ᓴᒧᐃᓕ ᓯᕗᓪᓖᑦ 8:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒪᓐᖓᓂᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕋᒃᑭᑦ, ᐅᓪᓗᒥᒧᑦ ᑎᑭᓪᓗᒍ, ᐅᕙᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᒎᑎᓐᖑᐊᓄᑦ, ᐃᓕᖕᓄᓪᓗ ᑍᒤᓕᐅᓕᕆᕗᑦ.

ᓴᒧᐃᓕ ᓯᕗᓪᓖᑦ 8:8 Iomraidhean Croise

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᒨᓯᓯ ᐂᑉᐸᖏᑦ 16:3

ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?”

ᒨᓯᓯ ᐂᑉᐸᖏᑦ 17:2

ᒨᓯᓯᒧᓪᓗ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᕆᐊᕐᑐᕐᐳᑦ ᐅᖃᕐᓗᑎᒡᓗ, “ᐃᒥᒐᒃᓴᑦᑎᓐᓂᒃ ᑐᓂᓯᕕᒋᓚᐅᕐᑎᒍᑦ.” ᒨᓯᓯᐅᓪᓗ ᑭᐅᕔᑦ, “ᓱᖕᒪᑦ ᓈᒻᒪᒃᓴᓐᖏᓚᓰ? ᓱᖕᒪᑦ ᐊᑕᓂᖅ ᐆᒃᑐᕐᐱᓯᐅᒃ?”

ᒨᓯᓯ ᐂᑉᐸᖏᑦ 32:1

ᐃᓄᐃᓪᓗ ᖃᐅᔨᓕᕋᒥᒃ ᒨᓯᓯ ᓱᓕ ᖃᖅᑲᒥᑦ ᐊᖅᑲᓚᐅᖏᓐᓂᖓᓂᒃ, ᐊᑯᓂᓗ ᑕᑉᐹᓃᓕᕐᒪᑦ ᐂᕉᓂᐅᑉ ᐊᕙᑖᓄᐊᕐᓗᑎᒃ ᐅᖃᕐᕕᒋᓕᕐᐹᑦ, “ᐃᓐᓇ ᒨᓯᓯ ᓇᓗᓇᕐᓯᖕᒪᑦ ᖃᓄᐃᓕᖓᓕᕐᒪᖔᑦ ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ, ᒎᑎᓕᐅᓚᐅᕆᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 34:14

ᐊᕐᕌᒍᑦ 7ᒋᓕᕌᖓᒍ ᐄᑉᕉᒥᐅᑕᐅᖃᑎᑦᓯᓐᓂᒃ ᐃᓱᒪᕐᓱᓕᕐᑎᑦᓯᖃᑦᑕᕐᑐᒃᓴᐅᕗᓯ ᓂᐅᕕᐊᕆᓪᓗᒍ ᓯᐊᓛᕐᑖᕆᓂᑯᑦᓯᓐᓂᒃ, ᐊᕐᕌᒍᓂᒃ ᐱᖓᓲᔪᕐᑐᓂᒃ ᐃᓕᑦᓯᓐᓂᑦ ᓯᐊᓛᕆᔭᐅᓂᑰᓯᒪᓕᑐᐊᕐᐸᑦ ᐃᓱᒪᕐᓱᓕᕐᑎᑕᒃᓴᕆᕙᓯ, ᑭᓯᐊᓂᓕ ᓯᕗᓕᓯ ᐅᕙᓐᓂᒃ ᓈᓚᓚᐅᓐᖏᓚᑦ ᑐᓴᕈᒪᓇᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 2:3

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑎᓕᕙᒋᑦ ᐃᓴᕆᐊᓕᒥᐅᓄᑦ, ᐃᓅᖃᑎᒌᒡᔪᐊᓄᑦ ᐊᑭᕋᕐᑐᕐᑎᓄᑦ, ᐅᕙᓐᓂᒃ ᐊᑭᕋᕐᑐᕐᑎᑐᖃᐅᒐᒥᒃ; ᑖᒃᑯᐊᓗ ᓯᕗᓕᕕᓂᖏᓪᓗ ᐅᕙᓐᓄᑦ ᐱᐅᖏᑦᑐᓕᓯᒪᕗᑦ ᐅᓪᓗᒥᒧᑦ ᐊᒡᓛᑦ ᑎᑭᓪᓗᒍ.

