᓂᒃ, ᐃᓔᓴ ᐅᖃᕐᐳᖅ, “ᑖᒃᑯᐊ ᐃᓄᖕᓄᑦ ᑐᓂᔭᐅᓕᑦ ᓂᕆᓂᐊᕐᒪᑕ.”

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᐊᑕᓃᑦ ᐂᑉᐸᖏᑦ 5:5

ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᑎᕚ, “ᐃᓱᒪᕐᓱᕋᕕᑦ ᑕᐅᕗᓐᖓᐅᓂᐊᓕᕐᐳᑎᑦ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᑎᑎᕋᕐᕕᒋᓂᐊᕐᐸᕋ.” ᑕᕝᕙ ᓁᒪᓐ ᐊᐅᓪᓚᕐᐳᖅ ᓇᒃᓴᕐᓗᓂᓗ, 30,000ᓂᒃ ᓯᐅᓪᕕᕆᓂᒃ, 6,000ᓂᒃ ᑮᓇᐅᔭᓂᒃ ᒎᓗᓂᒃ, ᐊᓐᓄᕌᓂᒡᓗ 10ᐃᕐᑐᕐᓗᓂ ᐊᓯᑦᔨᖃᑦᑕᐅᑎᐅᓪᓗᐊᕐᑐᓂᒃ.

ᐊᑕᓃᑦ ᐂᑉᐸᖏᑦ 8:8

ᐃᑲᔪᕐᑎᒥ ᐃᓚᖓᑦ ᕼᐊᔧᐅᓪ ᐅᖃᐅᑎᕚ, “ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᑐᓂᕐᕈᑎᒃᓴᒡᒋᕐᓗᑎᑦ ᐂᓚᐅᕆᑦ ᖃᐅᔨᓇᓱᐊᕐᕕᒋᓂᐊᕋᕕᐅᒃ ᐋᖅᑭᓛᕐᒪᖔᕐᒪ ᐋᖅᑭᓛᖏᒻᒪᖔᕐᒪᓘᓐᓃᑦ.”

ᐊᑕᓃᑦ ᐂᑉᐸᖏᑦ 8:9

ᑕᕝᕙ ᕼᐊᔧᐅᓪ ᑳᒥᓕᖕᓂᒃ 40ᓂᒃ ᓇᖕᒥᕐᓱᐃᓚᐅᕐᐳᖅ ᐱᒃᑯᒥᓇᕐᓂᕐᐹᓂᒃ ᑕᒫᓯᑰᓯᒥᐅᓂᑦ ᐱᓯᒪᔪᓂᒃ ᐃᓔᓴᒧᐊᕐᓗᓂᓗ. ᕼᐊᓯᐊᓕᐅᑉ ᐃᓔᓴ ᑲᑎᒐᒥᐅᒃ, ᐅᖃᐅᑎᕚ, “ᐃᓄᖁᑏᑦ ᓯᕆᐊᒧᑦ ᐊᖓᔪᖅᑳᕐᔪᐊᖅ ᐱᓐᕼᐊᑖᑎᐅᑉ ᑎᓕᕚᖓ ᐊᐱᕆᖁᓪᓗᓂᖓ ᖃᓂᒻᒪᓯᕐᒥᓂᑦ ᐋᖅᑭᖕᓂᐊᕐᒪᖔᕐᒥ ᐋᖅᑭᑦᔮᔪᓐᓃᕐᒪᖔᕐᒥᓗ ᑐᑭᓯᔪᒪᓪᓗᓂ.”

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:18

ᐊᐅᓪᓚᕐᑍᓕᒋᑦ ᐅᕙᓐᖓᑦ ᐅᑎᓚᐅᖏᓐᓂᓐᓂ, ᑐᓂᕐᕈᑎᒃᓴᓐᓂᒃ ᐂᒃᓯᕐᓂᐊᕋᒪ, ᐃᓕᖕᓄᓪᓗ ᑐᓂᓗᒍ.” ᑖᑦᓱᒪ ᐅᖃᐅᑎᕚ, “ᐅᑕᖅᑭᓂᐊᕐᐸᒋᑦ ᐅᑎᖅᑳᕐᑎᓐᓇᒃ.”