ᓴᒧᐃᓕ ᓯᕗᓪᓖᑦ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙ ᓴᒧᐃᓕ ᑐᖁᑦᓯᕗᖅ ᓰᐱᐅᑉ ᓄᕐᕋᖓᓂᒃ ᐊᑕᖏᕐᓗᒍᓗ ᐃᑯᐊᓪᓚᒡᓗᒍ ᑐᓂᕐᕈᑎᒋᕚ ᐊᑕᓂᕐᒧᑦ; ᑐᒃᓯᐊᕐᐳᕐᓗ ᐊᑕᓂᕐᒧᑦ ᐃᓴᕆᐊᓕᒥᐅᑦ ᐃᑲᔪᕐᑕᐅᖁᓪᓗᒋᑦ, ᐊᑕᓂᐅᓪᓗ ᑭᐅᕚ ᑐᒃᓯᐊᕈᑎᖓᓂᒃ.

ᓴᒧᐃᓕ ᓯᕗᓪᓖᑦ 7:9 Iomraidhean Croise

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᒨᓯᓯ ᐱᖓᔪᖏᑦ 22:27

“ᐃᒻᒧᒃᓯᐅᒐᐅᑉ ᓄᕐᕋᖓ ᓰᐱᐅᓪᓘᓐᓃᑦ ᓄᕐᕋᖓ ᒎᑦᓯᐅᓪᓘᓐᓃᑦ ᓄᕐᕋᖓ ᐃᕐᓂᐊᖑᕋᑖᕐᑎᓪᓗᒍ, ᐊᓈᓇᒥᓃᑦᓴᕆᐊᖃᕐᐳᖅ ᐅᓪᓗᓂᒃ 7ᓂᒃ. ᐅᓪᓗᐃᓪᓕ 8ᖓᓂ ᐅᖓᑖᓂᓗ ᑕᕝᕙ ᐃᓚᓕᐅᕐᑕᐅᔪᓐᓇᕐᓯᕗᖅ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᒃᐸᑦ ᐊᑕᓂᕐᒧᑦ.

ᒨᓯᓯ ᑕᓪᓕᒪᖏᑦ 9:26

ᑐᒃᓯᐊᓚᐅᕐᐳᖓᓗ ᐊᑕᓂᕐᒧᑦ, ‘ᐊᑕᓃᖅ ᒎᑎᐅᔪᑎᑦ, ᓇᖕᒥᓂᖅ ᐃᓄᖁᑎᒋᔭᑎᑦ ᓄᖑᑎᓐᓂᐊᕐᓇᒋᑦ, ᑖᒃᑯᐊ ᓴᐳᑎᓚᐅᕐᑕᑎᑦ ᐊᐅᓪᓚᕐᑎᓚᐅᕐᑕᑎᓪᓗ ᐄᑦᔨᑉᑎᒥᑦ ᓴᓐᖏᓂᕐᔪᐊᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᐃᓗᐊᕐᓮᔩᑦ ᐊᒡᓚᖏᑦ 6:26

ᑐᓂᕐᕈᓯᕐᕕᖕᒥᒡᓗ ᓴᓇᒋᑦ ᐊᑕᓂᕐᒧᑦ ᒎᑎᖕᓄᑦ ᕿᒫᕕᐅᑉ ᖄᖓᓂ, ᐅᔭᕅᑦ ᐋᖅᑭᒃᓱᕐᓗᒋᑦ ᐋᖅᑭᒃᑎᒪᒋᐊᖃᕐᓂᖏᑦ ᒪᓕᑦᓯᐊᕐᓗᒋᑦ; ᐊᖑᓴᓪᓘᓪᓗ ᐂᑉᐸᖓ ᑎᒍᓗᒍ ᑐᓂᕐᕈᑎᒋᒍᒃ ᕿᔪᖃᕐᓗᑎᑦ ᓇᑲᓚᐅᕐᑕᕐᓂᒃ ᒎᑎᓐᖑᐊᑉ ᐊᓯᕋᐅᑉ ᓇᓗᓁᒃᑯᑕᖓᓂᑦ.”

ᐃᓗᐊᕐᓮᔩᑦ ᐊᒡᓚᖏᑦ 6:28

ᓄᓇᓕᖕᓃᑦᑐᓪᓕ ᐃᓄᐃᑦ ᐅᓪᓛᒻᒪᕆᒃᑯᑦ ᒪᑭᓐᓇᒥᒃ, ᑕᑯᕚᑦ ᐰᓕᒧᑦ ᑐᓂᕐᕈᓯᕐᕕᒃ ᓯᖁᑦᑎᕐᓯᒪᔪᖅ, ᐊᓯᕋᐅᓪᓗ ᓇᓗᓁᒃᑯᑕᖓ ᓴᓂᐊᓃᑦᑐᖅ ᓇᑲᓯᒪᔪᖅ ᐊᖑᓴᓪᓘᓪᓗ ᐂᑉᐸᖓ ᐃᑯᐊᓪᓚᒃᑕᐅᓯᒪᔪᖅ ᑐᓂᕐᕈᓯᕐᕕᓕᐊᖑᔪᕕᓂᕐᒥ.

