17 ᓰᐱᖁᑎᓯᓗ ᑕᓪᓕᒪᐅᔪᖏᑦ ᑎᒍᔪᒫᕐᐰᑦ, ᓯᐊᓛᕐᑖᕆᔪᒫᕐᐹᓯᓗ.
“ᐊᑖᑕᕕᑦ ᓲᓗᒨᓂᐅᑉ ᐊᒃᓱᕈᕐᓇᕐᑐᓂᒃ ᐱᓇᓱᐊᕐᑎᓚᐅᕐᐹᑎᒍᑦ. ᒫᓐᓇ ᑍᒤᒻᒪᑦ ᐅᖁᒤᑦᑐᑦ ᐊᒃᓱᕈᕈᑎᒋᓗᐊᕐᓯᒪᔭᕗᑦ ᐊᒃᓱᕈᕐᓇᓗᐊᕈᓐᓃᕐᑎᒃᑯᕕᒋᑦ, ᑕᕝᕙ ᐃᓕᖕᓂᒃ ᐱᔨᑦᓯᕐᓂᐊᕐᐳᒍᑦ.”
ᐂᑉᕋᕼᐋᒻᓗ ᑐᓂᕐᕈᓯᕐᕕᒋᓚᐅᕐᐹ ᓵᓚᖃᕐᓗᓂ ᐱᑖᕕᓂᖏᑕ ᑕᓪᓕᒪᐅᔪᕐᑐᖏᓐᓂᒃ. ᒥᓪᑭᓯᑎᐅᓪᓗ ᐊᑎᖓ ᑐᑭᖃᕐᐳᖅ “ᐊᖓᔪᖅᑳᕐᔪᐊᖅ ᓇᓛᒎᕐᓂᕐᒧᑦ”; ᓮᓕᒻᒥᓕ ᐊᖓᔪᖅᑳᕐᔪᐊᖑᓂᕐᒥᓄᑦ ᐊᑎᖓ ᑐᑭᖃᓚᐅᕆᕗᖅ “ᐊᖓᔪᖅᑳᕐᔪᐊᖅ ᓮᒻᒪᕐᑎᑦᓯᓂᕐᒧᑦ.”
ᓇᖏᕐᓗᓂ ᕾᒐᓛᕐᐳᖅ ᐃᓴᕆᐊᓕᒥᐅᑦ ᐅᓇᑕᕐᑎᖏᓐᓄᑦ, ᐅᖃᕐᓗᓂ, “ᖃᓄᐃᒻᒪᑦ ᓴᓂᓕᕇᒡᓗᓯ ᐅᓇᑕᕆᐊᕐᐱᓰ? ᐱᓕᔅᑍᓂᒥᐅᑕᐅᓐᖏᓚᖔ, ᓴᐅᓕᐅᑉ ᐱᔨᒋᓐᖏᓛᓰ? ᐊᖑᒻᒥᒃ ᓂᕈᐊᓕᕆᑦᓯ, ᐅᕙᓐᓄᑦ ᐅᓇᑕᕆᐊᕐᓂᐊᕐᑐᒥᒃ.
ᐱᔨᓯᓗ ᐊᖑᑎᑦ ᐊᕐᓁᓪᓗ ᑎᒍᔪᒫᕐᐰᑦ, ᐆᒪᔪᓪᓗ ᓂᕿᑦᓯᐊᕙᐅᓂᕐᐹᑦ ᓯᐅᑎᖅᑯᕐᑐᔪᖁᑎᓯᓗ ᐱᔪᒫᕐᐰᑦ, ᐱᓇᓱᐊᕐᑎᓕᕐᓗᒋᓪᓗ ᐃᒻᒥᓄᑦ.
ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ ᓈᒻᒪᒃᓴᖏᓐᓂᕐᒧᑦ ᓂᓪᓕᐊᔪᒫᕐᐳᓯ ᐊᖓᔪᖅᑳᕐᔪᐊᑦᓯᓐᓂᒃ, ᐃᓕᑦᓯ ᓇᖕᒥᓂᖅ ᓂᕈᐊᓚᐅᕐᑕᑦᓯᓐᓂᒃ; ᐊᑕᓂᐅᓪᓕ ᑭᐅᔪᒫᓐᖏᓛᓯ ᐅᓪᓗᒥ ᑍᑲᓂ.”