ᒨᓯᓯ ᓯᑕᒪᖏᑦ 16:41

ᖃᐅᑎᓪᓗᒍ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᓕᒫᑦ ᓈᒻᒪᒃᓴᕋᑎᒃ ᓂᓪᓕᐊᓚᐅᕐᐳᑦ ᒨᓯᓯᒧᑦ ᐂᕉᓂᒧᓪᓗ, ᐅᖃᕐᓗᑎᒃ, “ᑐᖁᑦᓯᔪᓯᒃ ᐊᑕᓂᐅᑉ ᐃᓄᖁᑎᖏᓐᓂᒃ.”

ᒨᓯᓯ ᑕᓪᓕᒪᖏᑦ 9:24

ᑍᒪᓐᖓᑦ ᐃᓕᑦᓯᓐᓂᒃ ᖃᐅᔨᒪᓕᓚᐅᕐᓂᓐᓂᑦ ᐊᑕᓂᕐᒥᒃ ᐊᑭᕋᕐᑐᐃᓐᓇᖃᑦᑕᕐᐳᓯ.

ᐃᓗᐊᕐᓮᔩᑦ ᐊᒡᓚᖏᑦ 13:1

ᓱᓕ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᑕᒃᑯᐊᓂ, ᐊᑕᓂᐅᓪᓗ ᑐᓂᓚᐅᕐᐰᑦ ᐱᓕᔅᑍᓂᒥᐅᓄᑦ ᐊᕐᕌᒍᓄᑦ 40ᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 2:20

ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐅᖃᕐᓗᓂᓗ, “ᐃᓅᖃᑎᒌᑦ ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓯᒪᔭᓐᓂᒃ ᐱᖁᔨᑦᔪᑎᒋᓚᐅᕐᑕᓐᓂᒃ ᓯᕗᓕᖏᓐᓄᑦ. ᓈᓚᒃᓯᒪᖏᓐᓂᖏᓐᓄᑦ ᐅᕙᓐᓂᒃ,

ᐃᓗᐊᕐᓮᔩᑦ ᐊᒡᓚᖏᑦ 4:1

ᐃᓴᕆᐊᓕᒥᐅᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᕐᒧᑦ. ᐃᕼᐅᑦ ᑐᖁᓂᖓᑕ ᑭᖑᓂᐊᒍᑦ.

ᐃᓗᐊᕐᓮᔩᑦ ᐊᒡᓚᖏᑦ 6:1

ᐃᓴᕆᐊᓕᐅᑉ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ, ᑍᒤᒻᒪᑦ ᒥᑎᐊᓂᒥᐅᓄᑦ ᐊᐅᓚᑕᐅᑎᓚᐅᕐᐰᑦ ᐊᕐᕌᒍᓂᒃ 7ᓂᒃ.

ᓴᒧᐃᓕ ᓯᕗᓪᓖᑦ 8:7

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᒪᓕᒃᑭᑦ ᐃᓄᐃᑦ ᐅᖃᐅᓯᕆᔭᖏᑦ ᐃᓕᖕᓄᑦ; ᐃᓕᖕᓂᒃ ᓇᕐᕈᓕᖏᒻᒪᑕ; ᐅᕙᓐᓂᒡᓕ ᓇᕐᕈᓕᕐᐳᑦ ᐊᖓᔪᖅᑳᕐᔪᐊᒥᖕᓂᒃ.

ᓴᒧᐃᓕ ᓯᕗᓪᓖᑦ 8:9

ᒫᓐᓇᓕ, ᑍᒤᒻᒪᑦ ᐅᖃᐅᓯᕆᔭᖏᑦ ᒪᓕᓕᒃᑭᑦ; ᑭᓯᐊᓂ ᓯᕘᕋᒋᔭᒃᓴᖏᓐᓂᒃ ᐃᓂᕐᑎᒻᒪᕆᖕᓂᐊᕐᐸᑎᑦ, ᐅᖃᐅᑎᑦᓯᐊᕐᓗᒋᓪᓗ ᐊᖓᔪᖅᑳᕐᔪᐊᑉ ᐱᐅᓯᕆᔭᕆᐊᖃᓛᕐᑕᖓᓂᒃ ᐊᐅᓚᑦᓯᓕᕈᓂ ᑖᒃᑯᓂᖓ.”