ᓴᒧᐃᓕ ᓯᕗᓪᓖᑦ 10:8

ᐅᕙᓐᓂᑦ ᓯᕗᓪᓕᐅᓗᑎᑦ ᒋᐅᓪᒐᐅᓪᒧᐊᕐᑐᒃᓴᐅᕗᑎᑦ; ᑕᑯᒋᓪᓗ ᐃᓕᖕᓄᑦ ᕾᔪᒫᕐᐳᖓ ᑐᓂᕐᕈᓯᕆᐊᕐᓗᖓ ᐃᑯᐊᓪᓚᒐᒃᓴᓂᒃ ᓮᒪᓂᕐᒧᓪᓗ ᑐᓂᕐᕈᑎᒃᓴᓂᒃ. ᐅᓪᓗᓂᒃ 7ᓂᒃ ᐅᑕᖅᑭᔪᒃᓴᐅᕗᑎᑦ ᑕᕝᕙᓂ, ᕾᓚᐅᖏᓐᓂᓐᓂ ᖃᐅᔨᑎᑦᓯᔭᕐᑐᕐᓗᖓ ᖃᓄᐃᓕᐅᕐᑐᒃᓴᐅᖕᒪᖔᕐᐱᑦ.”

ᓴᒧᐃᓕ ᓯᕗᓪᓖᑦ 12:17

ᐅᓪᓗᒥ ᓂᐊᖂᔭᒃᓴᓂᒃ ᑲᑎᕐᓱᐃᕕᐅᓐᖏᓛᖅ? ᐊᑕᓂᖅ ᑐᒃᓯᐊᕐᕕᒋᓂᐊᕐᐸᕋ, ᑲᓪᓕᕐᑎᑦᓯᖁᓪᓗᒍ ᓯᓚᓗᒃᑎᑦᓯᖁᓪᓗᒍᓗ; ᑕᒪᓐᓇ ᑲᔪᓯᒃᐸᑦ, ᑕᑯᓗᓯᓗ ᖃᐅᔨᔪᒫᕐᐳᓯ ᐊᖏᔪᒥᒃ ᐊᔪᕐᑐᓕᓯᒪᓂᑦᓯᓐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᐊᑕᓂᐅᑉ ᓵᖓᓂ, ᐊᖓᔪᖅᑳᕐᔪᐊᕐᑖᕈᒪᓪᓗᓯ ᑐᒃᓯᐊᓚᐅᕋᑦᓯ.”

ᓴᒧᐃᓕ ᓯᕗᓪᓖᑦ 16:2

ᓴᒧᐃᓕᓗ ᐅᖃᕐᐳᖅ, “ᖃᓄᕐᓕ ᐊᐅᓪᓚᕈᓐᓇᕐᐳᖔ? ᓴᐅᓕ ᑐᓴᕈᓂ ᑐᖁᒃᑲᔭᕐᐹᖓ.” ᐊᑕᓂᕐᓗ ᐅᖃᕐᐳᖅ, “ᑐᒃᑐᕙᐅᑉ ᓄᕐᕋᖓᓂᒃ ᓇᒃᓴᕐᓗᑎᑦ, ᐅᖃᕐᑐᒃᓴᐅᕗᑎᑦ, ‘ᑎᑭᑉᐳᖓ ᑐᓂᕐᕈᓯᕆᐊᕐᑐᕐᓗᖓ ᐊᑕᓂᕐᒧᑦ.’

ᓴᒧᐃᓕ ᓯᕗᓪᓖᑦ 2:35

ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 7:17

ᐱᔭᕇᕌᖓᒥ ᐊᖏᕐᕋᖃᑦᑕᓚᐅᕆᕗᖅ ᕌᒪᒧᑦ, ᑕᕝᕙᓂ ᐊᖏᕐᕋᖃᕋᒥ, ᑕᕝᕙᓂᓗ ᐃᓴᕆᐊᓕᒥᐅᓄᑦ ᐃᓱᒪᓕᐅᕐᑎᒋᔭᐅᓚᐅᕐᐳᖅ, ᑕᕝᕙᓂᓗ ᑐᓂᕐᕈᓯᕐᕕᓕᐅᓚᐅᕐᐳᖅ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 9:12

ᑭᐅᕚᑦ, “ᐄ, ᑕᑯᒋᑦ ᐊᒡᓛᑦ ᓯᕗᓂᑦᑎᐊᑦᓯᓐᓃᑉᐳᖅ, ᑐᐊᕕᕈᑦᓯᒃ ᐊᖑᔪᓐᓇᕐᐸᓯᒃ; ᐃᒡᓗᒐᓴᖕᓄᐊᓕᓵᕐᒪᑦ ᐅᓪᓗᒥ ᑎᑭᖅᑲᐅᖕᒪᑦ, ᐃᓄᐃᑦ ᑐᓂᕐᕈᓯᖅᑲᐅᖕᒪᑕ ᐱᓪᓚᕆᐅᓂᕐᐹᒥ ᑐᓂᕐᕈᓯᕐᕕᖕᒥ.