15 ᓴᒧᐃᓕ ᐊᐅᓚᑦᓯᓚᐅᕐᐳᖅ ᐃᓴᕆᐊᓕᒥᐅᓂᒃ ᐃᓅᓂᓕᒫᒥᓂ.
ᐊᑕᓂᐅᓪᓕ ᑐᓂᓚᐅᕐᐰᑦ ᐃᓱᐊᕐᓮᔨᓂᒃ, ᑖᒃᑯᐊᓗ ᐱᐅᓕᒃᓯᓚᐅᕐᐳᑦ ᑎᒡᓕᒐᕐᑎᒋᔭᖏᓐᓂᑦ.
ᓴᒧᐃᓕᐅᓪᓗ ᐃᓴᕆᐊᓕᒥᐅᑦ ᐃᓄᖏᑦ ᐅᖃᐅᑎᓚᐅᕐᐰᑦ, “ᐱᔪᒪᔭᑦᓯᓐᓂᒃ ᐱᓇᓱᐊᓚᐅᕐᐳᖓ ᐊᖓᔪᖅᑳᕐᔪᐊᒥᒃ ᑐᓂᓯᕕᒋᓚᐅᕐᐸᑦᓯ ᐊᐅᓚᑦᓯᔨᐅᖁᓪᓗᒍ ᐃᓕᑦᓯᓐᓄᑦ.
ᐊᑕᓂᐅᓪᓗ ᑎᓕᓯᕕᒋᓚᐅᕐᐰᑦ ᔨᕈᐸᐅᓕᒥᒃ, ᐹᕋᒃᒥᒡᓗ, ᔨᑉᑕᒥᒡᓗ, ᓴᒧᐃᓕᒥᒡᓗ, ᑖᒃᑯᑎᒎᓇᖅ ᓴᐳᑎᓚᐅᕐᐹᓯ ᐊᑭᕋᓕᒫᑦᓯᓐᓂᑦ; ᐃᓅᓕᕐᓗᓯᓗ ᑲᑉᐱᐊᓇᖏᑦᑐᒥ.
ᓴᒧᐃᓕᓕ ᑐᖁᖕᒪᑦ; ᐃᓴᕆᐊᓕᒥᐅᓕᒫᑦ ᑲᑎᕗᑦ ᕿᒃᓴᐅᑎᒋᓪᓗᒍ. ᑭᖑᓂᖓᒍᓪᓗ ᐃᓗᕕᕐᐹᑦ ᐊᖏᕐᕋᖓᓂ ᕌᒪᒥ. ᑍᕕᑎᓗ ᓇᔪᕐᑕᒥᓂᑦ ᐊᐅᓪᓚᕐᐳᖅ ᐊᒻᒧᐊᒡᓗᓂᓗ ᐃᓄᖃᔪᐃᑦᑐᒧᑦ ᐸᕌᓂᒧᑦ.
ᐊᕐᕌᒍᑕᒫᑦ ᐂᖃᑦᑕᓚᐅᕐᐳᖅ ᓄᓇᓕᖕᓄᑦ ᐱᑎᓕᒧᑦ, ᒋᐅᓪᒐᐅᓪᒧᑦ, ᒥᔅᐸᒧᓪᓗ; ᑖᒃᑯᓇᓂᓗ ᐊᑲᐅᖏᑦᔪᑕᐅᔪᑦ ᐋᖅᑭᒃᓱᖃᑦᑕᓚᐅᕐᐰᑦ.
ᑍᒤᒻᒪᑦ ᑲᑎᓚᐅᕐᐳᑦ ᒥᔅᐸᒥ, ᐃᒪᕐᒥᒃ ᖃᓗᓯᓪᓗᑎᒃ ᑯᕕᓪᓗᒍᓗ ᐂᑦᑑᑎᒋᓚᐅᕐᐹᑦ ᐊᑕᓂᕐᒧᑦ, ᓂᕆᑦᑍᓕᓚᐅᕐᐳᓪᓗ ᐅᓪᓗᒥ ᑕᕝᕙᓂ, ᐅᖃᕐᓗᑎᒡᓗ, “ᐊᑕᓂᕐᒧᑦ ᐊᔪᕐᑐᓕᓚᐅᕐᐳᒍᑦ.” ᑕᕝᕙᓂᓗ ᒥᔅᐸᒥ ᓴᒧᐃᓕᐅᑉ ᐃᓴᕆᐊᓕᒥᐅᑦ ᐃᓗᐊᖏᑦᔪᑎᖏᓐᓂᑦ ᐃᓱᐊᕐᓯᑎᓚᐅᕐᐰᑦ.
